ವಿಶ್ವ ಕನ್ನಡಿಗ ನ್ಯೂಸ್

ವಿಶ್ವ ಕನ್ನಡಿಗ ನ್ಯೂಸ್ ನ ಹೊಸ ವಿಳಾಸ

2010-05-31T23:04:00.003+05:30

ಆತ್ಮೀಯ ಓದುಗರೇ ವಿಶ್ವ ಕನ್ನಡಿಗ ನ್ಯೂಸ್ ಓದಲು ಈ ಕೆಳಕಂಡ ಲಿಂಕ್ ಅನ್ನು ಕ್ಲಿಕ್ ಮಾಡಿರಿ...

http://www.vknewsz.com

ನಿಮ್ಮ ಸಹಕಾರ ನಿರಂತರ ನಮ್ಮೊಂದಿಗಿರಲಿ ....

- ವಿಶ್ವ ಕನ್ನಡಿಗರ ಒಕ್ಕೂಟ

ದಿಕ್ರ್ ಹಲ್ಕಾ ಕಾರ್ಯಕ್ರಮ

2010-05-31T17:14:00.000+05:30

ಅಬೂಧಾಬಿ: ಮಂಗಳೂರಿನ ಬಜ್ಪೆ ವಿಮಾನ ನಿಲ್ದಾನದಲ್ಲಿ ಸಂಭವಿಸಿದ ಭೀಕರ ವಿಮಾನ ಅಪಘಾತದಲ್ಲಿ ರಕ್ತ ಸಾಕ್ಷಿಗಳಾದ ಪ್ರವಾಸೀ ಸ್ನೇಹಿತರಿಗೆ ಅಬೂಧಾಬಿಯ ಖಾಲಿದಿಯಾ ಅಡ್ಕ ಫ್ಲಾಟ್ ನಲ್ಲಿ ದಿಕ್ರ್ ಹಲ್ಕಾ ಹಾಗೂ ಅನುಸ್ಮರಣಾ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು. ದಾರುಲ್ ಅಶ್ ಅರಿಯ ಸುರಿಬೈಲು, ದಾರುಲ್ ಇರ್ಷಾದ್ ಮಾಣಿ, ಅಲ್ ಮದೀನಾ ಮಂಜನಾಡಿ, ಅಲ್ ಮದೀನತುಲ್ ಮುನವ್ವರ ಸರಳೀಕಟ್ಟೆ, ಅಲ್ ಹುದಾ ತಂಬಿನಮಕ್ಕಿ, ಮರ್ಕಝುಲ್ ಹುದಾ ಕುಂಭ್ರ ಮುಂತಾದ ಸಂಘ ಸಂಸ್ಥೆಗಳು ಜಂಟಿಯಾಗಿ ಕಾರ್ಯಕ್ರಮವನ್ನು ಹಮ್ಮಿಕೊಂಡಿತ್ತು. ಕಾರ್ಯಕ್ರಮದ ಆದಿಯಲ್ಲಿ ಮೌಲಿದ್ ಪಾರಾಯಣ, 70,000 ತಹ್ ಲೀಲ್ ಹಾಗೂ ಖುರ್ ಆನ್ ಪಾರಾಯಣ ನಡೆಸಿ ಮ್ರತರಿಗೆ ಸಮರ್ಪಿಸಲಾಯಿತು.
ಕರ್ನಾಟಕದ ಸರ್ವ ಸುನ್ನೀ ಸಂಘ ಸಂಸ್ಥೆಗಳಲ್ಲಿ ಸಕ್ರೀಯವಾಗಿ ತನ್ನನ್ನು ತಾನು ತೊಡಗಿಸಿಕೊಡಿದ್ದ ಮರ್ ಹೂಂ ಕೆ. ಎಚ್. ಉಸ್ಮಾನ್ ಕಕ್ಕಿಂಜೆ ರವರು ವಿಮಾನ ಅಪಘಾತದಲ್ಲಿ ಇಹ ತ್ಯಜಿಸಿದ ಆದರ್ಶ ಸುನ್ನೀ ಕಾರ್ಯಕರ್ತರಾಗಿದ್ದರು.

ಕಾರ್ಯಕ್ರಮದ ಅದ್ಯಕ್ಷತೆಯನ್ನು ಕೇರಳ ಎಸ್ ವೈ ಎಸ್ ಅದ್ಯಕ್ಷ ಕೆ. ಟಿ. ಫೈಝಿ ಉಸ್ತಾದ್ ರವರು ವಹಿಸಿದ್ದರು. ನಂತರ ಅಬ್ದುಲ್ ಹಮೀದ್ ಸ ಅದಿ ಈಶ್ವರಮಂಗಿಲ ರವರು ಅನುಸ್ಮರಣಾ ಭಾಷಣ ನಿರ್ವಹಿಸಿದರು. ಕೆ ಎಚ್ ಉಸ್ಮಾನ್ ರವರ ಸುನ್ನೀ ಸ್ಪಿರಿಟನ್ನು ಕೊಂಡಾಡಿದ ಅವರು ಕಣ್ಣೀರಿಳಿಸುತ್ತಲೇ ಅವರ ಕ್ರಿಯಾಶೀಲತೆಯನ್ನು ಸಭೆಗೆ ಮನವರಿಕೆ ಮಾಡಿ ಕೊಟ್ಟರು. ನೈಜ ಅಹ್ಲು ಸ್ಸುನ್ನತಿ ವಲ್ ಜಮಾ ಅತಿನ ಆಶಯ ಆದರ್ಶಗಳನ್ನು ಪಾಲಿಸಿಕೊಂಡು ಬದುಕಿದರೆ ಸಿಗುವ ಲಾಭವೇ ಇಂಥಹ ಶುಭ ಕಾರ್ಯ ಕ್ರಮಗಳೆಂದು ಅವರು ನುಡಿದರು. ಇಂದು ಕಕ್ಕಿಂಜೆ ಉಸ್ಮಾನ್ ರವರಿಗೆ ಪ್ರಾರ್ಥಿಸಲು ಹಲವು ಸಂಘ ಸಂಸ್ಥೆಗಳಿವೆ ಕಾರಣ ಅವರು ಸುನ್ನತ್ ಜಮಾ ಅತಿನ ಸಕಲ ಕಾರ್ಯಕ್ರಮಗಳಲ್ಲೂ ಸಕ್ರೀಯವಾಗಿ ಪಾಲ್ಗೊಳ್ಳುತ್ತಿದ್ದರು. ಆದುದರಿಂದ ನಾವು ಸದಾ ಸುನ್ನತ್ ಜಮಾ ಅತಿನ ಆಶಯಗಳನ್ನೇ ಜೀವನದಲ್ಲಿ ಅಳವಡಿಸಿ ಜೀವನ ಸಾಗಿಸಿದರೆ ನಮ್ಮ ಪರಲೋಕ ವಿಜಯಕ್ಕೆ ಇಂಥಹ ಶುಭ ಕಾರ್ಯ ಕ್ರಮಗಳು ಹೇತುವಾಗುವುವು ಎಂದು ಅವರು ನುಡಿದರು.

ಬೆಳ್ತಂಗಡಿ ನಾಳ ಸಮೀಪ ಹೈದರಾಕ ಬೆಳ್ತಂಗಡಿಯವರು ತನ್ನ ತಾಯಿಯ ಹೆಸರಲ್ಲಿ ನಿರ್ಮಿಸುತ್ತಿರುವ ಮಸೀದಿಯ ಪಕ್ಕದಲ್ಲೇ ಕೆ. ಎಚ್. ಉಸ್ಮಾನ್ ರವರ ಹೆಸರಲ್ಲಿ ಮದ್ರಸಾ ಸಮುಚ್ಚಯ ನಿರ್ವಹಿಸುವುದಾಗಿ ಉಸ್ಮಾನ್ ರವರ ಆಪ್ತ ಮಿತ್ರರು ಸಭೆಗೆ ತಿಳಿಸಿದರು.

ವೇದಿಕೆಯಲ್ಲಿ ಮಹ್ಮೂದ್ ಸಖಾಫಿ ಬೈರಿಕಟ್ಟೆ, ಹಸೈನಾರ್ ಅಮಾನಿ ಸುಳ್ಯ, ಮುಹಮ್ಮದ್ ರಫೀಖ್ ಜೌಹರಿ ಅಳಿಕೆ, ಇಬ್ರಾಹೀಂ ಅರಬ್ ಮಾರ್ಬಲ್, ಅಬ್ದುಲ್ಲ ಹಾಜಿ ನಲ್ಕ, ಎನ್. ಕೆ. ಖಾದರ್ ಹಾಜಿ ಅಳಿಕೆ, ಹೈದರಾಕ ಬೆಳ್ತಂಗಡಿ, ಪಿ. ಎಮ್. ಎಚ್. ಈಶ್ವರಮಂಗಿಲ, ಮುಹಮ್ಮದ್ ಕುಂಞಿ ಹಾಜಿ ಅಡ್ಕ, ಸರ್ವ ಸಂಘ ಸಂಸ್ಥೆಗಳ ಪಧಾದಿಕಾರಿಗಳೂ, ಮಾಣಿ, ಸುರಿಬೈಲ್, ಮಂಜನಾಡಿ ರಿಸೀವರ್ ಗಳೂ ಹಾಗೂ ಇನ್ನಿತರ ಸುನ್ನೀ ಉಲಮಾ ಉಮರಾ ನೇತಾರರೂ ಪಾಲ್ಗೊಂಡಿದ್ದರು. ನೂರಕ್ಕೂ ಮಿಕ್ಕ ಕನ್ನಡಿಗರು ಆವೇಶಭರಿತರಾಗಿ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು ಮಾತ್ರವಲ್ಲದೆ ಕೇರಳದ ಹಲವು ಸುನ್ನೀ ನೇತಾರರೂ, ಕಾರ್ಯಕರ್ತರೂ, ಸ ಅದಿಯಾ, ಕಣ್ಣೂರ್, ಮಲಪ್ಪುರಂ ಎಸ್ ವೈ ಎಸ್ ಕಾರ್ಯಕರ್ತರೂ ಹಾಜರಿದ್ದರು.
ಕಾರ್ಯಕ್ರಮದ ಕೊನೆಯಲ್ಲಿ ಮ್ರತರ ಹೆಸರಲ್ಲಿ ತಬರ್ರುಕ್ ವಿತರಿಸಲಾಯಿತು. ಬಿ ಎಮ್ ರಫೀಖ್ ಅಳಿಕೆ ಯವರು ಕಾರ್ಯಕ್ರಮವನ್ನು ಸ್ವಾಗತಿಸಿ ವಂದಿಸಿದರು.

ಅಬುಧಾಬಿಯ ಇಐಎಫ್‌ಎಫ್ ವತಿಯಿ೦ದ ರಕ್ತದಾನ ಶಿಬಿರ

2010-05-31T17:12:00.001+05:30

ಶೇಖ್ ಖಲೀಫಾ ಮೆಡಿಕಲ್ ಸೆ೦ಟರ್‌ನ ಅಡಿಯಲ್ಲಿ ಅಬುಧಾಬಿಯ ಬ್ಲಡ್ ಬ್ಯಾ೦ಕ್‌ನಲ್ಲಿ ಮೇ 21 ಶುಕ್ರವಾರದ೦ದು ಎಮಿರೇಟ್ಸ್ ಇ೦ಡಿಯಾ ಫೆಟರ್ನಿಟಿ ಫೋರ೦ ರವರ ರಕ್ತದಾನ ಶಿಬಿರವು ಯಶಸ್ವಿಯಾಗಿ ನಡೆಯಿತು.

ರಕ್ತದಾನ ಶಿಬಿರವನ್ನು ಸಮಾಜ ಸೇವಕ ಜನಾಬ್ ಅಲ್ತಾಫ್ ಮತ್ತು ಜನಾಬ್ ಶೇಖ್ ಬಾವಾ ಅವರು ಉದ್ಘಾಟಿಸಿದರು. ಈ ಸ೦ದರ್ಭದಲ್ಲಿ ಎಸ್.ಕೆ ಎ೦.ಸಿ.ಯ ವೈದ್ಯರುಗಳದ ಡಾ. ಅಹಮ್ಮ ದ್ ಮತ್ತು ಡಾ. ಮಝುಝಾ ಅವರು ಉಪಸ್ಥಿತರಿದ್ದರು. ಸುಮಾರು 52 ದಾನಿಗಳು ಈ ಶಿಬಿರ ದಲ್ಲಿ ಭಾಗವಹಿಸಿ ತಮ್ಮ ಅಮೂಲ್ಯವಾದ ರಕ್ತವನ್ನು ದಾನವಾಗಿ ನೀಡಿದರು.

ಇಐಎಫ್‌ಎಫ್ ನ ಜನಾಬ್ ಆಯೂಬ್ ಅಗ್ನದಿ ಅವರು ಸ್ವಾಗತಿಸಿದರೆ, ಜನಾಬ್ ಅಶ್ರಫ್ ಮಚಾರ್ ಅವರು ಈ ಶಿಬಿರದ ಮಹತ್ವ ಮತ್ತು ಇಐಎಫ್‌ಎಫ್ ನ ಕ್ರೀಯಾ ಚಟುವಟಿಕೆಗಳನ್ನು ವಿವರಿಸಿದರು.

- Samad

ಜನತೆಯ ಆಶೋತ್ತರ ಈಡೇರಿಸುವತ್ತ ಹೆಚ್ಚಿನ ಗಮನ: ಸಿಎಂ

2010-05-31T14:06:00.001+05:30

ಬೆಂಗಳೂರು, ಮೇ 30: ರಾಜ್ಯದ ಜನತೆಯ ಆಶೋತ್ತರಗಳನ್ನು ಈಡೇರಿಸುವತ್ತ ಮುಂದಿನ ದಿನಗಳಲ್ಲಿ ಹೆಚ್ಚಿನ ಗಮನ ನೀಡಲಾಗುವುದು ಎಂದು ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಹೇಳಿದ್ದಾರೆ.

ನಗರದಲ್ಲಿ ರವಿವಾರ ಬಿಜೆಪಿ ಸರಕಾರ ಎರಡು ವರ್ಷ ಪೂರ್ಣಗೊಂಡ ಹಿನ್ನೆಲೆಯಲ್ಲಿ ಸುದ್ದಿಗಾರ ರೊಂದಿಗೆ ಮಾತನಾಡಿದ ಅವರು, ಕಳೆದ ಎರಡು ವರ್ಷಗಳಲ್ಲಿ ಉತ್ತಮವಾಗಿ ಆಡಳಿತ ಮಾಡಿದ್ದೇವೆ. ಆದರೆ ಇದು ಸಮಾಧಾನವಿಲ್ಲ. ಸಾಧಿಸಬೇಕಾದ್ದು ಬಹಳಷ್ಟಿದ್ದು, ಮುಂದಿನ ಮೂರು ದಿನಗಳಲ್ಲಿ ಜನರ ಆಶೋತ್ತರಗಳನ್ನು ಈಡೇರಿಸುವತ್ತ ಹೆಚ್ಚಿನ ಗಮನ ಹರಿಸಲಾಗುವುದು ಎಂದು ತಿಳಿಸಿದರು.

ನಮ್ಮ ಸರಕಾರ ಅಧಿಕಾರಕ್ಕೆ ಬಂದ ನಂತರ ರಾಜ್ಯದಲ್ಲಿ ಸಾಕಷ್ಟು ಅಭಿವದ್ಧಿ ಕೆಲಸಗಳಾಗಿವೆಯಾದರೂ, ಆಗಬೇಕಾದ ಕಾರ್ಯಗಳು ಬಹಳಷ್ಟಿವೆ. ಅಭಿವದ್ಧಿ ಪಥದಲ್ಲಿ ಸಾಗುತ್ತಿರುವುದರಿಂದ ಮುಂದಿನ ಮೂರು ವರ್ಷಗಳಲ್ಲಿ ರಾಜ್ಯದ ಚಿತ್ರಣ ಬದಲಾಗಲಿದೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದರು.

ಕಳೆದ ಎರಡು ವರ್ಷಗಳ ಆಡಳಿತ ಅವಧಿಯಲ್ಲಿ ಹಲವು ಸರಕಾರ ಏಳು-ಬೀಳುಗಳನ್ನು ಕಂಡರೂ, ಜನತೆಗೆ ನೀಡಿದ ಆಶ್ವಾಸನೆಗಳಲ್ಲಿ ಬಹಳಷ್ಟನ್ನು ಈಡೇರಿಸಲಾಗಿದೆ.

ಇದರಿಂದಲೆ ಹಲವು ಚುನಾವಣೆಗಳಲ್ಲಿ ಮತದಾರರು ಬಿಜೆಪಿಗೆ ಹೆಚ್ಚಿನ ಬೆಂಬಲ ನೀಡಿದ್ದಾರೆ. ನಮ್ಮ ಮೇಲೆ ವಿಶ್ವಾಸವಿಟ್ಟಿರುವ ಜನತೆ ನೆಮ್ಮದಿಯಿಂದ ಜೀವನ ಸಾಗಿಸಲು ಅಗತ್ಯವಿರುವ ಸೌಲಭ್ಯಗಳನ್ನು ಒದಗಿ ಸುವ ಪ್ರಾಮಾಣಿಕ ಪ್ರಯಾತ್ನ ಮಾಡುವುದಾಗಿ ಅವರು ಹೇಳಿದರು.

ರೈತರಿಗೆ ಕಡಿಮೆ ಬಡ್ಡಿ ದರದಲ್ಲಿ ಸಾಲ, ಹಾಲು ಉತ್ಪಾದಕರಿಗೆ 2 ರೂ. ಸಬ್ಸಿಡಿ, ಭಾಗ್ಯಲಕ್ಷ್ಮಿ, ಸಂಧ್ಯಾ ಸುರಕ್ಷಾ ಮುಂತಾದ ಯೋಜನೆಗಳನ್ನು ಜಾರಿಗೆ ತಂದಿದ್ದು, ಈ ಎಲ್ಲ ಯೋಜನೆಗಳನ್ನು ಕಳೆದ ಎರಡು ವರ್ಷಗಳಲ್ಲಿ ಪರಿಣಾಮಕಾರಿಯಾಗಿ ಅನುಷ್ಠಾನಕ್ಕೆ ತರಲಾಗಿದೆ ಎಂದು ಅವರು ವಿವರಿಸಿದರು.
ರಾಜ್ಯದ ಜನತೆ ವಿದ್ಯುತ್ ಸಮಸ್ಯೆಯನ್ನು ಎದುರಿಸುತ್ತಿದ್ದಾರೆ. ಈ ಸಮಸ್ಯೆಯನ್ನು ನಿವಾರಿ ಸಲು ಹಾಗೂ ವಿದ್ಯುತ್ ಕ್ಷೇತ್ರದಲ್ಲಿ ಸ್ವಾವಲಂಬನೆ ಸಾಧಿಸಲು ಯೋಜನೆಗಳನ್ನು ರೂಪಿಸಲಾಗಿದೆ. ಮುಂದಿನ ಮೂರು ವರ್ಷಗಳಲ್ಲಿ ರಾಜ್ಯ ವಿದ್ಯುತ್ ಕ್ಷೇತ್ರದಲ್ಲಿ ಸ್ವಾವಲಂಬನೆ ಸಾಧಿಸಲಿದೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದರು.

ಸರಕಾರದಲ್ಲಿರುವ ಎಲ್ಲ ಸಚಿವರು ತಮ್ಮ ಖಾತೆಗಳನ್ನು ಯಶಸ್ವಿಯಾಗಿ ನಿಭಾಯಿಸುತ್ತಿದ್ದು, ಒಗ್ಗಟ್ಟಿನಿಂದ ಕೆಲಸ ಮಾಡುತ್ತಿದ್ದಾರೆ. ಇದರಿಂದ ಯೋಜನೆಗಳು ಸಕಾಲದಲ್ಲಿ ಜನರಿಗೆ ತಲುಪುತ್ತಿದೆ ಎಂದು ಅವರು ನುಡಿದರು.

ಶತ್ರುಗಳಂತೆ ವರ್ತಿಸುತ್ತಿವೆ: ವಿರೋಧ ಪಕ್ಷದ ನಾಯಕರು ನಮ್ಮ ಸರಕಾರದ ಬಗ್ಗೆ ಟೀಕೆಗಳನ್ನು ಮಾಡುತ್ತಾ, ನಮ್ಮ ಶತ್ರುಗಳಂತೆ ವರ್ತಿಸುತ್ತಿದ್ದಾರೆ ಎಂದು ಯಡಿಯೂರಪ್ಪ ಕಿಡಿಕಾರಿದರು.

ನಮ್ಮ ಸರಕಾರ ಕಳೆದ ಎರಡು ವರ್ಷಗಳಲ್ಲಿ ಕೈಗೊಂಡಿರುವ ಅಭಿವದ್ಧಿ ಕಾರ್ಯಗಳ ಬಗ್ಗೆ ವಿರೋಧ ಪಕ್ಷದ ನಾಯಕರು ಅಸಮಾಧಾನ ವ್ಯಕ್ತಪಡಿಸುವುದರ ಬದಲು, ಆಗಿರುವ ಅಭಿವದ್ಧಿ ಕಾರ್ಯಗಳನ್ನು ಕಣ್ತೆರೆದು ನೋಡಲಿ ಎಂದು ಅವರು ಆಕ್ರೋಶ ವ್ಯಕ್ತಪಡಿಸಿದರು.

ಗುಜರಾತ್‌ನಲ್ಲಿ ಕೋಮು ಭಾವನೆ ಕೆರಳಿಸುವ ಭಿತ್ತಿಚಿತ್ರ ಸರಕಾರದ ವಿವರಣೆ ಕೇಳಿದ ರಾಜ್ಯಪಾಲ

2010-05-31T14:05:00.000+05:30

ಅಹ್ಮದಾಬಾದ್, ಮೇ 30: ಕೋಮು ಭಾವನೆಗಳಿಗೆ ಧಕ್ಕೆಯನ್ನುಂಟು ಮಾಡುವಂತಹ ಕೆಲವೊಂದು ವಿವಾದಾತ್ಮಕ ಭಿತ್ತಿಚಿತ್ರಗಳನ್ನು ರಾಜ್ಯದ ವಿವಿಧ ನಗರಗಳಲ್ಲಿ ಹಾಕಲಾಗಿದೆ ಎಂಬ ವಿಷಯದ ಕುರಿತು ವರದಿ ನೀಡುವಂತೆ ರಾಜ್ಯ ಸರಕಾರಕ್ಕೆ ಗುಜರಾತ್ ರಾಜ್ಯಪಾಲ ಕಮ್ಲಾ ಬೆನಿವಾಲ್ ಆದೇಶಿಸಿದ್ದಾರೆ.

ಅಹ್ಮದಾಬಾದ್‌ನಲ್ಲಿ ಕಳೆದ ಕೆಲವು ದಿನಗಳ ಹಿಂದೆ ನಡೆದಿರುವ ಕೋಮು ಗಲಭೆಯ ಹಿನ್ನೆಲೆಯಲ್ಲಿ ರಾಜ್ಯಪಾಲರು ಸರಕಾರದಿಂದ ಈ ಕುರಿತಾದ ವರದಿ ಕೇಳಿದ್ದಾರೆ. ಈ ಘಟನೆಯಲ್ಲಿ ಓರ್ವ ಸಾವನ್ನಪ್ಪಿದ್ದು, ಸುಮಾರು 30 ಮಂದಿ ಗಾಯಗೊಂಡಿರುವ ಬಗ್ಗೆ ವರದಿಯಾಗಿತ್ತು.

ಸಾಧ್ಯವಾದಷ್ಟು ಬೇಗ ವರದಿ ನೀಡುವಂತೆ ರಾಜ್ಯಪಾಲರು, ರಾಜ್ಯ ಗೃಹ ಸಚಿವಾಲಯ ಮತ್ತು ಡಿಜಿಪಿಗೆ ಕಳುಹಿಸಿರುವ ಪತ್ರದಲ್ಲಿ ಸೂಚಿಸಿದ್ದಾರೆ. ಈ ವಿವಾದಾತ್ಮಕ ಭಿತ್ತಿಚಿತ್ರಗಳು ಮೊದಲು ವಡೋದರಾದಲ್ಲಿ ಹಾಕಲಾಗಿದ್ದು, ಬಳಿಕ ಇತರ ನಗರಗಳಲ್ಲಿ ಇವು ಕಾಣಿಸಿಕೊಂಡಿದ್ದವು.

ರಾಜ್ಯ ಪೊಲೀಸರನ್ನು ಜೈಲಿನೊಳಗೆ ತಳ್ಳುವ ಮೂಲಕ ಕಾಂಗ್ರೆಸ್ ಯಾಕೆ ಸೊಹ್ರಾಬುದ್ದೀನ್‌ನಂತಹ ಭಯೋತ್ಪಾದಕರನ್ನು ಬೆಂಬಲಿಸುತ್ತಿದೆ ಎಂದು ಜನರನ್ನು ಪ್ರಶ್ನೆ ಕೇಳುವ ರೀತಿಯ ಭಿತ್ತಿಚಿತ್ರಗಳನ್ನು ನಗರಗಳಲ್ಲಿ ಪ್ರದರ್ಶಿಸಲಾಗಿದೆ ಎಂದು ವರದಿಯಾಗಿದೆ.

ರಾಜ್ಯದ ಜನರನ್ನು ಅವಮಾನಿಸುವುದಕ್ಕಾಗಿ ಮತ್ತು ಗುಜರಾತ್ ಪೊಲೀಸರ ಮೇಲೆ ದೌರ್ಜನ್ಯ ಎಸಗುವುದಕ್ಕಾಗಿ ಕಾಂಗ್ರೆಸ್ ನೇತೃತ್ವದ ಕೇಂದ್ರದ ಯುಪಿಎ ಸರಕಾರವು ಸಿಬಿಐಯನ್ನು ದುರ್ಬಳಕೆ ಮಾಡುತ್ತಿದೆ ಎಂದೂ ಭಿತ್ತಿಚಿತ್ರಗಳಲ್ಲಿ ಆಪಾದಿಸಲಾಗಿದೆ.

ಸೊಹ್ರಾಬುದ್ದೀನ್ ನಕಲಿ ಎನ್‌ಕೌಂಟರ್ ಪ್ರಕರಣಕ್ಕೆ ಸಂಬಂಧಿಸಿ ಉಪ ಪೊಲೀಸ್ ಆಯುಕ್ತ ಅಭಯ್ ಛೂಡಸ್ಮರನ್ನು ಸಿಬಿಐ ಬಂಧಿಸಿದ ತಕ್ಷಣವೇ ರಾಜ್ಯದ ವಿವಿಧ ನಗರಗಳಲ್ಲಿ ಇಂತಹ ಹೋರ್ಡಿಂಗ್ಸ್ ಮತ್ತು ಗೋಡೆ ಬರಹಗಳು ಕಾಣಿಸಿಕೊಂಡಿದ್ದವು. ಆ ಬಳಿಕ ಸಿಬಿಐಯೂ ಬೇರೆ ಯಾವುದೇ ಬಂಧನ ನಡೆಸಿಲ್ಲ.

ಗುಜರಾತ್ ಪೊಲೀಸರ ತೋಜೋವಧೆ ಮಾಡುವ ಮತ್ತು ಅವರ ಮೇಲೆ ದೌರ್ಜನ್ಯ ಎಸಗಲಾಗುತ್ತಿರುವಲ್ಲಿ ಸಿಬಿಐ ಪಾತ್ರವಿದೆ ಎಂದು ಬಿಜೆಪಿಯ ರಾಷ್ಟ್ರೀಯ ಉಪಾಧ್ಯಕ್ಷ ಪುರುಷೋತ್ತಮ್ ರೂಪಾಲ ಸೇರಿದಂತೆ, ರಾಜ್ಯ ಘಟಕದ ಅಧ್ಯಕ್ಷ ಸಿ.ಕೆ. ಫಾಲ್ದು, ರಾಜ್ಯ ಪ್ರಧಾನ ಕಾರ್ಯದರ್ಶಿ ವಿಜಯ್ ರೂಪಾನಿ ಮುಂತಾದವರು ಆರೋಪಿಸಿದ್ದಾರೆ.

ಇತ್ತೀಚೆಗೆ ನಡೆದ ಕೋಮು ಗಲಭೆಗೆ ಸಂಬಂಧಿಸಿ ಕಾಂಗ್ರೆಸ್ ನಾಯಕರು ರಾಜ್ಯಪಾಲ ರನ್ನು ಭೇಟಿಯಾಗಿ ಮನವಿ ಸಲ್ಲಿಸಿದ್ದರು. ಈ ವರ್ಷದ ಅಂತ್ಯದಲ್ಲಿ ಅಹ್ಮದಾಬಾದ್ ಮತ್ತು ಪ್ರಮುಖ ನಗರಗಳಲ್ಲಿ ನಡೆಯಲಿರುವ ಪಾಲಿಕೆ ಚುನಾವಣೆಯ ಹಿನ್ನೆಲೆಯಲ್ಲಿ ಮತಬ್ಯಾಂಕ್‌ನ್ನು ಗಟ್ಟಿಗೊಳಿಸುವ ನಿಟ್ಟಿನಲ್ಲಿ ಬಿಜೆಪಿಯು ಕೋಮು ಭಾವನೆಗೆ ಪ್ರಚೋದನೆ ನೀಡುತ್ತಿದೆ.

ಈ ಹಿನ್ನೆಲೆಯಲ್ಲಿ ವಿವಿಧ ನಗರಗಳಲ್ಲಿ ಕೋಮು ಭಾವನೆಯನ್ನು ಕೆರಳಿಸುವಂತಹ ಭಿತ್ತಿಚಿತ್ರಗಳನ್ನು ಅಳವಡಿಸಲಾಗಿದೆ ಎಂದು ಕಾಂಗ್ರೆಸ್ ನಾಯಕರು ಆಪಾದಿಸಿದ್ದಾರೆ. ಆದಾಗ್ಯೂ ಕೋಮು ಗಲಭೆ ಪೀಡಿತ ಪ್ರದೇಶಗಳಲ್ಲಿ ಪರಿಸ್ಥಿತಿ ಉದ್ವಿಗ್ನವಾಗಿ ದ್ದರೂ, ನಿಯಂತ್ರಣದಲ್ಲಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಭೀಕರ ಬಸ್ ದುರಂತ: 30 ಮಂದಿ ಸಜೀವ ದಹನ :ಮೃತರಲ್ಲಿ ಕಾರ್ಮಿಕರೇ ಅಧಿಕ

2010-05-31T11:39:00.004+05:30

ಚಾಲಕನ ನಿರ್ಲಕ್ಷ ದುರಂತಕ್ಕೆ ಕಾರಣ
ಚಿತ್ರದುರ್ಗ, ಮೇ 30: ಮಂಗಳೂರು ವಿಮಾನ ದುರಂತದಲ್ಲಿ 158 ಮಂದಿ ಸಾವನ್ನಪ್ಪಿದ ಘಟನೆ ಜನರ ಮನಸ್ಸಿನಿಂದ ಮಾಸುವ ಮುನ್ನವೇ ಚಿತ್ರದುರ್ಗ ಜಿಲ್ಲೆಯ ಚಳ್ಳಕೆರೆ ತಾಲೂಕಿನ ನಾಯಕನ ಹಟ್ಟಿ ಗ್ರಾಮದಲ್ಲಿ ಭೀಕರ ಬಸ್ ಅಪಘಾತ ಸಂಭವಿಸಿ 30 ಮಂದಿ ಸಾವನ್ನಪ್ಪಿ, ಹಲವರು ಗಂಭೀರವಾಗಿ ಗಾಯಗೊಂಡ ಘಟನೆ ರವಿವಾರ ಮುಂಜಾನೆ ಸಂಭವಿಸಿದೆ.

ಈಶಾನ್ಯ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಗೆ ಸೇರಿದ ಬಸ್ಸೊಂದು ಇಂದು ಮುಂಜಾನೆ 3 ಗಂಟೆಯ ಸುಮಾರಿಗೆ ನಾಯಕನ ಹಟ್ಟಿ ಗ್ರಾಮದ ಬಳಿ ಬರುತ್ತಿದ್ದ ವೆೀಳೆ ಎದುರಿನಿಂದ ಬಂದ ಟ್ರಕ್ಕೊಂದಕ್ಕೆ ಢಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ಹೋಗಿ ರಸ್ತೆ ಬದಿಯ ಚಿಕ್ಕ ಸೇತುವೆಯೊಂದಕ್ಕೆ ಅಪ್ಪಳಿಸಿ, ಹಳ್ಳಕ್ಕೆ ಬಿದ್ದಿದೆ.

ಈ ಸಂದರ್ಭದಲ್ಲಿ ಬಸ್‌ನ ಡಿಸೇಲ್ ಟ್ಯಾಂಕ್‌ನಿಂದ ಡಿಸೇಲ್ ಸೋರಿಕೆ ಉಂಟಾಗಿ, ಬೆಂಕಿ ಹೊತ್ತಿಕೊಂಡು ಬಸ್‌ನಲ್ಲಿದ್ದ ಸುಮಾರು 60 ಮಂದಿ ಪ್ರಯಾಣಿಕರಲ್ಲಿ 30 ಮಂದಿ ಸುಟ್ಟು ಕರಕಲಾದರು ಎಂದು ತಿಳಿದು ಬಂದಿದೆ.
ಯಾದಗಿರಿ ಜಿಲ್ಲೆಯ ಸುರಪುರದಿಂದ ಶನಿವಾರ ಸಂಜೆ 6:30ರ ವೇಳೆಗೆ ಬೆಂಗಳೂರಿಗೆ ಪ್ರಯಾಣ ಆರಂಭಿಸಿದ್ದ ಈ ನತದೃಷ್ಟ ಬಸ್ ಸುಮಾರು 400 ಕಿ.ಮೀ.ಕ್ರಮಿಸಿ ಚಳ್ಳಕೆರೆಯ ಬಳಿ ಬರುವಾಗ ಎದುರಿನಿಂದ ಬಂದ ಲಾರಿಯೊಂದು ಢಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ಹೋಗಿ ರಸ್ತೆ ಬದಿಯಲ್ಲಿದ್ದ ಚಿಕ್ಕ ಸೇತುವೆಗೆ ಅಪ್ಪಳಿಸಿರುವುದರಿಂದ ಈ ದುರಂತ ಸಂಭವಿಸಿದೆ ಎನ್ನಲಾಗಿದೆ.

ವಿಷಯದ ತಿಳಿದ ಕೂಡಲೇ ಘಟನಾ ಸ್ಥಳಕ್ಕಾಗಮಿಸಿದ ಅಗ್ನಿ ಶಾಮಕ ದಳದ ಸಿಬ್ಬಂದಿ ಬೆಂಕಿ ನಂದಿಸಿ, ಸ್ಥಳೀಯ ಸಹಕಾರದೊಂದಿಗೆ ರಕ್ಷಣಾ ಕಾರ್ಯ ಕೈಗೊಂಡು ಗಾಯಾಳುಗಳನ್ನು ಚಳ್ಳಕರೆ ಸರಕಾರಿ ಆಸ್ಪತ್ರೆಗೆ ಹಾಗೂ ಮೃತ ದೇಹಗಳನ್ನು ಚಿತ್ರದುರ್ಗ ಜಿಲ್ಲಾ ಆಸ್ಪತ್ರೆಗೆ ಸಾಗಿಸಿದರು.

ದುರಂತದಲ್ಲಿ ಮೃತಪಟ್ಟವರ ಪೈಕಿ 24 ಮಂದಿ ಸುರಪುರದವರಾಗಿದ್ದಾರೆ. ಹೆಚ್ಚಿನವರು ಕೂಲಿ ಕಾರ್ಮಿಕರಾಗಿದ್ದು, ತುತ್ತು ಅನ್ನ ಸಂಪಾದಿಸಲು ಸುರಪುರದಿಂದ ಬೆಂಗಳೂರಿಗೆ ಗುಳೆ ಹೊರಟ್ಟಿದ್ದರು. ಮೃತರಲ್ಲಿ 10 ಮಕ್ಕಳು, 15 ಮಹಿಳೆಯರು ಸೇರಿದ್ದಾರೆ. ಮಲ್ಲಮ್ಮ, ಮಹೇಶ್, ನಿಂಗಪ್ಪ, ಶಿವಪ್ಪ, ಹನುಮಕ್ಕ, ರೇಣುಕಮ್ಮ, ಬಲಭೀಮ, ಯಲ್ಲವ್ವ, ಮಲ್ಲಮ್ಮ(2), ಹನುಮಂತ, ನಿಂಗಮ್ಮ, ಜ್ಞಾನಪ್ಪ ಕಮತರ(55), ಇವರ ಸೊಸೆ ಲಕ್ಷ್ಮಿ(28), ಮೊಮ್ಮಗಳು ಮಂಜುಳಾ(2), ಅಂಬಿಕಾ(2), ಯಲ್ಲಮ್ಮ(35), ನಾಗಮ್ಮ(22), ಅಂಬಮ್ಮ(30), ಅಯ್ಯಿಳಿ(5), ವೌನೇಶ್(13), ಬಾಲಮ್ಮ(10), ಐದಮ್ಮ(30), ಹನುಮಾಕ್ಷಿ, ಜಾಲಮ್ಮ, ಆಂಜನಮ್ಮ, ಹನುಮವ್ವ, ಆಕಾಶ್ ಸುಣಕಲ್(2) ಸೇರಿದಂತೆ 29 ಮಂದಿಯ ಶವಗಳನ್ನು ಗುರುತಿಸಲಾಗಿದ್ದು, ಓರ್ವ ಮಹಿಳೆಯ ಗುರುತು ಪತ್ತೆಯಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.
ಆಸ್ಪತ್ರೆಯ ಆವರಣದಲ್ಲಿ, ಗ್ರಾಮಗಳಲ್ಲಿ ಮೃತರ ಸಂಬಂಧಿಕರ ಆಕ್ರಂದನ ಮನಕಲುಕುವಂತಿತ್ತು.

ಅಪಘಾತದಲ್ಲಿ ಬಸ್ ಸಂಪೂರ್ಣ ಭಸ್ಮವಾಗಿದೆ. ಚಾಲಕರಾದ ಸಿದ್ದಯ್ಯ, ಗುಂಡಪ್ಪ ಶೆಟ್ಟಿ ಹಾಗೂ ನಿರ್ವಾಹಕ ನಂದನಗೌಡ ಪಾಟೀಲರನ್ನು ವಶಕ್ಕೆ ತೆಗೆದುಕೊಂಡಿರುವ ಚಳ್ಳಕೆರೆ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ವಿಚಾರಣೆ ಕೈಗೊಂಡಿದ್ದಾರೆ.

ಚಿತ್ರದುರ್ಗ ಜಿಲ್ಲೆಯ ಚಳ್ಳಕೆರೆ ತಾಲೂಕಿನ ನಾಯಕನ ಹಟ್ಟಿ ಗ್ರಾಮದಲ್ಲಿ ರವಿವಾರ ಮುಂಜಾನೆ 30 ಮಂದಿಯನ್ನು ಬಲಿ ತೆಗೆದುಕೊಂಡ ಭೀಕರ ರಸ್ತೆ ದುರಂತದಲ್ಲಿ ಬದುಕುಳಿದವರು... ಚಿತ್ರದುರ್ಗ ಬಳಿಯ ಪಟ್ಟಣದ ಆಸ್ಪತ್ರೆ (ಮೊದಲ ಎರಡು ಚಿತ್ರಗಳು) ಹಾಗೂ ಚಳ್ಳಕೆರೆ ಆಸ್ಪತ್ರೆಯಲ್ಲಿ (ಕೊನೆಯ ಚಿತ್ರ) ಚಿಕಿತ್ಸೆ ಪಡೆಯುತ್ತಿರುವ ಗಾಯಾಳುಗಳು.

ಆಸ್ಪತ್ರೆಯಲ್ಲಿ ಗಾಯಾಳುಗಳನ್ನು ವಿಚಾರಿಸುತ್ತಿರುವ ಸಾರಿಗೆ ಸಚಿವ ಆರ್.ಅಶೋಕ್.
ತಮ್ಮವರನ್ನು ಕಳೆದುಕೊಂಡವರ ರೋದನ.

ಸಂಬಂಧಿಕರಿಗೆ ಮೃತ ದೇಹಗಳ ಹಸ್ತಾಂತರ
ಚಳ್ಳಕೆರೆ, ಮೇ 30: ಸರಕಾರಿ ಬಸ್ ದುರುಂತದಲ್ಲಿ ಮೃತಪಟ್ಟವರ ಶವಗಳನ್ನು ಮೂರು ಆಂಬ್ಯುಲೆನ್ಸ್‌ನಗಳ ಮೂಲಕ ಅವರ ಸಂಬಂಧಿಕರಿಗೆ ಹಸ್ತಾಂತರಿಸಲಾಗಿದೆ. ಒಟ್ಟು 30 ಶವಗಳಲ್ಲಿ 28 ಶವಗಳನ್ನು ಸಂಬಂಧಿಕರಿಗೆ ಹಸ್ತಾಂತರಿಸಲಾಗಿದ್ದು, ಇನ್ನೂ ಎರಡು ಶವಗಳ ಗುರುತು ಪತ್ತೆಯಲ್ಲಿ ಗೊಂದಲವಿರುವುದರಿಂದ ಅವುಗಳನ್ನು ಚಿತ್ರದುರ್ಗ ಜಿಲ್ಲಾಸ್ಪತ್ರೆಯ ಶವಾಗಾರದಲ್ಲಿರಿಸಲಾಗಿದೆ ಎಂದು ತಿಳಿದು ಬಂದಿದೆ.

ಡಿಎನ್‌ಎ ಪರೀಕ್ಷೆಯ ಅಗತ್ಯವಿಲ್ಲ: ಶಾಸಕ ರಾಜು ಗೌಡ
ಚಳ್ಳಕೆರೆ, ಮೇ 30: ಬಸ್ ದುರಂತದಲ್ಲಿ ಮೃತಪಟ್ಟ 30 ಮಂದಿಯಲ್ಲಿ 29 ಮಂದಿಯನ್ನು ಗುರುತಿಸಲಾಗಿದ್ದು, ಓರ್ವಮಹಿಳೆಯ ಗುರುತು ಪತ್ತೆಯಾಗಿಲ್ಲ. ಆದುದರಿಂದ, ಶವಗಳ ಡಿಎನ್‌ಎ ಪರೀಕ್ಷೆ ನಡೆಸುವ ಅಗತ್ಯವಿಲ್ಲ ಎಂದು ಸುರಪುರ ಶಾಸಕ ರಾಜು ಗೌಡ ಅಭಿಪ್ರಾಯಿಸಿದ್ದಾರೆ.

ಆಸ್ಪತ್ರೆಗೆ ಭೇಟಿ ನೀಡಿದ ವೇಳೆ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಶವಗಳ ಗುರುತು ಪತ್ತೆ ಕಾರ್ಯ ಶೇ.90ರಷ್ಟು ಮುಗಿದಿದ್ದು, ಓರ್ವ ಮಹಿಳೆಯ ಗುರುತು ಮಾತ್ರ ಪತ್ತೆಯಾಗಿಲ್ಲ. ಆದುದರಿಂದ, ಎಲ್ಲ ಶವಗಳ ಡಿಎನ್‌ಎ ಪರೀಕ್ಷೆ ನಡೆಸುವ ಅಗತ್ಯವಿಲ್ಲ ಎಂದರು.

ಗುಡುಗಿದ ರೋಹಿತ್ ಶರ್ಮಾ: ಅಡಗಿದ ಲಂಕಾ

2010-05-31T09:59:00.000+05:30

*ರೈನಾ ಪಡೆಗೆ 7 ವಿಕೆಟ್ ಜಯ
*ರೋಹಿತ್ ಎರಡನೆ ಶತಕ
*ಕೊಹ್ಲಿ ಅರ್ಧಶತಕ
*ದಿಲ್ಶಾನ್-ಮ್ಯಾಥ್ಯೂಸ್ ಹೋರಾಟ ಫಲ ನೀಡಲಿಲ್ಲ

ಬುಲಿವಿಯಾ, ಮೇ 30: ರೋಹಿತ್ ಶರ್ಮಾರ ಎರಡನೇ ಶತಕದ ಮತ್ತು ವಿರಾಟ್ ಕೊಹ್ಲಿಯ ಅರ್ಧಶತಕದ ನೆರವಿನಿಂದ, ಇಂದು ನಡೆದ ಶ್ರೀಲಂಕಾ ವಿರುದ್ಧದ ತ್ರಿಕೋನ ಸರಣಿಯ ಎರಡನೆ ಏಕದಿನ ಪಂದ್ಯದಲ್ಲಿ ಭಾರತ 7 ವಿಕೆಟ್‌ಗಳ ಸುಲಭ ಜಯ ದಾಖಲಿಸಿದೆ.ಶ್ರೀಲಂಕಾ ವಿಧಿಸಿದ 243ರನ್‌ಗಳ ಸವಾಲನ್ನು ಬೆನ್ನಟ್ಟಿದ ಭಾರತ 3 ವಿಕೆಟ್‌ಗಳನ್ನು ಕಳೆದುಕೊಂಡು ನಿಗದಿತ ಗುರಿ ತಲುಪುವುದರ ಮೂಲಕ ವಿಜಯ ಪತಾಕೆ ಹಾರಿಸಿತು.

ಬೊಲವಿಯಾದಲ್ಲಿ ನಡೆದ ತ್ರಿಕೋನ ಸರಣಿಯಲ್ಲಿ ಶ್ರೀಲಂಕ ವಿರುದ್ಧ ವಿಜಯದ ರನ್ ಬಾರಿಸಿ ಪೆವಿಲಿಯನ್‌ಗೆ ಹಿಂದಿರುಗುತ್ತಿರುವ ಶತಕ ರ ರೋಹಿತ್ ಶರ್ಮಾ ಮತ್ತು ತಂಡದ ನಾಯಕ ಸುರೇಶ್ ರೈನಾ.

ರೋಹಿತ್ ಶರ್ಮಾ 100 ಎಸೆತ ಗಳನ್ನು ಎದುರಿಸಿ 6 ಬೌಂಡರಿ ಹಾಗೂ 2 ಸಿಕ್ಸರ್ ಇರುವ ಅಜೇಯ 101 ರನ್ ಮತ್ತು ಇವರಿಗೆ ಸಾಥ್ ನೀಡಿದ ನಾಯಕ ಸುರೇಶ್ ರೈನಾ ಅಜೇಯ 24 ರನ್ ಮಾಡಿ ವಿಜಯದ ದಾಖಲೆ ಬರೆದರು.ಳೆದ ಪಂದ್ಯದಲ್ಲಿ ಆತಿಥೇಯ ಜಿಂಬಾಬ್ವೆ ವಿರುದ್ಧ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದು ಕೊಂಡಿದ್ದ ಭಾರತ ತಂಡದ ನಾಯಕ ಸುರೇಶ ರೈನಾ ಈ ಬಾರಿ ಅಂತಹ ತಪ್ಪು ಮಾಡಲಿಲ್ಲ. ಶ್ರೀಲಂಕಾವನ್ನು ಬ್ಯಾಟಿಂಗ್‌ಗೆ ಇಳಿಸಿದ್ದರು.

ಶ್ರೀಲಂಕಾ ವಿಧಿಸಿದ ಸವಾಲಿಗೆ ಉತ್ತರವಾಗಿ ಬ್ಯಾಟಿಂಗ್ ಆರಂಭಿಸಿದ ದಿನೇಶ್ ಕಾರ್ತಿಕ್(18) ಮತ್ತು ಮುರಳಿ ವಿಜಯ್ (14) ನಿಧಾನವಾಗಿ ತಂಡಕ್ಕೆ ಭದ್ರವಾದ ಅಡಿಪಾಯ ಹಾಕಿಕೊಡುವ ನಿಟ್ಟಿನಲ್ಲಿ ಶ್ರಮಿಸಿದರು. 6.4 ಓವರ್‌ಗಳಲ್ಲಿ ತಂಡದ ಮೊತ್ತ 28 ತಲುಪುವಷ್ಟರಲ್ಲಿ ನುವಾನ್ ಕುಲ ಶೇಖರ್ ಮುರಳಿ ವಿಜಯರನ್ನು ಎಲ್‌ಬಿಗೆ ಕೆಡವುದರ ಮೂಲಕ ಭಾರತಕ್ಕೆ ಮೊದಲ ಆಘಾತ ನೀಡಿದರು.

ಮುರಳಿ ವಿಜಯ್ ಪೆವಿಲಿಯನ್‌ಗೆ ವಾಪಸಾಗುತ್ತಿದ್ದಂತೆ ಉಪ ನಾಯಕ ವಿರಾಟ್ ಕೊಹ್ಲಿ ಜೊತೆಗೂಡಿದರು. 9.4ನೆ ಓವರ್‌ನಲ್ಲಿ ಭಾರತಕ್ಕೆ ಇನ್ನೊಮ್ಮೆ ಆಘಾತ ದಿನೇಶ್ ಕಾರ್ತಿಕ್ ಔಟ್. ಬಳಿಕ ಬಂದ ರೋಹಿತ್ ಶರ್ಮಾರು ವಿರಾಟ್ ಕೊಹ್ಲಿಗೆ ಸಾಥ್ ನೀಡಿದರು. ಇವರಿಬ್ಬರು ತಂಡಕ್ಕೆ ಆಸರೆಯಾಗಿ ತಂಡದ ಮೊತ್ತವನ್ನು ಇನ್ನೂರರ ಗಡಿ ದಾಟಿಸಿದರು.

ವಿರಾಟ್ ಕೊಹ್ಲಿ ಎಚ್ಚರಿಕೆಯಿಂದ ಆಡುತ್ತಾ ,ಆಟವನ್ನು ಮುಗಿಸಲು ಆತುರ ತೋರಿದರು. 37.4ನೆ ಓವರ್‌ನಲ್ಲಿ , ಸೂರಜ್ ರಣದೀವ್ ಎಸೆತವನ್ನು ಸಿಕ್ಸರ್‌ಗೆ ಅಟ್ಟಲು ಯತ್ನಿಸಿದರು. ಆದರೆ ಅವರು ಬಾರಿಸಿದ ಚೆಂಡು ಲಾಂಗ್ ಆನ್‌ನಲ್ಲಿ ಕ್ಷೇತ್ರರಕ್ಷಣೆಯಲ್ಲಿದ್ದ ದಿಲ್‌ಹಾರ್ ಫೆರ್ನಾಂಡೊ ಕೈ ಸೇರಿತು. ಇದರೊಂದಿಗೆ ಶತಕ ವಂಚಿತರಾಗಿ ಪೆವಿಲಿಯನ್‌ಗೆ ಹಿಂದಿರುಗಿದರು.

ಔಟಾಗುವ ಮುನ್ನ ಕೊಹ್ಲಿ 92 ಎಸೆತಗಳನ್ನು ಉತ್ತರಿಸಿ 4 ಬೌಂಡರಿ ಗಳಿರುವ 82 ರನ್‌ಗಳ ಅಮೂಲ್ಯ ಕೊಡುಗೆ ನೀಡಿದ್ದರು. ಇವರಿಬ್ಬರು 3ನೆ ವಿಕೆಟ್‌ಗೆ 168 ಎಸೆತಗಳನ್ನು ಎದುರಿಸಿ 154 ರನ್‌ಗಳನ್ನು ಸೇರಿಸಿದ್ದರು.ಅಂತಿಮವಾಗಿ ರೋಹಿತ್ ಶರ್ಮಾ 101(100 ಎಸೆತ, 6 ಬೌಂಡರಿ, 2 ಸಿಕ್ಸರ್) ಮತ್ತು ನಾಯಕ ಸುರೇಶ್ ರೈನಾ 24 (23 ಎಸೆತ, 3 ಬೌಂಡರಿ)ರನ್ ಬಾರಿಸಿ ಇನ್ನೂ 39 ಎಸೆತಗಳು ಬಾಕಿ ಉಳಿದಿರುವಂತೆ ವಿಜಯದ ರನ್ ಬಾರಿಸಿದರು. ಸತತ ಎರಡನೆ ಬಾರಿಗೆ ಶತಕ ಬಾರಿಸಿದ ರೋಹಿತ್ ಶರ್ಮಾ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.

ಶ್ರೀಲಂಕಾ ಪರ ನುವಾನ್ ಕುಲಶೇಖರ 34ಕ್ಕೆ 1,ಅಜಂತ ಮೆಂಡಿಸ್ 64ಕ್ಕೆ 1 ಮತ್ತು ಸೂರಜ್ ರಣದೇವ್ 51ಕ್ಕೆ 1 ವಿಕೆಟ್ ಹಂಚಿಕೊಂಡರು.ದಕ್ಕೆ ಮೊದಲು ಟಾಸ್ ಸೋತು ಬ್ಯಾಟಿಂಗ್‌ಗೆ ಇಳಿಸಲ್ಪಟ್ಟ ಶ್ರೀಲಂಕಾ 49.5 ಓವರ್‌ಗಳಲ್ಲಿ ಎಲ್ಲ ವಿಕೆಟ್‌ಗಳನ್ನು ಕಳೆದುಕೊಂಡು 242 ರನ್ ಮಾಡಿತ್ತು.ಏಂಜೆಲೊ, ಮಾಥ್ಯೂಸ್ (75), ತಿಲಕರತ್ನ ದಿಲ್ಶಾನ್ (61) ಇವರ ನೆರವಿನಲ್ಲಿ ಶ್ರೀಲಂಕಾ ಸಾಧಾರಣ ಮೊತ್ತವನ್ನು ಕಲೆ ಹಾಕಿತ್ತು.

ಆರಂಭದಲ್ಲಿ ಶ್ರೀಲಂಕಾ ಎರಡನೆ ಓವರ್‌ನಲ್ಲಿ ತಂಡದ ಮೊತ್ತ 8 ತಲುಪುವಾಗ ಯು. ತರಂಗ(1)ರನ್ನು ಕಳೆದುಕೊಂಡಿತು. 10.4ನೆ ಓವರ್ ನಲ್ಲಿ ಥಿಲನ್ ಸಮರವೀರ (19)ಅವರನ್ನು ಕಳೆದುಕೊಂಡಿತು. ಚಾಮರ ಕಪುಗೆಡರ (20), ಪಿ.ಸಿ.ಸಿಲ್ವ (5), ತಿಸ್ಸರ ಪೆರೆರ (32), ನುವಾನ್ ಕುಲಶೇಖರ (19),ರಣದೇವ್ (1) ರನ್ ಸೇರಿಸಿದರು. ಭಾರತದ ಬೌಲರ್‌ಗಳು ನಿಯಂತ್ರಣ ಸಾಧಿಸಿ, ಶ್ರೀಲಂಕಾವನ್ನು ಭಾರಿ ರನ್ ಹಾಕದಂತೆ ತಡೆದರು.

ಭಾರತ ತಂಡದ ಫೀಲ್ಡಿಂಗ್ ಉತ್ತಮವಾಗಿತ್ತು. ಮೂವರು ರನೌಟ್ ಆಗಿರುವುದೆ ಇದಕ್ಕೆ ಸಾಕ್ಷಿ.ಉಮೇಶ್ ಯಾದವ್ (61/1) ಹೊರತುಪಡಿಸಿದರೆ 3 ಬೌಲರ್‌ಗಳು ತಲಾ ಎರಡು ವಿಕೆಟ್‌ಗಳನ್ನು ಹಂಚಿಕೊಂಡರು. ಅಶೋಕ್ ದಿಂಡಾ (44/2), ಪ್ರಗ್ಯಾನ್ ಓಝಾ (44/2) ಮತ್ತು ರವಿಂದ್ರ ಜಡೇಜಾ (49/2) ವಿಕೆಟ್ ಪಡೆದರು.

ದಕ್ಷಿಣ ಕರ್ನಾಟಕ ಸುನ್ನಿ ಸೆಂಟರ್ - ಮಂಗಳೂರು , ಯು.ಎ.ಇ. ವತಿಯಿಂದ ವಿಶೇಷ ಪ್ರಾರ್ಥನಾ ಸಭೆ.

2010-05-30T22:56:00.000+05:30

ದುಬೈ: ಇತ್ತೀಚಿಗೆ ಸಂಭವಿಸಿದ ಮಂಗಳೂರು ವಿಮಾನ ದುರಂತದಲ್ಲಿ ಬಲಿಯಾದವರಿಗೆ ದೇರ ದುಬೈ ಯೂಸುಫ್ ಬಕರ್ ರೋಡ್ನಲ್ಲಿರುವ ಹಾಜಿ ನಾಸರ್ ಮಸೀದಿಯಲ್ಲಿ ಶುಕ್ರವಾರ ಜುಮಾ ನಮಾಜಿನ ನಂತರ ದಕ್ಷಿಣ ಕರ್ನಾಟಕ ಸುನ್ನಿ ಸೆಂಟರ್ - ಮಂಗಳೂರು , ಯು.ಎ.ಇ. ವತಿಯಿಂದ ವಿಶೇಷ ಪ್ರಾರ್ಥನಾ ಸಭೆ ನಡೆಯಿತು.

ಮಯ್ಯತ್ ನಮಾಜ್ ಹಾಗೂ ವಿಶೇಷ ಪ್ರಾರ್ಥನೆಯ ನೇತ್ರತ್ವವನ್ನು ಡಿ.ಕೆ.ಯಸ್.ಸಿ. ಯು.ಎ.ಇ ಕಮಿಟಿ ಉಪಾದ್ಯಕ್ಷರಾದ ಜನಾಬ್ ಹಾಜಿ ಮಹಮ್ಮದ್ ಇಬ್ರಾಹಿ ಮೂಳೂರ್ ರವರ ಅಧ್ಯಕ್ಷತೆಯಲ್ಲಿ ಮಸೀದಿಯ ಇಮಾಂ ಜನಾಬ್ ಹಾಜಿ ಗುಲ್ ಅಮ್ ಮುಸ್ತಫಾ ರವರು ನೇತ್ರತ್ವವಹಿಸಿ ಪ್ರಾರ್ಥಿಸುತ್ತಾ ದುರಂತದಲ್ಲಿ ಮಡಿದವರಿಗೆ ಅಲ್ಲಾಹು ಹುತಾತ್ಮ ಪದವಿ ನೀಡಲಿ ಹಾಗೂ ಅವರ ಕುಟುಂಬಕ್ಕೆ ತಮ್ಮವರ ಅಗಲಿಕೆಯನ್ನು ಸಹಿಸುವ ಸಹನೆ ಮತ್ತು ಒಳಿತನ್ನು ಅಲ್ಲಾಹು ದಯಪಾಲಿಸಲಿ ಎಂದು ಪ್ರಾರ್ಥಿಸಿದರು.

ಕಾರ್ಯಕ್ರಮದ ನೇತ್ರತ್ವವನ್ನು ಜನಾಬ್ ಇಬ್ರಾಹಿಂ ಸಖಾಫಿ ಕೆದಂಬಾಡಿ, ಜನಾಬ್ ಇಬ್ರಾಹಿಂ ಹಾಜಿ ಕಿನ್ಯ, ಜನಾಬ್ ಹಾಜಿ ಇಕ್ಬಾಲ್ ಕಣ್ಣಂಗಾರ್, ಜನಾಬ್ ಇ.ಕೆ ಇಬ್ರಾಹಿಂ, ಜನಾಬ್ ಯಸ್ ಯೂಸುಫ್ ಅರ್ಲಪದವು, ಜನಾಬ್ ಮೂಸ ಹಾಜಿ ಕಿನ್ಯ, ಜನಾಬ್ ಸಜಿಪ ಅಬ್ದುಲ್ ರಹ್ಮಾನ್, ಜನಾಬ್ ರಿಯಾಜ್ ಕುಲಾಯಿ, ಜನಾಬ್ ನವಾಜ್ ಕೋಟೆಕಾರ್ ವಹಿಸಿದ್ದರು. ಅಲ್ಲದೆ ವಿವಿಧ ಸಂಘಟನೆಗಳ ಮುಖಂಡರಾದ ಡಾಕ್ಟರ್ ಮಹಮ್ಮದ್ ಕಾಪು, ಜನಾಬ್ ಶುಕೂರ್ ಮನಿಲ, ಜನಾಬ್ ಖಾದರ್ ಸಾಲೆತ್ತೂರ್, ಜನಾಬ್ ಇಕ್ಬಾಲ್ ಕಾಜೂರ್, ಹಾಗೂ ಇನ್ನಿತರ ಸಂಘಟನೆಗಳ ಕಾರ್ಯಕರ್ತರು ಡಿ.ಕೆ.ಯಸ್.ಸಿ. ಯಾ ರಾಷ್ಟ್ರೀಯ ಹಾಗೂ ಇತರ ಘಟಕಗಳ ಪದಾಧಿಕಾರಿಗಳು ಮತ್ತು ಸದಸ್ಯರು ಉಪಸ್ತಿತರಿದ್ದರು.

ಸರ್ಕಾರದ ಸಂಭ್ರಮಕ್ಕೆ ಸೂತಕದ ಛಾಯೆ!

2010-05-30T22:34:00.000+05:30

ಚಿತ್ರದುರ್ಗ/ಬೆಂಗಳೂರು, ಮೇ.30: ಇಂದಿಗೆ ಸರಿಯಾಗಿ ಬಿಜೆಪಿ ಸರ್ಕಾರ ರಾಜ್ಯದಲ್ಲಿ ಅಧಿಕಾರಕ್ಕೆ ಬಂದು ಎರಡು ವರ್ಷಗಳು ತುಂಬುತ್ತದೆ. ನವ ಕರ್ನಾಟಕ ನಿರ್ಮಾಣದ ಕನಸು ಹೊತ್ತು ಸರ್ವರಿಗೂ ಸಮಪಾಲು ಎಂದು ಆಡಳಿತ ಚುಕ್ಕಾಣಿ ಹಿಡಿದ ಬಿಎಸ್ ಯಡಿಯೂರಪ್ಪ ಅವರ ನೇತೃತ್ವದ ಸರ್ಕಾರ ಇಂದು ಬೆಳಗ್ಗೆ ಶುಭಾಶಯ ವಿನಿಮಯ ಮಾಡಿಕೊಳ್ಳುವ ಮೊದಲೇ ಚಳ್ಳಕೆರೆ ದುರಂತದ ಸೂತಕದ ಛಾಯೆ ಆವರಿಸಿತು. "ಎರಡು ವರ್ಷ ಪೂರೈಸಿರುವುದಕ್ಕೆ ಸಹಜವಾಗಿ ಖುಷಿಯಾಗಿದೆ. ಸಾಕಷ್ಟು ಏಳು ಬೀಳುಗಳನ್ನು ಕಂಡಿದ್ದೇನೆ. ಆದರೆ, ನನ್ನ ಮನಸ್ಸು ವಿಚಲಿತವಾದಾಗಲೆಲ್ಲಾ ನನ್ನ ಆಪ್ತರು ಹಾಗೂ ನಾಡಿನ ಜನತೆ ನನಗೆ ಬೆಂಬಲ ಸೂಚಿಸಿ ಮುನ್ನಡೆಸಿದ್ದಾರೆ. ಸಾಧನೆಯ ಬಗ್ಗೆ ತೃಪ್ತಿಯಿದ್ದರೂ ಸಮಾಧಾನವಿಲ್ಲ. ದುರಂತಗಳನ್ನು ಎದುರಿಸುವ ಶಕ್ತಿ ಆ ಭಗವಂತ ನೀಡಲಿ" ಎಂದು ಮುಖ್ಯಮಂತ್ರಿ ಯಡಿಯೂರಪ್ಪ ಅವರು ಎರಡನೇ ವರ್ಷಾಚರಣೆಗೆ ಪ್ರತಿಕ್ರಿಯಿಸಿದರು. ಚಳ್ಳಕೆರೆಗೆ ಧಾವಿಸಿದ ಸರ್ಕಾರ: ಅಪಘಾತದ ಸುದ್ದಿ ತಿಳಿದ ತಕ್ಷಣ ತ್ರದುರ್ಗ ಜಿಲ್ಲೆ ಚಳ್ಳಕೆರೆ ತಾಲೂಕಿನ ನಾಯಕನಹಟ್ಟಿ ಗ್ರಾಮಕ್ಕೆ ಜನಪ್ರತಿನಿಧಿಗಳು ಹಾಗೂ ಅಧಿಕಾರಿಗಳ ದಂಡೇ ಹರಿದು ಬಂದಿತ್ತು. ಮೊದಲಿಗೆ ಬಂದವರು ಜಿಲ್ಲಾ ಉಸ್ತುವಾರಿ ಹಾಗೂ ಕಂದಾಯ ಸಚಿವ ಜಿ ಕರುಣಾಕರ ರೆಡ್ಡಿ, ನಂತರ ಸಮಾಜ ಕಲ್ಯಾಣ ಸಚಿವ ಡಿ. ಸುಧಾಕರ್ ಬಂದರು. ವಿಶೇಷ ಹೆಲಿಕ್ಯಾಪ್ಟರ್ ನಲ್ಲಿ ಆಗಮಿಸಿದ ಸಾರಿಗೆ ಸಚಿವ ಆರ್ ಅಶೋಕ್ , ರಾಜ್ಯ ಪೊಲೀಸ್ ಮಹಾ ನಿರ್ದೇಶಕ ಅಜಯ್ ಕುಮಾರ್ ಸಿಂಗ್ ಜತೆಗೂಡಿ ಪರಿಹಾರ ಕಾರ್ಯವನ್ನು ವೀಕ್ಷಿಸಿದರು. ಆನಂತರ ಬಂದ ಗೃಹ ಸಚಿವ ವಿಎಸ್ ಆಚಾರ್ಯ ಅವರು ಮೃತರ ಕುಟುಂಬಕ್ಕೆ ದುಃಖ ಭರಿಸುವ ಶಕ್ತಿ ಸಿಗಲಿ ಎಂದು ಪ್ರಾರ್ಥಿಸಿದರು. ಸಾಧನೆಯ ಬಗ್ಗೆ ತೃಪ್ತಿಯಿದ್ದರೂ ಸಮಾಧಾನವಿಲ್ಲ. ದುರಂತಗಳನ್ನು ಎದುರಿಸುವ ಶಕ್ತಿ ಆ ಭಗವಂತ ನೀಡಲಿ" ಹರಿದು ಬಂದ ಪರಿಹಾರದ ಹೊಳೆ: ಭೀಕರ ರಸ್ತೆ ಅಪಘಾತದಲ್ಲಿ ಮೃತಪಟ್ಟ ಕುಟುಂಬಗಳಿಗೆ ಸರ್ಕಾರದ ವತಿಯಿಂದ 3.50 ಲಕ್ಷ ರು ಪರಿಹಾರ ಸಿಗಲಿದೆ. ಮುಖ್ಯಮಂತ್ರಿಗಳ ಪರಿಹಾರ ನಿಧಿಯಿಂದ 1ಲಕ್ಷ ರು ಹಾಗೂ ರಾಜ್ಯ ರಸ್ತೆ ಸಾರಿಗೆ ಇಲಾಖೆಯಿಂದ 2.50 ಲಕ್ಷ ರು ನೀಡಲಾಗುತ್ತದೆ. ಚಾಲಕನ ನಿರ್ಲಕ್ಷ್ಯ ಕಾರಣ: ಪ್ರಾಥಮಿಕ ವರದಿಗಳ ಪ್ರಕಾರ ಮುಂಜಾನೆ ವೇಳೆ ರಸ್ತೆ ಖಾಲಿ ಇದ್ದದ್ದರಿಂದ ಅತಿ ವೇಗವಾಗಿ ಚಾಲನೆ ಮಾಡುತ್ತಿದ್ದ ಚಾಲಕ, ಮುಂಬರುತ್ತಿದ್ದ ವಾಹನಕ್ಕೆ ಢಿಕ್ಕಿ ಹೊಡ್ಯುವುದನ್ನು ತಪ್ಪಿಸಲು ಹೋಗಿ ಬಸ್ ಆಯತಪ್ಪಿ ಬೀಳಬೇಕಾಯಿತು ಎಂದು ತಿಳಿದು ಬಂದಿದೆ. ಆದರೆ ಸ್ವತಂತ್ರ ಸಂಸ್ಥೆಯಿಂದ ಸಮಗ್ರ ತನಿಖೆ ನಡೆಸಿ, ನಂತರ ಕ್ರಮ ಜರುಗಿಸಲಾಗುವುದು ಎಂದು ಅಶೋಕ್ ಹೇಳಿದರು. ಚಾಲಕರು, ನಿರ್ವಾಹಕ ಪೊಲೀಸ್ ವಶಕ್ಕೆ: ಬಸ್ ನಲ್ಲಿದ್ದ ಅರ್ಧದಷ್ಟು ಜನರು ಹೊರ ಬರಲಾರದೆ ಸಾವನ್ನಪ್ಪಿದರೂ, ನಿರ್ವಾಹಕ ನಂದನಗೌಡ ಪಾಟೀಲ, ಚಾಲಕರಾದ ಗುಂಡಪ್ಪ ಶೆಟ್ಟಿ ಹಾಗೂ ಸಿದ್ದಯ್ಯಸ್ವಾಮಿ ಆಶ್ಚರ್ಯಕರ ರೀತಿಯಲ್ಲಿ ಪಾರಾಗಿದ್ದಾರೆ. ಮೂವರನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡು ವಿಚಾರಣೆ ನಡೆಸಿದ್ದಾರೆ. ಸೂಚನೆ: ಎರಡು ವರ್ಷ ಪೂರೈಸಿದ ಬಿಎಸ್ ಯಡಿಯೂರಪ್ಪ ಸರ್ಕಾರದ ಸಂಭ್ರಮಾಚರಣೆ ಜೂನ್18 ರಂದು ಸಾಧನಾ ಸಮಾವೇಶ ಬೆಂಗಳೂರಿನ ಅರಮನೆ ಆವರಣದಲ್ಲಿ ನಡೆಯಲಿದೆ. ಮುಗಿಲು ಮುಟ್ಟಿದ ನೋವಿನ ಆಕ್ರಂದನ ಚಳ್ಳಕೆರೆ, ಮೇ. 30: ಶತ್ರುವಿಗೂ ಇಂತಹ ಸಾವು ಬರೋದು ಬೇಡ ಎಂದು ಚಳ್ಳಕೆರೆಯ ಬಸ್ ದುರಂತದಲ್ಲಿ ಬದುಕುಳಿದವರು ನೋವಿನಿಂದ ಹೇಳುತ್ತಿದ್ದಾರೆ. ನಾಯಕನಹಟ್ಟಿ ದುರಂತ ಬಸ್ ಸುಟ್ಟು ಕರಕಲಾಗುವುದನ್ನು ಕಂಡವರು ಸತ್ತವರಿಗೆ ಸಂತಾಪ ರೂಪದಿ ಕಣ್ಣೀರು ಸುರಿಸುತ್ತಾ ಚಿತ್ರದುರ್ಗ ಹಾಗೂ ಚಳ್ಳಕೆರೆಯ ಆಸ್ಪತ್ರೆಯಲ್ಲಿ ಮಲಗಿದ್ದಾರೆ. ಈ ಬಸ್ ದುರಂತದಲ್ಲಿ ಸತ್ತ 30 ಮಂದಿಯಲ್ಲಿ 24 ಮಂದಿ ಸುರಪುರದ ಕೂಲಿ ಕಾರ್ಮಿಕರು , ಈಗಾಗಲೇ 21 ಮಂದಿಯ ಶವವನ್ನು ಗುರುತಿಸಲಾಗಿದ್ದು, ಚಳ್ಳಕೆರೆಯ ಅಸ್ಪತ್ರೆಯಲ್ಲಿ ಶವಗಳನ್ನು ಇಡಲಾಗಿದೆ. ಡಿಎನ್ ಎ ತಂತ್ರಜ್ಞಾನ ಬಳಸಿ ಉಳಿದ ಶವಗಳ ಗುರುತು ಪತ್ತೆ ಕಾರ್ಯ ಮಾಡಲಾಗುತ್ತದೆ. ಸುರುಪುರದಿಂದ ಮೃತರ ಕುಟುಂಬದವರು ಚಳ್ಳಕೆರೆಗೆ ದಾವಿಸಿಬಂದಿದ್ದಾರೆ. ಬದುಕುಳಿದವರು ಹೇಳಿದ ಕಥೆ ವ್ಯಥೆ: ಮುಂಜಾನೆ ವೇಳೆ ವಾಹನಗಳು ಕಮ್ಮಿಯಿದ್ದ ಕಾರಣ, ದುರಂತಕ್ಕೀಡಾದ ಬಸ್ ಸುಮಾರು 80 ಕಿ.ಮೀ ವೇಗದಲ್ಲಿ ಚಲಿಸುತ್ತಿತ್ತು, ಮುಂದೆ ಬರುತ್ತಿದ್ದ ಲಾರಿಗೆ ಗುದ್ದುವುದನ್ನು ತಪ್ಪಿಸಲು ಹೋಗಿ ರಸ್ತೆ ವಿಭಜಕಕ್ಕೆ ಗುದ್ದಿ ಪಲ್ಟಿ ಹೊಡೆದು ಪಕ್ಕದ ನಾಲ್ಕೈದು ಅಡಿ ಹಳ್ಳಕ್ಕೆ ಬಿತ್ತು ಎಂದು ಪ್ರತ್ಯಕ್ಷ ದರ್ಶಿಯೊಬ್ಬರು ಹೇಳುತ್ತಾರೆ. ಬಸ್ ನ ಬಾಗಿಲು ನೆಲಮುಖವಾಗಿ ಬಿದ್ದಿತ್ತು. ಡೀಸೆಲ್ ಟ್ಯಾಂಕ್ ಗೆ ಬೆಂಕಿ ತಗುಲಿತು. ಆದರೆ, ಬಾಗಿಲು ತೆಗೆದು ಹೊರಬರಲಾಗದೆ 30 ಮಂದಿ ಸಜೀವ ದಹನವಾದರು. ಬಹುತೇಕ ಪ್ರಯಾಣಿಕರು ಮುಂಜಾನೆಯ ಸುಖನಿದ್ರೆಯಲ್ಲಿದ್ದರು. ಬಸ್ ಗೆ ಬೆಂಕಿ ತಗುಲಿದ ತಕ್ಷಣ, ಎಚ್ಚರಗೊಂಡು ಕೈಲಿದ್ದ ಮಗುವನ್ನು ಗಟ್ಟಿಯಾಗಿ ಹಿಡಿದುಕೊಂಡೆ. ಕಿಟಕಿ ಗಾಜು ಹೊಡೆದು ಹೊರಬಿದ್ದೆ .ಆದರೆ, ನನ್ನ ಹೆಂಡತಿಯನ್ನು ಬದುಕಿಸಲಾಗಲಿಲ್ಲ. ಈಗ ನನ್ನ ಮಗುವಿಗೆ ಯಾರು ದಿಕ್ಕು ಎಂದು ಹೆಂಡತಿ ಶವವನ್ನು ಗುರುತಿಸಲು ಹೆಣಗಾಡುತ್ತಿದ್ದ ವ್ಯಕ್ತಿ ನೋವಿನಿಂದ ಹೇಳಿದರು. ಕೂಲಿ ಕಾರ್ಮಿಕರ ಸಾವಿಗೆ ಸರ್ಕಾರವೇ ಹೊಣೆ! ಚಿತ್ರದುರ್ಗ,ಮೇ. 30: ಕೂಲಿ ಕಾರ್ಮಿಕರು ಇತ್ತೀಚೆಗೆ ಇದೇ ರೀತಿ ಅಪಘಾತದಲ್ಲಿ ದುರಂತ ಸಾವನ್ನಪ್ಪಿದ್ದರು. ಇಂದು ನಾಯಕನಹಟ್ಟಿ ಚಳ್ಳಕೆರೆ ಬಸ್ ದುರಂತದಲ್ಲಿ ಸತ್ತವರಲ್ಲಿ ಕೂಲಿ ಆಳುಗಳೇ ಹೆಚ್ಚು. ಬಡವರು ತುತ್ತು ಅನ್ನವನ್ನು ಅರಸಿ ದೂರದ ಊರಿಗೆ ಹೊರಟುವ ಪರಿಸ್ಥಿತಿ ತಂದಿಟ್ಟಿದ್ದು ರಾಜ್ಯ ಸರ್ಕಾರ ಸಾಧನೆ ಎನ್ನಬಹುದು. ಕಳೆದ ಎಂಟು ತಿಂಗಳಿನಿಂದ ಉದ್ಯೋಗ ಖಾತ್ರಿ ಯೋಜನೆ ಜಾರಿ ಮಾಡದೇ ಸರ್ಕಾರ ಉದಾಸೀನ ರೀತಿಯಲ್ಲಿ ವರ್ತಿಸುತ್ತಾ ಬಂದಿದೆ. ಹೀಗಾಗಿ ಉತ್ತರ ಕರ್ನಾಟಕದಿಂದ ಕೂಲಿ ಕಾರ್ಮಿಕರು ಉದ್ಯೋಗ ಅರಸಿ ಬೆಂಗಳೂರು, ದಾವಣಗೆರೆ, ಚಿಕ್ಕಮಗಳೂರು ಮುಂತಾದೆಡೆ ಗುಳೇ ಹೋಗುವುದು ಸಾಮಾನ್ಯವಾಗಿದೆ. ಹೀಗೆ ಗುಳೇ ಹೋಗುವುದು ಹೆಚ್ಚಾಗುತ್ತಿದ್ದು, ಇದನ್ನು ತಪ್ಪಿಸಬೇಕಾದಎರ್ ಉದ್ಯೋಗ ಖಾತ್ರಿ ಯೋಜನೆ ಜಾರಿಕೊಂಡು, ಕೂಲಿ ಆಳುಗಳಿಗೆ ಅವರ ಸ್ಥಳದಲ್ಲೇ ಉದ್ಯೋಗ ದೊರಕಿಸಿಕೊಡಬೇಕು. ಇಲ್ಲದಿದ್ದರೆ ಇಂತಹ ಪ್ರಕರಣಗಳು ಹೆಚ್ಚಿದರೆ ಆಶ್ಚರ್ಯವೇನಿಲ್ಲ. ಸುರಪುರದ ಶಾಸಕ ರಾಜೂಗೌಡ ಅವರು ಇಂದು ಘಟನಾ ಸ್ಥಳಕ್ಕೆ ಭೇಟಿ ನೀಡಿ ನಂತರ ಉದ್ಯೋಗ ಖಾತ್ರಿ ಯೋಜನೆ ಜಾರಿಗೊಳ್ಳದ ಕಾರಣ, ಒಂದು ರೀತಿ ಸಾವಿಗೆ ನಾವೂ ಸಹ ಕಾರಣ ಎಂದು ವಿಷಾದಿಸಿದರು

ಚಿದಂಬರಂ ವರ್ತನೆ ಸರಿಯಿಲ್ಲ: ಮತ್ತೆ ಗುಡುಗಿದ ಪೂಜಾರಿ

2010-05-30T22:32:00.000+05:30

ನಕ್ಸಲರ ಅಟ್ಟಹಾಸದ ಸಂದರ್ಭ ಕೇಂದ್ರ ಗೃಹ ಸಚಿವ ಪಿ. ಚಿದಂಬರಂ ಅವರ ವರ್ತನೆ ಸರಿಯಿಲ್ಲ ಎಂದು ಎರಡು ದಿನಗಳ ಹಿಂದೆ ಕಿಡಿ ಕಾರಿದ್ದ ಕೇಂದ್ರದ ಮಾಜಿ ಸಚಿವ ಬಿ. ಜನಾರ್ದನ ಪೂಜಾರಿ ಅವರು ಮತ್ತೆ ಚಿದಂಬರಂ ಟೀಕಿಸುವ ಮೂಲಕ ತನ್ನ ಹೇಳಿಕೆಯನ್ನು ಸಮರ್ಥಿಸಿಕೊಂಡಿದ್ದಾರೆ.

ಮಂಗಳೂರಿನಲ್ಲಿ ಮಾತನಾಡುತ್ತಾ, ಚಿದಂಬರಂ ವಿರುದ್ಧ ತಾನು ನೀಡಿದ ಹೇಳಿಕೆಯನ್ನು ಬಲವಾಗಿ ಸಮರ್ಥಿಸಿಕೊಂಡರು. ಸಚಿವ ಸ್ಥಾನದಲ್ಲಿರುವಾಗ ಹೊಣೆಗಾರಿಕೆ ಹೊತ್ತುಕೊಂಡು ಕಾರ್ಯ ನಿರ್ವಹಿಸಬೇಕು. ಅದು ಬಿಟ್ಟು ನನಗೆ ಲಿಮಿಟೇಶನ್ ಇದೆ ಎಂದು ಹೇಳುವ ಮೂಲಕ ಕೇಂದ್ರ ಗೃಹ ಸಚಿವ ಚಿದಂಬರಂ ಪ್ರಧಾನ ಮಂತ್ರಿ ಮೇಲೆ ಗೂಬೆ ಕೂರಿಸುವ ಯತ್ನ ಮಾಡುತ್ತಿದ್ದಾರೆ. ಇದು ಸರಿಯಲ್ಲ. ಸಚಿವರಾಗಿ ಅಧಿಕಾರದಲ್ಲಿರುವಾಗ ಸ್ವತಃ ಆಕ್ಟ್ ಮಾಡಬೇಕು ಎಂದು ಪೂಜಾರಿ ನುಡಿದರು.

ದೇಶಾದ್ಯಂತ ನಕ್ಸಲರು ಬಡವರನ್ನು ಹೀನಾಯ ರೀತಿಯಲ್ಲಿ ಸಾಯಿಸುತ್ತಿರುವುದು ಖಂಡನೀಯ. ನಕ್ಸಲರ ವಿರುದ್ಧ ಕೇಂದ್ರ ಮತ್ತು ರಾಜ್ಯ ಸರಕಾರ ಕಠಿಣ ಕ್ರಮ ಕೈಗೊಳ್ಳಲು ಮುಂದಾಗಬೇಕು ಎಂದು ಸಲಹೆ ನೀಡಿದರು. ನಕ್ಸಲರ ದಮನಕ್ಕೆ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲು ಆಗದಿದ್ದರೆ ಚಿದಂಬರಂ ರಾಜೀನಾಮೆ ನೀಡುವುದು ಉತ್ತಮ ಎಂದು ಪೂಜಾರಿ ಉಡುಪಿಯಲ್ಲಿ ಆಗ್ರಹಿಸಿದ್ದರು.

ಮಂಗಳೂರು ಬಜ್ಪೆ ವಿಮಾನ ನಿಲ್ದಾಣದಲ್ಲಿ ನಡೆದ ದುರಂತರದಲ್ಲಿ ಮೃತಪಟ್ಟವರಿಗೆ ಕೇಂದ್ರ ಸರಕಾರ ಘೋಷಿಸಿರುವ ಪರಿಹಾರ ಮೊತ್ತ ಹೆಚ್ಚಿಸಬೇಕು ಎಂದು ಪೂಜಾರಿ ಈ ಸಂದರ್ಭ ಆಗ್ರಹಿಸಿದರು. ಕೇಂದ್ರ ಈಗಾಗಲೇ ಎರಡು ಲಕ್ಷ ರೂ. ಮೊತ್ತ ಘೋಷಿಸಿದ್ದು, ಅದನ್ನು ಇನ್ನಷ್ಟು ಹೆಚ್ಚಿಸಬೇಕು ಎಂದು ಸೋನಿಯಾ ಗಾಂಧಿ ಹಾಗೂ ಪ್ರಧಾನಿ ಮನಮೋಹನ್ ಸಿಂಗ್ ಅವರಿಗೆ ಪತ್ರ ಬರೆದಿದ್ದೇನೆ. ಈ ಕುರಿತು ಸಂಸದ ಆಸ್ಕರ್ ಫರ್ನಾಂಡಿಸ್ ಕೂಡ ಕೇಂದ್ರದ ಮೇಲೆ ಒತ್ತಡ ಹೇರುತ್ತಿದ್ದಾರೆ ಎಂದರು.

ವಿಮಾನಯಾನ ಅಂತಾರಾಷ್ಟ್ತ್ರೀಯ ಒಪ್ಪಂದ ಪ್ರಕಾರ ಪ್ರತಿಯೊಬ್ಬ ಪ್ರಯಾಣಿಕರಿಗೂ 1,65,000 ಡಾಲರ್ ಅಂದರೆ ಸುಮಾರು 76 ಲಕ್ಷ ರೂ. ಪರಿಹಾರ ನೀಡಬೇಕು. ಅದರಂತೆ ಗರಿಷ್ಠ ಮೊತ್ತದ ಪರಿಹಾರ ನೀಡಬೇಕು ಎಂದು ಅವರು ಹೇಳಿದರು.

ಮಾವೋ ಟೆರರ್: ಅಪ್ಪಿಕೊಂಡೇ ಪರಲೋಕ ಸೇರಿದ ಅವಳಿಗಳು!

2010-05-30T22:30:00.000+05:30

ನಕ್ಸಲರ ರಕ್ತಪಿಪಾಸುತನಕ್ಕೆ ಬಲಿಯಾದವರು ಮುಗ್ಧ ಜನರು. ಸಾವಿನ ಸಂಖ್ಯೆಯು 115 ದಾಟಿರುವಂತೆಯೇ ಮನ ಕಲಕುವ ಕಥೆಗಳು, ಮಾವೋವಾದಿಗಳ ಹಿಂಸಾ ಪೀಡಿತ ಮನಸ್ಥಿತಿಯ ಕುರಿತ ಆಕ್ರೋಶದ ಭಾವನೆ ಎಲ್ಲೆಡೆ ವ್ಯಕ್ತವಾಗುತ್ತಿವೆ. ಮನ ಕಲಕುವ ಗಾಥೆ ಈ ಅವಳಿ ಪುಟಾಣಿಗಳದ್ದು.

ಏಳು ವರ್ಷ ಪ್ರಾಯದ ಶಿರಿನ್ ಮತ್ತು ಶರ್ಮಿನ್ ಪರಸ್ಪರರನ್ನು ಹೋಲುವ ಅವಳಿಗಳು. ರಜಾದಿನಗಳನ್ನು ಜೊತೆಯಾಗಿ ಆನಂದಿಸಲೆಂದು ಮೊತ್ತ ಮೊದಲ ಬಾರಿಗೆ ರೈಲೇರಿದ್ದ ಈ ಎರಡನೇ ತರಗತಿಯ ಅವಳಿಗಳು, ಮುಂಬಯಿಯ ಎಲಿಫೆಂಟಾ ಗುಹೆ ನೋಡಲು ಹೊರಟಿದ್ದರು. ಮಾವೋವಾದಿಗಳು ಯಾರು ಅಥವಾ ತಾವು ರಜಾದಿನಗಳ ಆನಂದ ಅನುಭವಿಸಲು ಹೊರಟಿರುವ ರೈಲನ್ನೇಕೆ ಅವರು ಗುರಿಯಾಗಿಸಬೇಕು ಎಂಬುದೇನೂ ಅವರಿಗೆ ಅರಿವಿರಲಿಲ್ಲ.

ಎಲಿಫೆಂಟಾ ಕೇವ್ಸ್‌ಗೆ ಹೋಗಿ ಜೊತೆಯಾಗಿ ಫೋಟೋ ತೆಗೆಸಬೇಕು, ಅಲ್ಲಿ ಸಂತೋಷದಿಂದ ಸುತ್ತಾಡಬೇಕು, ಆನಂದ ಪಡೆಯಬೇಕು ಎಂಬೆಲ್ಲಾ ಕನಸುಗಳನ್ನು ಕಾಣುತ್ತಲೇ ಒಬ್ಬರ ತೆಕ್ಕೆಯಲ್ಲಿ ಮತ್ತೊಬ್ಬರು ರೈಲಿನಲ್ಲಿ ಸುಖ ನಿದ್ರೆಗೆ ಜಾರಿದ್ದರು.

ಜ್ಞಾನೇಶ್ವರಿ ಎಕ್ಸ್‌ಪ್ರೆಸ್ ರೈಲಿನ ಎಸ್-4 ಕೋಚ್‌ನಲ್ಲಿ ಸಿಆರ್‌ಪಿಎಫ್ ಯೋಧರು ಈ ಪುಟಾಣಿಗಳು ಪರಸ್ಪರ ತಬ್ಬಿಕೊಂಡೇ ಚಿರನಿದ್ರೆಗೆ ಜಾರಿದ್ದ ದೃಶ್ಯವನ್ನು ಕಂಡು ದುಃಖ ತಡೆದುಕೊಳ್ಳಲಾಗಲಿಲ್ಲ! ತಮ್ಮ ಕಂದಮ್ಮಗಳಿಗೆ ರಜಾದಿನದ ಆನಂದ ಒದಗಿಸಲೆಂದು ತಾವು ದುಡಿದ ಹಣವನ್ನೆಲ್ಲಾ ಒಟ್ಟುಗೂಡಿಸಿ, ಮಕ್ಕಳೊಂದಿಗೆ ಹೊರಟಿದ್ದ ಈ ಮಕ್ಕಳ ತಂದೆ-ತಾಯಿ ಸಯ್ಯದ್ ಜಾವೇದ್ ಆಲಂ (35) ಮತ್ತು ಸಬಿಹಾ (30) ಕೂಡ ಬದುಕುಳಿಯಲಿಲ್ಲ.

ಮೊದಲು ಅವರ ಶವಗಳು ಪತ್ತೆಯಾದ ಬಳಿಕ ರೈಲಿನ ಈ ಬಂಡಿಯನ್ನು ತುಂಡರಿಸಿ ಮತ್ತಷ್ಟು ಒಳಗೆ ನೋಡಿದಾಗ, ಪುಟಾಣಿ ಕೈಗಳು, ಹಾಲು ಗಲ್ಲ ಕಂಡಿತ್ತು ಈ ಸಿಆರ್‌ಪಿಎಫ್ ಸೈನಿಕರಿಗೆ. ತಕ್ಷಣವೇ ಹೊರತೆಗೆಯುವ ಕೆಲಸವನ್ನು ಚುರುಕುಗೊಳಿಸಿದರು, ಎಲ್ಲಾದರೂ ಈ ಮಕ್ಕಳನ್ನು ಉಳಿಸಬಹುದೇ ಎಂಬ ನಿರೀಕ್ಷೆಯಲ್ಲಿ. ಗ್ಯಾಸ್ ಕಟ್ಟರ್ ಹಿಡಿದು ಮುಂದುವರಿದಾಗ, ಕಬ್ಬಿಣದ ತಗಡು ತುಂಡರಿಸಿ ನೋಡಿದಾಗ, ದೃಶ್ಯ ನೋಡಿ ಆಘಾತಗೊಂಡರು. ಈ ಪುಟಾಣಿಗಳು ಪರಸ್ಪರರನ್ನು ಬಿಗಿದಪ್ಪಿಕೊಂಡಿದ್ದರು. ಒಬ್ಬಳ ತಲೆ ಮತ್ತೊಬ್ಬಳ ಎದೆಯಲ್ಲಿ ಹುದುಗಿತ್ತು. ಅವರಿಬ್ಬರೂ ನಿದ್ರಿಸುತ್ತಿದ್ದಂತೆಯೇ ತೋರುತ್ತಿತ್ತು, ಆದರೆ ಮುಖದಲ್ಲಿ ರಕ್ತ! ಈ ಮೃತದೇಹಗಳನ್ನು ಹೊರಗೆತೆಯಲು ಜವಾನರು ಈ ಮಕ್ಕಳನ್ನು ಬೇರ್ಪಡಿಸಲೇಬೇಕಿತ್ತು. ಎಂಥಾ ಹೃದಯ ವಿದ್ರಾವಕ ಕ್ಷಣಗಳಾಗಿತ್ತವು!

ನಕ್ಸಲ್ ಹಿಂಸಾ ವಾದಕ್ಕೆ, ರಕ್ತ ಪಿಪಾಸುತನಕ್ಕೆ ಧಿಕ್ಕಾರವಿರಲಿ!

ಜೆಟ್ ಏರ್ ವೇಸ್ ಕಾಮುಕ ಪೈಲಟ್ ಸೆರೆ

2010-05-30T22:14:00.000+05:30

ಮುಂಬೈ, ಮೇ.30: ಜೆಟ್ ಏರ್ ವೇಸ್ ನ ಗಗನ ಸಖಿಯ ಮೆಲೆ ಅತ್ಯಾಚಾರ ಎಸೆಗಿದ ಆರೋಪದ ಮೇಲೆ ಜೆಟ್ ಏರ್ ವೇಸ್ ನ ಸಹ ಪೈಲಟ್ ವರುಣ್ ಅಗರವಾಲ್ ಎಂಬುವವರನ್ನು ಮುಂಬೈ ವಿಮಾನ ನಿಲ್ದಾಣದಲ್ಲಿ ಬಂಧಿಸಲಾಗಿದೆ.

ಬಂಧಿತ ಆರೋಪಿ ವರುಣ್(27) ಮದುವೆಯಾಗುವ ಸೋಗು ಹಾಕಿ, 22 ವರ್ಷದ ಗಗನಸಖಿ ಸಲೋನಿ ಅವರನ್ನು ತನ್ನ ಕಾಮತೃಷೆಗೆ ಬಳಸಿಕೊಂಡಿದ್ದಾನೆ ಎನ್ನಲಾಗಿದೆ. ಇಬ್ಬರೂ ಲಿನ್ ಇನ್ ಸಂಬಂಧದಂತೆ ಒಟ್ಟಿಗೆ ವಾಸಿಸುತ್ತಿದ್ದರು. 2009 ರ ಮೇನಿಂದ ಸಲೋನಿ ಮೇಲೆ ಅನೇಕ ಬಾರಿ ಅತ್ಯಾಚಾರ ಎಸೆಗಿದ್ದಾನೆ ಎಂದು ಆರೋಪ ಪಟ್ಟಿಯಲ್ಲಿ ಹೇಳಲಾಗಿದೆ. ಸೆಕ್ಷನ್ 376(ರೇಪ್) , 420(ವಂಚನೆ) ಅಲ್ಲದೆ ಸೆಕ್ಷನ್ 323ಹಾಗೂ 506 ರ ಅಡಿಯಲ್ಲಿ ಕೇಸು ದಾಖಲಿಸಲಾಗಿದೆ ಎಂದು ಮುಂಬೈನ ಸಹಾಯಕ ಪೊಲೀಸ್ ಇನ್ಸ್ ಪೆಕ್ಟರ್ ಆಶಾ ಕೊರ್ಕೆ ಹೇಳಿದ್ದಾರೆ.

ರೇಪ್ ಕೇಸ್ ಹಿಸ್ಟರಿ: ಉತ್ತಾರಾಂಚಲ ಮೂಲದವರ ವರುಣ್ ಹಾಗೂ ಸಲೋನಿ ಜೆಟ್ ಏರ್ ವೇಸ್ ನಲ್ಲಿ ಸಹೋದ್ಯೋಗಿಗಳಾಗಿದ್ದಾರೆ.2008 ರಿಂದ ಸಲೋನಿ ಬೆನ್ನ ಹಿಂದೆ ಬಿದ್ದ ವರುಣ್, ಕೊನೆಗೂ ಆಕೆಯನ್ನು ಒಲಿಸಿಕೊಳ್ಳುವಲ್ಲಿ ಸಫಲನಾಗುತ್ತಾನೆ. ಒಂದೇ ಊರಿನವ, ಒಂದೇ ಕಡೆ ಉದ್ಯೋಗವಾದ್ದರಿಂದ ಸಲೋನಿ ಕೂಡ ಆತನಿಗೆ ಮನಸೋಲುತ್ತಾಳೆ.

ವರುಣ್ ಮದುವೆ ಭರವಸೆ ನೀಡಿದ ಖುಷಿಯಲ್ಲಿ ಮುಂಬೈನಲ್ಲಿ ಒಟ್ಟಿಗೆ ವಾಸಿಸತೊಡಗುತ್ತಾರೆ. ಆದರೆ, ಸಲೋನಿಗೆ ದೈಹಿಕವಾಗಿ, ಮಾನಸಿಕವಾಗಿ ವರುಣ್ ಹಿಂಸೆ ಕೊಡಲಾರಂಭಿಸುತ್ತಾನೆ. ಮನೆ ಬಿಟ್ಟು ಹೋಗು ಇಲ್ಲದಿದ್ದರೆ ಆಸಿಡ್ ಹಾಕುವುದಾಗಿ ಬೆದರಿಕೆ ಒಡ್ಡುತ್ತಾನೆ. ಕೊನೆಗೂ ಸಲೋನಿಯ ತಾಳ್ಮೆ ಕಟ್ಟೆ ಒಡೆದು, ಅವನ ಹಿಂಸೆಗೆ ತಡೆ ಒಡ್ಡಲು ನಿರ್ಧರಿಸುತ್ತಾಳೆ. ಮೇ.10 ರಂದು ಪೊಲೀಸರಿಗೆ ದೂರು ನೀಡುತ್ತಾಳೆ. ಸದ್ಯ ಪುವೈ ಪೊಲೀಸ್ ಠಾಣೆ ವರುಣ್ ನನ್ನು ಬಂಧಿಸಿ ಕೋರ್ಟ್ ಗೆ ಹಾಜರು ಪಡಿಸಿದೆ.

ಚಿನ್ನದ ಬೆಲೆ ಗಗನಕ್ಕೆ, 10 ಗ್ರಾಂ ಬೆಲೆ 18,790 ರೂ!

2010-05-30T22:11:00.001+05:30

ಮದುವೆ ಸೀಸನ್‌ನಿಂದಾಗಿ ಸ್ಟಾಕಿಸ್ಟುಗಳು ಮತ್ತು ಆಭರಣ ವ್ಯಾಪಾರಿಗಳಿಂದ ಭರ್ಜರಿ ಖರೀದಿಯಿಂದ ಉತ್ತೇಜನ ಪಡೆದ ಚಿನ್ನದ ದರವು ಶನಿವಾರ ಬುಲಿಯನ್ ಮಾರುಕಟ್ಟೆಯಲ್ಲಿ ಗ್ರಾಂಗೆ 115 ರೂ. ಮೇಲಕ್ಕೇರಿ, ಹತ್ತು ಗ್ರಾಂಗೆ 18.790 ರೂ. ತಲುಪಿತು.

ವಿದೇಶೀ ಮಾರುಕಟ್ಟೆಯಲ್ಲಿ ಔನ್ಸ್‌ಗೆ 2.30 ಡಾಲರ್ ಹೆಚ್ಚಿಸಿಕೊಂಡ ಚಿನ್ನವು 1214.30 ಡಾಲರ್‌ಗೆ ಏರಿತು.

ಸ್ಟ್ಯಾಂಡರ್ಡ್ ಚಿನ್ನ ಮತ್ತು ಆಭರಣ ಚಿನ್ನದ ದರವು ತಲಾ 115 ರೂ. ಏರಿಕೆ ಕಂಡು ಹತ್ತು ಗ್ರಾಂಗೆ ಅನುಕ್ರಮವಾಗಿ 18,790 ರೂ. ಮತ್ತು 18,640 ರೂ.ಗೆ ಏರಿತು. ಸವರಿನ್ ಚಿನ್ನದ ದರವು ಕೂಡ 50 ರೂ. ಏರಿಕೆ ಕಂಡು ಎಂಟು ಗ್ರಾಂಗೆ 14,600 ರೂ. ತಲುಪಿತು.

ಮದುವೆ ಸೀಸನ್‌ನಿಂದಾಗಿ ತೀವ್ರ ಮೇಲಕ್ಕೇರಿದ್ದ ಚಿನ್ನದ ದರವು ಬುಧವಾರ ಹತ್ತು ಗ್ರಾಂಗೆ 18,810 ರೂ. ತಲುಪಿತ್ತು.

ವೃದ್ಧೆಯ ಕೊರಳ ಕೊಯ್ದ ದುರಳರು

2010-05-30T22:10:00.001+05:30

ಬೆಂಗಳೂರು, ಮೇ.30: ಇತ್ತೀಚೆಗೆ ಕೋಣನಕುಂಟೆ ಬಳಿ ಒಂಟಿ ಮಹಿಳೆ ಕೊಲೆಯಾದ ಬೆನ್ನಲ್ಲೇ ನಗರದಲ್ಲಿ ಮತ್ತೆ ಒಂಟಿ ಮಹಿಳೆಯೊಬ್ಬರ ಹತ್ಯೆ ನಡೆದಿದೆ. ಎಲೆಕ್ಟ್ರಾನಿಕ್ ಸಿಟಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಶನಿವಾರ ರಾತ್ರಿ 70 ವಯಸ್ಸಿನ ವೃದ್ಧೆ ಜಯಲಕ್ಷ್ಮೀ ಎಂಬುವವರ ಕೊರಳ ಕುಯ್ದು ಹತ್ಯೆ ಮಾಡಿ, ಚಿನ್ನದ ಸರ ಎಗರಿಸಿಕೊಂಡು ಹೋಗಿದ್ದಾರೆ.

ಘಟನೆ ವಿವರ: ಜಯಲಕ್ಷ್ಮಿ ಅವರ ಟೆಕ್ಕಿ ಮಗ ಮತ್ತು ಸೊಸೆ ಮನೆಯಲ್ಲಿ ಇಲ್ಲದ ಸಮಯದಲ್ಲಿ ದುಷ್ಕರ್ಮಿಗಳು ಈ ಕೃತ್ಯ ಎಸಗಿದ್ದಾರೆ. ಮಗ ಮತ್ತು ಸೊಸೆ ಬೆಳಗ್ಗೆ 11ಕ್ಕೆ ಕನಕಪುರ ರಸ್ತೆಯಲ್ಲಿ ಇರುವ ರವಿಶಂಕರ್ ಗುರೂಜಿ ಅವರ ಆರ್ಟ್ ಆಫ್ ಲಿವಿಂಗ್‌ಗೆ ಹೋಗಿದ್ದರು. ಮನೆಯಲ್ಲಿ ಜಯಲಕ್ಷ್ಮೀ ಒಬ್ಬರೇ ಇದ್ದರು. ಮಗ ಮತ್ತು ಸೊಸೆ ರಾತ್ರಿ ಮನೆಗೆ ಬಂದಾಗ ಇಬ್ಬರು ಮನೆಯೊಳಗಿಂದ ಹೊರಕ್ಕೆ ಓಡಿ ಹೋಗುತ್ತಿದ್ದನ್ನು ಕಂಡು ಸಹಾಯಕ್ಕೆ ನೆರೆಮನೆ ಅವರನ್ನು ಕೂಗಿದ್ದಾರೆ.

ದುಷ್ಕರ್ಮಿಗಳಲ್ಲಿ ಒಬ್ಬ ಓಡಿ ಹೋಗುವಾಗ ಸಿಕ್ಕಿ ಬಿದ್ದಿದ್ದು, ಪೊಲೀಸರ ವಶಕ್ಕೆ ಒಪ್ಪಿಸಲಾಗಿದೆ. ಆರೋಪಿಯನ್ನು ಚೋಟು ಎಂದು ಗುರುತಿಸಲಾಗಿದೆ. ಪಕ್ಕದ ಅಪಾರ್ಟ್‌ಮೆಂಟ್‌ನಲ್ಲಿ ಕಾರ್ಪೆಂಟರ್ ಆಗಿ ಕೆಲಸ ಮಾಡುತ್ತಿರುವವರ ಕೃತ್ಯ ಇದು ಎಂದು ಶಂಕಿಸಲಾಗಿದೆ. ಎಲೆಕ್ಟ್ರಾನಿಕ್ ಸಿಟಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಮುಂದಿನ ತನಿಖೆ ಕೈಗೊಂಡಿದ್ದಾರೆ.

ಕೆಲವರಿಗೆ ನಮ್ಮ ಅಭಿವೃದ್ದಿ ಸಹಿಸಲು ಆಗುತ್ತಿಲ್ಲ: ಸಿ.ಟಿ.ರವಿ

2010-05-30T22:06:00.000+05:30

ಅಭಿವೃದ್ದಿ ಮೂಲಕ ಜನರ ಮನಸ್ಸು ಗೆಲ್ಲುವ ತಮ್ಮ ವಿಶ್ವಾಸದ ರಾಜಕಾರಣವನ್ನು ಕ್ಷೇತ್ರದ ಕೆಲವರಿಗೆ ಸಹಿಸಿಕೊಳ್ಳಲಾಗುತ್ತಿಲ್ಲ ಎಂದು ಶಾಸಕ ಸಿ.ಟಿ.ರವಿ ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಒಡೆದಾಳುವ ನೀತಿ ಅನುಸರಿಸುತ್ತಿದ್ದವರಿಗೆ ತಮ್ಮ ವಿಶ್ವಾಸದ ರಾಜಕಾರಣ ನುಂಗಲಾರದ ತುತ್ತಾಗಿದೆ. ಬೀರೂರು ಕ್ಷೇತ್ರದಲ್ಲಿ 30 ವರ್ಷಗಳಿಂದ ಹೊಡೆದಾಟದ ರಾಜಕಾರಣವೇ ಇತ್ತು. ಆ ಕ್ಷೇತ್ರದ ಅನೇಕ ಪ್ರದೇಶಗಳು ತಮ್ಮ ಕ್ಷೇತ್ರ ವ್ಯಾಪ್ತಿಗೆ ಸೇರಿದ ಬಳಿಕ ಹೊಡೆದಾಟದ ರಾಜಕಾರಣ ಕೊನೆಗೊಂಡಿದೆ ಎಂದು ಜೆಡಿಎಸ್ ಮುಖಂಡರ ಟೀಕೆಗೆ ತೀಕ್ಷ್ಣವಾಗಿ ಪ್ರತಿಕ್ರಿಯಿಸಿದರು.

ಸಖರಾಯಪಟ್ಟಣ ಹೋಬಳಿ ವ್ಯಾಪ್ತಿಯ ಗ್ರಾಮಗಳಲ್ಲಿ ಹೊಡೆದಾಡಿಕೊಂಡು ಪೊಲೀಸ್ ಠಾಣೆ, ಕೋರ್ಟ್ ಮೆಟ್ಟಿಲೇರಿ ಜೆಡಿಎಸ್ ಮತ್ತು ಕಾಂಗ್ರೆಸ್ ಪಕ್ಷದ ಅನೇಕ ಕಾರ್ಯಕರ್ತರು ಮನೆ ಹಾಳು ಮಾಡಿಕೊಂಡಿರುವ ನಿದರ್ಶನಗಳಿವೆ. ತಾವು ಶಾಸಕರಾದ ಎರಡೇ ವರ್ಷಗಳಲ್ಲಿ ದ್ವೇಷದ ರಾಜಕಾರಣ ತಪ್ಪಿ ಒಳ್ಳೆಯ ವಾತಾವರಣ ಮೂಡಿದೆ ಎಂದರು.

ಶಾಸಕರ ಉಪಟಳ, ಭ್ರಷ್ಟಾಚಾರ ಹೆಚ್ಚಿದೆ ಎನ್ನುವವರು ನಿರ್ದಿಷ್ಟ ದೂರು ಸಲ್ಲಿಸಿದರೆ ಯಾವುದೇ ತನಿಖೆಗೆ ಪಕ್ಷದ ಹಾಗೂ ತಮ್ಮ ಸಹಕಾರ ಇದ್ದೇ ಇರುತ್ತದೆ. ಅನಗತ್ಯವಾಗಿ ತಪ್ಪು ಮಾಹಿತಿ ನೀಡುವ ಕೆಲಸ ಮಾಡಬಾರದು ಎಂದು ಜೆಡಿಎಸ್ ಮುಖಂಡರಿಗೆ ಕಿವಿಮಾತು ಹೇಳಿದರು.

ಡಿಸಿಸಿ ಬ್ಯಾಂಕ್ ಚುನಾವಣೆಯಲ್ಲಿ ಕಾಂಗ್ರೆಸ್ ಜತೆ ಬಿಜೆಪಿ ಹೊಂದಾಣಿಕೆ ಮಾಡಿಕೊಂಡಿಲ್ಲ. ಕೇವಲ ತಂತ್ರಗಾರಿಕೆ ಹಿನ್ನೆಲೆಯಲ್ಲಿ ಚಿಕ್ಕಮಗಳೂರು ತಾಲೂಕು ಕ್ಷೇತ್ರದಿಂದ ರ್ಸ್ಪಸಿದ್ದವರಲ್ಲಿ ಉತ್ತಮರೆಂಬ ಕಾರಣಕ್ಕೆ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಎಂ.ಎಲ್. ಮೂರ್ತಿಯನ್ನು ಬಿಜೆಪಿ ಬೆಂಬಲಿಸಿತ್ತು. ಬ್ಯಾಂಕ್ ಚುನಾವಣೆಯಲ್ಲಿ ಜೆಡಿಎಸ್ ಮತ್ತು ಕಾಂಗ್ರೆಸ್ ಹೊಂದಾಣಿಕೆ ಆಗಿತ್ತು. ತರೀಕೆರೆ ಮತ್ತು ಶೃಂಗೇರಿ ತಾಲೂಕುಗಳಲ್ಲಿ ಈ ಹೊಂದಾಣಿಕೆ ನಡುವೆ ತಮ್ಮ ಪಕ್ಷದ ಅಭ್ಯರ್ಥಿಗಳು ಗೆದ್ದಿದ್ದರೆ, ಕಡೂರು ತಾಲೂಕಿನಲ್ಲಿ ತಮ್ಮ ಪಕ್ಷದ ಅಭ್ಯರ್ಥಿ ಬೆಳ್ಳಿ ಪ್ರಕಾಶ್ ಒಂದು ಮತದ ಅಂತರದಿಂದ ಸೋತಿದ್ದಾರೆ. ಸ್ವ ಸಾಮರ್ಥ್ಯದಿಂದ ಬೆಳೆದಿರುವ ತಮ್ಮ ಪಕ್ಷಕ್ಕೆ ಪರಾವಲಂಬಿ ರಾಜಕಾರಣದಲ್ಲಿ ನಂಬಿಕೆ ಇಲ್ಲ ಎಂದರು.

ಪ್ರವಾದಿಗೆ ಅಗೌರವ, ಬಾಂಗ್ಲಾದಲ್ಲಿ ಫೇಸ್‌ಬುಕ್‌ಗೇ ನಿಷೇಧ!

2010-05-30T22:04:00.000+05:30

ಪಾಕಿಸ್ತಾನದ ನಂತರ ಇದೀಗ ಬಾಂಗ್ಲಾ ದೇಶ ಸಾರ್ವಜನಿಕ ಸಂಪರ್ಕ ತಾಣವಾದ ಫೇಸ್‌ಬುಕ್ ಅನ್ನು ರಾಷ್ಟ್ರಾದ್ಯಂತ ನಿಷೇಧಿಸಿದೆ. ಪ್ರವಾದಿ ಮಹಮ್ಮದ್ ಪೈಗಂಬರ್ ಹಾಗೂ ದೇಶದ ನಾಯಕರನ್ನು ಅಗೌರವವಾಗಿ ಅಸಹ್ಯಕರ ರೀತಿಯಲ್ಲಿ ವ್ಯಂಗ್ಯ ವ್ಯಕ್ತಿ ಚಿತ್ರ ಬಿಡಿಸಿದ ಕಾರಣಕ್ಕಾಗಿ ಈ ಸಾರ್ವಜನಿಕ ಸಂಪರ್ಕ ತಾಣವನ್ನೇ ಬ್ಲಾಕ್ ಮಾಡಲಾಗಿದೆ.

ಆದರೂ ಇನ್ನೂ ಯಾವುದೇ ಅಧಿಕೃತ ಹೇಳಿಕೆಗಳನ್ನು ನೀಡದಿದ್ದರೂ, ಬಾಂಗ್ಲಾ ದೇಶದ ಪತ್ರಿಕೆಗಳು ಉನ್ನತ ಮೂಲಗಳ ಹೇಳಿಕೆಗಳನ್ನು ದಾಖಲಿಸಿದ್ದು, ತಮ್ಮ ಪತ್ರಿಕೆಗಳಲ್ಲಿ ಪ್ರಕಟಿಸಿವೆ.

ಅಧಾರ್ಮಿಕವಾದ, ಹಾಗೂ ಅಶ್ಲೀಲಕರ ಚಿತ್ರಗಳ ಲಿಂಕ್‌ಗಳನ್ನು ಈ ಸಂಪರ್ಕ ತಾಣಗಳಲ್ಲಿ ಇತ್ತೀಚೆಗೆ ಪೋಸ್ಟ್ ಮಾಡುತ್ತಿರುವುದು ಹೆಚ್ಚಾಗಿದೆ. ಹೀಗಾಗಿ ತಾತ್ಕಾಲಿಕವಾಗಿ ಫೇಸ್‌ಬುಕ್‌ನನ್ನೇ ಬಾಂಗ್ಲಾದೇಶದೊಳಗೆ ಬ್ಲಾಕ್ ಮಾಡಲಾಗಿದೆ. ಆದರೆ, ಈ ಬಗ್ಗೆ ಇನ್ನೂ ಸರ್ಕಾರ ಅಧಿಕೃತವಾಗಿ ಮುಂದಿನ ಹೆಜ್ಜೆಯಿಟ್ಟಿಲ್ಲ ಎಂದು ಉನ್ನತ ಮೂಲಗಳು ತಿಳಿಸಿವೆ.

ಆಂಟಿ ಇಸ್ಲಾಮಿಕ್ ಚಟುವಟಿಕೆಗಳೂ ಕೂಡಾ ಈ ಸಂಪರ್ಕ ತಾಣದಲ್ಲಿ ಹೆಚ್ಚಾಗುತ್ತಿದ್ದು, ಜನರ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತರುವ ಹೇಯ ಕೃತ್ಯಗಳನ್ನು ಮಾಡಲಾಗುತ್ತಿದೆ. ಇವೆಲ್ಲವೂ ಸೈಬರ್ ಕ್ರೈಂ ಆಗಿದ್ದು, ಇಂತಹ ಕೆಲಸ ಮಾಡುವ ಮಂದಿ ಶಿಕ್ಷಾರ್ಹರಾಗಿತ್ತಾರೆ. ಕೇವಲ ಪ್ರವಾದಿ ಮಹಮ್ಮದ್ ಮಾತ್ರವಲ್ಲದೆ, ದೇಶದ ಪ್ರತಿಷ್ಠಿತ ನಾಯಕರನ್ನೂ ಹೇಯವಾಗಿ ಚಿತ್ರಿಸಲಾಗುತ್ತಿದ್ದು, ಇವೆಲ್ಲವಕ್ಕೂ ಕಡಿವಾಣ ಹಾಕಲು ದೇಶದೊಳಗೆ ಈ ವೆಬ್‌ಸೈಟನ್ನೇ ಬ್ಲಾಕ್ ಮಾಡಲಾಗಿದ್ದು, ಇದನ್ನು ತೆರೆಯಲು ಸಾಧ್ಯವಾಗುತ್ತಿಲ್ಲ.

ಆದರೆ ಢಾಕಾ ವಿಶ್ವವಿದ್ಯಾನಿಲಯದ ವಿದ್ಯಾರ್ಥಿಗಳು ಫೇಸ್‌ಬುಕ್ ಸಂಪರ್ಕ ತಾಣವನ್ನು ನಿಷೇಧಿಸಿರುವುದಕ್ಕೆ ಭಾರೀ ಪ್ರತಿಭಟನೆ ನಡೆಸುತ್ತಿದ್ದು, ಸರ್ಕಾರ, ಫೇಸ್‌ಬುಕ್‌ನಲ್ಲಿರುವ ಎಲ್ಲರ ವಿರುದ್ಧ ಗಧಾ ಪ್ರಹಾರ ನಡೆಸಬಾರದು. ಉತ್ತಮ ಅಭ್ಯಾಸಕ್ಕಾಗಿ ಫೇಸ್‌ಬುಕ್ ಬಳಸುವವರಿಗೂ ಈ ತೈಣವನ್ನೇ ಬ್ಲಾಕ್ ಮಾಡುವ ಮೂಲಕ ಶಿಕ್ಷೆ ನೀಡಲಾಗಿದೆ. ದಯವಿಟ್ಟು, ಇಂತಹ ಕೃತ್ಯ ನಡೆಸುವವರ ಮೇಲೆ ಕ್ರಮ ಕೈಗೊಂಡು ಅಥವರ ಪ್ರೊಫೈಲ್‌ಗಳಿಗೆ ಮಾತ್ರ ಕ್ರಮ ಕೈಗೊಳ್ಳಿ ಎಂದು ವಿದ್ಯಾರ್ಥಿಗಳು ಆಗ್ರಹಿಸಿದ್ದಾರೆ.

ಕೇಂದ್ರದ ನೆರವು ಸಿಕ್ಕರೆ ರಾಜ್ಯದ ಪ್ರಗತಿ: ಖರ್ಗೆ

2010-05-30T22:03:00.002+05:30

ಹಣಕಾಸು ಸಚಿವ ಪ್ರಣಬ್ ಮುಖರ್ಜಿ ನೆರವಿದ್ದರೆ ರಾಜ್ಯಕ್ಕೆ ನಾನು ಎಷ್ಟು ಬೇಕಾದರೂ ಸೌಲಭ್ಯ ನೀಡಬಲ್ಲೆ. ಆರ್ಥಿಕ, ಸಾಮಾಜಿಕ ಮತ್ತು ಶೈಕ್ಷಣಿಕವಾಗಿ ಹಿಂದುಳಿದಿರುವ ಹೈದರಾಬಾದ್ ಕರ್ನಾಟಕಕ್ಕೆ ವಿಶೇಷ ಪ್ಯಾಕೇಜ್ ನೀಡುವ ಅಗತ್ಯ ಇದೆ ಎಂದು ಕೇಂದ್ರ ಸಚಿವ ಮಲ್ಲಿಕಾರ್ಜುನ ಖರ್ಗೆ ಪ್ರಣಬ್‌ರನ್ನು ವೇದಿಕೆ ಮೇಲೆ ಮನವಿ ಮಾಡಿದ ಸನ್ನಿವೇಶ ಗುಲ್ಬರ್ಗದಲ್ಲಿ ನಡೆಯಿತು.

ಗುಲ್ಬರ್ಗದಲ್ಲಿ ನಡೆದ ಇಎಸ್ಐಸಿ ವೈದ್ಯಕೀಯ ಶಿಕ್ಷಣ ಸಂಕೀರ್ಣಣದ ಅಡಿಗಲ್ಲು ಸಮಾರಂಭದಲ್ಲಿ ಮಾತನಾಡಿದ ಅವರು, ಈ ಭಾಗ ಹಿಂದುಳಿದ ಪ್ರದೇಶವಾಗಿದೆ. ಅನ್ಯ ರಾಜ್ಯಗಳಲ್ಲಿ ಹಿಂದುಳಿದ ಪ್ರದೇಶಗಳಿಗೆ ವಿಶೇಷ ಪ್ಯಾಕೇಜ್ ನೀಡಲಾಗಿದೆ. ಅಂಥ ಪ್ಯಾಕೇಜನ್ನು ಇಲ್ಲಿಯೂ ನೀಡಬೇಕು ಎಂದು ಅವರು ಹಣಕಾಸು ಸಚಿವರಿಗೆ ಮನವಿ ಮಾಡಿದರು.

ಅಸಂಘಟಿತ ಕಾರ್ಮಿಕರ ಉದ್ದಾರಕ್ಕೆ ಐದು ಸಾವಿರ ಕೋಟಿ ರೂ. ಬೇಕು ಎಂದು ನಾನು ಮನವಿ ಮಾಡಿದ್ದೆ. ಸಧ್ಯಕ್ಕೆ ಅವರು ಒಂದು ಸಾವಿರ ಕೋಟಿ ರೂ.ವನ್ನು ಬಜೆಟ್ಟಿನಲ್ಲಿ ಒದಗಿಸಿದ್ದಾರೆ. ಬೀಡಿ ಕಾರ್ಮಿಕರಿಗೆ ಅಗತ್ಯವಾಗಿರುವ 400 ಕೋಟಿ ರೂ.ವನ್ನು ನೀಡುವಂತೆ ಕೋರಿದಾಗ ತಕ್ಷಣವೇ ಬಿಡುಗಡೆ ಮಾಡಿದ್ದಾರೆ. ಹೀಗೆ ಅನೇಕ ರೀತಿಯಲ್ಲಿ ಅವರು ನನ್ನ ಖಾತೆಗೆ ಸಹಾಯ ಮಾಡುತ್ತಿದ್ದಾರೆ. ಇನ್ನೂ ಹಲವು ಸಮಸ್ಯೆಗಳು ನನ್ನ ಬಳಿ ಇವೆ. ಅವುಗಳನ್ನು ತೆಗೆದುಕೊಂಡು ತಮ್ಮ ಬಳಿ ಬರುವೆ ಎಂದು ಅವರು ಇದೇ ಸಂದರ್ಭದಲ್ಲಿ ಖರ್ಗೆ ತಿಳಿಸಿದರು.

ಅಮೆರಿಕದಲ್ಲೂ ಮಕ್ಕಳು ಇಂಗ್ಲೀಷಿನಲ್ಲಿ ಡುಮ್ಕಿ!

2010-05-30T22:03:00.001+05:30

ಭಾರತದಂತಹ ಬಹುಭಾಷಾ ರಾಷ್ಟ್ರಗಳಲ್ಲಿ ಇಂಗ್ಲೀಷಿನಲ್ಲಿ ಮಕ್ಕಳು ಡುಮ್ಕಿ ಹೊಡೆಯುವುದು ವಿಶೇಷವೇನಲ್ಲ. ಯಾಕೆಂದರೆ ಎಷ್ಟಾದರೂ, ಭಾರತೀಯರಿಗೆ ಇಂಗ್ಲೀಷ್ ಭಾಷೆ ಪರದೇಶದ ಭಾಷೆಯೇ. ಆದರೆ ಅಮೆರಿಕಾದಲ್ಲೂ ಮಕ್ಕಳು ಇಂಗ್ಲೀಷ್ ಪರೀಕ್ಷೆಯಲ್ಲಿ ಡುಮ್ಕಿ ಹೊಡೆಯುತ್ತಾರೆಂದರೆ ನಂಬುತ್ತೀರಾ?

ಹೌದು. ನಂಬಿದರೆ ನಂಬಿ, ಬಿಟ್ಟರೆ ಬಿಡಿ. ಅಮೆರಿಕದ ಪ್ರತಿಷ್ಠಿತ ಕ್ಯಾಲಿಫೋರ್ನಿಯಾ ಪ್ರೌಢಶಾಲೆಯ ಶೇ.60ರಷ್ಟು ಮಕ್ಕಳು ಇಂಗ್ಲೀಷ್ ಭಾಷೆಯಲ್ಲೇ ಡುಮ್ಕಿ ಹೊಡೆದಿದ್ದಾರೆ. ವಿಶೇಷವೆಂದರೆ, ಈ ಮಕ್ಕಳುಇಂಗ್ಲೀಷ್ ಮಾತನಾಡಬಲ್ಲರು, ವ್ಯವಹರಿಸಬಲ್ಲರು. ಆದರೆ ಪರೀಕ್ಷೆಯಲ್ಲಿ ಮಾತ್ರ ಫೇಲ್!

ಅಮೆರಿಕದ ಮಕ್ಕಳು ಇಂಗ್ಲೀಷ್ ಅನ್ನು ಕಳೆದ ಆರು ವರ್ಷಗಳಿಂದ ಸತತವಾಗಿ ವ್ಯಾಸಂಗ ಮಾಡಿದ್ದರೂ ಕೂಡಾ ಇಂಗ್ಲೀಷ್ ಪ್ರಾವೀಣ್ಯದ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿಲ್ಲ. ಇಂಗ್ಲೀಷ್ ಕಲಿಕೆಯಲ್ಲಿ ಹಿನ್ನಡೆ ಆಗಿರುವ ಒಂದೇ ಒಂದು ಕಾರಣದಿಂದ ಶೇ.40ರಷ್ಟು ಶಾಲೆಯ ಮಕ್ಕಲು ತಮ್ಮ ಮುಂದಿನ ವಿದ್ಯಾಭ್ಯಾಸದಿಂದ ದೂರವೇ ಉಳಿದಿದ್ದಾರೆ ಎಂದು ಸಮೀಕ್ಷೆಯೊಂದು ವರದಿ ಮಾಡಿದೆ.

ಹಾಲಪ್ಪ ದೋಷಮುಕ್ತರಾಗಿ ಹೊರಬರಲಿದ್ದಾರೆ: ರಾಘವೇಂದ್ರ ಭವಿಷ್ಯ

2010-05-30T22:01:00.001+05:30

ರಾಜಕೀಯ ಕುತಂತ್ರಕ್ಕೆ ಸಿಲುಕಿ ಬಲಿಪಶುವಾಗಿರುವ ಮಾಜಿ ಸಚಿವ ಹರತಾಳು ಹಾಲಪ್ಪ ಅವರು ಸತ್ಯ ನಿರೂಪಿಸಿ ಪ್ರಕರಣದಿಂದ ದೋಷಮುಕ್ತರಾಗಿ ಹೊರಬರಲಿದ್ದಾರೆ ಎಂದು ಸಂಸದ ಬಿ.ವೈ. ರಾಘವೇಂದ್ರ ಭವಿಷ್ಯ ನುಡಿದಿದ್ದಾರೆ.

ದಂಡಾವತಿ ಯೋಜನೆ ಆಗದಂತೆ ತಡೆಯಲು ಪರ ರಾಜ್ಯದ ರಾಜಕಾರಣಿಗಳ ಮುಖಾಂತರ ತಡೆಯೊಡ್ಡುವ ಪ್ರಯತ್ನ ಹಾಗೂ ಹಾಲಪ್ಪ ಪ್ರಕರಣದ ವಿಚಾರದಲ್ಲಿ ಮಾಜಿ ಮುಖ್ಯಮಂತ್ರಿ ಬಂಗಾರಪ್ಪ ಕುಟುಂಬದವರು ವಿಫಲರಾಗಲಿದ್ದಾರೆ. ಹಾಲಪ್ಪ ಕಳಂಕ ಮುಕ್ತರಾಗುವುದು ಹಾಗೂ ದಂಡಾವತಿ ಯೋಜನೆ ಅನುಷ್ಠಾನಗೊಳ್ಳುವುದು ಶತಸಿದ್ಧ ಎಂದರು.

ತಾಲೂಕಿನ 39 ಗ್ರಾ.ಪಂ.ಗಳಲ್ಲಿ 23 ಬಿಜೆಪಿ ವಶವಾಗಿದ್ದು, 250 ಸದಸ್ಯರು ಜಯಗಳಿಸಿದ್ದಾರೆ. ತಾಲೂಕನ್ನು ನಂಜುಂಡಪ್ಪ ವರದಿಯಿಂದ ಹೊರತರಲು ಪಕ್ಷ ಸಂಪೂರ್ಣವಾಗಿ ತೊಡಗಿಸಿಕೊಂಡಿದೆ. ಸರಕಾರದಿಂದ ಬರುವ ಎಲ್ಲ ಸವಲತ್ತುಗಳನ್ನು ಪ್ರಥಮ ಆದ್ಯತೆ ನೀಡಿ ತಾಲೂಕಿಗೆ ತರಲಾಗುತ್ತದೆ. ಇದಕ್ಕಾಗಿ ಉತ್ತಮವಾಗಿ ಕಾರ್ಯ ನಿರ್ವಹಿಸಬೇಕೆಂದು ನೂತನ ಗ್ರಾ.ಪಂ.ಸದಸ್ಯರಿಗೆ ಕಿವಿ ಮಾತು ಹೇಳಿದರು.

ರಾಜ್ಯ ಸರಕಾರದಿಂದ ಅಭಿವೃದ್ದಿ ಅನುದಾನಗಳ ಸುರಿಮಳೆಯಾಗುತ್ತಿದ್ದು, ಅವುಗಳನ್ನು ಸಮರ್ಪಕವಾಗಿ ಜನತೆಗೆ ತಲುಪಿಸಿ ರಾಮರಾಜ್ಯ ನಿರ್ಮಾಣ ಮಾಡುವ ಹೊಣೆ ಸದಸ್ಯರ ಮೇಲಿದೆ ಎಂದರು.

ಹಾಲಪ್ಪ ದೋಷಮುಕ್ತರಾಗಿ ಹೊರಬರಲಿದ್ದಾರೆ: ರಾಘವೇಂದ್ರ ಭವಿಷ್ಯ

2010-05-30T22:01:00.000+05:30

ಪಶ್ಚಿಮ ಬಂಗಾಳ ನಗರಸಭೆ ಚುನಾವಣೆ: ಭಾರೀ ಗಲಭೆ, ಲಾಠಿಚಾರ್ಜ್

2010-05-30T22:00:00.000+05:30

ನಕ್ಸಲರ ಘೋರ ಕೃತ್ಯದ ಕರಿನೆರಳಿನ ನಡುವೆಯೂ ಕೋಲ್ಕತ್ತಾ ನಗರ ಪಾಲಿಕೆ ಸೇರಿದಂತೆ ಪಶ್ಚಿಮ ಬಂಗಾಳದ 81 ನಗರ ಸಭೆಗಳ ಚುನಾವಣೆ ಶಾಂತರೀತಿಯಿಂದ ನಡೆದರೂ, ಅಲ್ಲಲ್ಲಿ ಕೆಲ ಭಾರೀ ಗಲಭೆಯೂ ನಡೆದಿದೆ.

ಸಿಪಿಎಂ ಕಾರ್ಯಕರ್ತರು ಹಾಗೂ ತೃಣಮೂಲ ಕಾಂಗ್ರೆಸ್ ನಡುವೆ ನಡೆದ ಮಾರಾಮಾರಿಯಲ್ಲಿ ತೃಣಮೂಲ ಕಾಂಗ್ರೆಸ್‌ನ ಅಭ್ಯರ್ಥಿಯೂ ಸೇರಿದಂತೆ ಕೆಲವರಿಗೆ ಗಾಯಗಳಾಗಿವೆ.

ಬುರ್ಡ್ವಾನ್ ಪ್ರದೇಶದಲ್ಲಿ ನಡೆದ ಸಿಪಿಎಂ ಹಾಗೂ ತೃಣಮೂಲ ಕಾಂಗ್ರೆಸ್ ಕಾರ್ಯಕರ್ತರ ನಡುವೆ ನಡೆದ ಗಲಭೆಯಲ್ಲಿ ಇಬ್ಬರು ಪೊಲೀಸರು ಸೇರಿದಂತೆ ಒಂಬತ್ತು ಮಂದಿ ತೃಣಮೂಲ ಕಾಂಗ್ರೆಸ್ ಕಾರ್.ಕರ್ತರು ಗಾಯಗೊಂಡಿದ್ದಾರೆ.

ಸಿರ್ಪುರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲೂ ಗಲಭೆ ನಡೆದಿದ್ದು, ವ್ಯಾಪಕ ಕಲ್ಲುತೂರಾಟ ನಡೆದಿದೆ. ಈ ವೇಳೆ ಸಿರ್ಪುರ ಠಾಣಾ ಮುಖ್ಯ ಪೊಲೀಸ್ ಅಧಿಕಾರಿ ಹಾಗೂ ಮತ್ತೊಬ್ಬ ಪೊಲೀಸ್ ಗಾಯಗೊಂಡಿದ್ದಾರೆ. ಹಲವಾರು ಜೀಪುಗಳು ಹಾನಿಗೊಳಗಾಗಿದ್ದು, ಈ ವೇಳೆ ಬಾಂಬುಗಳನ್ನೂ ಸ್ಫೋಟಿಸಿ ಸ್ಥಳದಲ್ಲಿ ಉದ್ವಿಗ್ನ ವಾತಾವರಣ ನಿರ್ಮಾಣವಾಗಿತ್ತು.

ಪೊಲೀಸರು ಪರಿಸ್ಥಿತಿಯನ್ನು ವಿಕೋಪಕ್ಕೆ ಹೋಗದಂತೆ ತಡೆಯಲು ಅಲ್ಲಲ್ಲಿ ಲಾಠಿ ಚಾರ್ಜ್ ನಡೆಸಿದ ಘಟನೆಯೂ ನಡೆದಿದೆ. ಇದೀಗ ಪರಿಸ್ಥಿತಿಯನ್ನು ಹತೋಟಿಗೆ ತಂದಿದ್ದು, ಸದ್ಯ ಪರಿಸ್ಥಿತಿ ಶಾಂತವಾಗಿದೆ.

ಕಾಳಹಸ್ತಿ ಗೋಪುರ ಅವಶೇಷಗಳಡಿಯಲ್ಲಿ ಶವ ಪತ್ತೆ!

2010-05-30T21:59:00.002+05:30

ಆಂಧ್ರ ಪ್ರದೇಶದ ಚಿತ್ತೂರು ಜಿಲ್ಲೆಯ ಪುರಾಣ ಪ್ರಸಿದ್ಧ 500 ವರ್ಷಗಳಿಗೂ ಹಳೆಯ ಶ್ರೀಕಾಳಹಸ್ತಿ ಶಿವ ದೇವಾಲಯದ ರಾಜ ಗೋಪುರ ಕುಸಿತದ ಘಟನೆಯಲ್ಲಿ ಓರ್ವ ಮೃತಪಟ್ಟಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ಕುಸಿದು ಬಿದ್ದಿರುವ ಗೋಪುರದ ಅವಸೇಷಗಳಲ್ಲಿ ಹೊರತೆಗೆಯುತ್ತಿರುವ ಸಂದರ್ಭ 40 ವರ್ಷ ಹರೆಯದ ವ್ಯಕ್ತಿಯ ಶವ ಪತ್ತೆಯಾಗಿದೆ. ಗೋಪುರ ಕುಸಿದು ಮೂರು ದಿನಗಳ ನಂತರ ಅಂದರೆ ಶನಿವಾರ ಈ ಶವ ಹೊರತೆಗೆಯಲಾಗಿದೆ.

ಮೃತನನ್ನು ಇಲ್ಲಿನ ಚಿಕ್ಕ ಹೊಟೇಲೊಂದರಲ್ಲಿ ಕೆಲಸ ಮಾಡುತ್ತಿದ್ದ ರಾಜಾ ಎಂಬಾತನ ಶವ ಎಂದು ಗುರುತಿಸಲಾಗಿದ್ದು, ಇವರು ಈಂಧ್ರದ ನೆಲ್ಲೂರು ಜಿಲ್ಲೆಯ ಪೆಲ್ಲಕ್ಕೂರು ಗ್ರಾಮದ ನಿವಾಸಿ ಎಂದು ತಿಳಿದುಬಂದಿದೆ.

ಗೋಪುರ ಬಿರುಕು ಬಿಡುತ್ತಿದ್ದಂತೆಯೇ 50 ಮೀಟರ್ ಅಂತರದಲ್ಲಿ ಗುರುತು ಹಾಕಲಾಗಿದ್ದ ಅಪಾಯಕಾರಿ ಸ್ಥಳದಲ್ಲೇ ಈ ಶವ ಪತ್ತೆಯಾಗಿದೆ ಎಂದು ಚಿತ್ತೂ ರು ಜಿಲ್ಲಾ ಪೊಲೀಸ್ ಅಧೀಕ್ಷಕ ರಾಮಕೃಷ್ಣ ಹೇಳಿದ್ದಾರೆ.

ಗೋಪುರ ಬಿರುಕು ಬಿಡುತ್ತಿದ್ದಂತೆಯೇ ಸುತ್ತಮುತ್ತಲಿನ ಎಲ್ಲಾ ಅಂಗಡಿಗಲು ಹಾಗೂ ಹೊಟೇಲುಗಳನ್ನು ತೆರವುಗೊಳಿಸಲಾಗಿತ್ತು. ಆದರೆ ರಾಜಾ ಮಾತ್ರ ಅಲ್ಲೇ ವಾಸವಾಗಿದ್ದರೂ, ಅದು ತಮ್ಮ ಗಮನಕ್ಕೆ ಬಂದಿಲ್ಲ ಎಂದು ದೇಗುಲ ಆಡಳಿತ ಮಂಡಳಿ ತಿಳಿಸಿದೆ.

ಏಷ್ಯಾಕಪ್ ಕ್ರಿಕೆಟ್: ಜೂ.7ರಂದು ತಂಡದ ಆಯ್ಕೆ

2010-05-30T21:59:00.001+05:30

ಶ್ರೀಲಂಕಾದಲ್ಲಿ ಮುಂದಿನ ತಿಂಗಳು ನಡೆಯಲಿರುವ ಏಷ್ಯಾ ಕಪ್ ಕ್ರಿಕೆಟ್ ಟೂರ್ನಿಗೆ ಭಾರತ ತಂಡದ ಆಯ್ಕೆ ಜೂ.7ರಂದು ನವದೆಹಲಿಯಲ್ಲಿ ನಡೆಯಲಿದೆ.

ಬಿಸಿಸಿಐ ಮೂಲಗಳ ಪ್ರಕಾರ, ಕೃಷ್ಣಮಾಚಾರಿ ಶ್ರೀಕಾಂತ್ ನೇತೃತ್ವದ ಆಯ್ಕೆ ಸಮಿತಿ ಪೂರ್ಣ ಸಾಮರ್ಥ್ಯದ ಸಂಡವನ್ನು ಆಯ್ಕೆ ಮಾಡಲಿದೆ. ಈಗಾಗಲೇ ಜಿಂಬಾಬ್ವೆಯಲ್ಲಿ ನಡೆಯುತ್ತಿರುವ ತ್ರಿಕೋನ ಏಕದಿನ ಸರಣಿಗೆ ಭಾರತ ಎರಡನೇ ದರ್ಜೆ ತಂಡವನ್ನು ಕಳುಹಿಸಿದೆ.

ನಾಲ್ಕು ರಾಷ್ಟ್ರಗಳು ಪಾಲ್ಗೊಳ್ಳುವ ಏಷ್ಯಾ ಕಪ್ ಟೂರ್ನಿ ಜೂ.15ರಂದು ಆರಂಭವಾಗಲಿದೆ. ಆರಂಭಿಕ ಪಂದ್ಯದಲ್ಲಿ ಶ್ರೀಲಂಕಾ ಮತ್ತು ಪಾಕಿಸ್ತಾನದ ಹಣಾಹಣಿ ನಡೆಯಲಿದೆ. ಭಾರತ ಜೂ.16ರಂದು ತನ್ನ ಮೊದಲ ಪಂದ್ಯವನ್ನು ಬಾಂಗ್ಲಾದ ಎದುರು ಆಡಲಿದೆ. ಟೂರ್ನಿಯ ಫೈನಲ್ ಜೂ.24ರಂದು ನಡೆಯಲಿದೆ.

ಏಷ್ಯಾಕಪ್ ವೇಳಾಪಟ್ಟಿ
ಜೂ.15: ಶ್ರೀಲಂಕಾ- ಪಾಕಿಸ್ತಾನ
ಜೂ.16: ಭಾರತ- ಬಾಂಗ್ಲಾ
ಜೂ.18: ಶ್ರೀಲಂಕಾ- ಬಾಂಗ್ಲಾ
ಜೂ.19: ಪಾಕಿಸ್ತಾನ- ಭಾರತ
ಜೂ.21: ಪಾಕಿಸ್ತಾನ- ಬಾಂಗ್ಲಾ
ಜೂ.22: ಭಾರತ- ಶ್ರೀಲಂಕಾ
ಜೂ.24: ಫೈನಲ್

ಟೀಂ ಇಂಡಿಯಾ ಪ್ರಾಯೋಜಕತ್ವಕ್ಕೆ ಸಹಾರಾ, ಏರ್‌ಟೆಲ್ ಸಮರ

2010-05-30T21:58:00.000+05:30

ಮುಂದಿನ ಮೂರು ವರ್ಷಗಳಿಗೆ ಭಾರತ ಕ್ರಿಕೆಟ್ ತಂಡದ ಪ್ರಾಯೋಜಕತ್ವ ವಹಿಸಲು ಭಾರ್ತಿ ಏರ್‌ಟೆಲ್ ಹಾಗೂ ಸಹಾರಾ ಇಂಡಿಯಾ ಸಂಸ್ಥೆಗಳು ಪೈಪೋಟಿಯಲ್ಲಿವೆ.

ಬಿಸಿಸಿಐ ಮೂಲಗಳ ಪ್ರಕಾರ, ಈ ಎರಡೂ ಸಂಸ್ಥೆಗಳು ತಮ್ಮ ಅರ್ಹತಾ ಪತ್ರಗಳು ಹಾಗೂ ದಾಖಲೆಗಳನ್ನು ಈಗಾಗಲೇ ಮಂಡಳಿಗೆ ಸಲ್ಲಿಸಿವೆ.

ಸೋಮವಾರ ಈ ಹಿನ್ನೆಲೆಯಲ್ಲಿ ಹರಾಜು ಪ್ರಕ್ರಿಯೆ ನಡೆಯಲಿದ್ದು, ಟೀಂ ಇಂಡಿಯಾದ ಮುಂದಿನ ನೂತನ ಪ್ರಾಯೋಜಕನ ಆಯ್ಕೆಯನ್ನು ನಡೆಸಲಾಗುತ್ತದೆ.

ಮೂಲಗಳ ಪ್ರಕಾರ, ಸಹಾರಾ ಸಂಸ್ಥೆ ಕೇವಲ ಟೀಂ ಇಂಡಿಯಾಕ್ಕಾಗಿ ಬಿಡ್ ಮಾಡಲಿದ್ದು, ಭಾರ್ತಿ ಏರ್‌ಟೆಲ್ ಟೀಂ ಇಂಡಿಯಾ (ಪ್ರತಿ ಪಂದ್ಯಕ್ಕೆ 2.5 ಕೋಟಿ ರೂಪಾಯಿಗಳು) ಹಾಗೂ ಇಂಡಿಯಾ ಎ ತಂಡ (ಪ್ರತಿ ಪಂದ್ಯಕ್ಕೆ 25 ಲಕ್ಷ ರೂ), ಅಂಡರ್ 19 ತಂಡ ( ಪ್ರತಿ ಪಂದ್ಯಕ್ಕೆ 25 ಲಕ್ಷ ರೂ) ಹಾಗೂ ಭಾರತ ಮಹಿಳಾ ತಂಡ (ಪ್ರತಿ ಪಂದ್ಯಕ್ಕೆ 10 ಲಕ್ಷ ರೂ)ಗಳ ಪ್ರಾಯೋಜಕತ್ವಕ್ಕಾಗಿ ಬಿಡ್ ಮಾಡಲಿದೆ.

ಆದರೆ ಭಾರ್ತಿ ಏರ್‌ಟೆಲ್ ಈ ಬಿಡ್‌ನಲ್ಲಿ ವಿಜಯಿಯಾದರೂ, ಐಸಿಸಿ ಪಂದ್ಯಗಳ ಸಂದರ್ಭ ತನ್ನ ಲೋಗೋಗಳನ್ನು ಪ್ರದರ್ಶಿಸುವಂತಿಲ್ಲ. ಯಾಕೆಂದರೆ ಈಗಾಗಲೇ 2015ರವರೆಗೆ ಐಸಿಸಿ ಪಂದ್ಯಗಳ ಪ್ರಾಯೋಜಕತ್ವವನ್ನು ಮತ್ತೊಂದು ಟೆಲಿಕಾಂ ದೈತ್ಯ ರಿಲಯನ್ಸ್ ವಹಿಸಿಕೊಂಡಿದೆ.

ಪಾಕ್ ನಾಯಕತ್ವಕ್ಕೆ ನಾನು ರೆಡಿ, ಎಲ್ಲಾ ಅಲ್ಲಾನ ಕೃಪೆ: ಮಲ್ಲಿಕ್

2010-05-30T21:20:00.000+05:30

ಪಾಕಿಸ್ತಾನಿ ಕ್ರಿಕೆಟಿಗ, ಸಾನಿಯಾರ ಪತಿ ಶೊಯೆಬ್ ಮಲ್ಲಿಕ್ ಮೇಲೆ ಹೇರಿದ್ದ ಒಂದು ವರ್ಷದ ನಿಷೇಧವನ್ನು ಇದೀಗ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಇದೀಗ ಹಿಂಪಡೆದಿರುವುದು ಮಲ್ಲಿಕ್ ಅವರಲ್ಲಿ ಸಂತಸ ಮೂಡಿಸಿದೆ.

ನಿಷೇಧ ವಾಪಾಸಾದ ಮೇಲೆ ಮಾಧ್ಯಮದೊಂದಿಗೆ ಮಾತನಾಡಿದ ಮಲ್ಲಿಕ್, ಇದು ಅಲ್ಲಾನ ಕೃಪೆ. ನನ್ನ ಮೇಲೆ ಇದ್ದ ಎಲ್ಲ ಆಧಾರರಹಿತವಾದ ಆರೋಪಗಳು ಇದೀಗ ಸಾಬೀತಾಗದೆ ಇರುವುದು ಹಾಗೂ ನನ್ನ ಮೇಲಿದ್ದ ನಿಷೇಧವನ್ನು ಹಿಂಪಡೆದಿರುವುದು ನನಗೆ ಖುಷಿ ತಂದಿದೆ ಎಂದು ಹೇಳಿದ್ದಾರೆ. ಜೊತೆಗೆ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ನನಗೆ ನಾಯಕತ್ವದ ಪಟ್ಟ ನೀಡಿದರೆ ನಾನು ಖುಷಿಯಿಂದ ಸ್ವೀಕರಿಸುತ್ತೇನೆ ಎಂದೂ ಅವರು ಹೇಳಿದ್ದಾರೆ.

ಅಶಿಸ್ತಿನ ಕಾರಣದಿಂದ ಪಾಕಿಸ್ತಾನ ಕ್ರಿಕೆಟ್ ನಿಯಂತ್ರಣ ಮಂಡಳಿ ಆಸ್ಟ್ರೇಲಿಯಾ ಪ್ರವಾಸದ ಸಂದರ್ಭ ಕಳೆದೊಂದು ವರ್ಷಗಳಿಂದ ಮಲ್ಲಿಕ್ ಅವರನ್ನು ತಂಡದಿಂದ ಹೊರಕ್ಕಿರಿಸಿತ್ತು.

ಈ ನಿರ್ಣಯವನ್ನು ಮಂಡಲಿ ತೆಗೆದುಕೊಂಡಿದ್ದು ನನಗೆ ಖುಷಿ ತಂದಿದೆ. ನಾನು ನನ್ನ ದೇಶದ ತಂಡದ ಪರವಾಗಿ ಆಡಲು ಇದೀಗ ರೆಡಿಯಾಗಿದ್ದೇನೆ. ನನ್ನ ದೇಶಕ್ಕಾಗಿ ಉತ್ತಮ ಸ್ಪರ್ಧೆ ಪ್ರದರ್ಶಿಸಲಿದ್ದೇನೆ. ಅಗತ್ಯವಿದ್ದರೆ, ಪಾಕ್ ಕ್ರಿಕೆಟ್ ತಂಡದ ನಾಯಕತ್ವ ವಹಿಸಿ ತಂಡ ಮುನ್ನಡೆಸಲು ಕೂಡಾ ನಾನು ಸಿದ್ಧ ಎಂದು ಮಲ್ಲಿಕ್ ಹೇಳಿದ್ದಾರೆ.

ಶ್ರೀಲಂಕಾದಲ್ಲಿ ನಡೆಯಲಿರುವ ಮುಂಬರುವ ಏಷ್ಯಾ ಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಪಾಕಿಸ್ತಾನ ತಂಡವನ್ನು ಇನ್ನೂ ಪಿಸಿಬಿ ಅಂತಿಮಗೊಳಿಸಿಲ್ಲ. ತಂಡದ ಆಟಗಾರರ ಸಂಬಾವ್ಯರ ಪಟ್ಟಿಯಲ್ಲಿ ಶೊಯೆಬ್ ಮಲ್ಲಿಕ್ ಹೆಸರೂ ಕೂಡಾ ಇದೆ ಎನ್ನಲಾಗಿದೆ.

ಮಂಗಳೂರು ವಿಮಾನ ನಿಲ್ದಾಣದ ರನ್‌ವೇ ವಿಸ್ತರಣೆ: ಪ್ರಫುಲ್ ಪಟೇಲ್

2010-05-30T21:18:00.001+05:30

ಮಂಗಳೂರು ವಿಮಾನ ದುರಂತದ ಹಿನ್ನೆಲೆಯಲ್ಲಿ ಎಚ್ಚೆತ್ತುಕೊಂಡಿರುವ ಕೇಂದ್ರ ನಾಗರಿಕ ವಿಮಾನಯಾನ ಸಚಿವಾಲಯ ಇದೀಗ ತನ್ನ ವಿಮಾನ ನಿಲ್ದಾಣಗಳ ಪರಾಮರ್ಶೆಯಲ್ಲಿ ತೊಡಗಿದೆ. ಪರಿಣಾಮವಾಗಿ ಮಂಗಳೂರು ವಿಮಾನ ನಿಲ್ದಾಣದ ರನ್‌ವೇ ಉದ್ದವನ್ನು ಈಗಿರುವ 8,000 ಅಡಿಗಳಿಗಿಂದ 9,000 ಅಡಿಗಳಿಗೆ ಹೆಚ್ಚಿಸುವ ನಿರ್ಧಾರ ಹೊರಬಿದ್ದಿದೆ.

ನಾಗರಿಕ ವಿಮಾನಯಾನ ಸಚಿವ ಪ್ರಫುಲ್ ಪಟೇಲ್ ಸ್ವತಃ ಈ ಹೇಳಿಕೆ ನೀಡಿದ್ದು, ಮಂಗಳೂರಿನ ವಿಮಾನ ನಿಲ್ದಾಣದ ರನ್ ವೇ ಉದ್ದವನ್ನು 9,000 ಅಡಿಗಳಿಗೆ ಹೆಚ್ಚಿಸಲಾಗುತ್ತದೆ ಎಂದು ತಿಳಿಸಿದ್ದಾರೆ.

ಮಂಗಳೂರು ವಿಮಾನ ದುರಂತ ಅತ್ಯಂದ ಭೀಕರ ಘಟನೆಯಾಗಿದ್ದು, ಈ ಹಿನ್ನೆಲೆಯಲ್ಲಿ ಮುಂದೆ ವಿಮಾನ ನಿಲ್ದಾಣಗಳಿಗೆ ಅಗತ್ಯ ಸೌಲಭ್ಯಗಳನ್ನು ಹೆಚ್ಚಿಸುವ ಅಥವಾ ಇನ್ಯಾವುದೇ ಸುರಕ್ಷಾ ಕ್ರಮಗಳನ್ನು ಕೈಗೊಳ್ಳಲು ಕೇಂದ್ರ ಸರ್ಕಾರ ಸದಾ ಸಲಹೆಗಳನ್ನು ಸ್ವೀಕರಿಸಲಿದೆ ಎಂದಿದ್ದಾರೆ.

ನಾನು ವಿಮಾನ ನಿಲ್ದಾಣಗಳನ್ನು ತಾಂತ್ರಿಕವಾಗಿ ವಿಶ್ಲೇಷಿಸಬಲ್ಲ ತಜ್ಞನಲ್ಲವಾದರೂ, ಕೇವಲ ಮಂಗಳೂರು ವಿಮಾನ ನಿಲ್ದಾಣವಲ್ಲದೆ, ಭಾರತದ ಯಾವುದೇ ವಿಮಾನ ನಿಲ್ದಾಣಗಳಿಗೆ ಅಗತ್ಯ ಸುರಕ್ಷಾ ಕ್ರಮಗಳನ್ನು ಕೈಗೊಳ್ಳಲು ಸಿದ್ಧವಿದೆ ಎಂದರು.

ಈ ದುರಂತದಿಂದ ಇಲಾಖೆ ಬಹುದೊಡ್ಡ ಪಾಠ ಕಲಿತಿದೆ. ಸದ್ಯದಲ್ಲೇ ಈ ಹಿನ್ನೆಲೆಯಲ್ಲಿ ಅಧಿಕಾರಿಗಳ ಜೊತೆ ಮುಂದಿನ ಸುಧಾರಣೆಗಳ ಕುರಿತು ಸಭೆ ನಡೆಯಲಿದೆ ಎಂದು ಅವರು ತಿಳಿಸಿದರು.

ಇದೇ ಸಂದರ್ಭ ಭಾರತೀಯ ವಿಮಾನಯಾನವು ನಿಜಕ್ಕೂ ಸೇಫ್ ಆಗಿದ್ದು, ಶೇ.100ರಷ್ಟು ಸೇಫ್ ಅಥವಾ ಶೇ.ಸೊನ್ನೆಯಷ್ಟು ಎಂದು ಹೇಳಬಹುದು ಎಂದು ಅಡ್ಡ ಗೋಡೆಯ ಮೇಲೆ ದೀಪವಿಟ್ಟಂತೆ ನುಡಿದರು.

ರಾಜ್ಯಸಭೆ ಚುನಾವಣೆ: ಕಾಂಗ್ರೆಸ್‌ಗೆ ಜಗನ್ ಕೈಕೊಡುವ ಭೀತಿ

2010-05-30T13:48:00.001+05:30

ಸೋನಿಯಾ-ಚಿರಂಜೀವಿ ಚರ್ಚೆ

ಆಂಧ್ರ ವಿಧಾನಸಭೆಯಿಂದ ರಾಜ್ಯಸಭೆಗೆ ನಡೆಯುವ ಚುನಾವಣೆಯ ಹಿನ್ನೆಲೆಯಲ್ಲಿ ಶನಿವಾರ ಇಲ್ಲಿ ಚಿರಂಜೀವಿ ಅವರ ಜೊತೆ ನಡೆಸಿದ ಮಾತುಕತೆಯಲ್ಲಿ ಸೋನಿಯಾ ಗಾಂಧಿ ಈ ಮನವಿ ಮಾಡಿದ್ದಾರೆ.

ನವದೆಹಲಿ, (ಪಿಟಿಐ): ರಾಜ್ಯಸಭೆ ಚುನಾವಣೆಗೆ ಪ್ರಜಾ ರಾಜ್ಯಂ ಪಕ್ಷ (ಪಿಆರ್‌ಪಿ)ದ ಅಭ್ಯರ್ಥಿಗಳನ್ನು ಕಣಕ್ಕಿಳಿಸದಂತೆ ಪಕ್ಷದ ಅಧ್ಯಕ್ಷ, ಚಿತ್ರ ನಟ ಚಿರಂಜೀವಿ ಅವರನ್ನು ಎಐಸಿಸಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಕೋರಿದ್ದಾರೆ.

ಆಂಧ್ರ ವಿಧಾನಸಭೆಯಿಂದ ರಾಜ್ಯಸಭೆಗೆ ನಡೆಯುವ ಚುನಾವಣೆಯ ಹಿನ್ನೆಲೆಯಲ್ಲಿ ಶನಿವಾರ ಇಲ್ಲಿ ಚಿರಂಜೀವಿ ಅವರ ಜೊತೆ ನಡೆಸಿದ ಮಾತುಕತೆಯಲ್ಲಿ ಸೋನಿಯಾ ಗಾಂಧಿ ಈ ಮನವಿ ಮಾಡಿದ್ದಾರೆ.

ಚುನಾವಣೆಯಲ್ಲಿ ತಮ್ಮ ಪಕ್ಷ ಸ್ಪರ್ಧೆಗೆ ಇಳಿಯಲಿದೆ ಎಂದು ಚಿರಂಜೀವಿ ಪ್ರಕಟಿಸಿದ ಕೂಡಲೇ ಎಚ್ಚೆತ್ತ ಕಾಂಗ್ರೆಸ್ ವರಿಷ್ಠರು ಮೈತ್ರಿ ಬಗ್ಗೆ ಚರ್ಚಿಸಲು ಅವರನ್ನು ದೆಹಲಿಗೆ ಆಹ್ವಾನಿಸಿದರು.

294 ಸದಸ್ಯ ಬಲದ ಆಂಧ್ರ ವಿಧಾನಸಭೆಯಲ್ಲಿ ಪಿಆರ್‌ಪಿ 18 ಸದಸ್ಯರನ್ನು ಹೊಂದಿದೆ. ಮಾಜಿ ಮುಖ್ಯಮಂತ್ರಿ ವೈ.ಎಸ್.ರಾಜಶೇಖರ ರೆಡ್ಡಿ ಅವರ ನಿಧನಾನಂತರ ರಾಜ್ಯದಲ್ಲಿ ಉಂಟಾಗಿರುವ ಗುಂಪುಗಾರಿಕೆ ರಾಜ್ಯಸಭಾ ಚುನಾವಣೆ ಮೇಲೆ ಪ್ರಭಾವ ಬೀರಿ, ಪಕ್ಷಕ್ಕೆ ತೊಂದರೆ ಆಗದಂತೆ ಎಚ್ಚರ ವಹಿಸಲು ಕಾಂಗ್ರೆಸ್ ಈಗ ಚಿರಂಜೀವಿ ಅವರೊಂದಿಗೆ ಮಾತುಕತೆ ನಡೆಸಿದೆ ಎನ್ನಲಾಗಿದೆ.

ವೈ.ಎಸ್.ಆರ್. ಪುತ್ರ ಸಂಸದ ಜಗನ್‌ಮೋಹನ್ ರೆಡ್ಡಿ ಅವರ ಪ್ರಾಬಲ್ಯವನ್ನು ಹತ್ತಿಕ್ಕಲೂ ಕಾಂಗ್ರೆಸ್, ಚಿರಂಜೀವಿ ಅವರನ್ನು ದಾಳವಾಗಿ ಬಳಸಿಕೊಳ್ಳುವ ಸಾಧ್ಯತೆಗಳಿವೆ.

ಸಭೆಗೂ ಮುನ್ನ ಪತ್ರಕರ್ತರೊಂದಿಗೆ ಮಾತನಾಡಿದ ಚಿರಂಜೀವಿ, ‘ನಾನು ಮುಕ್ತ ಮನಸ್ಸಿನಿಂದ ಇಲ್ಲಿಗೆ ಬಂದಿದ್ದೇನೆ. ಪರಸ್ಪರ ಹೊಂದಾಣಿಕೆ ಮಾಡಿಕೊಳ್ಳುವ ಬಗ್ಗೆ ಚರ್ಚೆ ನಡೆಯಲಿದೆ’ ಎಂದರು.

‘ಆಂಧ್ರದಲ್ಲಿ ನಮ್ಮ ಪಕ್ಷ ರಚನಾತ್ಮಕ ವಿರೋಧ ಪಕ್ಷವಾಗಿ ಕಾರ್ಯನಿರ್ವಹಿಸುತ್ತಿದೆ. ಯಾವುದೇ ಕಾರಣಕ್ಕೂ ಕಾಂಗ್ರೆಸ್‌ನಲ್ಲಿ ನಮ್ಮ ಪಕ್ಷವನ್ನು ವಿಲೀನಗೊಳಿಸುವುದಿಲ್ಲ’ ಎಂದು ಅವರು ಸ್ಪಷ್ಟಪಡಿಸಿದರು.

ವಿಶ್ವಕಪ್‌ ಸೋಲಿಗೆ ಐಪಿಎಲ್ ಪಾರ್ಟಿ ಕಾರಣವಲ್ಲ: ಸಚಿನ್

2010-05-30T13:47:00.002+05:30

ಪುಣೆ, 30:ಇತ್ತೀಚೆಗಷ್ಟೇ ಅಂತ್ಯಗೊಂಡ ಟ್ವೆಂಟಿ-20 ವಿಶ್ವಕಪ್‌ನಲ್ಲಿ ಭಾರತಕ್ಕೆ ಎದುರಾದ ಹೀನಾಯ ಸೋಲಿಗೆ ಐಪಿಎಲ್ ಪಾರ್ಟಿ ಕಾರಣವಲ್ಲ ಎಂದು ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅಭಿಪ್ರಾಯಪಟ್ಟಿದ್ದಾರೆ. ಆ ಮೂಲಕ ನಾಯಕ ಮಹೇಂದ್ರ ಸಿಂಗ್ ಧೋನಿ ತದ್ವಿರುದ್ಧವಾಗಿ ಹೇಳಿಕೆ ನೀಡಿದ್ದಾರೆ.
ಈ ಹಿಂದೆ ವಿಶ್ವಕಪ್‌ನ ವೈಫಲ್ಯಕ್ಕೆ ತಡ ರಾತ್ರಿ ನಡೆಯುತ್ತಿದ್ದ ಐಪಿಎಲ್ ಪಾರ್ಟಿ ಕಾರಣ ಎಂದು ಧೋನಿ ಕಾರಣ ನೀಡಿದ್ದರು. ಚೊಚ್ಚಲ ಬಾರಿಗೆ ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದ ಧೋನಿ ಪಡೆ ನಂತರ ನಡೆದಿದ್ದ ಎರಡೂ ವಿಶ್ವಕಪ್‌ಗಳಲ್ಲೂ ಸೆಮಿಗೇರಲು ವಿಫಲವಾಗಿತ್ತು.
ಎಲ್ಲಾ ಆಟಗಾರರು ತಮ್ಮ ಮೇಲಿರುವ ಜವಾಬ್ದಾರಿಯನ್ನು ಅರಿತು ಪಂದ್ಯವನ್ನಾಡಬೇಕು ಎಂದು ಲಿಟ್ಲ್ ಮಾಸ್ಟರ್ ಕಿವಿಮಾತು ನೀಡಿದ್ದಾರೆ.
ಪಾರ್ಟಿಗಳು ಮತ್ತು ಪ್ರದರ್ಶನ ಎರಡೂ ಪ್ರತ್ಯೇಕವಾಗಿದ್ದು, ಒಂದಕ್ಕೊಂದು ಸಂಬಂಧವಿಲ್ಲ. ಅಲ್ಲದೆ ಪ್ರತಿ ಆಟಗಾರನು ತಮ್ಮ ಜವಾಬ್ದಾರಿ ಅರಿತಿರಬೇಕು ಎಂದು ಸಚಿನ್ ವಿವರಿಸಿದರು.
ಮಾತು ಮುಂದುವರಿಸಿದ ಅವರು ಕ್ರಿಕೆಟ್‌ನಲ್ಲಿ ಪಾರ್ಟಿಗಳು ಹೊಸ ವಿಷಯವೇನಲ್ಲ. ಯಾಕೆಂದರೆ ಈ ಹಿಂದೆಯೂ ಕ್ರಿಕೆಟ್‌ನಲ್ಲಿ ಪಾರ್ಟಿಗಳನ್ನು ಆಚರಿಸಲಾಗುತ್ತಿತ್ತು. ಆದರೆ ಪ್ರತಿಯೊಬ್ಬರು ತಮ್ಮ ಜವಾಬ್ದಾರಿಯನ್ನು ಅರಿತು ಆಡಬೇಕಿದೆ ಎಂದವರು ಹೇಳಿದರು.
ಆದರೂ ನಾನು ಐಪಿಎಲ್ ಪಾರ್ಟಿಗಳಲ್ಲಿ ಭಾಗವಹಿಸುತ್ತಿರಲಿಲ್ಲ. ಯಾಕೆಂದರೆ ಮತ್ತೊಂದು ಪಂದ್ಯಕ್ಕೆ ಸಿದ್ಧವಾಗಲು ಸಮಯ ಮೀಸಲು ಇಡುತ್ತಿದ್ದೆ ಎಂದವರು ಹೇಳಿದರು.
ಐಪಿಎಲ್ ಮೂರನೇ ಆವೃತ್ತಿಯಲ್ಲಿ ಸಚಿನ್ ನೇತೃತ್ವದ ಮುಂಬೈ ತಂಡ ರನ್ನರ್-ಅಪ್ ಪ್ರಶಸ್ತಿ ಗೆದ್ದುಕೊಂಡತ್ತು.
wd

ಮಿಕ್ಸೆಡ್ ಡಬಲ್ಸ್‌; ದ್ವಿತೀಯ ಸುತ್ತಿಗೆ ಪೇಸ್-ಬ್ಲೇಕ್ ಜೋಡಿ

2010-05-30T13:46:00.001+05:30

ಪ್ಯಾರಿಸ್,30:ಇಲ್ಲಿ ನಡೆಯುತ್ತಿರುವ ಪ್ರತಿಷ್ಠಿತ ಫ್ರೆಂಚ್ ಓಪನ್ ಟೆನಿಸ್ ಟೂರ್ನಮೆಂಟ್‌ನ ಮಿಕ್ಸೆಡ್ ಡಬಲ್ಸ್ ವಿಭಾಗದಲ್ಲಿ ಭಾರತದ ಲಿಯಾಂಡರ್ ಪೇಸ್ ಮತ್ತು ಜಿಂಬ್ವಾಬೆಯ ಕ್ಲಾರಾ ಬ್ಲೇಕ್ ಜೋಡಿ ದ್ವಿತೀಯ ಸುತ್ತಿಗೆ ಪ್ರವೇಶಿಸಿದ್ದು, ತಮ್ಮ ಅಭಿಯಾನವನ್ನು ಆರಂಭಿಸಿದ್ದಾರೆ.
ಶುಕ್ರವಾರ ನಡೆದ ಮೊದಲ ಸುತ್ತಿನ ಪಂದ್ಯದಲ್ಲಿ ದ್ವಿತೀಯ ಶ್ರೇಯಾಕಿಂತರಾದ ಪೇಸ್-ಬ್ಲೇಕ್ ಜೋಡಿ ಎದುರಾಳಿಯಾದ ಸ್ಥಳೀಯ ಜೋಡಿ ಪೌಲಿನ್ ಪರ್ಮೆಂಟೀಯರ್ ಮತ್ತು ಮಾರ್ಕ್ ಗಿಕ್‌ಕ್ವೇಲ್‌ರನ್ನು 6-3 6-3ರ ನೇರ ಸೆಟ್‌ನಲ್ಲಿ ಮಣಿಸಿ ಮುನ್ನಡೆದರು.
ಪಂದ್ಯವನ್ನು ಕೇವಲ 59 ನಿಮಿಷಗಳಲ್ಲಿ ಪೇಸ್-ಕ್ಲಾರಾ ಜೋಡಿ ವಶಪಡಿಸಿಕೊಂಡಿತ್ತು.
ಮತ್ತೊಂದೆಡೆ ಅಗ್ರ ಶ್ರೇಯಾಂಕಿತರಾದ ಭಾರತದ ಮಹೇಶ್ ಭೂಪತಿ ಮತ್ತು ಲಿಜೆಲ್ ಹ್ಯೂಬರ್ ಜೋಡಿ ತಮ್ಮ ಅಭಿಯಾನವನ್ನು ಆರಂಭಿಸಲಿದ್ದು, ಮೊದಲ ಪಂದ್ಯದಲ್ಲಿ ತೈಪೆ-ಅಮೆರಿಕಾದ ಯಂಗ್-ಜಾನ್ ಚಾನ್ ಮತ್ತು ಎರಿಕ್ ಬುಟೊರಾಕ್‌ ಜೋಡಿರನ್ನು ಎದುರಿಸಲಿದ್ದಾರೆ.
-wd

ವಿಮಾನ ನಿಲ್ದಾಣಕ್ಕೆ 'ರನ್‌ವೇ ಅರೆಸ್ಟರ್' ಅಗತ್ಯ: ಪೂಜಾರಿ

2010-05-30T13:44:00.001+05:30

ಉಡುಪಿ, ಶನಿವಾರ, 29 ಮೇ:
ಜಗತ್ತಿನಲ್ಲಿ ಕೆಲವೇ ವಿಮಾನನಿಲ್ದಾಣಗಲ್ಲಿ ಅಳವಡಿಸಿರುವ `ರನ್‌ವೇ ಅರೆಸ್ಟರ್'ನ್ನು ಸುರಕ್ಷತೆ ದೃಷ್ಟಿಯಿಂದ ಮಂಗಳೂರು ವಿಮಾನ ನಿಲ್ದಾಣದಲ್ಲೂ ಅಳವಡಿಸಬೇಕು. ಆ ನಿಟ್ಟಿನಲ್ಲಿ ರನ್‌ವೇ ದುರಂತ ಸಂಭವಿಸದಂತೆ ತಡೆಯುವಲ್ಲಿ ಈ ವ್ಯವಸ್ಥೆ ನೆರವಾಗುತ್ತದೆ ಎಂದು ಕಾಂಗ್ರೆಸ್ ನಾಯಕ ಬಿ. ಜನಾರ್ದನ ಪೂಜಾರಿ ಒತ್ತಾಯಿಸಿದ್ದಾರೆ.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, 8,000 ಅಡಿಯ ರನ್ವೇಯನ್ನು ಇನ್ನೂ 1,000- 2,000 ಅಡಿ ವಿಸ್ತರಿಸುವುದು ಒಳಿತು. ಈಗಿರುವ ರನ್‌ವೇ ಬೇಡ, ವಿಮಾನ ನಿಲ್ದಾಣವೂ ಬೇಡ ಎನ್ನುವ ಅಭಿಪ್ರಾಯ ವ್ಯಕ್ತವಾಗುತ್ತಿದೆ. ಒಂದೊಮ್ಮೆ ಯಾರಾದರೂ ಉಚ್ಚ ನ್ಯಾಯಾಲಯ, ಸರ್ವೋಚ್ಚ ನ್ಯಾಯಾಲಯದ ಮೊರೆ ಹೋಗಿ ವಿಮಾನ ನಿಲ್ದಾಣ ಮುಚ್ಚುವಂತಾದರೆ ಎಸ್ಇಝಡ್ ಸಹಿತ ಕೈಗಾರಿಕೆಗಳ ಸ್ಥಾಪನೆಗೆ ಹಿನ್ನಡೆಯಾಗಲಿದೆ ಎಂದರು.

ಅಂತಾರಾಷ್ಟ್ರೀಯ ಒಪ್ಪಂದದಂತೆ ಪರಿಹಾರವನ್ನು ಸತ್ತ ವ್ಯಕ್ತಿಯ ವಯಸ್ಸು, ಉದ್ಯೋಗ, ಸಂಬಳ, ಅವಲಂಬಿತರ ಸಹಿತ ಎಲ್ಲವನ್ನೂ ಪರಿಗಣಿಸಿ ನೀಡಲಾಗುತ್ತಿದ್ದು ವೈಯಕ್ತಿಕ, ಕಂಪನಿಯ ವಿಮಾ ಹಣವೂ ಪ್ರತ್ಯೇಕವಾಗಿ ದೊರೆಯಲಿದೆ. ಸೂಕ್ತ ದಾಖಲೆಗಳನ್ನು ಸಂಗ್ರಹಿಸಿ ಪರಿಹಾರ ಒದಗಿಸುವ ನಿಟ್ಟಿನಲ್ಲಿ ತುರ್ತು ಕ್ರಮ ಕೈಗೊಳ್ಳಬೇಕು. ಮೃತರ ಕುಟುಂಬಕ್ಕೆ ಮಾಹಿತಿ ಕೊಡಬೇಕು ಎಂದು ಅಭಿಪ್ರಾಯ ಪಟ್ಟಿದ್ದಾರೆ29
ಜಗತ್ತಿನಲ್ಲಿ ಕೆಲವೇ ವಿಮಾನನಿಲ್ದಾಣಗಲ್ಲಿ ಅಳವಡಿಸಿರುವ `ರನ್‌ವೇ ಅರೆಸ್ಟರ್'ನ್ನು ಸುರಕ್ಷತೆ ದೃಷ್ಟಿಯಿಂದ ಮಂಗಳೂರು ವಿಮಾನ ನಿಲ್ದಾಣದಲ್ಲೂ ಅಳವಡಿಸಬೇಕು. ಆ ನಿಟ್ಟಿನಲ್ಲಿ ರನ್‌ವೇ ದುರಂತ ಸಂಭವಿಸದಂತೆ ತಡೆಯುವಲ್ಲಿ ಈ ವ್ಯವಸ್ಥೆ ನೆರವಾಗುತ್ತದೆ ಎಂದು ಕಾಂಗ್ರೆಸ್ ನಾಯಕ ಬಿ. ಜನಾರ್ದನ ಪೂಜಾರಿ ಒತ್ತಾಯಿಸಿದ್ದಾರೆ.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, 8,000 ಅಡಿಯ ರನ್ವೇಯನ್ನು ಇನ್ನೂ 1,000- 2,000 ಅಡಿ ವಿಸ್ತರಿಸುವುದು ಒಳಿತು. ಈಗಿರುವ ರನ್‌ವೇ ಬೇಡ, ವಿಮಾನ ನಿಲ್ದಾಣವೂ ಬೇಡ ಎನ್ನುವ ಅಭಿಪ್ರಾಯ ವ್ಯಕ್ತವಾಗುತ್ತಿದೆ. ಒಂದೊಮ್ಮೆ ಯಾರಾದರೂ ಉಚ್ಚ ನ್ಯಾಯಾಲಯ, ಸರ್ವೋಚ್ಚ ನ್ಯಾಯಾಲಯದ ಮೊರೆ ಹೋಗಿ ವಿಮಾನ ನಿಲ್ದಾಣ ಮುಚ್ಚುವಂತಾದರೆ ಎಸ್ಇಝಡ್ ಸಹಿತ ಕೈಗಾರಿಕೆಗಳ ಸ್ಥಾಪನೆಗೆ ಹಿನ್ನಡೆಯಾಗಲಿದೆ ಎಂದರು.
ಅಂತಾರಾಷ್ಟ್ರೀಯ ಒಪ್ಪಂದದಂತೆ ಪರಿಹಾರವನ್ನು ಸತ್ತ ವ್ಯಕ್ತಿಯ ವಯಸ್ಸು, ಉದ್ಯೋಗ, ಸಂಬಳ, ಅವಲಂಬಿತರ ಸಹಿತ ಎಲ್ಲವನ್ನೂ ಪರಿಗಣಿಸಿ ನೀಡಲಾಗುತ್ತಿದ್ದು ವೈಯಕ್ತಿಕ, ಕಂಪನಿಯ ವಿಮಾ ಹಣವೂ ಪ್ರತ್ಯೇಕವಾಗಿ ದೊರೆಯಲಿದೆ. ಸೂಕ್ತ ದಾಖಲೆಗಳನ್ನು ಸಂಗ್ರಹಿಸಿ ಪರಿಹಾರ ಒದಗಿಸುವ ನಿಟ್ಟಿನಲ್ಲಿ ತುರ್ತು ಕ್ರಮ ಕೈಗೊಳ್ಳಬೇಕು. ಮೃತರ ಕುಟುಂಬಕ್ಕೆ ಮಾಹಿತಿ ಕೊಡಬೇಕು ಎಂದು ಅಭಿಪ್ರಾಯ ಪಟ್ಟಿದ್ದಾರೆwd

ಚಳ್ಳಕೆರೆಯಲ್ಲಿ ಭೀಕರ ಬಸ್ ದುರಂತ, 30 ಮಂದಿ ಸಜೀವ ದಹನ

2010-05-30T13:43:00.000+05:30

ಚಿತ್ರದುರ್ಗ, ಭಾನುವಾರ,ಮೇ 30 :ಚಾಲಕನ ಅಜಾಗರೂಕತೆಯ ಪರಿಣಾಮ ಇಲ್ಲಿನ ಚಳ್ಳಕೆರೆ ಬಳಿ ಸಂಭವಿಸಿದ ಭಾರೀ ಬಸ್ ಅಪಘಾತ 30 ಮಂದಿಯನ್ನು ಬಲಿ ತೆಗೆದುಕೊಂಡಿದೆ. ಆದರೆ, ಚಾಲಕ ಹಾಗೂ ನಿರ್ವಾಹಕ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಚಾಲಕ ನಿದ್ರೆಗೆ ಜಾರಿದ ಪರಿಣಾಮ ಬೆಳಗ್ಗಿನ ಜಾವ ಚಳ್ಳಕೆರೆಯ ನಾಯಕನಹಟ್ಟಿ ಕ್ರಾಸ್ ಬಳಿಯ ಕಿರು ಸೇತುವೆಗೆ ಸರ್ಕಾರಿ ಬಸ್ (ಕೆಎ 33 ಎಫ್ 70) ಢಿಕ್ಕಿ ಹೊಡೆದು ಪಕ್ಕದ ಪುಟ್ಟ ಮೂರ್ನಾಲ್ಕು ಅಡಿ ಆಳದ ಹಳ್ಳಕ್ಕೆ ಉರುಳಿ ಬಿದ್ದು ಈ ದುರಂತ ಸಂಭವಿಸಿದೆ. ಬಸ್ ಉರುಳಿ ಬಿದ್ದ ಪರಿಣಾಮ ದಿಢೀರ್ ಬಸ್‌ನ ಇಂಧನ ಟ್ಯಾಂಕ್‌ಗೆ ಬೆಂಕಿ ಹೊತ್ತಿಕೊಂಡು 30 ಮಂದಿ ಸಜೀವ ದಹನಗೊಂಡರೆ 29ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ. ಗಾಯಗೊಂಡವರನ್ನು ಇಲ್ಲಿಗೆ ಸಮೀಪದ ಸರ್ಕಾರಿ ಆಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಿಸಲಾಗಿದೆ.
ಮೃತ ದುರ್ದೈವಿಗಳ ಪೈಕಿ 15 ಮಂದಿ ಮಹಿಳೆಯರಾಗಿದ್ದು, 10 ಮಂದಿ ಮಕ್ಕಳು ಹಾಗೂ 5 ಮಂದಿ ಪುರುಷರು ಸೇರಿದ್ದಾರೆ. ಇವರಲ್ಲಿ ಬಹುತೇಕರು ಕೂಲಿ ಕಾರ್ಮಿಕರಾಗಿದ್ದು ಬೆಂಗಳೂರಿಗೆ ತುತ್ತು ಅನ್ನಕ್ಕಾಗಿ ಕೂಲಿ ಅರಸಿ ಸಾಗುವ ಮಹಿಳೆಯರು, ಮಕ್ಕಳು ಹಾಗೂ ಪುರುಷರು ಸೇರಿದ್ದ ಕುಟುಂಬಗಳಾಗಿತ್ತು. ಹೀಗಾಗಿ ಮೃತರಲ್ಲಿ ಬಹುಪಾಲು ಒಂದಿ ಒಂದೇ ಗ್ರಾಮಕ್ಕೆ ಸೇರಿದವರು ಹಾಗೂ ಒಂದೇ ಕುಟುಂಬದ ಮಂದಿಯೇ ಅಧಿಕವಾಗಿದ್ದಾರೆ. ಬಸ್‌ಗೆ ಹತ್ತಿಕೊಂಡ ಬೆಂಕಿ ಒಂದು ವಿದ್ಯುತ್ ಕಂಬದೆತ್ತರಕ್ಕೆ ಧಗಧಗನೆ ಹೊತ್ತಿಕೊಂಡು ಉರಿದಿದ್ದು, ಬಸ್‌ನ ಹಿಂಭಾಗ ಸಂಪೂರ್ಣ ಭಸ್ಮವಾಗಿ ಬಹುತೇಕ ಭಾಗ ಸುಟ್ಟು ಕರಕಲಾಗಿ ಹೋಗಿದೆ. ಹೀಗಾಗಿ ಒಳಗೇ ಸಿಕ್ಕಿಹಾಕಿಕೊಂಡು ಹೊರಬರಲಾಗದೆ ಬೆಂಕಿಗಾಹುತಿಯಾದ ಮಂದಿಯೂ ಬಹುತೇಕ ಸುಟ್ಟು ಕರಕಲಾಗಿದ್ದು, 21 ಶವಗಳ ಗುರುತು ಇನ್ನೂ ಪತ್ತೆಯಾಗಿಲ್ಲ. ಕೇವಲ 9 ಶವಗಳ ಗುರುತು ಪತ್ತೆ ಹಚ್ಚಲಾಗಿದೆ.
ಮೃತರ ಕುಟುಂಬಕ್ಕೆ ತಲಾ 2.5 ಲಕ್ಷ ರೂಪಾಯಿಗಳ ಪರಿಹಾರ ನೀಡುವುದಾಗಿ ಕೆಎಸ್ಆರ್‌ಟಿಸಿ ಘೋಷಿಸಿದ್ದು, ಮುಖ್ಯಮಂತ್ರಿಗಳು ತಮ್ಮ ಪರಿಹಾರ ನಿಧಿಯಿಂದ ತಲಾ ಒಂದು ಲಕ್ಷ ರೂಪಾಯಿಗಳ ಪರಿಹಾರ ಘೋಷಿಸಿದ್ದಾರೆ. ಜೊತೆಗೆ ಗಾಯಾಳುಗಳಿಗೆ 25 ಸಾವಿರ ರೂಪಾಯಿಗಳ ಪರಿಹಾರ ನೀಡಲಾಗುತ್ತಿದ್ದು, ಚಿಕಿತ್ಸಾ ವೆಚ್ಚವನ್ನೂ ಸಂಪೂರ್ಣ ಬರಿಸುವ ಭರವಸೆಯನ್ನು ಸರ್ಕಾರ ನೀಡಿದೆ.
ಇದೊಂದು ಹೃದಯ ವಿದ್ರಾವಕ ಘಟನೆಯಾಗಿದ್ದು, ಈ ದುರಂತದಿಂದ ತೀವ್ರ ನೋವಾಗಿದೆ ಎಂದು ಮುಖ್ಯಮಂತ್ರಿಗಳು ಸಂತಾಪ ಸೂಚಿಸಿದ್ದಾರೆ. ಘಟನಾ ಸ್ಥಳಕ್ಕೆ ಸಚಿವ ಕರುಣಾಕರ ರೆಡ್ಡಿ ಭೇಟಿ ನೀಡಿದ್ದು ಮೃತ ಕುಟುಂಬಗಳಿಗೆ ಸಾಂತ್ವನ ಹೇಳಿದ್ದಾರೆ. ಸುರಪುರ ಶಾಸಕ ರಾಜು ಗೌಡ ಕೂಡಾ ಸ್ಥಳಕ್ಕೆ ಭೇಟಿ ನೀಡಿದ್ದು, ಸಾರಿಗೆ ಸಚಿವ ಆರ್. ಅಶೋಕ್ ಕೂಡಾ ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಅಧಿಕಾರಿಗಳಿಂದ ಮಾಹಿತಿ ಸಂಗ್ರಹಿಸುತ್ತಿದ್ದಾರೆ.
wd

ತಂಡದೊಳಗೆ ರಾಜಕೀಯ ತಾಳಲಾರೆನು: ಆಫ್ರಿದಿ

2010-05-30T13:40:00.002+05:30

ಕರಾಚಿ,30:ತಂಡದ ನಾಯಕತ್ವ ಹೊಣೆ ಹೊತ್ತ ಬೆನ್ನಲ್ಲೇ ತನ್ನ ಅಧಿಕಾರವನ್ನು ಚಲಾಯಿಸತೊಡಗಿರುವ ಪಾಕಿಸ್ತಾನ ಕ್ರಿಕೆಟ್ ತಂಡದ ನಾಯಕ ಶಾಹಿದ್ ಆಫ್ರಿದಿ ಯಾವುದೇ ಹಂತಕ್ಕೂ ತಂಡದಲ್ಲಿ ರಾಜಕೀಯ ತಾಳಲಾರೆನು ಎಂಬ ಕಠಿಣ ಸಂದೇಶವನ್ನು ಸಹ ಆಟಗಾರರಿಗೆ ರವಾನಿಸಿದ್ದಾರೆ.
ಮುಂಬರುವ ಇಂಗ್ಲೆಂಡ್ ಸರಣಿ ಮತ್ತು ಏಷ್ಯಾ ಕಪ್‌ಗಾಗಿ ಪಾಕಿಸ್ತಾನ ಕ್ರಿಕೆಟ್ ತಂಡದ ನಾಯಕರನ್ನಾಗಿ ಆಫ್ರಿದಿ ಅವರನ್ನು ಪಿಸಿಬಿ ನೇಮಕ ಮಾಡಿತ್ತು. ಆ ಮೂಲಕ ಆಫ್ರಿದಿ ಟೆಸ್ಟ್‌ಗೂ ನಾಯಕರೆನಿಸಿಕೊಂಡಿದ್ದರು.
ಡ್ರೆಸ್ಸಿಂಗ್ ರೂಂ ವಾತಾವರಣವನ್ನು ಹದೆಗೆಡವಲು ಯತ್ನಿಸುವ ಪ್ರತಿಯೊಬ್ಬ ಆಟಗಾರನನ್ನು ವಜಾ ಮಾಡಲಾಗುತ್ತದೆ ಎಂದು ಆಫ್ರಿದಿ ಎಚ್ಚರಿಕೆ ನೀಡಿದರು.ತಂಡದಲ್ಲಿ ಯಾವುದೇ ನಕಾರತ್ಮಕ ಅಂಶ ಸಹಿಸತಕ್ಕುದಲ್ಲ. ಆದ್ದರಿಂದ ಎಲ್ಲರೂ ಧನಾತ್ಮಕವಾದ ಕೊಡುಗೆ ನೀಡಬೇಕು ಎಂದವರು ಹೇಳಿದರು.
wd

ಶೋಯಿಬ್ ಮಲೀಕ್ ಮೇಲಿನ ನಿಷೇಧ ವಾಪಸ್

2010-05-30T13:36:00.002+05:30

ಲಾಹೋರ್,30:ಅಚ್ಚರಿ ಬೆಳವಣಿಗೆಯೊಂದರಲ್ಲಿ ಕ್ರಿಕೆಟಿಗ ಶೋಯಿಬ್ ಮಲೀಕ್ ಮೇಲೆ ಹೇರಲಾಗಿದ್ದ ಒಂದು ವರ್ಷದ ನಿಷೇಧವನ್ನು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ವಾಪಸ್ ಪಡೆದುಕೊಂಡಿದೆ.
ಈ ಹಿಂದೆ ಆಸ್ಟ್ರೇಲಿಯಾ ಪ್ರವಾಸದಲ್ಲಿನ ಕಳಪೆ ಪ್ರದರ್ಶನ ಮತ್ತು ಅಶಿಸ್ತಿನ ವರ್ತನೆಯ ಹಿನ್ನಲೆಯಲ್ಲಿ ಕಠಿಣ ಶಿಸ್ತು ಕ್ರಮಕ್ಕೆ ಮುಂದಾಗಿದ್ದ ಪಿಸಿಬಿ, ಮಲೀಕ್ ಮೇಲೆ ಒಂದು ವರ್ಷದ ನಿಷೇಧ ಹೇರಿತ್ತಲ್ಲದೆ 20 ಲಕ್ಷ ರೂಪಾಯಿ ದಂಡ ಕೂಡಾ ವಿಧಿಸಲಾಗಿತ್ತು.
ಆದರೆ ಇದೀಗ ನಿಷೇಧ ಹಿಂಪಡೆದ ಹಿನ್ನಲೆಯಲ್ಲಿ ಒಟ್ಟು ದಂಡದ ಅರ್ಧದಷ್ಟು ಪಾವತಿಸಿದರೆ ಸಾಕಗುತ್ತದೆ ಎಂದು ಪಿಸಿಬಿ ತಿಳಿಸಿದೆ.
ತಂಡದ ಕೆಲವು ಆಟಗಾರರು ಬೇಡಿಕೆಯಿರಿಸಿದ್ದರ ಹಿನ್ನಲೆಯಲ್ಲಿ ಪಿಸಿಬಿ ಈ ಕ್ರಮಕ್ಕೆ ಮುಂದಾಗಿದೆ ಎಂದು ತಿಳಿದು ಬಂದಿದೆ.
ಕೆಲವು ವಾರಗಳ ಹಿಂದೆಯಷ್ಟೇ ತನ್ನ ಮೇಲೆ ಕೈಗೊಂಡಿರುವ ಶಿಸ್ತು ಕ್ರಮವನ್ನು ಪ್ರಶ್ನಿಸಿ ಮಲಿಕ್ ಪಿಸಿಬಿ ವಿಚಾರಣಾ ಸಮಿತಿಗೆ ಮೇಲ್ಮನವಿ ಸಲ್ಲಿಸಿದ್ದರು.ಒಟ್ಟಿನಲ್ಲಿ ನಿಷೇಧದ ಹಿಂತೆಗೆತದಿಂದಾಗಿ ಮಲೀಕ್ ಇದೀಗ ರಿಲೀಫ್ ಸಿಕ್ಕಿದಂತಾಗಿದ್ದು, ಆಡಲು ಮುಕ್ತವಾಗಿದ್ದಾರೆ.
-wd

ಕಾಸರಗೋಡು: ಮುಂದುವರಿದ ದುಷ್ಕೃತ್ಯ ಮನೆಗೆ ಹಾಗೂ ಬೈಕಿಗೆ ಬೆಂಕಿ

2010-05-30T13:31:00.000+05:30

ಕಾಸರಗೋಡು, ಮೇ 29: ನಗರದಲ್ಲಿ ಕಳೆದ ಎರಡು ದಿನಗಳ ಹಿಂದೆ ಉಲ್ಭ ಣಿಸಿದ ಹಿಂಸಾಚಾರದ ಭಾಗವೆಂಬಂತೆ ಕೂಡ್ಲುವಿನಲ್ಲಿ ಮನೆಯೊಂದಕ್ಕೆ ಹಾಗೂ ಪಾರೆಕಟ್ಟ ಎಂಬಲ್ಲಿ ಬೈಕೊಂದಕ್ಕೆ ದುಷ್ಕರ್ಮಿಗಳು ಬೆಂಕಿ ಹಚ್ಚಿದ ಘಟನೆ ಇಂದು ವರದಿಯಾಗಿದೆ. ಕೂಡ್ಲುವಿನ ದಿ.ಬಿ.ಅಹ್ಮದ್ ಕುಂಞಿ ಮಾಸ್ಟರ್‌ರ ಮನೆಗೆ ಕಿಡಿಗೇಡಿಗಳು ಬೆಂಕಿ ಹಚ್ಚಿದ್ದು, ಮನೆಯ ಕಿಟಕಿ, ಬಾಗಿಲುಗಳು ಬೆಂಕಿಗಾಹುತಿಯಾಗಿವೆ. ಘಟನೆಯಿಂದ ಸುಮಾರು 1ಲಕ್ಷ ರೂ. ನಷ್ಟ ಸಂಭವಿಸಿದೆ ಎಂದು ಅಂದಾಜಿ ಸ ಲಾಗಿದೆ. ಇಂದು ಮುಂಜಾನೆ 1 ಗಂಟೆಯ ಸುಮಾರಿಗೆ ಮನೆಯ ಆವರಣ ಗೋಡೆಯ ಮೂಲಕ ಒಳ ಬಂದ ದುಷ್ಕರ್ಮಿಗಳು ಈ ಕೃತ್ಯ ಎಸಗಿ ದ್ದಾರೆ ಎನ್ನಲಾಗಿದೆ.

ಇನ್ನೊಂದು ಘಟನೆಯಲ್ಲಿ ಪಾರೆಕಟ್ಟ ಬದರ್ ಮಸೀದಿ ಬಳಿಯ ಲತೀಫ್‌ರ ಮನೆಯ ಮುಂಭಾಗದಲ್ಲಿರಿಸಲಾಗಿದ್ದ ಹೀರೋಹೋಂಡಾ ಹಂಕ್ ಬೈಕ್‌ಗೆ ದುಷ್ಕರ್ಮಿಗಳು ಬೆಂಕಿ ಹಚ್ಚಿದ್ದು, ಬೈಕ್ ಸಂಪೂರ್ಣ ಅಗ್ನಿಗಾಹುತಿಯಾಗಿದೆ. ಇಂದು ಮುಂಜಾನೆ 2ರ ಸುಮಾರಿಗೆ ಈ ಕೃತ್ಯ ಎಸಗಲಾಗಿದೆ. ಲತೀಫ್ ವಿದೇಶದಲ್ಲಿದ್ದು, ಈ ಸಂದರ್ಭ ಲತೀಫ್‌ರ ಪತ್ನಿ ಆಸ್ಮಾ ಮತ್ತು ಮಕ್ಕಳಾದ ತೌಸೀಫ್, ತಸ್ಲೀಮಾ ಮನೆಯಲ್ಲಿದ್ದರು ಎನ್ನಲಾಗಿದೆ.ಘಟನಾ ಸ್ಥಳಗಳಿಗೆ ನಗರ ಠಾಣಾ ಪೊಲೀಸರು ಆಗಮಿಸಿದ್ದು, ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸು ತ್ತಿದ್ದಾರೆ. ನಗರದಲ್ಲಿ ಕೆಲ ದಿನಗಳಿಂದ ಹಿಂಸಾಚಾರ ನಡೆಯುತ್ತಿದ್ದು, ಇದರ ಬೆನ್ನಿಗೆ ನಗರದ ಹೊರವಲಯದಲ್ಲಿ ಇಂತಹ ಘಟನೆಗಳು ಜನತೆಯನ್ನು ಭಯಭೀತರನ್ನಾಗಿಸಿದೆ.

‘ಏರ್ ಇಂಡಿಯಾದಲ್ಲಿ ಅಶಿಸ್ತಿಗೆ ಅವಕಾಶ ಇಲ್ಲ’

2010-05-30T13:05:00.001+05:30

ಹೊಸದಿಲ್ಲಿ, ಮೇ 29: ಏರ್ ಇಂಡಿಯಾ ಸಂಸ್ಥೆಯಲ್ಲಿ ಯಾವುದೇ ಅಶಿಸ್ತಿಗೆ ಅವಕಾಶ ಇಲ್ಲ ಎಂದು ಹೇಳಿರುವ ನಾಗರಿಕ ವಿಮಾನಯಾನ ಸಚಿವ ಪ್ರಪುಲ್ ಪಟೇಲ್, ಇತ್ತೀಚೆಗೆ ಸಿಬ್ಬಂದಿಗಳ ಮುಷ್ಕರದಂತಹ ಘಟನೆಗಳನ್ನು ಹತ್ತಿಕ್ಕಲು ಆಡಳಿತ ಮಂಡಳಿಗೆ ಸಂಪೂರ್ಣ ಸ್ವಾತಂತ್ರ ನೀಡುವುದಾಗಿ ಘೋಷಿಸಿದ್ದಾರೆ.

‘ ಇಂತಹ ಸನ್ನಿವೇಶಗಳನ್ನು ನಿಭಾಯಿಸಲು ಅಗತ್ಯವಿರುವ ಎಲ್ಲ ಕ್ರಮಗಳನ್ನು ಕೈಗೊಳ್ಳಲು ಆಡಳಿತ ಮಂಡಳಿ ಸಂಪೂರ್ಣ ಸ್ವತಂತ್ರವಾಗಿದೆ. ಮುಷ್ಕರದಂತಹ ಅಶಿಸ್ತುಗಳನ್ನು ಸಹಿಸಲು ಸಾಧ್ಯವಿಲ್ಲ’ ಎಂದು ಸಿಎನ್‌ಎನ್-ಐಬಿಎನ್ ಚಾನೆಲ್‌ನಲ್ಲಿ ಕರಣ್ ಥಾಪರ್‌ರೊಂದಿಗೆ ನಡೆಸಿದ ಸಂದರ್ಶನದಲ್ಲಿ ಪ್ರಪುಲ್ ಪಟೇಲ್ ಹೇಳಿದರು.

ಮುಷ್ಕರ ನಡೆಸಿದ್ದಕ್ಕಾಗಿ ಇನ್ನೂ ಹೆಚ್ಚಿನ ನೌಕರರನ್ನು ಕೆಲಸದಿಂದ ಉಚ್ಚಾಟಿಸಲಾಗುವುದೇ ಎಂದು ಕೇಳಿ ದಾಗ, ಅದಕ್ಕೆ ಏರ್‌ಲೈನ್ಸ್ ಆಡಳಿತ ಮಂಡಳಿ ಸ್ವತಂತ್ರ ವಾಗಿದೆ. ಅಗತ್ಯವಿದ್ದರೆ ಅದು ಹಾಗೆ ಮಾಡಬಹುದು. ಈ ಬಗ್ಗೆ ನಾನು ಮಧ್ಯ ಪ್ರವೇಶಿಸುವುದಿಲ್ಲ ಎಂದು ಅವರು ಹೇಳಿದರು.

ಏರ್ ಇಂಡಿಯಾ ಮತ್ತು ಇಂಡಿಯನ್ ಆರ್‌ಲೈನ್ಸ್‌ನ ವಿಲೀನ ಪ್ರಕ್ರಿಯೆ ದೀರ್ಘ ಕಾಲಿಕ ಪ್ರಕ್ರಿಯೆಯಾಗಿದ್ದು, ಆಂತರಿಕ ವಿರೋಧ ವ್ಯಕ್ತವಾಗಿದೆ ಮತ್ತು ವ್ಯವಸ್ಥಿತ ಯತ್ನವು ಅದರ ಯಶಸ್ಸನ್ನು ಕಾತರಿ ಪಡಿಸುವಲ್ಲಿ ವಿಫಲಗೊಂಡಿದೆ ಎಂದು ಪಟೇಲ್ ಹೇಳಿದರು.

‘ವಿಲೀನಕ್ಕೆ ಆಂತರಿಕವಾಗಿ ಬಹಳಷ್ಟು ವಿರೋಧ ಇದ್ದುದರಿಂದ ಯಶಸ್ಸು ಸಾಧ್ಯವಾಗಿಲ್ಲ. ವಿರೋಧ ವ್ಯಕ್ತಪಡಿಸಿದವರಲ್ಲಿ ಸಂಸ್ಥೆಯ ಜನರೂ ಇದ್ದಾರೆ ಮತ್ತು ಕೆಲವು ನೌಕರ ಸಂಘಗಳೂ ಇವೆ, ಎಂದು ಅವರು ಹೇಳಿದರು.

9 ಗಂಟೆ ತಡವಾಗಿ ಹಾರಿದ ಏರ್ ಇಂಡಿಯಾ ವಿಮಾನ

2010-05-30T12:55:00.000+05:30

ಮುಂಬೈ, ಮೇ 29: 159 ಪ್ರಯಾಣಿಕರನ್ನು ಹೊತ್ತಿದ್ದ ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ವಿಮಾನ ಎರಡು ಬಾರಿ ಹಾರಾಟವನ್ನು ಮುಂದೂಡಿ, ಕೊನೆಗೆ 9 ಗಂಟೆ ತಡವಾಗಿ ಇಂದು ಬೆಳಗ್ಗೆ ಹೊರಟಿದೆ.
ವಿಮಾನ ವಿಳಂಬವಾಗಿ ಹೊರಟ ಹಿನ್ನೆಲೆಯಲ್ಲಿ ಪ್ರಯಾಣಿಕರಿಗೆ ತೊಂದರೆಯಾದುದಕ್ಕೆ ಸಂಸ್ಥೆ ವಿಷಾದ ವ್ಯಕ್ತಪಡಿಸಿದೆ ಎಂದು ಏರ್ ಇಂಡಿಯಾ ವಕ್ತಾರ ಹೇಳಿದ್ದಾರೆ.

ಎರಡು ಸಲ ವಿಮಾನ ಹಾರಾಟದ ಸಮಯವನ್ನು ಮುಂದೂಡಲಾಯಿತು. ಒಮ್ಮೆ ತಾಂತ್ರಿಕ ತೊಂದರೆಯಿಂದ ಮುಂದೂಡಿದರೆ, ಮತ್ತೊಮ್ಮೆ ವೈಮಾನಿಕ ಸಿಬ್ಬಂದಿಗಳು ತಮ್ಮ ಕರ್ತವ್ಯ ಅವಧಿ ಮುಕ್ತಾಯಗೊಳಿಸಿದ್ದರಿಂದ ಹಾರಾಟದ ಸಮಯವನ್ನು ಮರುನಿಗದಿ ಪಡಿಸ ಲಾಯಿತು ಎಂದು ಅವರು ಹೇಳಿದರು.

‘ಮೇ 28ರಂದು ಮುಂಬೈಯಿಂದ ಚೆನ್ನೈಗೆ ತೆರಳಬೇಕಾಗಿದ್ದ 1 ್ಡ 206 ಸಂಖ್ಯೆಯ ಏರ್ ಇಂಡಿಯಾ ವಿಮಾನ ವಿಳಂಬವಾಗಿ ತೆರಳಿ ಪ್ರಯಾ ಣಿಕರಿಗೆ ತೊಂದರೆಯಾದ್ದರಿಂದ ಏರ್ ಇಂಡಿಯಾ ವಿಷಾದ ವ್ಯಕ್ತಪಡಿಸಿದೆ. ವಿಮಾನ ತಾಂತ್ರಿಕ ಕಾರಣಗಳಿಂದ 9ಗಂಟೆಗೆ ಹೊರಟಿದೆ ಎಂದು’ ಸಂಸ್ಥೆಯ ವಕ್ತಾರ ತಿಳಿಸಿದ್ದಾರೆ.

ವೈಮಾನಿಕ ಸಿಬ್ಬಂದಿಗಳ ಕರ್ತವ್ಯ ಅವಧಿ ಮುಗಿದ ಕಾರಣ ಹೊಸ ಸಿಬ್ಬಂದಿ ಗಳನ್ನು ನಿಯೋಜಿಸಿ ಅನುಕೂಲ ಕಲ್ಪಿಸ ಲಾಯಿತು ಎಂದು ಅವರು ತಿಳಿಸಿದ್ದಾರೆ.
ಏರ್ ಇಂಡಿಯಾಕ್ಕೆ ಸೇರಿದ ವಿಮಾ ನದಲ್ಲಿ ತೊಂದರೆ ಉಂಟಾಗುತ್ತಿರುವುದು ಒಂದೇ ದಿನದಲ್ಲಿ ಇದು ಎರಡನೇ ಬಾರಿ ಯಾಗಿದೆ. ಈ ಮೊದಲು ಕ್ಯಾಲಿಕೆಟ್ ನಿಂದ ಚೆನ್ನೈಗೆ ಹೊರಟಿದ್ದ 84 ಪ್ರಯಾಣಿಕರಿದ್ದ ವಿಮಾನ ತಾಂತ್ರಿಕ ಕಾರಣದಿಂದಾಗಿ ಬದಲಾಯಿಸಲಾಗಿತ್ತು.

ಬಾಲಕಿಯ ಜೀವಂತ ದಹನ

2010-05-30T12:50:00.000+05:30

ಮಾಲೆಗಾಂವ್,ಮೇ 29: ಮಾಲೆಗಾಂವ್ ಜಿಲ್ಲೆಯ ದಿವೊಘಾಟ್ ಗ್ರಾಮದಲ್ಲಿ ಹದಿಹರೆಯದ ಬಾಲಕಿಯೊಬ್ಬಳ ಮೇಲೆ ಅತ್ಯಾಚಾರ ನಡೆಸಲು ವಿಫಲ ಯತ್ನ ನಡೆಸಿದ ದುಷ್ಕರ್ಮಿಯೊಬ್ಬ ಆಕೆಯನ್ನು ಜೀವಂತವಾಗಿ ದಹಿಸಿದ ಬರ್ಬರ ಘಟನೆ ಮಹಾರಾಷ್ಟ್ರದ ಮಾಲೆಗಾಂವ್ ಜಿಲ್ಲೆಯ ದೆವೊಘಾಟ್ ಗ್ರಾಮದಲ್ಲಿ ಶುಕ್ರವಾರ ನಡೆದಿದೆ.

ಗಂಭೀರಸುಟ್ಟ ಗಾಯಗಳಾದ ಬಾಲಕಿ ಆನಂತರ ಆಸ್ಪತ್ರೆಯಲ್ಲಿ ಅಸುನೀಗಿದಳೆಂದು ಪೊಲೀಸರು ತಿಳಿಸಿದ್ದಾರೆ.16ರ ಹರೆಯದ ಪೂನಂ ಪಾಘರ್ ಒಬ್ಬಂಟಿಯಾಗಿದ್ದಾಗ ಮನೆಯೊಳಗೆ ನುಗ್ಗಿದ ಆರೋಪಿ ಸಾಮಾಧಾನ್ ಖೈರ್ನಾರ್ ಆಕೆಯ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದ್ದನು.

ಆದರೆ ಬಾಲಕಿಯು ಸಹಾಯಕ್ಕಾಗಿ ಜೋರಾಗಿ ಕಿರುಚಿಕೊಂಡಾಗ ಕ್ರುದ್ಧನಾದ ಆತ ಆಕೆಯ ಮೇಲೆ ಸೀಮೆಎಣ್ಣೆ ಸುರಿದು ಬೆಂಕಿ ಹಚ್ಚಿದ’’ ಎಂದು ಮಾಲೆಗಾಂವ್ ಜಿಲ್ಲೆಯ ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಚಂದ್ರಶೇಖರ ಚೌಗುಲೆ ತಿಳಿಸಿದ್ದಾರೆ.

ಕೂಡಲೇ ಸ್ಥಳಕ್ಕೆ ಧಾವಿಸಿದ ನೆರೆಹೊರೆಯವರು, ಗಂಭೀರ ಸುಟ್ಟಗಾಯಗಳಾದ ಪೂನಂಳನ್ನು ಆಸ್ಪತ್ರೆಗೆ ದಾಖಲಿಸಿದರು. ಆಕೆಯ ಶನಿವಾರ ಬೆಳಗ್ಗೆ ಕೊನೆಯುಸಿರೆಳೆದಳೆಂದು ಚೌಗುಲೆ ಹೇಳಿದರು. ಆರೋಪಿ ಖೈರ್ನಾರ್ ತಲೆಮರೆಸಿಕೊಂಡಿದ್ದು, ಪೊಲೀಸರು ಆತನಿಗಾಗಿ ತೀವ್ರ ಶೋಧ ನಡೆಸುತ್ತಿದ್ದಾರೆ.

ಖೈರ್ನಾರ್ ವಿರುದ್ಧ ಎಫ್‌ಐಆರ್ ದಾಖಲಿಸಲಾಗಿದೆ. ಆತನ ವಿರುದ್ಧ ಭಾರತೀಯ ದಂಡಸಂಹಿತೆಯ ಸೆಕ್ಷನ್‌ಗಳಾದ 307( ಕೊಲೆ ಯತ್ನ),354 (ಶೀಲಹರಣದ ಉದ್ದೇಶದಿಂದ ಹಲ್ಲೆ ಅಥವಾ ಕ್ರಿಮಿನಲ್ ಸ್ವರೂಪದ ಬಲಪ್ರಯೋಗ) ಹಾಗೂ 451 (ಜೈಲು ಶಿಕ್ಷೆಗೆ ಅರ್ಹವಾದಂತಹ ಅಪರಾಧವನ್ನು ಎಸಗಲು ಮನೆಯೊಳಗೆ ಅತಿಕ್ರಮ ಪ್ರವೇಶ) ಅನ್ವಯ ಪ್ರಕರಣ ದಾಖಲಿಸಲಾಗಿದೆ.

ಚಿದಂಬರಂ ಹೇಳಿಕೆಯಿಂದ ಸರಕಾರಕ್ಕೆ ಮುಜುಗರ: ಪೂಜಾರಿ

2010-05-30T12:46:00.000+05:30

ಮಂಗಳೂರು, ಮೇ 29: ಸಂವಿಧಾನದತ್ತ ಅಧಿಕಾರವನ್ನು ಬಳಸಿ ದೇಶದಲ್ಲಿ ವಿಧ್ವಂಸಕ ಕೃತ್ಯ ತಡೆಯಲು ಕಠಿಣ ಕ್ರಮ ಕೈಗೊಳ್ಳಬೇಕಾದ ಗೃಹ ಸಚಿವ ಚಿದಂಬರಂ ತಮಗೆ ನಕ್ಸಲರ ವಿರುದ್ಧ ಕ್ರಮ ಕೈಗೊಳ್ಳಲು ಸೀಮಿತ ಅಧಿಕಾರ ಮಾತ್ರ ಇದೆ ಎಂಬ ಹೇಳಿಕೆ ನೀಡಿರುವುದು ಪರೋಕ್ಷವಾಗಿ ಪ್ರಧಾನ ಮಂತ್ರಿಯನ್ನು ಟೀಕೆ ಮಾಡಿದಂತಾಗಿದೆ. ಗೃಹ ಸಚಿವರ ಈ ಹೇಳಿಕೆಯಿಂದ ಸರಕಾರಕ್ಕೆ ಮುಜುಗರವಾದಂತಾಗಿದೆ ಎಂದು ಮಾಜಿ ಕೇಂದ್ರ ಸಚಿವ ಜನಾರ್ದನ ಪೂಜಾರಿ ಟೀಕಿಸಿದ್ದಾರೆ.

ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ದೇಶದಲ್ಲಿ ಗುಡ್ಡಗಾಡು ಪ್ರದೇಶದಲ್ಲಿ ಮಾವೊವಾದಿಗಳು ಹಿಂಸಾಚಾರ ನಡೆಸಿ ಅಮಾಯಕರನ್ನು ಬಲಿ ತೆಗೆದುಕೊಳ್ಳುತ್ತಿದ್ದಾರೆ. ಈ ಸಂದರ್ಭದಲ್ಲಿ ಕೇಂದ್ರ ಸಚಿವರು ತಮ್ಮ ಹೊಣೆಗಾರಿಕೆಯನ್ನು ಸಂಪೂರ್ಣ ವಹಿಸಿಕೊಳ್ಳದೆ ಪರೋಕ್ಷವಾಗಿ ಪ್ರಧಾನ ಮಂತ್ರಿಯತ್ತ ಬೆರಳು ತೋರಿಸುತ್ತಿದ್ದಾರೆ. ಈ ರೀತಿಯ ಹೇಳಿಕೆ ಬೇಡ. ನಕ್ಸಲರ ವಿರುದ್ಧ ಗೃಹ ಸಚಿವರು ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಮಾಜಿ ಕೇಂದ್ರ ಸಚಿವ ಜನಾರ್ದನ ಪೂಜಾರಿ ತಿಳಿಸಿದ್ದಾರೆ.
ಕೇಂದ್ರದಲ್ಲಿ ಹಿಂದೆ ಸಚಿವರಾಗಿದ್ದ ಸರ್ದಾರ್ ವಲ್ಲಭಬಾಯಿ ಪಟೇಲ್‌ರಂತಹವರು ಮಾದರಿಯಾಗಿ ಕಾರ್ಯನಿರ್ವಹಿಸಿದ್ದಾರೆ ಎಂದು ತಿಳಿಸಿದರು.

ವಿಮಾನ ಅಪಘಾತ ಸಂತ್ರಸ್ತರಿಗೆ ತುರ್ತು ಪರಿಹಾರಕ್ಕೆ ಆಗ್ರಹ:
ಮಂಗಳೂರು ವಿಮಾನ ಅಪಘಾತದ ಸಂತ್ರಸ್ತರಿಗೆ ತುರ್ತು ಪರಿಹಾರ ನೀಡಲು ಸಮರೋಪಾದಿಯಲ್ಲಿ ಕೆಲಸ ನಡೆಯಬೇಕಾಗಿದೆ. ಅಧಿಕಾರಿಗಳು ಈ ನಿಟ್ಟಿನಲ್ಲಿ ಮುತುವರ್ಜಿ ವಹಿಸಬೇಕಾಗಿದೆ.

ಉಡುಪಿಯ 12, ದ.ಕ. ಜಿಲ್ಲೆಯ 18 ಸಂತ್ರಸ್ತರ ಮನೆಗಳಿಗೆ ಭೇಟಿ ನೀಡಿ ಸಾಂತ್ವನ ಹೇಳಿದ ಸಂದರ್ಭದಲ್ಲಿ ಅವರಿಗೆ ದಾಖಲೆ ಪಡೆಯಲು ಆಗುತ್ತಿರುವ ಸಮಸ್ಯೆ ಗಮನಕ್ಕೆ ಬಂದಿದೆ. ಕೆಲವರ ಮನೆಯ ದೂರವಾಣಿ ಸಂಖ್ಯೆ ಸ್ಥಗಿತಗೊಂಡಿದೆ. (ಹಣ ಪಾವತಿ ಬಾಕಿ ಇರುವುದರಿಂದ) ಇಂತಹ ಕುಟುಂಬಗಳಿಗೆ ತಕ್ಷಣ ದೂರವಾಣಿ ಸಂಪರ್ಕವನ್ನು ಭಾರತ ಸಂಚಾರ ನಿಗಮ ಮಾಡಬೇಕು. ಕೇಂದ್ರ ಸರಕಾರ ಪರಿಹಾರದ ಮೊತ್ತವನ್ನು ಹೆಚ್ಚಿಸಬೇಕು ಎಂದು ಪೂಜಾರಿ ಆಗ್ರಹಿಸಿದರು.

ಪತ್ರಿಕಾಗೋಷ್ಠಿಯಲ್ಲಿ ಮಾಜಿ ಶಾಸಕ ವಿಜಯಕುಮಾರ್ ಶೆಟ್ಟಿ, ಎಂ.ಜಿ.ಹೆಗಡೆ, ಕಳ್ಳಿಗೆ ತಾರಾನಾಥ ಶೆಟ್ಟಿ, ಸುರೇಶ್ ಬಲ್ಲಾಳ್ ಉಪಸ್ಥಿತರಿದ್ದರು.

ಕನಗನಹಳ್ಳಿ ಗೇಟ್ ಬಳಿ ಭೀಕರ ರಸ್ತೆ ದುರಂತ: 8 ಮಂದಿ ಬಲಿ

2010-05-30T12:32:00.000+05:30

ಮಂಡ್ಯ, ಮೇ 29: ಅಪೆ ಆಟೊ ಹಾಗೂ ಗೂಡ್ಸ್ ಟೆಂಪೋ ಮುಖಾಮುಖಿ ಢಿಕ್ಕಿಯಾಗಿ ಇಬ್ಬರು ಮಹಿಳೆಯರು ಸೇರಿದಂತೆ 8 ಮಂದಿ ಸಾವನ್ನಪ್ಪಿ, 6 ಮಂದಿ ತೀವ್ರವಾಗಿ ಗಾಯಗೊಂಡಿರುವ ದುರಂತ ಘಟನೆ ಪಾಂಡವಪುರ ತಾಲೂಕು ಕನಗನಹಳ್ಳಿ ಗೇಟ್ ಬಳಿ ಶನಿವಾರ ಮಧ್ಯಾಹ್ನ ನಡೆದಿದೆ.

ಘಟನೆಯಲ್ಲಿ ಶ್ರೀರಂಗಪಟ್ಟಣ ತಾಲೂಕು ನೆಲಮನೆ ಗ್ರಾಮದ ದೇವರಾಜು (35), ಶ್ರೀನಿವಾಸ (33), ರಾಮಯ್ಯ (60), ಸಿಂಗ್ರಯ್ಯ (65), ಚಂದ್ರಾಚಾರಿ (50) ಸ್ಥಳದಲ್ಲೇ ಮೃತಪಟ್ಟರೆ, ಜಗದೀಶ್ (35) ಆಸ್ಪತ್ರೆಗೆ ಸಾಗಿಸುವ ಮಾರ್ಗಮಧ್ಯೆ ಹಾಗೂ ನಿಂಗಮ್ಮ (50) ಹಾಗೂ ಸಣ್ಣಮ್ಮ(21) ಮೈಸೂರು ಕೆ. ಆರ್.ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು.

ಪ್ರತಿಬಾಬು (35), ವಿಶೇಷ (47), ಕೃಷ್ಣ (45), ಸ್ವಾಮಿ (55), ಚಿಕ್ಕಕಾಳೇಗೌಡ (65), ಆಟೋ ಚಾಲಕ ಪುಟ್ಟರಾಜು (35) ತೀವ್ರವಾಗಿ ಗಾಯಗೊಂಡಿದ್ದು, ಮೈಸೂರಿನ ಕೆ. ಆರ್. ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಅವರ ಸ್ಥಿತಿಯೂ ಗಂಭೀರವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಅಪಘಾತದಲ್ಲಿ ಮೃತಪಟ್ಟವರು ಹಾಗೂ ಗಾಯಗೊಂಡವರೆಲ್ಲರೂ ಆಪೆ ಆಟೊದಲ್ಲಿದವರೆಂದು ತಿಳಿದುಬಂದಿದೆ.

ನೆಲಮನೆಯವರೇ ಆದ ಮಹದೇವ ಹಾಗೂ ಸಣ್ಣಮ್ಮ ಪರಸ್ಪರ ಪ್ರೀತಿಸಿ ಮದುವೆಯಾಗಿದ್ದರು. ಕೆಲವು ತಿಂಗಳ ನಂತರ ಇಬ್ಬರಲ್ಲೂ ವಿರಸಬಂದು ಬೇರ್ಪಟ್ಟಿದ್ದರು. ನಂತರ ಸಣ್ಣಮ್ಮ ಮತ್ತು ಆಕೆಯ ತಾಯಿ ನಿಂಗಮ್ಮ ಗ್ರಾಮ ತೊರೆದು ಕೆ.ಆರ್.ಪೇಟೆ ತಾಲೂಕು ಬಲ್ಲೇನಹಳ್ಳಿಯ ಸಂಬಂಧಿಕರ ಮನೆಯಲ್ಲಿ ವಾಸವಾಗಿದ್ದರು.

ಈ ದಂಪತಿಯನ್ನು ಒಂದು ಮಾಡುವ ಸಲುವಾಗಿ ನೆಲಮನೆ ಗ್ರಾಮದ 12 ಮುಖಂಡರು ಗೂಡ್ಸ್ ಆಟೊ ಬಾಡಿಗೆ ಪಡೆದು ನ್ಯಾಯ ಪಂಚಾಯತ್ ನಡೆಸಿ ಮಹದೇವನ ಹೆಂಡತಿ ಸಣ್ಣಮ್ಮನನ್ನು ಕರೆತರಲು ಶನಿವಾರ ಬೆಳಗ್ಗೆ ಬಲ್ಲೇನಹಳ್ಳಿಗೆ ತೆರಳಿದ್ದರು.

ಮಧ್ಯಾಹ್ನ ಸುಮಾರು 2:30ರ ಸಮಯದಲ್ಲಿ ಮೈಸೂರು-ಕೆ.ಆರ್.ಪೇಟೆ ಮುಖ್ಯರಸ್ತೆಯ ಕನಗನಹಳ್ಳಿ ಗೇಟ್ ಬಳಿ ಎದುರಿನಿಂದ ಬರುತ್ತಿದ್ದ ಗೂಡ್ಸ್ ಟೆಂಪೋ ಆಟೊಗೆ ಢಿಕ್ಕಿ ಹೊಡೆದು ಈ ಘಟನೆ ಸಂಭವಿಸಿತು. ಅಪಘಾತದ ರಭಸಕ್ಕೆ ಆಟೊ ನಜ್ಜುಗುಜ್ಜಾಗಿದ್ದು, ಗೂಡ್ಸ್ ಟೆಂಪೋ ಜಖಂಗೊಂಡಿದೆ.

ಅಪಘಾತ ಸ್ಥಳದಲ್ಲಿ ಸತ್ತವರು ಹಾಗೂ ಗಾಯಗೊಂಡವರನ್ನು ಸುತ್ತಮುತ್ತಲ ಗ್ರಾಮಸ್ಥರು ವಾಹನಗಳನ್ನು ಪಡೆದು ತಕ್ಷಣ ಪಾಂಡವಪುರ ಸರಕಾರಿ ಆಸ್ಪತ್ರೆಗೆ ಸಾಗಿಸಿದರು. ಗಾಯಗೊಂಡವರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಮೈಸೂರಿನ ಕೆ. ಆರ್. ಆಸ್ಪತ್ರೆಗೆ ಸಾಗಿಸಲಾಯಿತು. ಆಸ್ಪತ್ರೆ ಎದುರು ಸತ್ತವರ ಬಂಧುಗಳ ರೋದನ ಮುಗಿಲುಮಟ್ಟಿತ್ತು.

ಸ್ಥಳಕ್ಕೆ ಆಗಮಿಸಿದ ಶ್ರೀರಂಗಪಟ್ಟಣ ಮಾಜಿ ಶಾಸಕಿ ವಿಜಯಲಕ್ಷ್ಮಿ ಬಂಡಿಸಿದ್ದೇಗೌಡ ಸಂತ್ರಸ್ತ ಕುಟುಂದವರನ್ನು ಸಂತೈಸಿದ್ದಲ್ಲದೆ, ವೈಯಕ್ತಿಕವಾಗಿ ಸತ್ತವರ ಕುಟುಂಬಕ್ಕೆ 5 ಸಾವಿರ ರೂ. ಪರಿಹಾರ ನೀಡಿದರು. ಚಿನಕುರಳಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಮಂಗಳೂರಿನಲ್ಲಿ ತುಳುಭವನ ನಿರ್ಮಾಣಕ್ಕೆ ವಿಶೇಷ ಆನುದಾನ: ಆಚಾರ್ಯ

2010-05-30T12:22:00.000+05:30

ಬೆಂಗಳೂರು, ಮೇ 29: ಮಂಗಳೂರಿನಲ್ಲಿ ತುಳು ಭವನ ನಿರ್ಮಾಣಕ್ಕೆ ಸರಕಾರದಿಂದ ವಿಶೇಷ ಅನುದಾನ ನೀಡಲಾಗುವುದು ಎಂದು ಗೃಹ ಸಚಿವ ವಿ.ಎಸ್.ಆಚಾರ್ಯ ಹೇಳಿದ್ದಾರೆ.

ಕರ್ನಾಟಕದ ತುಳು ಸಾಹಿತ್ಯ ಅಕಾಡಮಿ ವತಿಯಿಂದ ನಗರದ ರವೀಂದ್ರ ಕಲಾಕ್ಷೇತ್ರದಲ್ಲಿ ಶನಿವಾರ ಏರ್ಪಡಿಸಲಾಗಿದ್ದ ಅಕಾಡಮಿಯ 2009ನೆ ಸಾಲಿನ ಗೌರವ ಪ್ರಶಸ್ತಿ ಹಾಗೂ ಪುಸ್ತಕ ಬಹುಮಾನ ಪ್ರದಾನ ಸಮಾರಂಭದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

ಮಂಗಳೂರಿನಲ್ಲಿ ತುಳು ಭವನ ನಿರ್ಮಾಣಕ್ಕೆ ಈಗಾಗಲೇ ಜಾಗವನ್ನು ಗುರುತಿಸಲಾಗಿದ್ದು, ಇದರ ನಿರ್ಮಾಣಕ್ಕೆ ಎರಡು ವರ್ಷದಲ್ಲಿ ಸರಕಾರದಿಂದ ವಿಶೇಷ ಅನುದಾನವನ್ನು ನೀಡಲಾಗುವುದು ಎಂದು ಅವರು ತಿಳಿಸಿದರು.

ತುಳು ಭಾಷೆ ಹಾಗೂ ತುಳು ಭಾಷಿಗರ ಅಭಿವೃದ್ಧಿಗೆ ಸರಕಾರ ಬದ್ಧವಾಗಿದ್ದು, ಈ ಭಾಷೆಯನ್ನು ಸಂವಿಧಾನದ 8ನೆ ಪರಿಚ್ಛೇದದಲ್ಲಿ ಸೇರಿಸಲು ಕೇಂದ್ರ ಸರಕಾರದ ಮೇಲೆ ಒತ್ತಡ ಹೇರಲಾಗುವುದು ಎಂದು ಆಚಾರ್ಯ ನುಡಿದರು.

ಇತ್ತೀಚೆಗೆ ಧರ್ಮಸ್ಥಳದಲ್ಲಿ ನಡೆದ ತುಳು ಸಮ್ಮೇಳನದಲ್ಲಿ ಕೈಗೊಂಡ ನಿರ್ಣಯಗಳನ್ನು ಜಾರಿಗೊಳಿಸಲು ಮುಖ್ಯಮಂತ್ರಿ ಬಿ.ಎಸ್.ಯಡಿಯೂ ರಪ್ಪ ಆಸಕ್ತಿ ತೋರಿದ್ದಾರೆ. ಆ ನಿರ್ಣಯ ಗಳು ಶೀಘ್ರದಲ್ಲೇ ಜಾರಿಗೊಳ್ಳಲಿವೆ ಎಂದು ಅವರು ಹೇಳಿದರು.

ತುಳು ಭಾಷೆಯ ಪಠ್ಯ ಪುಸ್ತಕ ಸದ್ಯದಲ್ಲೆ ಬಿಡುಗಡೆ: ಸಮಾರಂಭವನ್ನು ಉದ್ಘಾಟಿಸಿ ಮಾತನಾಡಿದ ಪ್ರಾಥಮಿಕ ಹಾಗೂ ಪ್ರೌಢ ಶಿಕ್ಷಣ ಸಚಿವ ವಿಶ್ವೇಶ್ವರ ಹೆಗಡೆ ಕಾಗೇರಿ, ತುಳು ಭಾಷೆಯನ್ನು 6ನೆ ತರಗತಿಯ ತೃತೀಯ ಭಾಷೆಯನ್ನಾಗಿ ಅಳವಡಿಸಲು ಈಗಾಗಲೆ ನಿರ್ಣಯ ಕೈಗೊಂಡಿದ್ದು, ಪಠ್ಯಕ್ರಮ ಕೂಡ ಸಿದ್ಧವಾಗಿದೆ. ಈ ಪುಸ್ತಕವನ್ನು ವಿಳಂಬ ಮಾಡದೆ ಎಲ್ಲ ಶಾಲೆಗಳಿಗೂ ವಿತರಣೆ ಮಾಡಲಾಗುವುದು ಎಂದು ತಿಳಿಸಿದರು.

ಆಂಗ್ಲ ವ್ಯಾಮೋಹ ಬಿಡಿ: ಆಂಗ್ಲ ಭಾಷೆಯ ವ್ಯಾಮೋಹದಲ್ಲಿ ನಮ್ಮ ಮಾತೃ ಭಾಷೆ ಕನ್ನಡ ಸೇರಿದಂತೆ ಇತರ ಭಾಷೆಗಳು ನಶಿಸಿಹೋಗುತ್ತಿವೆ. ನಮ್ಮ ಭಾಷೆಗಳನ್ನು ಉಳಿಸಿ ಕೊಳ್ಳಬೇಕಾದ ಜವಾಬ್ದಾರಿ ನಮ್ಮೆಲ್ಲರ ಮೇಲಿದೆ ಎಂದು ಸಚಿವ ಕಾಗೇರಿ ನುಡಿದರು.

ಕನ್ನಡದಷ್ಟೇ ಪ್ರಬುದ್ಧವಾದ ಭಾಷೆ: ವಿದ್ವಾಂಸ ಚಿದಾನಂದ ಮೂರ್ತಿ ಮಾತ ನಾಡಿ, ತುಳು ಇತ್ತೀಚಿನ ಭಾಷೆಯಾದರೂ, ಸಾಹಿತ್ಯದ ದೃಷ್ಟಿಯಿಂದ ಕನ್ನಡಕ್ಕಿಂತಲೂ ಪ್ರಾಚೀನವಾದುದು. ಶ್ರೇಷ್ಟ ಜಾನಪದ ಕಲೆಯನ್ನು ಹೊಂದಿರುವ ತುಳು ಭಾಷೆ ಕನ್ನಡದಷ್ಟೇ ಪ್ರಾಚೀನವಾದುದು ಎಂದು ಅವರು ಅಭಿಪ್ರಾಯಪಟ್ಟರು.

ಸಮಾರಂಭದಲ್ಲಿ ಡಾ.ಟಿ.ರಾಮಕೃಷ್ಣ ಶೆಟ್ಟಿ, ಭೋಜ ಸುವರ್ಣ, ಕಾಂಚನ ಸಂಜೀವ ರೈಯವರಿಗೆ 2009ನೆ ಸಾಲಿನ ಗೌರವ ಪ್ರಶಸ್ತಿ, ಮುದ್ದು ಮೂಡು ಬೆಳ್ಳೆ, ಲಲಿತಾ ರೈ ಹಾಗೂ ಡಾ.ಪೂವಪ್ಪ ಕಣಿಯೂರು ಅವರಿಗೆ 2009ನೆ ಸಾಲಿನ ಪುಸ್ತಕ ಬಹುಮಾನ ಪ್ರದಾನ ಮಾಡಿ ಗೌರವಿಸಲಾಯಿತು.

ಈ ಸಂದರ್ಭದಲ್ಲಿ ಕನ್ನಡ-ಸಂಸ್ಕೃತಿ ಮತ್ತು ವಾರ್ತಾ ಇಲಾಖೆಯ ಸರಕಾ ರದ ಕಾರ್ಯದರ್ಶಿ ಜಯರಾಮರಾಜೇ ಅರಸು, ಅಲ್ಪಸಂಖ್ಯಾತ ಭಾಷಾ ಕಮಿಷನ್‌ನ ಅಧ್ಯಕ್ಷ ಡಾ.ಕೆ.ಕೆ.ಸೇಥಿ, ಮಾಜಿ ಕೇಂದ್ರ ಸಚಿವ ವಿ.ಧನಂಜಯ ಕುಮಾರ್, ಕರ್ನಾಟಕ ತುಳು ಸಾಹಿತ್ಯ ಅಕಾಡಮಿಯ ಅಧ್ಯಕ್ಷ ಡಾ.ಪಾಲ್ತಾಡಿ ರಾಮಕೃಷ್ಣ ಆಚಾರ್ ಮುಂತಾದವರು ಉಪಸ್ಥಿತರಿದ್ದರು.

ಯಡಿಯೂರಪ್ಪ ಸರ್ಕಾರ ಜಸ್ಟ್ ಪಾಸ್!

2010-05-30T12:20:00.000+05:30

ಇಡೀ ದೇಶ ಬೇರೆ ದಿಕ್ಕಿನಲ್ಲಿ ಯೋಚನೆ ಮಾಡಿದ್ದರೂ ಕರ್ನಾಟಕದ ಜನ, ‘ವಿಶ್ವಾಸ ದ್ರೋಹ’ಕ್ಕೆ ಒಳಗಾದ ಮನುಷ್ಯನ ಪರ ನಿಂತರು. ನಡುವೆ ನಡೆದ ಉಪಚುನಾವಣೆಗಳ ಕಥೆ, ಅದಕ್ಕೆ ಬಳಸಿದ ‘ಆಪರೇಷನ್ ಕಮಲ’ದಂಥ ಅಪ್ರಜಾಸತ್ತಾತ್ಮಕ ಕ್ರಮಗಳ ಇತಿಹಾಸ ಗೊತ್ತೇ ಇದೆ.

ಯಡಿಯೂರಪ್ಪನವರಿಗೂ ಈಗ ಅಚ್ಚರಿ ಅನಿಸುತ್ತಿರಬಹುದು, ತಮ್ಮ ಸರ್ಕಾರಕ್ಕೆ ಎರಡು ವರ್ಷಗಳು ಮುಗಿದು ಹೋದುವಲ್ಲ ಎಂದು. ಇನ್ನು ಮೂರು ವರ್ಷಗಳನ್ನು ಹೆಚ್ಚಿನ ಆತಂಕವಿಲ್ಲದೆ ಮುಗಿಸಬಹುದು ಎಂಬ ವಿಶ್ವಾಸವೂ ಅವರಲ್ಲಿ ಇರಬಹುದು.

ಎರಡು ವರ್ಷಗಳ ಹಿಂದೆ ವಿಧಾನಸಭೆ ಚುನಾವಣೆ ನಡೆದಾಗ ರಾಜ್ಯದಲ್ಲಿ, ಅದೂ ದಕ್ಷಿಣ ಭಾರತದಲ್ಲಿ, ಮೊದಲ ಬಿಜೆಪಿ ಸರ್ಕಾರ ಬರಬಹುದು ಎಂಬ ವಿಶ್ವಾಸ ಯಾರಲ್ಲಿಯೂ ಇರಲಿಲ್ಲ. ಅದು ಬಿಜೆಪಿ ಪರವಾಗಿ ಬಿದ್ದ ಮತವೇ ಅಥವಾ ಬಿಜೆಪಿಗೆ ಕೈಕೊಟ್ಟ ಜೆ.ಡಿ (ಎಸ್)ಗೆ ಪಾಠ ಕಲಿಸಲು ಬಿದ್ದ ಮತವೇ ಎಂದು ಕೇಳಿದರೆ ಎರಡನೇ ಕಾರಣವೇ ಗಟ್ಟಿಯಾಗಿ ನಿಲ್ಲುತ್ತದೆ. ವಿಧಾನಸಭೆ ಚುನಾವಣೆಯ ಗೆಲುವು ಸ್ಪಷ್ಟ ಜನಾದೇಶವಲ್ಲ ಎಂದುಕೊಂಡರೂ ನಂತರ ನಡೆದ ಅನೇಕ ಚುನಾವಣೆಗಳಲ್ಲಿನ ಜನಾದೇಶ ಬಿಜೆಪಿ ಪರವಾಗಿಯೇ ಇತ್ತು. ಲೋಕಸಭೆ ಚುನಾವಣೆಯಲ್ಲೂ ಜನರು ಯಡಿಯೂರಪ್ಪ ಅವರಿಗೇ ಮತ ಹಾಕಿದರು. ಇಡೀ ದೇಶ ಬೇರೆ ದಿಕ್ಕಿನಲ್ಲಿ ಯೋಚನೆ ಮಾಡಿದ್ದರೂ ಕರ್ನಾಟಕದ ಜನ, ‘ವಿಶ್ವಾಸ ದ್ರೋಹ’ಕ್ಕೆ ಒಳಗಾದ ಮನುಷ್ಯನ ಪರ ನಿಂತರು. ನಡುವೆ ನಡೆದ ಉಪಚುನಾವಣೆಗಳ ಕಥೆ, ಅದಕ್ಕೆ ಬಳಸಿದ ‘ಆಪರೇಷನ್ ಕಮಲ’ದಂಥ ಅಪ್ರಜಾಸತ್ತಾತ್ಮಕ ಕ್ರಮಗಳ ಇತಿಹಾಸ ಗೊತ್ತೇ ಇದೆ.

ಮಧ್ಯದಲ್ಲಿ ಯಡಿಯೂರಪ್ಪ ಅವರು ತಮ್ಮ ಕುರ್ಚಿ ಕಳೆದುಕೊಂಡೇ ಬಿಡುತ್ತಾರೆ ಎನ್ನುವಂಥ ಭಿನ್ನಮತದ ಬಿರುಗಾಳಿ ರೆಡ್ಡಿ ಸೋದರರ ನೇತೃತ್ವದಲ್ಲಿ ಬೀಸಿದರೂ ಹೈಕಮಾಂಡ್ ರೂಪಿಸಿದ ಖಾಜಿನ್ಯಾಯದಿಂದ ಮುಖ್ಯಮಂತ್ರಿ ತಮ್ಮ ಅಧಿಕಾರ ಉಳಿಸಿಕೊಂಡರು. ಅಷ್ಟೇನು ಭರವಸೆ ಹುಟ್ಟಿಸದ, ಹೊಸ ಆಲೋಚನೆಗಳು ಇಲ್ಲದ ಅಧಿಕಾರ, ಭಿನ್ನಮತ, ಭ್ರಷ್ಟಾಚಾರ ಮುಂತಾದ ಉಣಾ ಅಂಶಗಳ ನಡುವೆಯೂ ಬಿಬಿಎಂಪಿ ಚುನಾವಣೆಯಲ್ಲಿ ಬಿಜೆಪಿಗೆ ಸಿಕ್ಕ ಗೆಲುವು ಅದ್ವಿತೀಯವಾದುದು.

ಸತತವಾಗಿ ನಡೆದ ಚುನಾವಣೆಗಳಲ್ಲಿ ನಿರಂತರವಾಗಿ ಸಿಕ್ಕ ಗೆಲುವು ಯಡಿಯೂರಪ್ಪ ಬೀಗುವಂತೆ ಮಾಡಿದೆ. ವಿರೋಧ ಪಕ್ಷಗಳು ನಿರ್ವಿಣ್ಣವಾಗಿವೆ. ಯಡಿಯೂರಪ್ಪ ಅವರ ವಿರುದ್ಧ ತೊಡೆ ತಟ್ಟಿದ್ದ ರೆಡ್ಡಿ ಸೋದರರು, ‘ಆ ಕಡೆ ಕೋರ್ಟ್ ಕೇಸ್‌ಗಳು, ಈ ಕಡೆ ರಾಜ್ಯಪಾಲರ ನೋಟಿಸುಗಳ ಮಧ್ಯೆ ಅಧಿಕಾರ ಉಳಿದರೆ ಸಾಕು’ ಎಂದು ಮೆತ್ತಗಾಗಿದ್ದಾರೆ. ಯಡಿಯೂರಪ್ಪ ಅವರ ಕುರ್ಚಿಗೆ ಈಗ ಯಾವ ಧಕ್ಕೆಯೂ ಇಲ್ಲ. ಅವರು ಪಕ್ಷದ ಏಕಮೇವಾದ್ವೀತಿಯ ನಾಯಕ. ಅವರ ಬೆಂಬಲಕ್ಕೆ ಬಹುದೊಡ್ಡ ಸಮಾಜ ನಿಂತಿದೆ. ಯಾರಾದರೂ ತುಟಿ ಪಿಟಕ್ ಎಂದರೂ ‘ಬಾಯಿ ಮುಚ್ಚಿಕೊಂಡು ಇರು’ ಎಂದು ತಾಕೀತು ಮಾಡುವ ಮಠಾಧೀಶರು ಇದ್ದಾರೆ!

ಯಡಿಯೂರಪ್ಪನವರೇ ಹೇಳಿಕೊಳ್ಳುವ ಹಾಗೆ ಭಾಗ್ಯಲಕ್ಷ್ಮಿಯಂಥ ಕೆಲವು ಒಳ್ಳೆಯ ಯೋಜನೆಗಳನ್ನು ಈ ಸರ್ಕಾರ ರೂಪಿಸಿರಬಹುದು; ಬೆಂಗಳೂರಿನಲ್ಲಿ ಹಿಂದೆ ಕಂಡು ಕೇಳಿ ಅರಿಯದ ‘ಅಭಿವೃದ್ಧಿ’ಯೂ ಆಗಿರಬಹುದು. ಆದರೆ, ಈ ಸರ್ಕಾರ ಮಂಡಿಸಿದ ಬಜೆಟ್‌ಗಳನ್ನು ನೋಡಿದರೆ ಅದಕ್ಕೆ ಸಮಗ್ರ ಅಭಿವೃದ್ಧಿಯ ಒಂದು ದೃಷ್ಟಿಕೋನ ಇದೆ ಎಂದು ಅನಿಸುವುದಿಲ್ಲ.

ಬೊಕ್ಕಸದ ಹಣವನ್ನು ಎಲ್ಲರಿಗೂ ಒಂದಿಷ್ಟು ಹಂಚಿ ಬಿಟ್ಟರೆ ಜನ ಖುಷಿಯಾಗಬಹುದು ಎಂಬ ಭಾವನೆಯೇ ಅಲ್ಲಿ ಎದ್ದು ಕಾಣುತ್ತದೆ. ವೈಯಕ್ತಿಕ ಲಾಭದಾಸೆಯ ಇಂದಿನ ದಿನಗಳಲ್ಲಿ ಹೀಗೆ ಹಣ ಹಂಚುವುದನ್ನು ಜನ ಇಷ್ಟಪಟ್ಟರೂ ಪಡಬಹುದು.

ಆದರೆ, ಸರ್ಕಾರಕ್ಕೆ ಒಂದು ಹೊಣೆ ಎಂದು ಇರುವುದಿಲ್ಲವೇ? ಅದಕ್ಕೆ, ಜನರ ಸಣ್ಣಪುಟ್ಟ ಆಸೆಗಳು ಮುಖ್ಯವೇ ಅಥವಾ ಒಟ್ಟು ರಾಜ್ಯವನ್ನು ಪ್ರಗತಿಯ ಹಾದಿಯಲ್ಲಿ ತೆಗೆದುಕೊಂಡು ಹೋಗಿ ಇಡೀ ರಾಷ್ಟ್ರ ಮೆಚ್ಚುವ ಹಾಗೆ ನಿಲ್ಲಿಸುವುದು ಮುಖ್ಯವೇ?
ಯಡಿಯೂರಪ್ಪನವರ ಇನ್ನೊಂದು ದೊಡ್ಡ ಸಮಸ್ಯೆ ಎಂದರೆ ಅವರ ಅನುಮಾನದ ಸ್ವಭಾವ. ಅವರು ತಮ್ಮ ಎಡಗೈಯನ್ನೇ ನಂಬುವಂತೆ ಕಾಣವುದಿಲ್ಲ. ನಾಯಕನಾದವನು, ಒಂದು ತಂಡವನ್ನು ಮುನ್ನಡೆಸಬೇಕಾದವನು ತನ್ನ ಜತೆಗೆ ಇರುವವರನ್ನು ನಂಬಬೇಕಾಗುತ್ತದೆ; ಅವರಿಗೆ ಆಗಾಗ ಬೆನ್ನು ತಟ್ಟಿ ಮೆಚ್ಚುಗೆಯ ನೋಟ ಬೀರಬೇಕಾಗುತ್ತದೆ. ರಾಜ್ಯ ಸಂಪುಟದ ಯಾವ ಮಂತ್ರಿಯಾದರೂ ವರದಿಗಾರರನ್ನು ಕರೆದು ಇದುವರೆಗೆ ತನ್ನ ಖಾತೆಯಲ್ಲಿ ಇಂತಿಂಥ ಸಾಧನೆಯಾಗಿದೆ ಎಂದು ಹೇಳಿಕೊಂಡಿದ್ದಾನೆಯೇ? ಹೇಳಿ ಮುಖ್ಯಮಂತ್ರಿಯ ಕೆಂಗಣ್ಣಿಗೆ ಏಕೆ ಬೀಳುವುದು ಎಂದು ಅವರು ಹೆದರಿದರೆ ಹೇಗೆ? ಹಾಗೆಂದು ಅಶಿಸ್ತಿನಿಂದ ನಡೆದುಕೊಂಡ, ಭ್ರಷ್ಟಾತಿಭ್ರಷ್ಟ ಸಚಿವರಿಗೆ ಮುಖ್ಯಮಂತ್ರಿಯಾದವರು, ‘ಏನಯ್ಯ ಎಷ್ಟೊಂದು ಹಣ ತಿನ್ನುತ್ತಿ?’ ಎಂದು ಎಚ್ಚರಿಸಿದ್ದಾರೆಯೇ?

ಸೋಜಿಗ ಎಂದರೆ, ಈ ಸಂಪುಟದ ಕಾರ್ಯವೈಖರಿಯ ಪರಾಮರ್ಶೆಯೇ ಆಗಿಲ್ಲ. ಕಾಂಗ್ರೆಸ್ ಸರ್ಕಾರ ಇದ್ದಾಗ ರಾಜ್ಯ ಉಸ್ತುವಾರಿಯ ಎಐಸಿಸಿ ಪ್ರತಿನಿಧಿ ಬಂದು ಈ ಕೆಲಸ ಮಾಡುತ್ತಿದ್ದರು. ಎಲ್ಲಿ ಮೇಡಂ ಮುಂದೆ ತಮ್ಮ ಬಗ್ಗೆ ಇಲ್ಲದ್ದನ್ನು, ಸಲ್ಲದ್ದನ್ನು ಹೇಳಿಯಾರು ಎಂದು ಸಚಿವರು ಶಾಲಾ ಮಕ್ಕಳ ಹಾಗೆ ತಮ್ಮ ಖಾತೆಯ ಸಾಧನೆಗಳನ್ನು ಪಟ್ಟಿ ಮಾಡಿಕೊಂಡು ಹೋಗಿ ವರದಿ ಒಪ್ಪಿಸುತ್ತಿದ್ದರು. ಈ ಕೆಲಸವನ್ನು ಬಿಜೆಪಿಯ ರಾಷ್ಟ್ರೀಯ ನಾಯಕರು ಏಕೆ ಮಾಡಲಿಲ್ಲ? ‘ದಕ್ಷಿಣ ಭಾರತದಲ್ಲಿ ಬಿಜೆಪಿ ಖಾತೆ ತೆರೆದಿದೆ. ಈ ಸರ್ಕಾರವನ್ನು ಉಳಿಸಿಕೊಳ್ಳೋಣ, ಮಾದರಿಯಾಗಿ ಆಡಳಿತ ಕೊಡೋಣ’ ಎಂದು ಅವರು ಎಂದಾದರೂ ಹೇಳಿದ್ದಾರೆಯೇ? ಯಾರಿಗಾದರೂ ಕಿವಿ ಹಿಂಡಿದ್ದಾರೆಯೇ? ಎಲ್ಲಿ ಹೇಳುತ್ತಾರೆ? ರಾಷ್ಟ್ರಮಟ್ಟದ ಬಿಜೆಪಿಯಲ್ಲಿ ಹೇಳುವವರೂ ಇಲ್ಲ, ಕೇಳುವವರೂ ಇಲ್ಲ.

ಯಡಿಯೂರಪ್ಪ ಕೂಡ ದೇವೇಗೌಡರ ಹಾಗೆ 24 ಗಂಟೆ ರಾಜಕಾರಣಿ. ನೆಲಮಟ್ಟದ ಪುರಸಭೆಯ ಸದಸ್ಯ ಸ್ಥಾನದಿಂದ ಮುಖ್ಯಮಂತ್ರಿಯ ಗಾದಿಯ ವರೆಗೆ ಏರಿ ಬಂದವರು. ಜನರ ಕಷ್ಟ ಅವರಿಗೆ ಗೊತ್ತಿದೆ. ಅವರಿಗೆ ಏನು ಬೇಕು ಎಂಬುದೂ ಗೊತ್ತಿದೆ. ಆದರೆ, ಅದನ್ನು ಹೇಗೆ ಜಾರಿಗೆ ತರಬೇಕು ಎಂಬ ದೃಷ್ಟಾರನ ಕಣ್ಣು ಇಲ್ಲ. ಅವರಿಗೆ ಮಾರ್ಗದರ್ಶನ ಮಾಡುವವರೂ ಯಾರೂ ಇಲ್ಲ. ಮಾಡುವ ಧೈರ್ಯವೂ ಇಲ್ಲ.

ಯಡಿಯೂರಪ್ಪ ಅವರಿಗೆ ಸತತ ಧಾವಂತ, ಅತೃಪ್ತಿ. ಒಂದು ನಾಟಕ ನೋಡಿ, ಸಂಗೀತ ಕೇಳಿ ಅವರು ಹೊತ್ತು ಕಳೆದುದು ಯಾರಿಗೂ ಗೊತ್ತಿಲ್ಲ. ನಿರಂತರ ಪ್ರವಾಸ. ಒಂದೇ ದಿನ ಮೂರು ಜಿಲ್ಲೆಗೆ ಹೋಗಿ ಬರಲೂ ಅವರು ಸಿದ್ಧ. ‘ವಿಧಾನಸೌಧದಲ್ಲಿ ಕುಳಿತು ಇಂದು ಮುಖ್ಯಮಂತ್ರಿ ಬರೀ ಕಡತ ನೋಡುತ್ತಾರೆ, ಯಾರನ್ನೂ ನೋಡುವುದಿಲ್ಲ’ ಎಂಬ ಪ್ರಕಟಣೆ ಹೊರಬಿದ್ದುದು ನೆನಪಿಲ್ಲ. ಮುಖ್ಯಮಂತ್ರಿಯೇ ವಿಧಾನಸೌಧದಲ್ಲಿ ಕುಳಿತುಕೊಳ್ಳದೇ ಇದ್ದರೆ ಮಂತ್ರಿಗಳು ಏಕೆ ಕುಳಿತುಕೊಳ್ಳುತ್ತಾರೆ? ‘ಕುಳಿತು ನಾವು ನಿರ್ಧಾರ ಮಾಡುವುದು ಏನಿದೆ? ಎಲ್ಲವನ್ನೂ ಮುಖ್ಯಮಂತ್ರಿಗಳೇ ನೋಡಿಕೊಳ್ಳುತ್ತಾರಲ್ಲ?’ ಎಂದು ಅವರು ಕೈ ಚೆಲ್ಲಿ ಕುಳಿತುಕೊಂಡಿದ್ದಾರೆ. ವಿಧಾನಸೌಧವನ್ನು ಈ ಸರ್ಕಾರದ ಸಚಿವರಷ್ಟು ತಾತ್ಸಾರ ಮಾಡಿದ ಸಚಿವರು ಯಾವ ಸರ್ಕಾರದಲ್ಲಿಯೂ ಇರಲಿಲ್ಲ.

ಒಂದು ರಾಜ್ಯ ಸರ್ಕಾರದ ಆಡಳಿತವನ್ನು ಒಬ್ಬ ಮುಖ್ಯಮಂತ್ರಿ ಅಥವಾ ಅವರ ಮನೆಯ ಸದಸ್ಯರು ನೋಡಿಕೊಳ್ಳುವುದು ಒಳ್ಳೆಯದಲ್ಲ. ಯಾವುದೇ ಅಧಿಕಾರ ಇಷ್ಟು ವಿಶೃಂಖಲವಾಗಿರಬಾರದು. ಸರ್ಕಾರದ ಮುಖ್ಯ ಕಾರ್ಯದರ್ಶಿಯೇ ‘ಯಾವ ಸಚಿವರೂ ವಿಧಾನಸೌಧದ ಕಡೆ ಮುಖವನ್ನೇ ಹಾಕದೇ ಇದ್ದರೆ ಆಡಳಿತ ನಡೆಸುವುದು ಹೇಗೆ’ ಎಂದು ಅಸಮಾಧಾನ ವ್ಯಕ್ತಪಡಿಸಿದ ಮಾತು ಈ ಸರ್ಕಾರದಲ್ಲಿ ಮಾತ್ರ ಕೇಳಿಬಂತು.

ರಾಮಕೃಷ್ಣ ಹೆಗಡೆ, ಜೆ.ಎಚ್. ಪಟೇಲರು ತಮ್ಮ ಸಂಪುಟದ ಸಹೋದ್ಯೋಗಿಗಳಿಗೆ ಮುಕ್ತ ಸ್ವಾತಂತ್ರ್ಯ ಕೊಟ್ಟಿದ್ದರು. ಭಿನ್ನಾಭಿಪ್ರಾಯವನ್ನು ಸಹಿಸುತ್ತಿದ್ದರು. ಹಾಗಾಗಿ ಅನೇಕ ನಾಯಕರು ಅಲ್ಲಿ ಬೆಳೆದು ಬಂದರು. ಯಡಿಯೂರಪ್ಪ ಬಿಟ್ಟರೆ ಅವರ ಸರ್ಕಾರದಲ್ಲಿ ನಾಯಕತ್ವದ ವರ್ಚಸ್ಸಿನ ಸಚಿವರು ಯಾರು ಇದ್ದಾರೆ? ಬರೀ ನೆರಳುಗಳು ಇದ್ದಾವೆ. ತಮ್ಮ ಖಾತೆಯನ್ನು ಚೆನ್ನಾಗಿಯೇ ನಿರ್ವಹಿಸುತ್ತಿದ್ದ ಶೋಭಾ ಕರಂದ್ಲಾಜೆಯವರನ್ನು ತೆಗೆದು ರೇಣುಕಾಚಾರ್ಯ ಅವರನ್ನು ಸಂಪುಟಕ್ಕೆ ಸೇರಿಸಿಕೊಂಡು ಯಡಿಯೂರಪ್ಪ ಯಾವ ಸಂದೇಶ ನೀಡಿದರು? ಬಂಗಾರಪ್ಪ ಅವರನ್ನು ಹಣಿಯಲು ಕರೆತಂದಿದ್ದ ಹಾಲಪ್ಪ ಪಕ್ಷಕ್ಕೆ ಕೊಟ್ಟುದು ಹಾಲಾಹಲವಲ್ಲದೆ ಮತ್ತೇನು?

ಇದೆಲ್ಲದರಿಂದ ಏನಾಗಿದೆ ಎಂದರೆ, ಏನು ಮಾಡಿದರೆ ಏನು ಎಂಬ ನಿರಾಶೆ, ಯಥಾಸ್ಥಿತಿವಾದ. ಹೇಗೂ ಸರ್ಕಾರ ನಡೆದಿದೆಯಲ್ಲ ಎಂಬ ನಿರುಮ್ಮಳತೆ ವಿಜೃಂಭಿಸುತ್ತಿದೆ. ಕೇವಲ ಎರಡೇ ವರ್ಷಗಳ ಆಡಳಿತದಲ್ಲಿಯೇ ಇಂಥ ನಿರುಮ್ಮಳತೆ, ಯಥಾಸ್ಥಿತಿವಾದ ಕಾಣಿಸಿಕೊಂಡರೆ ಇನ್ನೂ ಮೂರು ವರ್ಷಗಳಲ್ಲಿ ಸಚಿವರ ಮನಃಸ್ಥಿತಿ ಏನಾಗಬಹುದು? ಜಡತ್ವ ಬಂದು ಬಿಡುವುದಿಲ್ಲವೇ?

ಮುಖ್ಯಮಂತ್ರಿಯಾದವನು ಒಂದು ತಂಡ ಕಟ್ಟಿಕೊಂಡು ಹೊಸ, ಹೊಸ ಆಲೋಚನೆಗಳಿಗೆ, ಐಡಿಯಾಗಳಿಗೆ ಹಾತೊರೆದರೆ ಸಚಿವರಿಗೂ ಏನಾದರೂ ಮಾಡೋಣ ಎನಿಸಬಹುದು. ಈಗ ಆ ಮುತುವರ್ಜಿಯೇ ಬೇಡ ಎಂಬ ನಿರ್ಲಿಪ್ತತೆ ಬಂದಿದೆ. ನೌಕರಶಾಹಿಗೆ ಯಾವಾಗಲೂ ಜಡತ್ವ ಕಾಡುತ್ತಲೇ ಇರುತ್ತದೆ. ಅದು ಯಥಾಸ್ಥಿತಿವಾದದ ಪರವಾಗಿಯೇ ಇರುತ್ತದೆ.

ಬದಲಾವಣೆಯನ್ನು ಶಾಸಕಾಂಗವೇ ತರಬೇಕು, ಬಯಸಬೇಕು. ಅದು ಈಗ ಕಾಣುತ್ತಿಲ್ಲ. ಜತೆಗೆ ನೌಕರಶಾಹಿಯನ್ನು ಅಧೀರಗೊಳಿಸುವ ನಿರಂತರ ವರ್ಗಾವಣೆ ಒಂದು ಪಿಡುಗಾಗಿ, ಭ್ರಷ್ಟ ವ್ಯವಸ್ಥೆಯಾಗಿ ಪರಿವರ್ತನೆಯಾಗಿದೆ.

ಈಗಿನ ಸರ್ಕಾರದಲ್ಲಿ ನಡೆದಷ್ಟು ಭ್ರಷ್ಟಾಚಾರ ಹಿಂದೆ ಯಾವ ಸರ್ಕಾರದಲ್ಲಿಯೂ ನಡೆದಿರಲಿಲ್ಲ ಎಂದು ಬಿಜೆಪಿಯ ಕಾರ್ಯಕರ್ತರೇ ಮರುಗುತ್ತಾರೆ. ‘ಮರುಗಿ ಪ್ರಯೋಜನವಿಲ್ಲ; ನಾವೂ ಸ್ವಲ್ಪ ಕೈ ಹೊಲಸು ಮಾಡಿಕೊಳ್ಳೋಣ’ ಎಂದು ಅವರೂ ಭ್ರಷ್ಟ ಹಾದಿಯಲ್ಲಿ ನಡೆದರೆ ಅದು ಯಾರ ತಪ್ಪು?

ಯಡಿಯೂರಪ್ಪ ಸರ್ಕಾರ ಮಾಡುತ್ತಿರುವ ಇನ್ನೊಂದು ತಪ್ಪು ಪಕ್ಷದ ಹೊರಗಿನವರನ್ನು ಕರೆತಂದು ಮಣೆ ಹಾಕುತ್ತಿರುವುದು. ಸರ್ಕಾರ ರಚನೆ ಮಾಡಲು ಪೂರ್ಣ ಜನಾದೇಶವಿಲ್ಲದ ಕಾರಣ ಪಕ್ಷೇತರರ ಬೆಂಬಲದಿಂದ ಸರ್ಕಾರ ರಚಿಸಿದ್ದು, ಆದರೂ ಸರ್ಕಾರ ಅಸ್ಥಿರಗೊಳಿಸಲು ವಿರೋಧ ಪಕ್ಷಗಳು ಹುನ್ನಾರ ನಡೆಸಿವೆ ಎಂದು ಆಪರೇಷನ್ ಕಮಲಕ್ಕೆ ಕೈ ಹಾಕಿದ್ದನ್ನು ಸಮರ್ಥಿಸಬಹುದು. ಒಪ್ಪಿಕೊಳ್ಳಲೂಬಹುದು. ಆದರೆ, ಅದು ಒಂದು ನಿರಂತರ ಪ್ರಕ್ರಿಯೆ ಎನ್ನುವಂತೆ ವರ್ಷದುದ್ದಕ್ಕೂ ನಡೆದುಬಿಟ್ಟರೆ ಅದು ನಾಯಕತ್ವದ ದಿವಾಳಿತನ ಎನ್ನದೆ ವಿಧಿಯಿಲ್ಲ. ಉದ್ದಕ್ಕೂ ಹೊರಗಿನವರನ್ನು ಕರೆದುಕೊಂಡು ಬಂದು ಅವರಿಗೆ ಅಧಿಕಾರ ಕೊಡುತ್ತ ಹೋದರೆ ನಾಳೆ ಅವರು ಬೇರೆ ಕಡೆ ಅಧಿಕಾರ ಸಿಕ್ಕರೆ ಅತ್ತ ಹೋಗುವುದಿಲ್ಲ ಎಂಬ ಗ್ಯಾರಂಟಿಯೇನು? ಇಷ್ಟು ವರ್ಷ ಪಕ್ಷದಲ್ಲಿ ಎಂದಾದರೂ ಅಧಿಕಾರ ಸಿಕ್ಕೀತು ಎಂದು ದುಡಿದವರು ಬರೀ ಗೆಣಸು ಕೆರೆಯುತ್ತ
ಕೂಡ್ರಬೇಕೇ?

ಅಧಿಕಾರ ಎಂಬುದು ಒಂದು ಅವಕಾಶ, ಒಂದು ಸವಾಲು. ಯಡಿಯೂರಪ್ಪ ಅವರ ಸರ್ಕಾರ ಎದುರಿಸಿದ ದೊಡ್ಡ ಸವಾಲು, ಉತ್ತರ ಕರ್ನಾಟಕದ 12-14 ಜಿಲ್ಲೆಗಳಲ್ಲಿ ಸಾವಿರಾರು ಕುಟುಂಬಗಳು ಪ್ರವಾಹಕ್ಕೆ ಸಿಲುಕಿ ನೆಲೆ ಕಳೆದುಕೊಂಡು ಒಂದು ವರ್ಷವಾದರೂ ಇನ್ನೂ ತಗಡಿನ ಟೆಂಟ್‌ಗಳಲ್ಲಿಯೇ ವಾಸವಾಗಿರುವುದು. ಅವರಿಗೆ ಪುನರ್ವಸತಿ ಕಲ್ಪಿಸಲು ಮುಖ್ಯಮಂತ್ರಿ ಒಬ್ಬ ಮಂತ್ರಿಯನ್ನು ಇದುವರೆಗೆ ‘ಸಮನ್ವಯ ಸಚಿವ’ ಎಂದು ಏಕೆ ನೇಮಿಸಲಿಲ್ಲ? ಅಲ್ಲಿನ ಜನರ ಕಷ್ಟ ಯಡಿಯೂರಪ್ಪನವರ ಎದೆಯ ಮೇಲಿನ ಬಂಡೆಕಲ್ಲಾಗಬೇಕಿತ್ತು. ಈ ಜನರ ಸಂಕಷ್ಟ ನಿವಾರಣೆ ಒಂದು ಅವಕಾಶ ಎಂದು ಅವರು ಭಾವಿಸಬೇಕಿತ್ತು.

ಸಾರ್ವಜನಿಕರಿಂದ, ಮಠಮಾನ್ಯಗಳಿಂದ ಬಂದ ದುಡ್ಡನ್ನಾದರೂ ಖರ್ಚು ಮಾಡಲು ಇದ್ದ ಅಡಚಣೆಗಳನ್ನು ನಿವಾರಿಸಬೇಕಿತ್ತು. ಆ ಜನರು ತಮ್ಮ ಕಷ್ಟ ನಿರಂತರ ಎಂದು ಅಂದುಕೊಳ್ಳಬಾರದು. ಅವರಿಗೆ ಬಾಯಿಯಿಲ್ಲ. ಬಾಯಿ ಮಾಡಲು ರಟ್ಟೆಯಲ್ಲಿ ಶಕ್ತಿಯೂ ಇಲ್ಲ.

ಎಚ್.ಡಿ.ಕುಮಾರಸ್ವಾಮಿ ಏಕೋ ಏನೋ ಈ ಸರ್ಕಾರದ ಸಚಿವರಿಗೆ ಒದೆಯಿರಿ ಎಂದಿದ್ದಾರೆ. ಅದು ಸದಭಿರುಚಿ ಅಲ್ಲದೇ ಇರಬಹುದು. ಆದರೆ, ಜನರೂ ಹಾಗೆ ಯೋಚಿಸುವ ಮೊದಲು ಯಡಿಯೂರಪ್ಪ ಎಚ್ಚೆತ್ತುಕೊಳ್ಳಬೇಕು. ಸಮೃದ್ಧ ಕರ್ನಾಟಕದ ಕನಸನ್ನು ಅವರು ಕಾಣಬೇಕು. ಯಡಿಯೂರಪ್ಪ ಕಳೆದ ಎರಡು ವರ್ಷಗಳಲ್ಲಿ ಗಳಿಸಿದ ಅಂಕಗಳು ಜಸ್ಟ್ ಪಾಸ್ ಆಗುವಷ್ಟು. ಅಷ್ಟೇ ಸಾಕೇ?

ಜಗನ್‌ಗೆ ಅಂಕುಶ ಹಾಕಲು ಚಿರುಗೆ ಕಾಂಗ್ರೆಸ್ ಗಾಳ?

2010-05-30T12:18:00.001+05:30

ಪ್ರಜಾ ರಾಜ್ಯಂ ಪಾರ್ಟಿ ಮುಖ್ಯಸ್ಥ, ತೆಲುಗು ಚಿತ್ರನಟ ಮೆಗಾಸ್ಟಾರ್ ಚಿರಂಜೀವಿ ಅವರು ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಆಹ್ವಾನದ ಮೇರೆಗೆ ಶನಿವಾರ ನವದೆಹಲಿಗೆ ಆಗಮಿಸಿದ್ದು, ಆಂಧ್ರಪ್ರದೇಶದಲ್ಲಿ ರಾಜ್ಯಸಭಾ ಚುನಾವಣೆಗಳಲ್ಲಿ ಮೈತ್ರಿಯ ಸಾಧ್ಯತೆಗಳು ದಟ್ಟವಾಗಿರುವಂತೆಯೇ, ಹೈಕಮಾಂಡ್ ಸೂಚನೆ ಧಿಕ್ಕರಿಸಿ ಆಂಧ್ರದಲ್ಲಿ ಪ್ರಕ್ಷುಬ್ಧತೆಗೆ ಕಾರಣವಾಗಿರುವ ವೈಎಸ್ಆರ್ ಪುತ್ರ ವೈ.ಜಗನ್ ಮೋಹನ್ ರೆಡ್ಡಿಯ ಅಹಂಕಾರ ಮುರಿಯುವ ಉದ್ದೇಶವೂ ಇದೆ ಎಂಬ ಸಂಗತಿಯೂ ಕೇಳಿಬರತೊಡಗಿದೆ.

ರಾಜ್ಯಸಭಾ ಚುನಾವಣೆಗೆ ಸ್ಪರ್ಧಿಸುವುದಾಗಿ ಪಿಆರ್‌ಪಿ ಇತ್ತೀಚೆಗೆ ಪ್ರಕಟಿಸಿತ್ತು. ಹೀಗಾಗಿ ಕಾಂಗ್ರೆಸ್ ಪಕ್ಷವು ಮೈತ್ರಿಗಾಗಿ ಚಿರಂಜೀವಿಯನ್ನು ದೆಹಲಿಗೆ ಕರೆಸಿಕೊಂಡಿದ್ದು, ಅವರು ಕಾನೂನು ಸಚಿವ ವೀರಪ್ಪ ಮೊಯಿಲಿ, ಕಾಂಗ್ರೆಸ್ ಅಧ್ಯಕ್ಷರ ರಾಜಕೀಯ ಕಾರ್ಯದರ್ಶಿ ಅಹ್ಮದ್ ಪಟೇಲ್ ಮತ್ತಿತರ ಕಾಂಗ್ರೆಸ್ ಹಿರಿಯ ನಾಯಕರು ಹಾಗೂ ಆ ಬಳಿಕ ಪಕ್ಷಾಧ್ಯಕ್ಷೆ ಸೋನಿಯಾರನ್ನು ಭೇಟಿಯಾಗಲಿದ್ದಾರೆ.

ಕಾಂಗ್ರೆಸ್‌ನ ಐವರು ರಾಜ್ಯಸಭಾ ಸದಸ್ಯರಾದ ಕೇಂದ್ರ ಸಚಿವ ಜೈರಾಮ್ ರಮೇಶ್, ಜೆ.ಡಿ.ಸೀಲಂ, ವಿ.ಹನುಮಂತ ರಾವ್, ಗಿರೀಶ್ ಸಾಂಘಿ ಮತ್ತು ನೆಡುರುಮಲ್ಲಿ ಜನಾರ್ದನ ರೆಡ್ಡಿ ಹಾಗೂ ಸಿಪಿಎಂನ ಪೆನುಬಲ್ಲಿ ಮಧು ಎಂಬವರ ಅವಧಿ ಕೊನೆಗೊಳ್ಳುತ್ತಿರುವ ಹಿನ್ನೆಲೆಯಲ್ಲಿ ಆರು ರಾಜ್ಯಸಭಾ ಸ್ಥಾನಗಳಿಗಾಗಿ ಆಂಧ್ರದಲ್ಲಿ ಜೂ.11ರಂದು ಚುನಾವಣೆ ನಡೆಯಲಿದೆ. ಅಸೆಂಬ್ಲಿಯಲ್ಲಿ 156 ಸದಸ್ಯರನ್ನು ಹೊಂದಿರುವ ಕಾಂಗ್ರೆಸ್‌ಗೆ ಕನಿಷ್ಠ 3 ಸ್ಥಾನಗಳು ದೊರೆಯುತ್ತವೆ ಮತ್ತು 91 ಸದಸ್ಯರಿರುವ ತೆಲುಗು ದೇಶಂಗೆ 2 ಸ್ಥಾನಗಳು ದೊರೆಯಲಿವೆ. ಇದೀಗ ಪ್ರಜಾ ರಾಜ್ಯಂ ಬಳಿ 17 ಶಾಸಕರಿದ್ದು, ಅವರಲ್ಲಿ ಇಬ್ಬರು, ಚಿರಂಜೀವಿ ತೆಲಂಗಾಣ ಹೋರಾಟಕ್ಕೆ ಬೆಂಬಲ ನೀಡದೇ ಇರುವುದರಿಂದ ಬಂಡಾಯವೆದ್ದಿದ್ದಾರೆ. ರಾಜ್ಯಸಭೆಗೆ ಅವರ ಪಕ್ಷದ ಸದಸ್ಯರೊಬ್ಬರು ಆಯ್ಕೆಯಾಗಬೇಕಿದ್ದರೆ ಕನಿಷ್ಠ 42 ಶಾಸಕರ ಬೆಂಬಲ ಬೇಕಾಗುತ್ತದೆ.

ಇದೀಗ ಚಿರಂಜೀವಿಗೆ ಕಾಂಗ್ರೆಸ್ ಪಕ್ಷವು ಮಣೆ ಹಾಕಿರುವುದೇಕೆಂದರೆ, ತೆಲಂಗಾಣ ಹೋರಾಟದ ಪರವಾಗಿರುವ ಜಗನ್ ಬಣವು ಒಂದೊಮ್ಮೆ ತಮ್ಮ ಮಾತು ಕೇಳದೆ, ಪಕ್ಷವೇ ಒಡೆದುಹೋದರೆ ಎಂಬ ಆತಂಕದಿಂದ. ಆ ಸಂದರ್ಭದಲ್ಲಿ ರಾಜ್ಯ ಸರಕಾರದ ರಕ್ಷಣೆಯೊಂದಿಗೆ, ರಾಜ್ಯಸಭಾ ಚುನಾವಣೆಯಲ್ಲಿ ಜಯ ಗಳಿಸುವ ಇರಾದೆಯಿಂದ ಈ ತಂತ್ರ.

ವೈಎಸ್ಆರ್ ಸಾವಿನ ಸಂದರ್ಭ ಆತ್ಮಹತ್ಯೆ ಮಾಡಿಕೊಂಡಿದ್ದವರ ಕುಟುಂಬಿಕರಿಗೆ ಸಾಂತ್ವನ ಹೇಳಲು ಹೊರಟಿದ್ದ ಜಗನ್ ಅವರ ವಾರಂಗಲ್ ಭೇಟಿಯನ್ನು ಮುಂದೂಡುವಂತೆ ಹೈಕಮಾಂಡ್ ಸೂಚಿಸಿತ್ತು. ಅವರನ್ನು ಶುಕ್ರವಾರ ಗೃಹಬಂಧನದಲ್ಲಿರಿಸಲಾಗಿದ್ದು, ಬಂಧನ ಪ್ರತಿಭಟಿಸಿ ತಿರುಪತಿಯಲ್ಲಿ ನಿಂತಿದ್ದ ರೈಲಿಗೆ ಬೆಂಕಿ ಹಚ್ಚಲಾಗಿತ್ತು. ಬಳಿಕ ಜಗನ್ ಬೆಂಬಲಿಗರ ಕಲ್ಲುತೂರಾಟ ನಿಯಂತ್ರಿಸಲು ಲಾಠಿಪ್ರಹಾರವೂ ನಡೆದಿತ್ತು.

ಪಾಕ್ ಮೇಲೆ ದಾಳಿಗೆ ಅಮೆರಿಕ ಚಿಂತನೆ?

2010-05-30T12:10:00.000+05:30

ಟೈಮ್ಸ್ ವೃತ್ತದಲ್ಲಿ ನಡೆದ ಬಾಂಬ್ ದಾಳಿಯಲ್ಲಿ ಫೈಸಲ್ ಶಹಜಾದ್ ಮತ್ತು ಪಾಕಿಸ್ತಾನದ ತಾಲಿಬಾನ್ ಉಗ್ರರ ಕೈವಾಡವಿರುವುದು ಸಾಬೀತಾದ ನಂತರ ಪಾಕಿಸ್ತಾನದ ಮೇಲೆ ಏಕಪಕ್ಷೀಯ ದಾಳಿ ನಡೆಸುವುದರ ಬಗ್ಗೆ ಅಮೆರಿಕ ಸೇನೆ ವಿಚಾರ ಮಾಡಿತ್ತು.

ವಾಷಿಂಗ್ಟನ್ (ಪಿಟಿಐ): ಭಯೋತ್ಪಾದಕರು ತನ್ನ ನೆಲದಲ್ಲಿ ಯಶಸ್ವಿ ದಾಳಿಯನ್ನು ನಡೆಸಿದ್ದೇ ಆದರೆ ಪಾಕಿಸ್ತಾನದ ಮೇಲೆ ಏಕಪಕ್ಷೀಯವಾಗಿ ದಾಳಿ ಮಾಡಲು ಅಮೆರಿಕ ಸೇನೆ ಚಿಂತನೆ ನಡೆಸಿದೆ.

ಟೈಮ್ಸ್ ವೃತ್ತದಲ್ಲಿ ನಡೆದ ಬಾಂಬ್ ದಾಳಿಯಲ್ಲಿ ಫೈಸಲ್ ಶಹಜಾದ್ ಮತ್ತು ಪಾಕಿಸ್ತಾನದ ತಾಲಿಬಾನ್ ಉಗ್ರರ ಕೈವಾಡವಿರುವುದು ಸಾಬೀತಾದ ನಂತರ ಪಾಕಿಸ್ತಾನದ ಮೇಲೆ ಏಕಪಕ್ಷೀಯ ದಾಳಿ ನಡೆಸುವುದರ ಬಗ್ಗೆ ಅಮೆರಿಕ ಸೇನೆ ವಿಚಾರ ಮಾಡಿತ್ತು ಎಂದು ವಾಷಿಂಗ್ಟನ್ ಪೋಸ್ಟ್ ವರದಿ ಮಾಡಿದೆ.

ಆದರೆ ಯಾವ ಸಂದರ್ಭದಲ್ಲಿ ಮತ್ತು ಹೇಗೆ ದಾಳಿ ನಡೆಸಬೇಕು ಎಂಬುದು ಅಧ್ಯಕ್ಷ ಬರಾಕ್ ಒಬಾಮ ನಿರ್ಧಾರದ ಮೇಲೆ ಅವಲಂಬಿಸಿದೆ ಎನ್ನಲಾಗಿದೆ.

ಆಘಾತಕ್ಕೊಳಗಾದ ಟೀಮ್ ಇಂಡಿಯಾಕ್ಕೆ ಲಂಕಾ ಸವಾಲು!

2010-05-30T12:09:00.000+05:30

ತ್ರಿಕೋನ ಸರಣಿಯಲ್ಲಿ ದುರ್ಬಲ ಜಿಂಬಾಬ್ವೆ ವಿರುದ್ಧದ ಪಂದ್ಯದಲ್ಲಿ ಸೋಲಿನ ಆಘಾತಕ್ಕೊಳಗಾಗಿರುವ ಸುರೇಶ್ ರೈನಾ ನೇತೃತ್ವದ ಟೀಮ್ ಇಂಡಿಯಾ ಭಾನುವಾರ ನಡೆಯಲಿರುವ ತನ್ನ ಎರಡನೇ ಪಂದ್ಯದಲ್ಲಿ ಹೊಸ ಲುಕ್‌ನಲ್ಲಿರುವ ಶ್ರೀಲಂಕಾ ತಂಡವನ್ನು ಎದುರಿಸಲಿದ್ದು, ಗೆಲುವಿನ ವಿಶ್ವಾಸವನ್ನಿರಿಸಿಕೊಂಡಿದೆ.

ಸರಣಿಗಾಗಿ ಶ್ರೀಲಂಕಾವು ಸಹ ತನ್ನ ದ್ವಿತೀಯ ದರ್ಜೆ ತಂಡವನ್ನು ಕಳುಹಿಸಿದ್ದು, ತಿಲಕರತ್ನೆ ದಿಲ್‌ಶಾನ್ ತಂಡವನ್ನು ಮುನ್ನಡೆಸುತ್ತಿದ್ದಾರೆ.

ಅದೇ ವೇಳೆ ಶುಕ್ರವಾರದ ಪಂದ್ಯದಲ್ಲಿ ಆತಿಥೇಯ ಜಿಂಬಾಬ್ವೆ ವಿರುದ್ಧದ ಪಂದ್ಯದಲ್ಲಿ ಭಾರೀ ಮುಖಭಂಗಕ್ಕೊಳಗಾಗಿದ್ದ ಭಾರತ ತಂಡವು ಇಲ್ಲಿ ತಿರುಗಿಬೀಳುವ ವಿಶ್ವಾಸ ಹೊಂದಿದೆ.

ಜಿಂಬಾಬ್ವೆ ವಿರುದ್ಧದ ಪಂದ್ಯದಲ್ಲಿ ಬ್ಯಾಟ್ಸ್‌ಮನ್‌ಗಳು ದಿಟ್ಟ ಹೋರಾಟ ನಡೆಸಿದ್ದರೂ ಬೌಲರುಗಳು ಹಿನ್ನಡೆಗೆ ಕಾರಣವಾಗಿದ್ದರು. ಕರ್ನಾಟಕದ ವಿನಯ್ ಕುಮಾರ್ ಸೇರಿದಂತೆ ಚೊಚ್ಚಲ ಪಂದ್ಯವನ್ನಾಡಿದ ಉಮೇಶ್ ಯಾದವ್ ಮತ್ತು ಅಶೋಕ್ ದಿಂಡಾ ಪರಿಣಾಮಕಾರಿ ಪ್ರದರ್ಶನ ನೀಡುವಲ್ಲಿ ವಿಫಲರಾಗಿದ್ದರು.

ಸೋಲಿನ ನಂತರ ಪ್ರತಿಕ್ರಿಯಿಸಿದ ನಾಯಕ ರೈನಾ, ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ಬೌಲಿಂಗ್ ಹಾಗೂ ಫೀಲ್ಡಿಂಗ್‌ನಲ್ಲಿ ಸುಧಾರಣೆ ಕಂಡುಬರಬೇಕಿದೆ ಎಂದು ಹೇಳಿದ್ದಾರೆ.

ಓಪನರುಗಳಾದ ದಿನೇಶ್ ಕಾರ್ತಿಕ್ ಮತ್ತು ಮುರಳಿ ವಿಜಯ್‌ರಿಂದಲೂ ನಿರೀಕ್ಷಿತ ಮಟ್ಟದ ಆರಂಭ ದೊರಕುತ್ತಿಲ್ಲ. ರೋಹಿತ್ ಶರ್ಮಾ ಮತ್ತು ರವೀಂದ್ರ ಜಡೇಜಾ ಫಾರ್ಮ್‌ಗೆ ಮರಳಿರುವುದು ಸ್ವಲ್ಪ ಮಟ್ಟಿಗೆ ಸಮಾಧಾನ ತಂದಿದೆ.

ಒಟ್ಟಿನಲ್ಲಿ ಭಾನುವಾರದ ಪಂದ್ಯದಲ್ಲಿ ರೈನಾ ನೇತೃತ್ವದ ಯುವ ಪಡೆಯಿಂದ ಲಂಕಾ ದಹನವಾಗಲಿದೆಯೇ ಎಂಬುದು ಕಾದುನೋಡಬೇಕಿದೆ.

ತಾಜಾ ಸುದ್ದಿಗಳು ತಕ್ಷಣ ಲಭ್ಯವಾಗಲು ಟ್ವಿಟ್ಟರ್‌ನಲ್ಲಿ 'ವೆಬ್‌ದುನಿಯಾ'ವನ್ನು ಫಾಲೋ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

ತಂಡ ಇಂತಿದೆ:

ಭಾರತ: ಸುರೇಶ್ ರೈನಾ (ನಾಯಕ), ವಿರಾಟ್ ಕೊಹ್ಲಿ (ಉಪನಾಯಕ), ಮುರಳಿ ವಿಜಯ್, ದಿನೇಶ್ ಕಾರ್ತಿಕ್ (ವಿಕೆಟ್ ಕೀಪರ್), ರೋಹಿತ್ ಶರ್ಮಾ, ಯೂಸುಫ್ ಪಠಾಣ್, ರವೀಂದ್ರ ಜಡೇಜಾ, ಆರ್. ಆಶ್ವಿನ್, ಉಮೇಶ್ ಯಾದವ್, ವಿನಯ್ ಕುಮಾರ್, ಅಶೋಕ್ ದಿಂಡಾ, ಪಂಕಜ್ ಸಿಂಗ್, ಅಮಿತ್ ಮಿಶ್ರಾ, ಪ್ರಗ್ಯಾನ್ ಓಜಾ ಮತ್ತು ನಮನ್ ಓಜಾ

ಶ್ರೀಲಂಕಾ: ತಿಲಕರತ್ನೆ ದಿಲ್‌ಶಾನ್ (ನಾಯಕ), ಆಂಗಲೋ ಮ್ಯಾಥ್ಯೂಸ್ (ಉಪನಾಯಕ), ಉಪುಲ್ ತರಂಗಾ, ತಿಲನ್ ಸಮರವೀರ, ದಿನೇಶ್ ಚಾಂದಿಮಾಲ್, ಲಹಿರು ತಿರಿಮನ್ನೆ, ಚಮರ ಕಪುಗೇಡರಾ, ಸೌರವ್ ರಣಧೀವ್, ನುವಾನ್ ಕುಲಶೇಖರ, ತಿಲಾನ್ ತುಷಾರಾ, ಅಜಂತಾ ಮೆಂಡೀಸ್, ಜೀವನ್ ಮೆಂಡೀಸ್, ದಿಲ್ಹಾರಾ ಫೆರ್ನಾಂಡೊ, ಚಮರ ಸಿಲ್ವಾ ಮತ್ತು ತಿಸಾರಾ ಪರೇರಾ.

ಮಮ್ಮುಟ್ಟಿಯನ್ನು ಕನ್ನಡಕ್ಕೆ ತರಿಸಿದ್ದು ಎಸ್ಎಂಎಸ್ ಕಥೆ

2010-05-30T12:08:00.000+05:30

ಮಲಯಾಳಂನ ಜನಪ್ರಿಯ ನಟ ಮುಮ್ಮಟ್ಟಿ ಕನ್ನಡಕ್ಕೆ ಬರುವ ಸುದ್ದಿ ಕೇಳಿ ಸಂತಸಗೊಂಡ ಅದೆಷ್ಟೋ ಮಂದಿ ಈಗ ಈ ವಿಷಯ ಕೇಳಿದ್ರೆ ಮತ್ತಷ್ಟು ಕುತೂಹಲಗೊಂಡಾರು. ಬರೇ ಎರಡು ಸಾಲಿನ ಕಥೆಯನ್ನು ಮೊಬೈಲ್ ಎಸ್ಎಂಎಸ್ ಮೂಲಕ ಓದಿದ ತಕ್ಷಣ ಮಮ್ಮುಟ್ಟಿ ಒಪ್ಪಿಕೊಂಡುಬಿಟ್ಟರಂತೆ!

ಹೌದು, ಶಿಕಾರಿ ಚಿತ್ರ ತಂಡ ಮೊನ್ನೆ ಹಮ್ಮಿಕೊಂಡಿದ್ದ ಸಮಾರಂಭವೊಂದರಲ್ಲಿ ಇದನ್ನು ಹೇಳಿದ್ದು ಚಿತ್ರದ ನಿರ್ದೇಶಕ ಅಭಯ್ ಸಿಂಹ. ಚಿತ್ರದ ಕಥೆ ಬಗ್ಗೆ ಮಾತನಾಡಿದ ಅಭಯ್ ಸಿಂಹ, ಇದು ನಮ್ಮೊಳಗಿರುವ ಶಿಕಾರಿ. ಇರುವುದನ್ನು ಬಿಟ್ಟು ಇರದುದರೆಡೆಗೆ ಹುಡುಕುತ್ತಾ ಸಾಗುವುದೇ ಚಿತ್ರದ ಸಾರಾಂಶ. ಎಸ್ಎಂಎಸ್ ಓದಿ ಒಪ್ಪಿಕೊಂಡ ಮುಮ್ಮಟ್ಟಿಗೆ ನಾನು ಆಭಾರಿ ಎಂದಿದ್ದಾರವರು.

ಈ ಕಾರ್ಯಕ್ರಮದಲ್ಲಿ ಸನ್ಮಾನವನ್ನೂ ಸ್ವೀಕರಿಸಿ ಮಾತನಾಡಿದ ಈ ಬಹುಭಾಷಾ ಪ್ರತಿಭೆ ಮಮ್ಮುಟ್ಟಿ, 'ಕಲೆ ಹಾಗೂ ಕಲಾವಿದರಿಗೆ ಭಾಷೆಯ ಮಿತಿ ಇಲ್ಲ. ಅಭಿನಯಕ್ಕೆ ಸ್ಥಳ ವಿಶೇಷದ ಸೀಮಿತತೆ ಇಲ್ಲ. ಅಭಿನಯಕ್ಕೆ ಭಾಷೆಯ ಗಡಿಯಿಲ್ಲ. ನಮಗೆ ಅಭಿನಯ ಮುಖ್ಯ. ಅದನ್ನೇ ಮಾಡಲು ಕನ್ನಡದ ನೆಲಕ್ಕೆ ಬಂದಿದ್ದೇನೆ. ನನಗೆ ಕನ್ನಡ ಅಂದರೆ ಅತ್ಯಂತ ಪ್ರೀತಿ. ಬಹು ಸಮಯದಿಂದ ಬರುವ ಆಸೆ ಇತ್ತು. ಅವಕಾಶ ಸಿಕ್ಕಿರಲಿಲ್ಲ. ಅಭಯ್ ಹೇಳಿದ ಕಥೆ ಹಿಡಿಸಿತು. ಇಷ್ಟ ಆಯಿತು ಬಂದಿದ್ದೇನೆ. ನಿಜಕ್ಕೂ ಇದು ಕನ್ನಡದಲ್ಲಿ ಹೊಸ ಸಾಧನೆ ಮಾಡುವ ಚಿತ್ರವಾಗಲಿದೆ' ಎಂದರು.

ಚಿತ್ರದಲ್ಲಿ ಮೋಹನ್ ಹಾಗೂ ಆದಿತ್ಯ ಇದ್ದು, ನಟಿ ತಾರಾ ಸಹ ಅಭಿನಯಿಸುತ್ತಿದ್ದಾರೆ. ಕೆ. ಮಂಜು ನಿರ್ಮಾಣದ ಈ ಚಿತ್ರವನ್ನು ಅಭಯ್ ಸಿಂಹ ನಿರ್ದೇಶಿಸುತ್ತಿದ್ದಾರೆ.

ಚಿತ್ರದಲ್ಲಿ ಮುಮ್ಮಟ್ಟಿ ಜತೆ ಅಭಿನಯಿಸುತ್ತಿರುವುದಕ್ಕೆ ಮೋಹನ್ ಮತ್ತು ಆದಿತ್ಯಗೆ ತುಂಬಾ ಸಂತಸ ಇದೆಯಂತೆ. ಮೋಹನ್ ಮೊದಲ ದಿನ ಶೂಟಿಂಗ್‌ಗೆ ಬಂದಾಗಲಂತೂ ಮುಮ್ಮಟ್ಟಿ ಎದುರು ನಿಲ್ಲಲು ಮೋಹನ್‌ಗೆ ಭಯವಾಯಿತಂತೆ. ಆದರೆ ಅವರ ನಡವಳಿಕೆ ನೋಡಿ ಆತ್ಮೀಯತೆ ಹೆಚ್ಚಿತಂತೆ. ಇನ್ನು ಆದಿತ್ಯ ಪ್ರಕಾರ, ಇವರ ಜತೆ ಒಂದು ಸೀನ್ ಅಲ್ಲ, ಶಾಟ್ ಸಿಕ್ಕರೂ ಒಪ್ಪಿಕೊಳ್ಳುತ್ತಿದ್ದೆ. ಬಹುಭಾಷೆಯ ಜನಪ್ರಿಯ ನಟನ ಜತೆ ನಿಲ್ಲುವುದೇ ಒಂದು ಸಾಧನೆ. ಮೋಹನ್‌ಲಾಲ್ ಅವರೊಂದಿಗೆ ನಟಿಸಿದ್ದೆ. ಈಗ ಮುಮ್ಮುಟ್ಟಿ ಜತೆ ಅಭಿನಯಿಸುವ ಅವಕಾಶ ಸಿಕ್ಕಿದೆ. ನನ್ನಷ್ಟು ಅದೃಷ್ಟಶಾಲಿ ಇನ್ನೊಬ್ಬರಿಲ್ಲ ಅನ್ನುತ್ತಾರೆ.

ಶಂಕರ್ ಐಪಿಎಸ್ ಚಿತ್ರ ಪ್ರದರ್ಶನಕ್ಕೆ ಕೋರ್ಟ್ ತಡೆ

2010-05-30T12:07:00.001+05:30

ವಕೀಲರು ಹಾಗೂ ನ್ಯಾಯಾಂಗ ವ್ಯವಸ್ಥೆ ಬಗ್ಗೆ ಅವಹೇಳನಕಾರಿ ಸಂಭಾಷಣೆ ಬಳಸಲಾಗಿದೆ ಎಂದು ದುನಿಯಾ ವಿಜಯ್ ಅಭಿನಯದ 'ಶಂಕರ್ ಐಪಿಎಸ್' ಚಿತ್ರಕ್ಕೆ ಬೆಂಗಳೂರು ಸಿಟಿ ಸಿವಿಲ್ ನ್ಯಾಯಾಲಯ ಶನಿವಾರ (ಮೇ.29)ತಾತ್ಕಾಲಿಕ ತಡೆಯಾಜ್ಞೆ ನೀಡಿದೆ. ಜೂನ್ 5, 2010ರವರೆಗೂ ರಾಜ್ಯದಾದ್ಯಂತ 'ಶಂಕರ್ ಐಪಿಎಸ್' ಚಿತ್ರ ಪ್ರದರ್ಶನಕ್ಕೆ ನ್ಯಾಯಾಲಯ ತಡೆಯೊಡ್ಡಿದೆ.

ಚಿತ್ರದಲ್ಲಿ ವಕೀಲರು ಹಾಗೂ ನ್ಯಾಯಾಂಗ ವ್ಯವಸ್ಥೆ ಬಗ್ಗೆ ಅವಹೇಳನಕಾರಿ ಸಂಭಾಷಣೆಗಳಿವೆ. ವಕೀಲರನ್ನು ದಲ್ಲಾಳಿಗಳು, ಬ್ರೋಕರ್ ಗಳು ಹಾಗೂ ನ್ಯಾಯಾಲಗಳನ್ನು ಮಾರುಕಟ್ಟೆಗಳು ಎಂದು ಅಗೌರವಯುತವಾಗಿ ಮಾತನಾಡಲಾಗಿದೆ ಎಂದು ಆರೋಪಿಸಿ ವಕೀಲರ ಸಂಘ ನ್ಯಾಯಾಲಯದಲ್ಲಿ ದಾವಾ ಹೂಡಿತ್ತು.

ಅರ್ಜಿಯನ್ನು ಪುರಸ್ಕರಿಸಿದ ಬೆಂಗಳೂರು ಸಿಟಿ ಸಿವಿಲ್ ನ್ಯಾಯಾಲಯ 'ಶಂಕರ್ ಐಪಿಎಸ್' ಚಿತ್ರ ಪ್ರದರ್ಶನಕ್ಕೆ ಜೂನ್.5ರವರೆಗೂ ತಾತ್ಕಾಲಿಕ ತಡೆಯಾಜ್ಞೆ ನೀಡಿದೆ. ಜೂನ್.5ರಂದು ನ್ಯಾಯಾಲಯ ನೀಡಲಿರುವ ಮುಂದಿನ ಆದೇಶದವರೆಗೂ 'ಶಂಕರ್ ಐಪಿಎಸ್' ಚಿತ್ರ ಪ್ರದರ್ಶನ ನಡೆಯುವಂತಿಲ್ಲ ಎಂದು ವಕೀಲರ ಸಂಘದ ಪ್ರತಿನಿಧಿ ಶಾಂತಿಭೂಷಣ್ ಅವರು ತಿಳಿಸಿದ್ದಾರೆ.

ವಕೀಲರನ್ನು ದಲ್ಲಾಳಿಗಳು, ಬ್ರೋಕರ್ ಗಳು ಹಾಗೂ ನ್ಯಾಯಾಲಗಳನ್ನು ಮಾರುಕಟ್ಟೆಗಳು ಎಂದಿರುವ ಆರೋಪ

ಚಿತ್ರದಲ್ಲಿ ನ್ಯಾಯಾಂಗ ವ್ಯವಸ್ಥೆಗೆ ಅವಹೇಳನಕಾರಿಯಾಗುವಂತೆ ಸಂಭಾಷಣೆಗಳಿವೆ. ವಕೀಲರು ಕೋರ್ಟ್ ನಲ್ಲಿ ಸಾಕ್ಷಿದಾರರಿಗೆ ಚಂದಮಾಮ ಕಥೆಗಳನ್ನು ಹೇಳುತ್ತಾರೆ ಎಂಬ ಡೈಲಾಗ್ಸ್ ಇವೆ. ನ್ಯಾಯಾಂಗ ವ್ಯವಸ್ಥೆಯ ವಿಶ್ವಾಸಾರ್ಹತೆಗೆ ಧಕ್ಕೆ ತರುವ ಈ ರೀತಿಯ ಸಂಭಾಷಣೆಗಳಿಗೆ ಕತ್ತರಿ ಹಾಕಬೇಕು. ಚಿತ್ರದಲ್ಲಿನ ಕೆಲವೊಂದು ಪದಗಳಿಗೆ ನಿರ್ಬಂಧ ಹೇರಬೇಕು ಎಂದು ವಕೀಲರು ತಮ್ಮ ದೂರಿನಲ್ಲಿ ಆರೋಪಿಸಿದ್ದಾರೆ.

ಕಳೆದ ಶುಕ್ರವಾರವಷ್ಟೆ (ಮೇ.21) ಬಿಡುಗಡೆಯಾಗಿದ್ದ ಶಂಕರ್ ಐಪಿಎಸ್ ಚಿತ್ರವನ್ನು ನ್ಯಾಯಾಲಯ ಮುಂದಿನ ಆದೇಶ ನೀಡುವವರೆಗೂ ಪ್ರದರ್ಶಿಸುವಂತಿಲ್ಲ ಎಂದು ಚಿತ್ರದ ವಿತರಕರಿಗೂ ನೋಟೀಸ್ ಜಾರಿ ಮಾಡದೆ.

ದುನಿಯಾ ವಿಜಯ್ ಪ್ರತಿಕ್ರಿಯೆ
ಶಂಕರ್ ಐಪಿಎಸ್ ಚಿತ್ರ ಸೆನ್ಸಾರ್ ಮಂಡಳಿ ಪ್ರಮಾಣ ಪತ್ರದೊಂದಿಗೆ ಬಿಡುಗಡೆಯಾಗಿದೆ. ಚಿತ್ರದಲ್ಲಿ ಯಾರನ್ನು ಕೀಳಾಗಿ ತೋರಿಸಿಲ್ಲ. ಚಿತ್ರಕ್ಕೆ ನ್ಯಾಯ ಒದಗಿಸಿದ್ದೇವೆ ಅಷ್ಟೆ. ಚಿತ್ರದಲ್ಲಿ ಅವಹೇಳನಕಾರಿ ಹೇಳಿಕೆಗಳನ್ನು ನೀಡಿಲ್ಲ. ಚಿತ್ರದಲ್ಲಿ ಯಾವುದೇ ರೀತಿಯ ಕೆಟ್ಟ ಪದಗಳೂ ಇಲ್ಲ ಎಂದು ಶಂಕರ್ ಐಪಿಎಸ್ ಚಿತ್ರದ ನಾಯಕ ನಟ ವಿಜಯ್ ಪ್ರತಿಕ್ರಿಯಿಸಿದ್ದಾರೆ.

ಚಿತ್ರದ ನಿರ್ಮಾಪಕ ಕೆ ಮಂಜು
ನ್ಯಾಯಾಂಗ ವ್ಯವಸ್ಥೆ ಬಗ್ಗೆ ನಮಗೆ ಅಪಾರ ವಿಶ್ವಾಸವಿದೆ. ಸೆನ್ಸಾರ್ ಮಂಡಳಿ ಮೂಲಕ ನಮ್ಮ ಚಿತ್ರ ಬಿಡುಗಡೆಯಾಗಿದೆ. ಕೋಟ್ಯಾಂತರ ರುಪಾಯಿ ಸಾಲ ಮಾಡಿ ಚಿತ್ರ ತೆಗೆದಿರುತ್ತೇವೆ. ಚಿತ್ರ ಪ್ರದರ್ಶನ ರದ್ದಾದರೆ ನಮಗೆ ಅಪಾರ ನಷ್ಟವಾಗುತ್ತದೆ. ಯಾವ ಕಾರಣಕ್ಕೂ ಚಿತ್ರವನ್ನು ನಿಲ್ಲಿಸಲು ಸಾಧ್ಯವಿಲ್ಲ ಎಂದು ಚಿತ್ರದ ನಿರ್ಮಾಪಕ ಕೆ ಮಂಜು ಹೇಳಿದ್ದಾರೆ.

ವೈದ್ಯ ವೃಂದ ರೋಗಿಗಳನ್ನು ಬಂಧುಗಳಂತೆ ಕಾಣಲಿ

2010-05-30T12:06:00.000+05:30

ಬೆಂಗಳೂರು, ಮೇ 29 : ವೈದ್ಯ ವೃಂದ ರೋಗಿಗಳನ್ನು ಪ್ರೀತಿ, ವಿಶ್ವಾಸ ಹಾಗೂ ನಗುಮುಖದೊಂದಿಗೆ ತಮ್ಮ ಬಂಧುಗಳಂತೆ ಕಂಡಲ್ಲಿ ರೋಗಿಗಳ ನೋವು ಅರ್ಧದಷ್ಟು ಕಡಿಮೆಯಾಗುವುದೆಂದು ವೈದ್ಯಕೀಯ ಶಿಕ್ಷಣ ಸಚಿವರಾದ ರಾಮಚಂದ್ರೇಗೌಡ ಅವರು ಅಭಿಪ್ರಾಯಪಟ್ಟಿದ್ದಾರೆ.

ಕಿದ್ವಾಯಿ ಸಂಸ್ಥೆ ಸ್ಮಾರಕ ಗ್ರಂಥಿ ಸಂಸ್ಥೆಯಲ್ಲಿ ಶ್ರೀ ಕ್ಷೇತ್ರ ಧರ್ಮಸ್ಥಳ ಮಂಜುನಾಥೇಶ್ವರ ಬ್ಲಾಕ್‌ನಲ್ಲಿ ಟೆಲಿಮೆಡಿಸನ್ ಘಟಕವನ್ನು ಉದ್ಫಾಟಿಸಿ ಮಾತನಾಡುತ್ತಿದ್ದ ಅವರು ಆಸ್ಪತ್ರೆಗಳಲ್ಲಿ ಹಾಸಿಗೆಗಳನ್ನು ಹೆಚ್ಚಿಸುವ ಬದಲು ಸಾರ್ವಜನಿಕರು ತಮ್ಮ ದಿನನಿತ್ಯ ಜೀವನವನ್ನು ಉತ್ತಮ ರೀತಿಯಲ್ಲಿ ನಡೆಸಿಕೊಂಡು ಹೋದಲ್ಲಿ ಬಹಳಷ್ಟು ಖಾಯಿಲೆಗಳು ಬರುವುದನ್ನು ತಡೆಗಟ್ಟಬಹುದು ಎಂದು ತಿಳಿಸಿದರು.

ಶ್ರೀ ಕ್ಷೇತ್ರ ನಿರ್ಮಿಸಿರುವ ಈ ಐದು ವಾರ್ಡ್‌ಗಳಿಗೆ ಶ್ರೀ ಮಂಜುನಾಥೇಶ್ವರಸ್ವಾಮಿ, ಕಾರುಣ್ಯ, ವಾತ್ಸಲ್ಯ, ವೈಶಾಲ್ಯ ಹಾಗೂ ಸೌಖ್ಯ ಎಂದು ನಾಮಕರಣ ಮಾಡಲು ತಿಳಿಸಿರುವರೆಂದು ಸಚಿವರು ಈ ಸಂದರ್ಭದಲ್ಲಿ ನುಡಿದರು.

ಶ್ರೀ ಕ್ಷೇತ್ರದ ಧರ್ಮಾಧಿಕಾರಿ ಪದ್ಮಭೂಷಣ ಡಾ. ಡಿ ವೀರೇಂದ್ರ ಹೆಗಡೆ ಅವರು ಮಾತನಾಡಿ, ನಮ್ಮ ತಂದೆಯವರು ಕ್ಯಾನ್ಸರ್ ಖಾಯಿಲೆಯಿಂದ ಮರಣ ಹೊಂದಿದರು. ಕ್ಯಾನ್ಸರ್ ರೋಗಿಯ ಮನೆಯವರು ಪಡುವ ಬವಣೆಯನ್ನು ಅರಿತ್ತಿದ್ದೇನೆ. ಹಿಂದೆ ಕ್ಯಾನ್ಸರ್ ಖಾಯಿಲೆಯಿಂದ ಬಳಲುತ್ತಿರುವವರು ಭೂತಪ್ರೇತಗಳಿಂದ ಅಥವಾ ಯಾರೋ ಮಾಟ ಮಾಡಿಸಿರುವರೆಂಬ ಮೂಢ ನಂಬಿಕೆಯಿಂದ ಆಸ್ಪತ್ರೆಗೆ ಹೋಗದೇ ಮರಣ ಹೊಂದುತ್ತಿದ್ದರು. ಈಗ ಕಾಲ ಬದಲಾವಣೆಯಾಗಿದ್ದು ಶೇ.97ರಷ್ಟು ಜನ ಆಸ್ಪತ್ರೆಗೆ ಹೋಗಿ ಔಷಧೋಪಚಾರಗಳನ್ನು ಪಡೆದು ಕ್ಯಾನ್ಸರ್ ಖಾಯಿಲೆಯಿಂದ ಗುಣಮುಖರಾಗುತ್ತಿದ್ದಾರೆ ಎಂದು ಅವರು ತಿಳಿಸಿದರು.

ಪ್ರತಿಯೊಂದು ಕುಟುಂಬ ಆರೋಗ್ಯ ವಿಮೆ ಮಾಡಿಸುವ ಮುಖಾಂತರ ಆಸ್ಪತ್ರೆಗಳಲ್ಲಿ ವೈದ್ಯಕೀಯ ಸೌಲಭ್ಯಗಳನ್ನು ಪಡೆದುಕೊಳ್ಳಬಹುದಾಗಿದೆ. ಕ್ಯಾನ್ಸರ್ ಚಿಕಿತ್ಸೆಗಾಗಿ ಬರುವ ರೋಗಿಗಳು ತಾಳ್ಮೆಯನ್ನು ಕಳೆದುಕೊಂಡು ವಿಕಾರವಾಗಿ ವರ್ತಿಸಿದರೂ ವೈದ್ಯ ಸಿಬ್ಬಂದಿ ತಾಳ್ಮೆ ಕಳೆದುಕೊಳ್ಳದೇ ಉತ್ತಮ ಸೇವೆಯನ್ನು ನೀಡಬೇಕೆಂದು ವೈದ್ಯ ಸಿಬ್ಬಂದಿಗೆ ಕಿವಿಮಾತು ಹೇಳಿದರು.

ಕಾರ್ಯಕ್ರಮಕ್ಕೆ ಮೊದಲು ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಅವರು ಶ್ರೀ ಕ್ಷೇತ್ರ ಧರ್ಮಸ್ಥಳ ಮಂಜುನಾಥೇಶ್ವರ ಬ್ಲಾಕ್ ಅನ್ನು ಲೋಕಾರ್ಪಣೆ ಮಾಡಿದರು. ಸಮಾರಂಭದಲ್ಲಿ ಶಾಸಕ ಡಾ ಹೇಮಚಂದ್ರಸಾಗರ್, ಕೊಳದ ಮಠದ ಶಾಂತವೀರ ಸ್ವಾಮೀಜಿ, ವಿಧಾನ ಪರಿಷತ್ ಸದಸ್ಯ ಡಾ. ದೊಡ್ಡರಂಗೇಗೌಡ, ಕಿದ್ವಾಯಿ ಸಂಸ್ಥೆಯ ನಿರ್ದೇಶಕ ಡಾಂ ಎಂ. ವಿಜಯಕುಮಾರ್, ವೈದ್ಯಕೀಯ ಅಧ್ಯಕ್ಷ ಡಾ ಎಲ್. ಅಪ್ಪಾಜಿ ಅವರು ಸೇರಿದಂತೆ ಅನೇಕ ಗಣ್ಯರು ಪಾಲ್ಗೊಂಡಿದ್ದರು.

ಅಕ್ಕ ಸಮ್ಮೇಳನ ಪ್ರಚಾರಕ್ಕೆ ನ್ಯೂ ಜೆರ್ಸಿಯಲ್ಲಿ ರೋಡ್ ಶೋ

2010-05-30T11:27:00.002+05:30

ಬೃಂದಾವನದ ಆಶ್ರಯದಲ್ಲಿ ನಡೆಸಲಾಗುತ್ತಿರುವ ಆರನೇ "ಅಕ್ಕ" ವಿಶ್ವ ಕನ್ನಡ ಸಮ್ಮೇಳನದ ಪ್ರಚಾರಕ್ಕೆ, ಇದೇ ಪ್ರಥಮ ಬಾರಿಗೆ ಹೊಸದೊಂದು ಪ್ರಯೋಗ ನಡೆಸಲಾಯ್ತು. ಎಡಿಸನ್ ನಗರದ ಓಕ್ ಟ್ರೀ ರಸ್ತೆಯಲ್ಲಿ ನಡೆದ "ರೋಡ್ ಶೋ"ನಲ್ಲಿ ನಡೆದವರು ನೂರಾರು ಮಂದಿ.

ಕಳೆದ ಶನಿವಾರ ಮೇ 22ರಂದು ಬೃಂದಾವನ ಸಂಸ್ಥೆಯ ಉಪಾಧ್ಯಕ್ಷರಾದ ಡಾ. ರಾಮ್ ಬೆಂಗಳೂರ್ ರವರ ಕಛೇರಿಯ ಪಾರ್ಕಿಂಗ್ ಲಾಟ್ ನಲ್ಲಿ ಸಂಭ್ರಮವೋ ಸಂಭ್ರಮ. 6ನೇ ಅಕ್ಕ ವಿಶ್ವ ಕನ್ನಡ ಸಮ್ಮೇಳನದ ಇಂಡಿಯಾ ಸಂಚಾಲಕ ಸಮಿತಿಯ ಚೇರ್ ಆದ ಲಕ್ಷ್ಮೀನಾರಾಯಣ್ ರವರು ವಿತರಿಸಿದ ಸಮ್ಮೇಳನದ ಲಾಂಚನವಿದ್ದ ಬಿಳಿಯ ಬಣ್ಣದ ಟಿ ಶರ್ಟ್ ಹಾಗು ಟೋಪಿಯನ್ನು ತೊಟ್ಟುಕೊಂಡು ಹಲವಾರು ಉತ್ಸಾಹಿತ ಸ್ವಯಂಸೇವಕರು ಸೇರಿದ್ದರು. ಸಮ್ಮೇಳನ ಕಾರ್ಯಕಾರಿ ಸಮಿತಿಯ ಸದಸ್ಯರು, ಅಕ್ಕ ಸಂಸ್ಥೆಯ ಅಧ್ಯಕ್ಷ ರವಿ ಡಂಕಣಿಕೋಟೆ, ಕಾರ್ಯದರ್ಶಿಗಳಾದ ದಯಾಶಂಕರ್ ಅದಪ್ಪ, ಬೃಂದಾವನ ಕನ್ನಡ ಕೂಟದ ಅಧ್ಯಕ್ಷೆ ಉಷಾ ಪ್ರಸನ್ನ ಕುಮಾರ್, ನ್ಯೂಯಾರ್ಕ್ ಕನ್ನಡ ಕೂಟದ ಅಧ್ಯಕ್ಷ ಜ್ಯೋತಿ ಕೃಷ್ಣ, ಹ್ಯಾರಿಸ್ ಬರ್ಗ್ ಕನ್ನಡ ಕೂಟದ ಅಧ್ಯಕ್ಷ ಅನಂತ್ ಕುಲಕರ್ಣಿ, ತ್ರಿವೇಣಿ ಕನ್ನಡಕೂಟ ಮತ್ತ ಎಲ್ಲ ಸಂಘಗಳ ಪಧಾಧಿಕಾರಿಗಳು ಹಾಗು ಸದಸ್ಯರು, ಸಮ್ಮೇಳನದ ಹಲವಾರು ಸಮಿತಿಗಳ ಚೇರ್, ಕೋ ಚೇರ್ ಹಾಗು ಸದಸ್ಯರೆಲ್ಲರೂ ಸೇರಿದ್ದಿದ್ದು ಸುಮಾರು 250ಕ್ಕೂ ಹೆಚ್ಚು ಮಂದಿ ನೆರೆದಿದ್ದರು.

ಡಾ. ಎಂ.ಜಿ. ಪ್ರಸಾದ್ ರವರ ಶಂಖನಾದದೊಂದಿಗಿನ ಪ್ರಾರ್ಥನೆಯೊಂದಿಗೆ ಪ್ರಾರಂಭವಾದ ಸಮಾರಂಭದಲ್ಲಿ ಸಮ್ಮೇಳನದ ಪ್ರಚಾರ ಸಮಿತಿಯ ಚೇರ್ ಆದ ಬಸವರಾಜು ಶಿವಣ್ಣ ಅವರು ಎಲ್ಲರಿಗು ಸ್ವಾಗತ ಕೋರಿದರು. ಮುಖ್ಯ ಅತಿಥಿಗಳಾದ ಎಡಿಸನ್ ಮೇಯರ್ ಅಂಟೊನಿಯ ರಿಸಿಗ್ಲಿಯಾನೋ, ಎಡಿಸನ್ ಕೌನ್ಸಿಲ್ ಮನ್ ಸುಧಾಂಶು ಪ್ರಸಾದ್, ಅಕ್ಕ ವಿಶ್ವಸ್ಥ ಮಂಡಲಿಯ ಚೇರ್ಮನ್ ಅಮರನಾಥ್ ಗೌಡ, ಕರ್ನಾಟಕದ ವಿಧಾನಸಭೆ ಸದಸ್ಯರಾದ ಪುಟ್ಟರಾಜು ಮುಂತಾದವರು ಅಕ್ಕ ಸಮ್ಮೇಳನ ಯಶಸ್ವಿಯಾಗಲೆಂದು ಶುಭ ಹಾರೈಸಿದರು. ಸಮ್ಮೇಳನ ಪ್ರಚಾರ ಸಮಿತಿಯ ಕೊ ಚೇರ್ ಪ್ರಶಾಂತ್ ಮೈಸೂರ್ ವಂದನಾರ್ಪಣೆ ನಡೆಸಿಕೊಟ್ಟ ನಂತರ ಕೌನ್ಸಿಲ್ ಮನ್ ಸುಧಾಂಶು ಪ್ರಸಾದ್ ರೋಡ್ ಶೋಗೆ ಹಸಿರು ನಿಶಾನೆ ತೋರಿಸಿದರು.

ಎಡಿಸನ್ ಪೋಲಿಸ್ ನವರ ಸಹಾಯದಿಂದ ಸುಮಾರು 400 ಜನ ಸ್ವಯಂಸೇವಕರು ಓಕ್ ಟ್ರೀ ರಸ್ತೆಯ ಎರಡು ಕಡೆ ನಡೆದುಕೊಂದು ಹೋದರೆ, ಸಮ್ಮೇಳನದ ಬಗೆಗಿನ ಜಾಹಿರಾತುಗಳನ್ನು ಹೊತ್ತ ವ್ಯಾನ್ ಗಳು ಪಾದಯಾತ್ರೆ ಮಾಡುತ್ತಿದ್ದ ಸ್ವಯಂಸೇವಕರ ನಡುವೆ ಮಂದಗತಿಯಲ್ಲಿ ಚಲಿಸುತ್ತಿದವು. ಸುಮಾರು 10 ಗುಂಪುಗಳಾಗಿ ವಿಂಗಡಿಸಿಕೊಂಡು ಸ್ವಯಂಸೇವಕರು ರಸ್ತೆಯ ಇಬ್ಬದಿಯಲ್ಲಿರುವ ಹಲವಾರು ನಮ್ಮ ದೇಶಿ ಅಂಗಡಿ(Indian Stores)ಗಳಿಗೆ ಭೇಟಿ ನೀಡಿ ಸಮ್ಮೇಳನದ ಬಗ್ಗೆ ವಿವರಿಸಿದರು. ರೋಡ್ ಶೋನ ಮೂಲ ಉದ್ದೇಶವಾಗಿದ್ದ ಸಮ್ಮೇಳನದ ಬಗ್ಗೆ ಪ್ರಚಾರ, ಸ್ಮರಣ ಸಂಚಿಕೆಗೆ ಜಾಹಿರಾತು, ಕಾರ್ಯಕ್ರಮಗಳಿಗೆ ಧನ ಸಂಗ್ರಹಣೆ, ವಾಣಿಜ್ಯ ಮಳಿಗೆಯ ಬಗ್ಗೆ ವಿವರ ಮತ್ತು ಎಲ್ಲಕ್ಕಿಂತ ಹೆಚ್ಚಾಗಿ ಟೀಮ್ ಬಿಲ್ಡಿಂಗ್ ಕಾರ್ಯ ಎಲ್ಲವೂ ಕೈಗೂಡಿತು.

ಮಾರ್ಗ ಮಧ್ಯದಲ್ಲಿ ಬಿಸಿಲಿನ ಬೇಗೆಗೆ ತಂಪಾಗಲು ತಣ್ಣನೆಯ ನೀರನೆರೆದ ಮನಿ ಡಾರ್ಟ್ ಸಂಸ್ಥೆಗೂ, ಎಲ್ಲ ಸ್ವಯಂಸೇವಕರಿಗೂ ಪುಷ್ಕಳವಾದ ಭೋಜನವನ್ನು ಪ್ರಾಯೊಜಿಸಿದ್ದ ಡಾ. ರಾಮ್ ಬೆಂಗಳೂರ್ ರವರಿಗೂ, ರುಚಿಯಾದ ಬಿಸಿ ಬೇಳೆ ಬಾತ್, ಆಂಬೊಡೆ, ಮೊಸರನ್ನ, ಕೇಸರಿಬಾತ್ ಹಾಗು ಕಾಫಿ ಸರಬರಾಜು ಮಾಡಿದ ಇಡ್ಲಿ ರೆಸ್ಟಾರೆಂಟಿಗೂ ಹಾಗೂ ನ್ಯೂ ಜೆರ್ಸಿ, ನ್ಯೂ ಯಾರ್ಕ್, ಪೆನ್ಸಿಲ್ಲ್ವೇನಿಯ, ಮೇರಿಲ್ಯಾಂಡ್, ಇಲಿನಾಯ್ ಮತ್ತು ಟೆಕ್ಸಾಸ್ ರಾಜ್ಯಗಳಿಂದ ಆಗಮಿಸಿದ್ದ ಅಕ್ಕ ಪದಾಧಿಕಾರಿಗಳಿಗೂ, ಎಲ್ಲಾ ಸ್ವಯಂಸೇವಕರಿಗೂ ಮನದಾಳದಿಂದ ಹೃತ್ಪೂರ್ವಕ ಧನ್ಯವಾದಗಳು.

ರೋಡ್ ಶೋ ನಡೆದ ವಾರಕ್ಕೆ ಮುಂಚೆ ಲೋಕಸಭೆ ಸದಸ್ಯರಾದ ಚೆಲುವರಾಯಸ್ವಾಮಿ ಅವರನ್ನು ರಾರಿಟನ್ ಸೆಂಟರ್ ನಲ್ಲಿ ನಡೆದ ಚಿಕ್ಕ ಸಮಾರಂಭವೊಂದರಲ್ಲಿ ಸನ್ಮಾನಿಸಲಾಯಿತು. ಸಮ್ಮೇಳನಕ್ಕೆ ಶುಭ ಕೋರಿದ ಚೆಲುವರಾಯಸ್ವಾಮಿಯವರು ಅಕ್ಕ ಸಮ್ಮೇಳನದ ಯಶಸ್ವಿಗಾಗಿ ಕರ್ನಾಟಕದಿಂದ ತಮಗೆ ಸಾಧ್ಯವಾದಷ್ಟು ಸಹಾಯ ಮಾಡುವುದಾಗಿ ಭರವಸೆ ನೀಡಿದರು.

ಸಲ್ಮಾನ್ ಖಾನ್ ನಾನು ನನ್ನ ಕನಸು ಮಾಡ್ತಾನಾ ಹೇಳಿ?

2010-05-30T11:19:00.000+05:30

ಸತ್ಯಜಿತ್ ರೇ ಯಾರು? ಬರ್ಗ್ ಮನ್ ಯಾರು? ಈ ಹೆಸರುಗಳನ್ನು ಎಲ್ಲಿಂದ ತರ್ತೀರಿ?" ದಕ್ಷಿಣ ಭಾರತದ ನುರಿತ ಸಿನಿಮಾ ತಾರೆ ಪ್ರಕಾಶ್ ರೈರವರು ಸ್ಥಿಮಿತ ಕಳೆದುಕೊಂಡವರಂತೆ ಆಡಿದ ಈ ಮಾತುಗಳಿಗೆ ಕಾರಣಗಳು ಇಲ್ಲದೆ ಇರಲಿಲ್ಲ.

ಸಂವಾದ ಡಾಟ್ ಕಾಂ ಆಯೋಜಿಸಿದ್ದ 'ನಾನು ನನ್ನ ಕನಸು' ಚಿತ್ರತಂಡದೊಂದಿಗಿನ ಸಂವಾದದ ಕಾರ್ಯಕ್ರಮದಲ್ಲಿ ಶೇಖರಪೂರ್ಣ " ಚಿತ್ರಕತೆ, ಸಂಭಾಷಣೆ, ಅಭಿನಯ, ಬಣ್ಣ ಹಾಗು ಛಾಯಾಗ್ರಹಣ ಸರಿಯಾಗಿ ಮಿಳಿತವಾಗದೆ ಚಿತ್ರ ಜಾಳು ಜಾಳಾಗಿದೆ " ಎಂದು ಹೇಳಿದ್ದೇ ಪ್ರಕಾಶ ರೈ ರವರ ಉಗ್ರಧ್ವನಿಗೆ ಕಾರಣವಾಯಿತು.

ಉಳಿದಂತೆ ಸಂವಾದದಲ್ಲಿ ಕೇಳಿಬಂದ ಆಯ್ದ ತುಣುಕುಗಳಿವು:

ನೀವು ಸ್ಟಾರ್ ಅಲ್ಲವೆ? ಸ್ಟಾರ್ ಒಬ್ಬ ನಿರ್ದೇಶನಕ್ಕಿಳಿದಾಗ ಆತ ಈ ತೆರನಾದ ಸಂವಾದಕ್ಕೆ ಒಡ್ಡಿಕೊಳ್ಳುವುದು ಅನಿವಾರ್ಯವಲ್ಲವೆ?
ನಾನು ಸ್ಟಾರ್ ಅಲ್ಲವೆ ಅಲ್ಲ. ಯಾವ ಸ್ಟಾರ್ ಸಹಾ ಇಂಥ ಚಿತ್ರ ಮಾಡೋದಿಲ್ಲ. ಸಲ್ಮಾನ್ ಖಾನ್ ನಾನು ನನ್ನ ಕನಸು ಮಾಡ್ತಾನಾ ಹೇಳಿ?

ಕನ್ನಡ ಸಿನಿಮಾಗಳ ಕುರಿತಂತೆ ಟೆಕ್ಸ್ಟ್(ಪಠ್ಯ) ಬರಬೇಕು...
ಟೆಕ್ಸ್ಟ್ ಯಾಕೆ ಬೇಕು ಸ್ವಾಮಿ? ನಾನು ಟೆಕ್ಸ್ಟ್ ಇಲ್ಲದೆ ಸಿನಿಮಾ ನೋಡಿಕೊಂಡೇ ಬೆಳೆದದ್ದು.

ಇಷ್ಟು ಒಳ್ಳೆಯ ಪ್ರತಿಭಾವಂತರು ನೀವು. ರಿಮೇಕ್ ಯಾಕೆ ಮಾಡ್ಬೇಕು?
ರಿಮೇಕ್ ಅಂದ್ರೆ ಏನು ಸ್ವಾಮಿ? ಶೇಕ್ಸ್ ಫಿಯರ್ ನ ಕನ್ನಡದಲ್ಲಿ ಓದ್ತೀರಲ್ಲ... ಅದನ್ನು ಏನೆಂದು ಹೇಳ್ತೀರಿ...? ರಿಮೇಕ್ ಕುರಿತಂತೆ ವಿಮರ್ಶಕರಲ್ಲೇ ಗೊಂದಲಗಳಿವೆ.

ರಿಮೇಕ್ ಅಂದ್ರೆ ಏನು ಸ್ವಾಮಿ? ಶೇಕ್ಸ್ ಫಿಯರ್ ನ ಕನ್ನಡದಲ್ಲಿ ಓದ್ತೀರಲ್ಲ... ಅದನ್ನು ಏನೆಂದು ಹೇಳ್ತೀರಿ...?

ಚಿತ್ರದಲ್ಲಿ ಚಿತ್ರಕತೆ-ಸಂಭಾಷಣೆಯನ್ನು ಫೋಟೋಗ್ರಫಿ ಮೀರಿ ನಿಂತಿದೆಯಲ್ಲ...ಅದು ನಿರ್ದೇಶಕನ ಸೋಲಲ್ಲವೆ?
ಉತ್ತರವಿಲ್ಲ...ಪ್ರತಿಯಾಗಿ ಕ್ಯಾಮೆರಾಮೆನ್ ಅನಂತ್ ಅರಸ್ ಅವರನ್ನು ಬಾಯಿ ತುಂಬಾ ಹೊಗಳಿದರು.

ಚಿತ್ರಕ್ಕೆ ಕೈಟ್ಸ್ ಮಾದರಿಯಲ್ಲಿ ಪ್ರಚಾರ ಯಾಕೆ ಕೊಡಲಿಲ್ಲ?
ಪ್ರಚಾರ ನಿಮ್ಮನ್ನು ತಲುಪಿದೆಯಲ್ಲ... ಅದರಿಂದಾಗೇ ನೀವು ಸಿನೆಮಾ ನೋಡಿದ್ದೀರಿ ಮತ್ತು ನನ್ನೊಂದಿಗೆ ಸಂವಾದದಲ್ಲಿದ್ದೀರಿ. ನಾವು ಎಲ್ಲಾ ಪ್ರಯತ್ನವನ್ನೂ ಮಾಡಿದ್ದೇವೆ. ನಾನು ನಿರ್ದೇಶಕನಾಗಿ ನನ್ನ ಕೆಲಸವನ್ನು ಸಮರ್ಪಕವಾಗಿ ಮುಗಿಸಿಕೊಟ್ಟಿದ್ದೇನೆ. ಇದಕ್ಕೆ ಬಿ ಸುರೇಶರ ಒಪ್ಪಿಗೆಯ ಮುದ್ರೆ ದೊರೆಯಿತು.

ಚಿತ್ರದಲ್ಲಿ ಬೇರೆ ಪಾತ್ರಗಳ ಪೋಷಣೆಯಾಗಿಲ್ಲ.
ನಿಜ... ಕತೆ ಅಪ್ಪನ ಮೇಲೆ ಹೆಣೆದಿರುವುದರಿಂದ ಬೇರೆ ಪಾತ್ರಗಳ ವರ್ತನೆ, ಪೋಷಣೆ ಇತ್ಯಾದಿಗಳಿಗೆ ಪ್ರಾಮುಖ್ಯತೆ ಕಡಿಮೆ.

ಚಿತ್ರದಲ್ಲಿ ಭಿಕ್ಷುಕನ ಪಾತ್ರದ ಅನಗತ್ಯ ವೈಭವೀಕರಣ ಏಕೆ?
ಪ್ರೇಕ್ಷಕನನ್ನು ತೆರೆಯ ಮೇಲೆ ಹಿಡಿದಿಡುವ ಟ್ರಿಕ್ಕು ಅದು.

ನಂತರ ಸಂವಾದ ಪ್ರೇಕ್ಷಕರ ಕಡೆ ತಿರುಗಿದಾಗ ಬಹುತೇಕರು ತಮ್ಮನ್ನು ತಾವು ಈ ಚಿತ್ರದಲ್ಲಿ ಗುರುತಿಸಿಕೊಂಡೆವೆಂದು ಹೊಗಳಿದರು. ಚಿತ್ರ ಅದ್ಭುತ, ಶಾಂತ, ಸುಲಲಿತ ಧಾರೆ ಇತ್ಯಾದಿ ಹೊಗಳಿಕೆಗೆ ಪ್ರಕಾಶ್ ಕೈ ಮುಖದಲ್ಲಿ ಧನ್ಯಗೊಂಡ ಭಾವವಿತ್ತು.

ಚಿತ್ರದ ಪ್ರಚಾರದ ಬಗ್ಗೆ ಮಾತನಾಡಿದ ವಿತರಕರು, ನಾವು ಏನೇ ಪ್ರಚಾರ ಕೊಟ್ಟರೂ ಅದು ಮೊದಲ ದಿನಕ್ಕೆ, ಮೊದಲ ಪ್ರದರ್ಶನಕ್ಕೆ ಪ್ರೇಕ್ಷಕರನ್ನು ಕರೆತರುವಲ್ಲಿ ಕೆಲಸ ಮಾಡಬಹುದು ಅಷ್ಟೆ. ಇಡೀ ಚಿತ್ರವನ್ನು ಬೇರೆಯದೇ ಆದ ಇನ್ನೊಂದು ಮ್ಯಾಜಿಕ್ ಮೇಲಿತ್ತಿ ನಿಲ್ಲಿಸುತ್ತದೆ. ಅದು ಚಿತ್ರ ನೋಡಿದ ಜನರ ಚಿತ್ರದ ಬಗೆಗಿನ ಮಾತುಗಳು. ಅವರೇ ಕ್ಯೂನಲ್ಲಿ ನಿಂತವರನ್ನೂ ಮನೆಗೆ ಕಳಿಸಬಹುದು ಎಂದರು.
ನಟ ರಾಜೇಶ್ ಧಾರಾವಾಹಿ ಮತ್ತು ಚಿತ್ರನಟನೆಯಲ್ಲಿರುವ ವ್ಯತ್ಯಾಸಗಳ ಬಗ್ಗೆ ಮಾತನಾಡಿದರು.ನಟ ರವಿ ಭಟ್ ಕಾರ್ಯಕ್ರಮ ನಿರೂಪಿಸಿದರು.ಸಂವಾದ ಡಾಟ್ ಕಾಂ ಕಾರ್ಯಕ್ರಮ ಆಯೋಜಿಸಿತ್ತು. ಅವಿರತ ತಂಡ ಕಾರ್ಯಕ್ರಮ ಸಹಕಾರ ನೀಡಿತ್ತು. ಕಾರ್ಯಕ್ರಮದಲ್ಲಿ ಬಿ ಸುರೇಶ್, ಶೈಲಜಾ ನಾಗ್, ಪ್ರಕಾಶ್ ರೈ, ರಾಜೇಶ್, ಬಾಲನಟಿ ಪ್ರಕೃತಿ, ಛಾಯಾಗ್ರಾಹಕ ಅನಂತ್ ಅರಸ್ ಉಪಸ್ಥಿತರಿದ್ದರು.

ಮುಂದಿನ ವಾರ ಬಲಗಾಲಿಡಲಿದೆ ಮುಂಗಾರು

2010-05-30T11:13:00.000+05:30

ಬೆಂಗಳೂರು, ಮೇ. 29 : ಮುಂಗಾರುಮಳೆ ಜೂನ್ ಮೊದಲ ವಾರದಲ್ಲಿ ರಾಜ್ಯವನ್ನು ಪ್ರವೇಶಿಸುವ ಸಾಧ್ಯತೆಯಿದೆ. ನೈಋತ್ಯ ಮುಂಗಾರು ಮಾರುತಗಳು ಸೋಮವಾರ ಕೇರಳವನ್ನು ಪ್ರವೇಶಿಸುತ್ತಿದ್ದು, ಕರ್ನಾಟಕ ಮತ್ತು ತಮಿಳುನಾಡಿನ ಕೆಲವು ಭಾಗಗಳತ್ತ ಮುನ್ನಡೆಯಲಿದೆ. ಪರಿಣಾಮವಾಗಿ ಮೇ 30, 31 ರಂದು ಕೇರಳಲ್ಲಿ ವ್ಯಾಪಕವಾಗಿ ಮಳೆಯಾಗಲಿದೆ. ಮುಂದಿನ ಮೂರ್ನಾಲ್ಕು ದಿನಗಳಲ್ಲಿ ರಾಜ್ಯದಲ್ಲೂ ಮಳೆಗಾಲ ಆರಂಭವಾಗಲಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.

ಈ ಸಲದ ಮುಂಗಾರು ಬೇಆಪ್ ಬೆಂಗಾಲದ ಮೂಲಕ ಮೇ 17 ರಂದು ದೇಶವನ್ನು ಪ್ರವೇಶಿಸಿದೆ. ಮಂಗಳವಾರ ಕೇರಳ, ತಮಿಳುನಾಡು ಮತ್ತು ಕರ್ನಾಟಕದ ಕರಾವಳಿ ಪ್ರದೇಶಗಳಿಗೆ ಅಧಿಕೃತವಾಗಿ ಮುಂಗಾರು ಎಂಟ್ರಿ ಪಡೆದುಕೊಳ್ಳಲಿದೆ. ಈಗಾಗಲೇ ಕೇರಳದಲ್ಲಿ ತಂಪಾದ ಗಾಳಿ ಬೀಸತೊಡಗಿದ್ದು, ತಮಿಳುನಾಡು ಮತ್ತು ಕರ್ನಾಟಕದಲ್ಲಿರುವ ಬಿಸಿಲಿನ ತಾಪ ಸ್ವಲ್ಪ ಪ್ರಮಾಣದಲ್ಲಿ ತಗ್ಗಲಿದ್ದು, ಜೂನ್ ಮೊದಲ ವಾರ ಮಳೆ ಆರ್ಭಟ ಶುರುವಾಗಲಿದೆ ಎಂದು ಇಲಾಖೆ ತಿಳಿಸಿದೆ.

ಕಳೆದ ಮಾರ್ಚ್ ಮತ್ತು ಏಪ್ರಿಲ್ ತಿಂಗಳಲ್ಲಿ ಬಿಸಿಲಿನ ತಾಪಮಾನ 45 ಡಿಗ್ರಿ ಸೆಲ್ಸಿಯಸ್ ತಲುಪಿತ್ತು. ತಮಿಳುನಾಡು, ಗೋವಾ, ಕರ್ನಾಟಕ ಮತ್ತು ಕೇರಳದಲ್ಲಿ ಜನರು ಬಿಸಿಲಿಲ ಹೊಡೆತಕ್ಕೆ ತತ್ತರಿಸಿಹೋಗಿದ್ದಾರೆ. ಮುಂಬರುವ ದಿನಗಳಲ್ಲಿ ಬಿಸಿಲಿನ ಪ್ರಖರ ಇಳಿಮುಖಗೊಳ್ಳಲಿದೆ. ಉತ್ತಮ ಮಳೆ ಬೀಳುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.

ತುಳು ಭಾಷೆಗೆ ಸಾಂವಿಧಾನಿಕ ಮಾನ್ಯತೆ, ಕೇಂದ್ರಕ್ಕೆ ಮನವಿ

2010-05-30T11:12:00.000+05:30

ತುಳು ಭಾಷೆಯನ್ನು ಸಂವಿಧಾನದ ಎಂಟನೇ ಪರಿಚ್ಛೇದಕ್ಕೆ ಸೇರಿಸಲು ಸರ್ಕಾರ ಪ್ರಯತ್ನಿಸಲಿದೆ ಎಂದು ಗೃಹ ಸಚಿವ ವಿ.ಎಸ್.ಆಚಾರ್ಯ ಹೇಳಿದ್ದಾರೆ.

ಬೆಂಗಳೂರಿನಲ್ಲಿ ಶನಿವಾರ ನಡೆದ ತುಳು ಸಾಹಿತ್ಯ ಅಕಾಡೆಮಿ ಹಮ್ಮಿಕೊಂಡಿದ್ದ ಅಕಾಡೆಮಿಯ ಗೌರವ ಪ್ರಶಸ್ತಿ ಪ್ರದಾನ ಹಾಗೂ ಪುಸ್ತಕ ಬಹುಮಾನ ಪ್ರದಾನ ಸಮಾರಂಭದಲ್ಲಿ ಮಾತನಾಡಿದ ಆಚಾರ್ಯ, ತುಳು ಭಾಷೆಯನ್ನು ಸಂವಿಧಾನದ ಎಂಟನೇ ಪರಿಚ್ಛೇದಕ್ಕೆ ಸೇರಿಸಲು ರಾಜ್ಯ ಸರ್ಕಾರ ಎಲ್ಲ ರೀತಿಯ ಪ್ರಯತ್ನ ಮಾಡಲಿದೆ. ಈ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರಕ್ಕೆ ಈ ಬಗ್ಗೆ ಮನವಿ ಮಾಡಿ ಭಾಷೆಗೆ ಸಾಂವಿಧಾನಿಕ ಮಾನ್ಯತೆ ಒದಗಿಸಿಕೊಡುವ ಬಗ್ಗೆ ಚರ್ಚೆ ನಡೆಯುತ್ತಿದೆ ಎಂದು ಆಚಾರ್ಯ ಭರವಸೆ ನೀಡಿದರು.

ಇದೇ ವೇಳೆ ಮಂಗಳೂರಿನಲ್ಲಿ ನಿರ್ಮಾಣಗೊಳ್ಳಲಿರುವ ತುಳು ಭವನಕ್ಕೆ ಅಗತ್ಯ ಹಣಕಾಸು ನೆರವು ನೀಡಲಾಗುತ್ತದೆ. ಧರ್ಮಸ್ಥಳದಲ್ಲಿ ನಡೆದ ವಿಶ್ವ ತುಳು ಸಮ್ಮೇಳನದ ನಿರ್ಣಯಗಳನ್ನು ಜಾರಿಗೆ ತರಲು ಸರ್ಕಾರ ಎಲ್ಲ ರೀತಿಯಿಂದಲೂ ಸರ್ವ ಸನ್ನದ್ಧವಾಗಿದೆ ಎಂದು ಅವರು ತಿಳಿಸಿದರು.

ಇದೇ ಸಂದರ್ಭ ಮಾತನಾಡಿದ ಪ್ರಾಥಮಿಕ ಹಾಗೂ ಪ್ರೌಢಶಿಕ್ಷಣ ಸಚಿವ ವಿಶ್ವೇಶ್ವರ ಹೆಗಡೆ ಕಾಗೇರಿ, ಈಗಾಗಲೇ ತುಳು ಭಾಷೆಯನ್ನು ಆರನೇ ತರಗತಿಯ ವಿದ್ಯಾರ್ಥಿಗಳಿಗೆ ಐಚ್ಛಿಕ ವಿಷಯವನ್ನಾಗಿ ಮಾಡಲಾಗಿದೆ. ಪಠ್ಯಪುಸ್ತಕ ಮುದ್ರಣ ಕಾರ್ಯವೂ ಈಗಾಗಲೇ ಭರದಿಂದ ಸಾಗಿದ್ದು, ಆದಷ್ಟು ಬೇಗ ಇದು ವಿದ್ಯಾರ್ಥಿಗಳ ಕೈಗೆ ಸಿಗಲಿದೆ ಎಂದರು.

ಇಂಗ್ಲೀಷ್ ಮತ್ತು ಅನ್ಯ ಭಾಷೆಯ ಪ್ರಭಾವದಿಂದ ನಮಗೆ ತಿಳಿಯದಂತೆಯೇ ನಮ್ಮ ಸಾಂಸ್ಕೃತಿಕ ವೈವಿಧ್ಯತೆಗೆ ಧಕ್ಕೆಯಾಗುತ್ತಿದೆ. ಭಾಷಾ ಪ್ರೇಮದಿಂದ ಮಾತ್ರ ಕನ್ನಡ ಅಥವಾ ತುಳು ಭಾಷೆ ಉಳಿಯಬಲ್ಲುದು ಎಂದು ಅವರು ತಿಳಿಸಿದರು.

ರೈಲು ದುರಂತದ ಹಿಂದೆ ರಾಜಕೀಯ ಪಿತೂರಿ: ಮಮತಾ ಆರೋಪ

2010-05-30T10:52:00.000+05:30

ಜ್ಞಾನೇಶ್ವರಿ ಎಕ್ಸ್‌ಪ್ರೆಸ್ ರೈಲು ಹಳಿ ತಪ್ಪಿ ದುರಂತಕ್ಕೀಡಾದ ಭೀಕರ ಘಟನೆ ವ್ಯವಸ್ಥಿತವಾಗಿ ಮಾಡಿದ ಸಂಚು ಅಲ್ಲ ಎಂಬುದನ್ನು ತಳ್ಳಿಹಾಕಲಾರೆ ಎಂದು ರೈಲ್ವೆ ಸಚಿವೆ ಮಮತಾ ಬ್ಯಾನರ್ಜಿ, ದಾಳಿ ಹಿಂದೆ ರಾಜಕೀಯ ಪಿತೂರಿ ಇರುವುದಾಗಿ ಗಂಭೀರವಾಗಿ ಆರೋಪಿಸಿದರು.

ನಗರದಲ್ಲಿ ಶನಿವಾರ ಪತ್ರಿಕಾಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿದ ಅವರು, ಈ ಅಪಘಾತದ ಹಿಂದೆ ವ್ಯವಸ್ಥಿತವಾದ ರಾಜಕೀಯ ಪಿತೂರಿ ಅಡಗಿದ್ದು, ಪಶ್ಚಿಮ ಬಂಗಾಳದಲ್ಲಿ ಮುಂಬರುವ ನಗರಪಾಲಿಕೆ ಚುನಾವಣೆಯ ಹಿನ್ನೆಲೆಯಲ್ಲಿ ಇದನ್ನು ಮಾಡಲಾಗಿದೆ ಎಂದು ಆರೋಪಿಸಿದರು.

ಆದರೆ ರೈಲ್ವೆ ಹಳಿ ಸ್ಫೋಟಿಸಿ ದುರಂತ ಸಂಭವಿಸಲು ಕಾರಣವಾದ ಬಗ್ಗೆ ಯಾವುದೇ ನಿರ್ದಿಷ್ಟ ಸಂಘಟನೆಯ ಹೆಸರನ್ನು ಹೇಳಲು ಮಮತಾ ಈ ಸಂದರ್ಭದಲ್ಲಿ ನಿರಾಕರಿಸಿದರು.

ಇಡೀ ಘಟನೆಯೇ ತುಂಬಾ ಅಪರಾಧಿತನದಿಂದ ಕೂಡಿದ್ದು, ಈ ದಾಳಿಯನ್ನು ನಡೆಸಿದ ದುರುಳರು ಯಾವುದೇ ಕರುಣೆ ತೋರಿಸದೇ ದುಷ್ಕೃತ್ಯ ಎಸಗಿ 115 ಮಂದಿ ಮುಗ್ದ ಪ್ರಯಾಣಿಕರ ಸಾವಿಗೆ ಕಾರಣರಾಗಿದ್ದಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು. ಅಲ್ಲದೇ ಜ್ಞಾನೇಶ್ವರಿ ಎಕ್ಸ್‌ಪ್ರೆಸ್ ಹಳಿ ತಪ್ಪಿ ಸಂಭವಿಸಿದ ದುರಂತದ ಬಗ್ಗೆ ಸಿಬಿಐ ತನಿಖೆಗೆ ಒಪ್ಪಿಸಲು ಕೇಂದ್ರ ಸರ್ಕಾರ ಒಪ್ಪಿರುವುದಾಗಿ ಹೇಳಿದರು.

ಆದರೆ ಘಟನೆಯ ಹಿಂದೆ ಯಾವ ಸಂಘಟನೆ ಇದೆ ಎಂಬ ಮಾಹಿತಿ ನೀಡಲು ನಿರಾಕರಿಸಿದರು. ಪೂರ್ಣ ಪ್ರಮಾಣದ ತನಿಖೆ ಮುಗಿಯುವವರೆಗೆ ಯಾವ ಸಂಘಟನೆ ಈ ಘಟನೆಗೆ ಕಾರಣ ಎಂದು ಹೇಳಲಾರೆ ಎಂದು ಸ್ಪಷ್ಟಪಡಿಸಿದರು.

ಎಚ್‌ಡಿಕೆಗೆ ಸಚಿವ ಸ್ಥಾನ ನೀಡಿ ಕಾಂಗ್ರೆಸ್ ಉಳಿಬೇಕಾ?: ವಿಶ್ವನಾಥ್

2010-05-30T10:47:00.000+05:30

ರಾಜ್ಯದಲ್ಲಿ ಜೆಡಿಎಸ್ ಜತೆಗಿನ ಚುನಾವಣಾ ಮೈತ್ರಿಗೆ ತೀವ್ರ ವಿರೋಧ ವ್ಯಕ್ತಪಡಿಸಿರುವ ಕಾಂಗ್ರೆಸ್ ಸಂಸದ ಎಚ್.ವಿಶ್ವನಾಥ್, ಜೆಡಿಎಸ್ ಜೊತೆಗಿನ ಮೈತ್ರಿಯಿಂದ ಕಾಂಗ್ರೆಸ್‌ಗೆ ಯಾವುದೇ ಲಾಭವಿಲ್ಲ ಎಂದು ತಿಳಿಸಿದ್ದಾರೆ.

ಶನಿವಾರ ಪತ್ರಿಕಾಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿದ ಅವರು, ರಾಜ್ಯಸಭೆ ಮತ್ತು ವಿಧಾನಪರಿಷತ್ ಚುನಾವಣೆಯಲ್ಲಿ ಕಾಂಗ್ರೆಸ್ ಮತ್ತೆ ಜೆಡಿಎಸ್ ಜೊತೆ ಕೈಜೋಡಿಸುತ್ತಿರುವ ಬಗ್ಗೆ ಕಿಡಿಕಾರಿದರು. ಎಚ್.ಡಿ.ಕುಮಾರಸ್ವಾಮಿಗೆ ಕೇಂದ್ರದಲ್ಲಿ ಸಚಿವ ಸ್ಥಾನ ನೀಡಿ ರಾಜ್ಯದಲ್ಲಿ ಕಾಂಗ್ರೆಸ್ ಪಕ್ಷ ಕಟ್ಟುವ ಅಗತ್ಯವಿಲ್ಲ ಎಂದು ವಾಗ್ದಾಳಿ ನಡೆಸಿದರು.

ಜೆಡಿಎಸ್ ಜೊತೆಗಿನ ಮೈತ್ರಿಗೆ ಕಾಂಗ್ರೆಸ್‌ನಲ್ಲಿ ಇರುವ ಕೆಲವು ಮುಂಚೂಣಿ ನಾಯಕರ ಆಟಕ್ಕೆ ಕಡಿವಾಣ ಹಾಕಬೇಕಾದ ಅಗತ್ಯವಿದೆ ಎಂದು ತಮ್ಮದೇ ಪಕ್ಷದ ಮುಖಂಡರ ವಿರುದ್ಧ ಹರಿಹಾಯುವ ಮೂಲಕ ವಿವಾದ ಹುಟ್ಟುಹಾಕಲು ಮುಂದಾಗಿದ್ದಾರೆ.

ಜೆಡಿಎಸ್ ರಾಜ್ಯದಲ್ಲಿ ನೆಲೆ ಇಲ್ಲದ ಪಕ್ಷ, ಅಂತಹ ಪಕ್ಷದೊಂದಿಗೆ ರಾಷ್ಟ್ರೀಯ ಪಕ್ಷವಾಗಿರುವ ಕಾಂಗ್ರೆಸ್ ಮೈತ್ರಿ ಮಾಡಿಕೊಂಡು ಪಕ್ಷದ ಅಸ್ತಿತ್ವ ಉಳಿಸಿಕೊಳ್ಳಬೇಕಾದ ಅವಶ್ಯಕತೆ ಏನಿದೆ ಎಂದು ವಿಶ್ವನಾಥ್ ಗಂಭೀರವಾಗಿ ಪ್ರಶ್ನಸಿದ್ದಾರೆ.

ಬಿಜೆಪಿ ನನ್ನ ತೇಜೋವಧೆ ಮಾಡ್ತಿದೆ: ರೇವಣ್ಣ ಕಿಡಿ

2010-05-30T10:25:00.000+05:30

ನನ್ನ ತೇಜೋವಧೆಗೆ ಕೆಎಂಎಫ್ ಮತ್ತು ಸಹಕಾರ ಇಲಾಖೆಯನ್ನು ಸರ್ಕಾರ ದುರುಪಯೋಗ ಮಾಡಿಕೊಳ್ಳುತ್ತಿದೆ ಎಂದು ಜೆಡಿಎಸ್ ಶಾಸಕಾಂಗ ಪಕ್ಷದ ನಾಯಕ ಎಚ್.ಡಿ.ರೇವಣ್ಣ ಆರೋಪಿಸಿದ್ದಾರೆ.

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಸಹಕಾರ ಸಚಿವ ಲಕ್ಷ್ಮಣ ಸವದಿ ಅವರು ನನ್ನ ಬಗ್ಗೆ ಬೇಜವಾಬ್ದಾರಿ ಹೇಳಿಕೆ ಕೊಟ್ಟಿದ್ದಾರೆ. ನಾನೇನು ತಲೆಮರೆಸಿಕೊಂಡು ವಿದೇಶಕ್ಕೆ ಹೋಗಿಲ್ಲ. ಹಾಸನದ ಹಾಲು ಒಕ್ಕೂಟದ ಸಭೆಯಲ್ಲಿ ಭಾಗವಹಿಸಿದ್ದೇನೆ.ಒಟ್ಟಾರೆ ಇಲ್ಲಸಲ್ಲದ ಆರೋಪ ಮಾಡಿದರೆ ನಾನು ಸುಮ್ಮನೆ ಬಗ್ಗುವುದಿಲ್ಲ ಎಂದು ತಿರುಗೇಟು ನೀಡಿದ್ದಾರೆ.

ನಾನು ನೋಟಿಸ್ ಸ್ವೀಕಾರ ಮಾಡಿಲ್ಲ ಎಂದು ಹೇಳಿದ್ದಾರೆ. ಅವರ ಬಳಿ ಏನಾದರು ಆಧಾರ ಇದೆಯಾ? ಏಕೆ ಈ ರೀತಿ ಸುಳ್ಳು ಮಾಹಿತಿ ಕೊಡುತ್ತಿದ್ದಾರೆ ಎಂದು ಖಾರವಾಗಿ ಪ್ರಶ್ನಿಸಿದ್ದಾರೆ.

ಕೆಎಂಎಫ್ ಆಡಳಿತ ಹದಗೆಟ್ಟಿದೆ. ಅದು ಈಗ ವರ್ಗಾವಣೆ ದಂಧೆಯಾಗಿ ಮಾರ್ಪಟ್ಟಿದೆ. ಇದರ ಬಗ್ಗೆ ಸಮಗ್ರ ತನಿಖೆ ಆಗಬೇಕೆಂದು ರೇವಣ್ಣ ಈ ಸಂದರ್ಭದಲ್ಲಿ ಆಗ್ರಹಿಸಿದರು.

ವಿಮಾನ ನಿಲ್ದಾಣಕ್ಕೆ 'ರನ್‌ವೇ ಅರೆಸ್ಟರ್' ಅಗತ್ಯ: ಪೂಜಾರಿ

2010-05-30T10:24:00.000+05:30

ಜಗತ್ತಿನಲ್ಲಿ ಕೆಲವೇ ವಿಮಾನನಿಲ್ದಾಣಗಲ್ಲಿ ಅಳವಡಿಸಿರುವ `ರನ್‌ವೇ ಅರೆಸ್ಟರ್'ನ್ನು ಸುರಕ್ಷತೆ ದೃಷ್ಟಿಯಿಂದ ಮಂಗಳೂರು ವಿಮಾನ ನಿಲ್ದಾಣದಲ್ಲೂ ಅಳವಡಿಸಬೇಕು. ಆ ನಿಟ್ಟಿನಲ್ಲಿ ರನ್‌ವೇ ದುರಂತ ಸಂಭವಿಸದಂತೆ ತಡೆಯುವಲ್ಲಿ ಈ ವ್ಯವಸ್ಥೆ ನೆರವಾಗುತ್ತದೆ ಎಂದು ಕಾಂಗ್ರೆಸ್ ನಾಯಕ ಬಿ. ಜನಾರ್ದನ ಪೂಜಾರಿ ಒತ್ತಾಯಿಸಿದ್ದಾರೆ.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, 8,000 ಅಡಿಯ ರನ್ವೇಯನ್ನು ಇನ್ನೂ 1,000- 2,000 ಅಡಿ ವಿಸ್ತರಿಸುವುದು ಒಳಿತು. ಈಗಿರುವ ರನ್‌ವೇ ಬೇಡ, ವಿಮಾನ ನಿಲ್ದಾಣವೂ ಬೇಡ ಎನ್ನುವ ಅಭಿಪ್ರಾಯ ವ್ಯಕ್ತವಾಗುತ್ತಿದೆ. ಒಂದೊಮ್ಮೆ ಯಾರಾದರೂ ಉಚ್ಚ ನ್ಯಾಯಾಲಯ, ಸರ್ವೋಚ್ಚ ನ್ಯಾಯಾಲಯದ ಮೊರೆ ಹೋಗಿ ವಿಮಾನ ನಿಲ್ದಾಣ ಮುಚ್ಚುವಂತಾದರೆ ಎಸ್ಇಝಡ್ ಸಹಿತ ಕೈಗಾರಿಕೆಗಳ ಸ್ಥಾಪನೆಗೆ ಹಿನ್ನಡೆಯಾಗಲಿದೆ ಎಂದರು.

ಅಂತಾರಾಷ್ಟ್ರೀಯ ಒಪ್ಪಂದದಂತೆ ಪರಿಹಾರವನ್ನು ಸತ್ತ ವ್ಯಕ್ತಿಯ ವಯಸ್ಸು, ಉದ್ಯೋಗ, ಸಂಬಳ, ಅವಲಂಬಿತರ ಸಹಿತ ಎಲ್ಲವನ್ನೂ ಪರಿಗಣಿಸಿ ನೀಡಲಾಗುತ್ತಿದ್ದು ವೈಯಕ್ತಿಕ, ಕಂಪನಿಯ ವಿಮಾ ಹಣವೂ ಪ್ರತ್ಯೇಕವಾಗಿ ದೊರೆಯಲಿದೆ. ಸೂಕ್ತ ದಾಖಲೆಗಳನ್ನು ಸಂಗ್ರಹಿಸಿ ಪರಿಹಾರ ಒದಗಿಸುವ ನಿಟ್ಟಿನಲ್ಲಿ ತುರ್ತು ಕ್ರಮ ಕೈಗೊಳ್ಳಬೇಕು. ಮೃತರ ಕುಟುಂಬಕ್ಕೆ ಮಾಹಿತಿ ಕೊಡಬೇಕು ಎಂದು ಅಭಿಪ್ರಾಯ ಪಟ್ಟಿದ್ದಾರೆ.

ಯಡಿಯೂರಪ್ಪ ಉತ್ತರ ಕುಮಾರ: ಸಿದ್ದರಾಮಯ್ಯ ವ್ಯಂಗ್ಯ

2010-05-30T10:22:00.000+05:30

ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಉತ್ತರ ಕುಮಾರ ಎಂದು ವ್ಯಂಗ್ಯವಾಡಿರುವ ವಿಧಾನಸಭೆ ವಿರೋಧ ಪಕ್ಷದ ನಾಯಕ ಸಿದ್ದರಾಮಯ್ಯ ಅವರು ಅಕ್ರಮ ಗಣಿಗಾರಿಕೆಯಲ್ಲಿ ಮುಖ್ಯಮಂತ್ರಿಗಳ ಪಾಲು ಇದೆ ಎಂದು ಮತ್ತೊಮ್ಮೆ ಆರೋಪಿಸಿದ್ದಾರೆ.

ಅಕ್ರಮ ಗಣಿಗಾರಿಕೆಯಲ್ಲಿ ಮುಖ್ಯಮಂತ್ರಿಗಳ ಪಾಲು ಇರುವುದರಿಂದ ಅಕ್ರಮ ಗಣಿಗಾರಿಕೆ ನಡೆಸುವವರ ವಿರುದ್ಧ ಕ್ರಮ ಕೈಗೊಳ್ಳಲು ಮೀನಾಮೇಷ ಎಣಿಸುತ್ತಿದ್ದಾರೆ ಎಂದು ದೂರಿದರು.

ಹಾಗಾಗಿ ಸಾರ್ವಜನಿಕವಾಗಿ ಮಾತನಾಡುವಾಗ ಉತ್ತರ ಕುಮಾರನಂತೆ ಮಾತನಾಡುವ ಮುಖ್ಯಮಂತ್ರಿಗಳು, ಸಂಪುಟದ ಸಚಿವರು ಮತ್ತು ಶಾಸಕರಿಗೆ ಮುಖ್ಯಮಂತ್ರಿಗಳ ಕೃಪಾಕಟಾಕ್ಷವಿದೆ ಎಂದರು.

ರಾಜ್ಯಸಭೆ ಮತ್ತು ವಿಧಾನಪರಿಷತ್ ಚುನಾವಣೆಯ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾಗಾಂಧಿ ಅವರೊಂದಿಗೆ ನವದೆಹಲಿಯಲ್ಲಿ ಚರ್ಚೆ ನಡೆಸಿ ವಾಪಸ್ಸಾದ ನಂತರ ಅವರು ಸುದ್ದಿಗಾರರೊಂದಿಗೆ ಮಾತನಾಡುತ್ತ, ಯಡಿಯೂರಪ್ಪ ವಿರುದ್ಧ ವಾಗ್ದಾಳಿ ನಡೆಸಿದರು.

ಶೋಯಿಬ್ ಮಲೀಕ್ ಮೇಲಿನ ನಿಷೇಧ ವಾಪಸ್

2010-05-30T10:20:00.000+05:30

ಅಚ್ಚರಿ ಬೆಳವಣಿಗೆಯೊಂದರಲ್ಲಿ ಕ್ರಿಕೆಟಿಗ ಶೋಯಿಬ್ ಮಲೀಕ್ ಮೇಲೆ ಹೇರಲಾಗಿದ್ದ ಒಂದು ವರ್ಷದ ನಿಷೇಧವನ್ನು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ವಾಪಸ್ ಪಡೆದುಕೊಂಡಿದೆ.

ಈ ಹಿಂದೆ ಆಸ್ಟ್ರೇಲಿಯಾ ಪ್ರವಾಸದಲ್ಲಿನ ಕಳಪೆ ಪ್ರದರ್ಶನ ಮತ್ತು ಅಶಿಸ್ತಿನ ವರ್ತನೆಯ ಹಿನ್ನಲೆಯಲ್ಲಿ ಕಠಿಣ ಶಿಸ್ತು ಕ್ರಮಕ್ಕೆ ಮುಂದಾಗಿದ್ದ ಪಿಸಿಬಿ, ಮಲೀಕ್ ಮೇಲೆ ಒಂದು ವರ್ಷದ ನಿಷೇಧ ಹೇರಿತ್ತಲ್ಲದೆ 20 ಲಕ್ಷ ರೂಪಾಯಿ ದಂಡ ಕೂಡಾ ವಿಧಿಸಲಾಗಿತ್ತು.

ಆದರೆ ಇದೀಗ ನಿಷೇಧ ಹಿಂಪಡೆದ ಹಿನ್ನಲೆಯಲ್ಲಿ ಒಟ್ಟು ದಂಡದ ಅರ್ಧದಷ್ಟು ಪಾವತಿಸಿದರೆ ಸಾಕಗುತ್ತದೆ ಎಂದು ಪಿಸಿಬಿ ತಿಳಿಸಿದೆ.

ತಂಡದ ಕೆಲವು ಆಟಗಾರರು ಬೇಡಿಕೆಯಿರಿಸಿದ್ದರ ಹಿನ್ನಲೆಯಲ್ಲಿ ಪಿಸಿಬಿ ಈ ಕ್ರಮಕ್ಕೆ ಮುಂದಾಗಿದೆ ಎಂದು ತಿಳಿದು ಬಂದಿದೆ.

ಕೆಲವು ವಾರಗಳ ಹಿಂದೆಯಷ್ಟೇ ತನ್ನ ಮೇಲೆ ಕೈಗೊಂಡಿರುವ ಶಿಸ್ತು ಕ್ರಮವನ್ನು ಪ್ರಶ್ನಿಸಿ ಮಲಿಕ್ ಪಿಸಿಬಿ ವಿಚಾರಣಾ ಸಮಿತಿಗೆ ಮೇಲ್ಮನವಿ ಸಲ್ಲಿಸಿದ್ದರು.

ಒಟ್ಟಿನಲ್ಲಿ ನಿಷೇಧದ ಹಿಂತೆಗೆತದಿಂದಾಗಿ ಮಲೀಕ್ ಇದೀಗ ರಿಲೀಫ್ ಸಿಕ್ಕಿದಂತಾಗಿದ್ದು, ಆಡಲು ಮುಕ್ತವಾಗಿದ್ದಾರೆ.

ರೆಬೆಲ್ ಸ್ಟಾರ್, ಕ್ರೇಜಿ ಸ್ಟಾರ್‌ಗೆ ಹ್ಯಾಪಿ ಬರ್ತ್‌ಡೇ

2010-05-30T10:16:00.000+05:30

ಕನ್ನಡ ಚಿತ್ರರಂಗದ ಪಾಲಿಗೆ ಈ ತಿಂಗಳಾಂತ್ಯದ ಎರಡು ದಿನ ಅತ್ಯಂತ ಮಹತ್ವಪೂರ್ಣವಾದುದು. ಚಿತ್ರ ಅಭಿಮಾನಿಗಳಿಗಂತೂ, ಡಬಲ್ ಧಮಾಕಾ.

ಏಕೆಂದರೆ ಕನ್ನಡ ಚಿತ್ರರಂಗದ ಇಬ್ಬರು ಹಿರಿಯ ಹಾಗೂ ಮೇರು ನಟರ ಜನ್ಮದಿನಗಳಿವು. ಇದನ್ನು ಅದೃಷ್ಟ ಅನ್ನುವುದೋ, ಕೋ ಇನ್ಸಿಡೆನ್ಸ್ ಎಂದು ಹೇಳುವುದೋ ಗೊತ್ತಿಲ್ಲ. ಶನಿವಾರ ರೆಬೆಲ್ ಸ್ಟಾರ್ ಅಂಬರೀಶ್ ಮತ್ತು ಭಾನುವಾರ ಕ್ರೇಜಿ ಸ್ಟಾರ್ ರವಿಚಂದ್ರನ್ ಹುಟ್ಟುಹಬ್ಬದ ಸಡಗರ.

ರೆಬೆಲ್ ಸ್ಟಾರ್ ಹೆಸರಿನಿಂದ ಕನ್ನಡ ಅಭಿಮಾನಿಗಳಿಗೆ ಪರಿಚಯವಾಗಿರುವ ಅಂಬರೀಶ್, ಖಳನಾಯಕನಾಗಿ ಚಿತ್ರರಂಗ ಪ್ರವೇಶಿಸಿ ನಾಯಕರಾಗಿ ವೈಭವಿಸಿದವರು. ಈ ಮಂಡ್ಯದ ಗಂಡು ತಮ್ಮ ಬದುಕಿನಲ್ಲಿ ಕಂಡ ಏಳು ಬೀಳುಗಳು ಅನೇಕ.ರಾಜಕೀಯ ಹಾಗೂ ಚಿತ್ರರಂಗ ಎರಡರಲ್ಲೂ ಪಯಣಿಸಿ ಯಶಸ್ವಿಯಾದ ಇವರು ಈಗ ರಾಜಕೀಯ ಹಿನ್ನಡೆಯ ಪರಿಣಾಮ ಚಿತ್ರ ಬದುಕಿನಲ್ಲಿ ಮುಂದುವರಿಯುವ ನಿರ್ಧಾರಕ್ಕೆ ಬಂದಿದ್ದಾರೆ.

ಕನ್ನಡ ಚಿತ್ರ ರಂಗದ ನಾಯಕರಲ್ಲಿ ಅತ್ಯಂತ ಹಿರಿಯ ನಾಯಕ ಇವರು. ಸದ್ಯ ಸುದೀಪ್ ಅವರ ವೀರ ಪರಂಪರೆಯಲ್ಲಿ ನಟಿಸುತ್ತಿದ್ದು, ಸಿಕ್ಕಾಪಟ್ಟೆ ಬ್ಯುಸಿ ಕೂಡ. ಅಂತ, ಕಲಿಯುಗ ಕರ್ಣ ಮುಂತಾದ ಚಿತ್ರಗಳ ಮೂಲಕ ಹೆಸರು ಮಾಡಿರುವ ಈ ನಟನಿಗೆ ಮೇ 29ರಂದು ಹುಟ್ಟು 59ನೇ ಹಬ್ಬದ ಸಡಗರ. ಅವರ ಬೆಂಗಳೂರು ನಿವಾಸದಲ್ಲಿ ಅಭಿಮಾನಿಗಳ ದಂಡೇ ನೆರೆದು ಶುಭಾಶಯ ಹೇಳುತ್ತಿದೆ. ಹ್ಯಾಪಿ ಬರ್ತ್‌ಡೇ ಅಂಬಿ ಸಾರ್.

ಮತ್ತೊಂದೆಡೆ, ಹೂ ಚಿತ್ರದ ಬಿಡುಗಡೆ ನಿರೀಕ್ಷೆಯಲ್ಲಿರುವ ನಟ ರವಿಚಂದ್ರನ್‌ಗೆ ಮೇ 30ರಂದು 49ನೇ ಹುಟ್ಟು ಹಬ್ಬದ ಸಂಭ್ರಮ. ಪ್ರೇಮಲೋಕದಿಂದ ಹೂವರೆಗೆ ಪಯಣಿಸಿರುವ ಇವರು ನಾಯಕರಾಗಿ ಅಭಿನಯಿಸಿದ ಅದೆಷ್ಟೋ ಸಿನಿಮಾಗಳು ಹೆಸರು ಮಾಡಿವೆ. ಬೇರೆ ಭಾಷೆಗಳ ಸುಂದರಿಯರನ್ನೆಲ್ಲಾ ಕನ್ನಡಕ್ಕೆ ಪರಿಚಯಿಸುತ್ತಾ, ಅತ್ಯಂತ ಅದ್ದೂರಿ ಚಿತ್ರಗಳ ನಿರ್ಮಿಸುತ್ತಾ ಗಮನ ಸೆಳೆದಿರುವ ರವಿಚಂದ್ರನ್ ಅವರಿಗೂ ನಮ್ಮಿಂದ, ನಿಮ್ಮಿಂದ ಶುಭಾಶಯಗಳು.

ರೈಲ್ವೇ ಹಳಿ ಸ್ಫೋಟ: ಎಫ್‌ಐಆರ್‌ನಲ್ಲಿ ಮಾವೋಗಳ ಹೆಸರೇ ಇಲ್ಲ!

2010-05-30T10:07:00.000+05:30

ಪಶ್ಚಿಮ ಮಿಡ್ನಾಪುರದಿಂದ ಮುಂಬೈಗೆ ಬರುತ್ತಿದ್ದ ಜ್ಞಾನೇಶ್ವರಿ ಏಕ್ಸ್‌ಪ್ರೆಸ್‌ ರೈಲು ಹಳಿ ಸ್ಫೋಟಗೊಂಡ ಪರಿಣಾಮ ಗೂಡ್ಸ್‌ ರೈಲಿಗೆ ಡಿಕ್ಕಿ ಹೊಡೆದು ಸಂಭವಿಸಿ ನೂರು ಮಂದಿ ಸಾವನ್ನಪ್ಪಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ರೈಲ್ವೆ ಇಲಾಖೆ ಎಫ್ಐಆರ್ ದಾಖಲಿಸಿದೆ. ಆದರೆ ಎಫ್ಐಆರ್‌ನಲ್ಲಿ ಮಾವೋವಾದಿಗಳ ಹೆಸರು ದಾಖಲಾಗಿಲ್ಲ.

ಘಟನೆ ಕುರಿತಂತೆ ಜ್ಞಾನೇಶ್ವರಿ ಸೂಪರ್ ಡಿಲಕ್ಸ್ ಎಕ್ಸ್‌ಪ್ರೆಸ್ ರೈಲಿನ ಚಾಲಕ ಬಿ.ದಾಶ್ ಅವರು ಗವರ್ನ್‌ಮೆಂಟ್ ರೈಲ್ವೇ ಪೊಲೀಸ್(ಜಿಆರ್‌ಪಿ)ಗೆ ದೂರು ಸಲ್ಲಿಸಿದ್ದಾರೆ. ದೂರಿನಲ್ಲಿ ಅಪರಿಚಿತ ವ್ಯಕ್ತಿಗಳು ಎಂದಷ್ಟೇ ದಾಖಲಿಸಲಾಗಿದೆ.ಎಫ್‌ಐಆರ್‌ನಲ್ಲಿ ಮಾವೋವಾದಿಗಳ ಶಾಮೀಲಿನಿಂದ ಈ ಘಟನೆ ಸಂಭವಿಸಿದೆ ಎಂಬ ಉಲ್ಲೇಖ ಇಲ್ಲ, ರೈಲು ಹಳಿ ತಪ್ಪುವ ಮುನ್ನ ಭಾರೀ ಶಬ್ದ ಕೇಳಿ ಬಂದಿತ್ತು ಎಂದಷ್ಟೇ ಚಾಲಕ ಎಫ್‌ಐಆರ್‌ನಲ್ಲಿ ತಿಳಿಸಿದ್ದಾರೆ.

ಜ್ಞಾನೇಶ್ವರಿ ಸೂಪರ್ ಡಿಲಕ್ಸ್ ರೈಲು ಶುಕ್ರವಾರ ರಾತ್ರಿ 1.30ಕ್ಕೆ ಮುಂಬೈಗೆ ಆಗಮಿಸುತ್ತಿದ್ದ ವೇಳೆ ಖೇಮಾಸೋಲಿ ಮತ್ತು ಸಾರ್ಡಿಯಾ ನಿಲ್ದಾಣ ಸಮೀಪ ಶಂಕಿತ ಮಾವೋವಾದಿಗಳು ರೈಲ್ವೆ ಹಳಿಯನ್ನು ಸ್ಫೋಟಿಸಿದ ಪರಿಣಾಮ ಅದು ಗೂಡ್ಸ್ ರೈಲಿಗೆ ಡಿಕ್ಕಿ ಹೊಡೆದು, ಸುಮಾರು ನೂರು ಮಂದಿ ಸಾವಿಗೆ ಕಾರಣವಾಗಿತ್ತು. ಈ ಘಟನೆಯ ಹಿಂದೆ ಮಾವೋವಾದಿಗಳ ಕೈವಾಡ ಇರುವುದಾಗಿ ಆರಂಭಿಕವಾಗಿ ರೈಲ್ವೆ ಸಚಿವೆ ಮಮತಾ ಬ್ಯಾನರ್ಜಿ ಮತ್ತು ಪೊಲೀಸ್ ಅಧಿಕಾರಿಗಳು ಆರೋಪಿಸಿದ್ದರು.

ಅಲ್ಲದೇ ಘಟನಾ ಸ್ಥಳದಲ್ಲಿಯೂ ಮಾವೋ ಬೆಂಬಲಿತ ಪೀಪಲ್ಸ್ ಕಮಿಟಿ ಆಗೈನೆಸ್ಟ್ ಪೊಲೀಸ್ ಅಟ್ರೋಸಿಟಿಸ್ ಎಂಬ ಬುಡಕಟ್ಟು ಗುಂಪಿನ ಕರಪತ್ರವನ್ನು ಪೊಲೀಸ್ ಅಧಿಕಾರಿಗಳು ಪತ್ತೆ ಹಚ್ಚಿದ್ದರು. ರೈಲು ಹಳಿ ಸ್ಫೋಟಿಸಿದ ಹೊಣೆಯನ್ನು ತಾವೇ ಹೊತ್ತುಕೊಂಡಿರುವುದಾಗಿಯೂ ಈ ಸಂಘಟನೆ ಹೇಳಿಕೆ ನೀಡಿತ್ತು.

ಬೆಳ್ಳಾರೆ : ವಿದ್ಯಾರ್ಥಿನಿ ಈಗ ಜನಪ್ರತಿನಿಧಿ!

2010-05-29T13:35:00.000+05:30

ಸುಳ್ಯ, ಮೇ 28: ರಾಜಕಾರಣಿಯಾಗಿ ಜನಪ್ರತಿನಿಗಳಾಗಿ ಪರೀಕ್ಷೆ ಬರೆದು ಪದವಿ ಸಂಪಾದಿಸಿದ ಕಥೆ ಕೇಳಿದ್ದೀರಿ. ಆದರೆ ವಿದ್ಯಾರ್ಥಿ ಜೀವನದಲ್ಲೇ ಜನಪ್ರತಿನಿಧಿಗಳಾಗುವುದು ಬಲು ಅಪರೂಪ. ಅಂಥದ್ದೊಂದು ಸಾಧನೆ ಮಾಡಿದ ಕೀರ್ತಿ ಈ ಡಿಪ್ಲೊಮಾ ವಿದ್ಯಾರ್ಥಿನಿ ಸವಿತಾರಿಗೆ ಸಲ್ಲಬೇಕು.

ಗ್ರಾ.ಪಂ. ಚುನಾವಣೆಯಲ್ಲಿ ವಿಜಯ ಸಾಧಿಸಿದ ಹೆಮ್ಮೆ ಯಿಂದ ಕೆ.ವಿ.ಜಿ. ಎಂಜಿನಿಯರಿಂಗ್ ಕಾಲೇಜಿನ ಮತ ಎಣಿಕೆ ಕೇಂದ್ರದಿಂದ ಹೊರಗೆ ಬರುತ್ತಿದ್ದಂತೆ ಸವಿತಾರ ಕಣ್ಣುಗಳಲ್ಲಿ ಭವಿಷ್ಯದ ಕನಸು, ಹೊಸ ನಿರೀಕ್ಷೆ. ದಿನಂಪ್ರತಿ ಈಕೆ ಓಡಾಡುವ ಕ್ಯಾಂಪಸ್ ತುಂಬಾ ಖುಷಿ.

ಸವಿತಾ ಕಾಲೇಜು ಕ್ಯಾಂಪಸ್‌ನಿಂದ ರಾಜಕೀಯ ಪಡಸಾಲೆಗೆ ಬಂದಿದ್ದಾರೆ. ಗ್ರಾ.ಪಂ. ಚುನಾವಣಾ ಪರೀಕ್ಷೆಯಲ್ಲಿ ಪಾಸೂ ಆಗಿದ್ದಾರೆ. ಇದೀಗ ಕಾಲೇಜು ಪರೀಕ್ಷೆ ಎದುರಿಸುತ್ತಿದ್ದಾರೆ.

ಅತ್ಯಂತ ಕಿರಿಯ ವಯಸ್ಸಿನಲ್ಲೇ ಬೆಳ್ಳಾರೆ ಗ್ರಾ.ಪಂ.ನ ಪೆರುವಾಜೆ ವಾರ್ಡ್ ಜನಪ್ರತಿನಿಯಾಗಿ ಆಯ್ಕೆಗೊಂಡಿ ರುವ ಸವಿತಾ, ಪೆರುವಾಜೆ ಗ್ರಾಮದ ನೀರ್ಕಜೆ ಲಿಂಗಪ್ಪ ಗೌಡ - ಸಾವಿತ್ರಿ ದಂಪತಿಯ ಮಕ್ಕಳಲ್ಲಿ ಎರಡನೆಯವರು.

ವಿಶೇಷವೆಂದರೆ ಇದು ಸವಿತಾ ಮತ ಚಲಾಯಿಸಿದ ಪ್ರಥಮ ಗ್ರಾ.ಪಂ. ಚುನಾವಣೆ. ಈಕೆಯ ಮೊದಲ ಪಂಚಾಯತ್ ಮತವೇ ಈಕೆಗೆ. ಇಂಥ ಪ್ರಕ್ರಿಯೆ ನಿಜಕ್ಕೂ ಅಪರೂಪ. ಸವಿತಾ ಪ್ರಥಮವಾಗಿ ಮತ ಚಲಾಯಿಸಿದ್ದು ಕಳೆದ ಲೋಕಸಭೆ ಚುನಾವಣೆಯಲ್ಲಿ. ಸವಿತಾಗೆ ಈಗ ಕೇವಲ 21 ವರ್ಷ.
ಮುಕ್ಕೂರು ಶಾಲೆಯಲ್ಲಿ ಪ್ರಾಥಮಿಕ ಶಿಕ್ಷಣ, ಕಾಣಿಯೂರಿ ನಲ್ಲಿ ಪ್ರೌಢ ಶಿಕ್ಷಣ, ಬೆಳ್ಳಾರೆ ಪ.ಪೂ.ಕಾಲೇಜಿನಲ್ಲಿ ಪದವಿ ಪೂರ್ವ ಶಿಕ್ಷಣ ಪಡೆದ ಸವಿತಾ, ಪ್ರಸ್ತುತ ಸುಳ್ಯ ಕೆವಿಜಿ ಪಾಲಿಟೆಕ್ನಿಕ್ ಕಾಲೇಜಿನಲ್ಲಿ ಎಲೆಕ್ಟ್ರಿಕಲ್ ಮತ್ತು ಎಲೆಕ್ಟ್ರೋನಿಕ್ಸ್ ವಿಭಾಗದ ಅಂತಿಮ ವರ್ಷದ ವಿದ್ಯಾರ್ಥಿನಿ.

ಸಮಾಜ ಸೇವೆಯ ಕನಸು ಹೊಂದಿರುವ ಸವಿತಾ ಶಿಕ್ಷಣದ ಯಾವುದೇ ಹಂತಗಳಲ್ಲೂ ನಾಯಕಿಯಾದವರಲ್ಲ. ಆದರೆ ಇದೀಗ ಜನನಾಯಕಿಯಾಗಿದ್ದಾರೆ.
ಇತ್ತೀಚಿನವರೆಗೂ ಬಿಜೆಪಿಯ ಸಕ್ರಿಯ ಬೆಂಬಲಿಗರು ಮತ್ತು ಕಾರ್ಯಕರ್ತರಾಗಿದ್ದ ಈಕೆಯ ಕುಟುಂಬ ಈ ಬಾರಿಯಿಂದ ‘ಕೈ’ಗೆ ಜೈ ಎಂದವರು. ಯಾಕೆ ಅಂತ ಕೇಳಿದರೆ ಸವಿತಾ ಹೇಳುತ್ತಾರೆ-‘ಗ್ರಾಮ ಮಟ್ಟದ ಸವಲತ್ತು ನೀಡು ವಲ್ಲಿಯೂ ಪಕ್ಷ ನೋಡಬಾರದು. ಹಾಗಾದಲ್ಲಿ ಜನಸೇವೆ ಮಾಡಲಾಗುವುದಿಲ್ಲ’.

‘ಡಿಪ್ಲೊಮಾ ಪದವಿ ಪೂರ್ಣಗೊಂಡ ಬಳಿಕ ಶಿಕ್ಷಣ ನಿಲ್ಲಿಸುತ್ತೇನೆ. ಹಾಗಾಗಿ ಜನಸೇವೆಗೆ ಸಮಯ ಸಿಗುತ್ತದೆ. ಈಗೇನಿದ್ದರೂ ಪರೀಕ್ಷೆಯೆಡೆಗೆ ಗಮನ ಎಂದರು ಸವಿತಾ.

ಅಧ್ಯಕ್ಷ ಸ್ಥಾನ ದೊರೆತರೆ?: ಇಂಥದ್ದೊಂದು ಪ್ರಶ್ನೆಯನ್ನು ಮುಂದಿರಿಸಿದಾಗ ‘ಅಧ್ಯಕ್ಷ ಸ್ಥಾನ ದೊರೆತರೆ ಖಂಡಿತ ಸ್ವೀಕರಿಸುವೆ. ಕೆಲಸ ಮಾಡುವ ಸಾಮರ್ಥ್ಯ ನನಗಿದೆ. ಮೀಸಲಾತಿ ಬಂದರೆ ನನ್ನ ಇಚ್ಚೆ ಯನ್ನು ನಾಯಕರ ಮುಂದೆಯೂ ಇಡುತ್ತೇನೆ’ ಎನ್ನುತ್ತಾರೆ ಸವಿತಾ.
ಗ್ರಾ.ಪಂ.ಚುನಾವಣೆಯಲ್ಲಿ ಸವಿತಾರ ಚಿಹ್ನೆ ‘ಕೊಡೆ’ ಯಾಗಿತ್ತು. ತನ್ನ ಪ್ರತಿಸ್ಪರ್ಗಿಂತ 50 ಅಕ ಮತ ಪಡೆದು ಸವಿತಾ ವಿಜಯಿಯಾಗಿದ್ದಾರೆ.

ಪ್ರಚಾರ ಬಯಸಿ ಸಹಾಯ ಮಾಡಿಲ್ಲ: ಅಪಪ್ರಚಾರದಿಂದ ನೊಂದ ಶಮೀರ್

2010-05-29T13:34:00.000+05:30

ವಿಮಾನ ದುರಂತ: ಗಾಯಾಳುಗಳಿಗೆ ನೆರವು
ಮಂಗಳೂರು, ಮೇ 28: ಬಜಪೆಯಲ್ಲಿ ಸಂಭವಿಸಿದ ಭೀಕರ ವಿಮಾನ ದುರಂತದಲ್ಲಿ ಜೀವ ವುಳಿಸಿಕೊಂಡವರಿಗೆ ಸಹಾಯ ಮಾಡಿರುವುದು ಪ್ರಚಾರ ಬಯಸಿ ಅಲ್ಲ. ಆದರೆ ತನ್ನ ಬಗ್ಗೆ ಸತೀಶ್ ದೇವಾಡಿಗ ಎಂಬವರು ಮಾಧ್ಯಮಗಳ ಮುಂದೆ ಅಪಪ್ರಚಾರ ಮಾಡಿರು ವುದರಿಂದ ನೊಂದಿರುವುದಾಗಿ ದುರಂತದ ಮೊದಲ ಪ್ರತ್ಯಕ್ಷದರ್ಶಿ ಮುಹಮ್ಮದ್ ಶಮೀರ್ ಇಂದು ಪತ್ರಿಕಾಗೋಷ್ಠಿಯಲ್ಲಿ ನುಡಿದರು.

ಘಟನೆಯ ಬಗ್ಗೆ ತಾನು ಪೊಲೀಸರಿಗೆ ಪ್ರಥಮ ಮಾಹಿತಿ ನೀಡಿರುವುದಕ್ಕೆ ದಾಖಲೆಗಳಿವೆ. ಅದನ್ನು ಪೊಲೀಸರೇ ಮಾಧ್ಯಮಗಳಿಗೆ ತಿಳಿಸಿದ್ದು, ಮಾಧ್ಯಮದವರೇ ತನ್ನನ್ನು ಹುಡುಕಿಕೊಂಡು ಬಂದರೇ ವಿನಃ ತಾನಾಗಿ ಯಾರ ಬಳಿಯೂ ಹೋಗಿಲ್ಲ ಎಂದರು.
ಮೇ 26ರಂದು ಸತೀಶ್ ದೇವಾಡಿಗ ಎಂಬವರು ಪತ್ರಿಕಾಗೋಷ್ಠಿ ಕರೆದು ಮುಹಮ್ಮದ್ ಶಮೀರ್ ಮರವೂರು ಪತ್ರಿಕೆಗಳಿಗೆ ಸುಳ್ಳು ಮಾಹಿತಿ ನೀಡಿದ್ದಾರೆ ಎಂದು ಆರೋಪಿಸಿರುವುದರಿಂದ ತನಗೆ ನೋವಾಗಿದೆ. ತಾನು ರಕ್ಷಿಸಿದ ಜನರು ಸಾಕ್ಷಿಯಾಗಿದ್ದಾರೆ. ತನ್ನೊಂದಿಗೆ ಶರೀಫ್ , ನೌಶಾದ್ ಕೂಡಾ ಗಾಯಾಳುಗಳನ್ನು ರಕ್ಷಿಸಿದ್ದಾರೆ ಎಂದು ಶಮೀರ್ ತಿಳಿಸಿದ್ದಾರೆ.

ದುರಂತ ಸಂಭವಿಸಿದ 15 ನಿಮಿಷದೊಳಗೆ ನಾವು ಘಟನಾ ಸ್ಥಳಕ್ಕೆ ತಲುಪಿದ್ದೇವೆ. ಆ ವೇಳೆ ಮರದ ಕೊಂಬೆಗಳ ನಡುವೆ ಸಿಕ್ಕಿಕೊಂಡು ಬೊಬ್ಬೆ ಹಾಕುತ್ತಿದ್ದ ಡಾ. ಸಬ್ರಿನಾ ರನ್ನು ತಾನು ಮುಹಮ್ಮದ್ ಬಾವ, ನೌಶಾದ್, ಅಶ್ರ ಎಂಬವರು ಕೆಳಗಿಳಿಸಿ ನಮ್ಮ ಹಿಂದಿನಿಂದ ಬಂದ ಜನರಿಗೆ ಒಪ್ಪಿಸಿದೆವು. ಇನ್ನಿಬ್ಬರು ಗಾಯಾಳುಗಳಾದ ಅಬ್ದುಲ್ಲ ಸಾಮೆತ್ತಡ್ಕ ಮತ್ತು ಉಳ್ಳಾಲದ ಫಾರೂಕ್‌ರನ್ನು ಕೆ.ಎಚ್.ಶರೀಫ್ ಆಸ್ಪತ್ರೆಗೆ ಸಾಗಿಸುವಲ್ಲಿ ಶ್ರಮಿಸಿದ್ದಾರೆ. ಅವರಿಗೆ ಫ್ರಾನ್ಸಿಸ್ ಮತ್ತು ರಿಕ್ಷಾ ಚಾಲಕ ಈಶ್ವರ ಎಂಬವರು ನೆರವಾಗಿದ್ದರು ಎಂದು ಶಮೀರ್ ತಿಳಿಸಿದರು.

ತನ್ನನ್ನು ಪೊಲೀಸ್ ಕಮಿಶನರ್ ಅಭಿನಂದಿಸಿದ್ದಲ್ಲದೆ ಪುರಸ್ಕಾರ ಕೂಡಾ ಘೋಷಿಸಿದ್ದಾರೆ. ತನ್ನ ಬಗ್ಗೆ ಸತೀಶ್ ಮಾಧ್ಯಮಗಳಲ್ಲಿ ನೀಡಿರುವ ಮಾಹಿತಿ ಸತ್ಯಕ್ಕೆ ದೂರವಾದುದು ಎಂಬುದು ಇದರಿಂದ ಮನದಟ್ಟಾಗುತ್ತದೆ. ನನ್ನಂತೆ ಊರಿನ ಅನೇಕ ಮಂದಿ ಮಾನವೀಯ ದೃಷ್ಟಿಯಿಂದ ಕೆಲಸ ಮಾಡಿದ್ದಾರೆ. ಆದರೆ ‘ಗಾಯಾಳುಗಳನ್ನು ರಕ್ಷಿಸಿದ್ದು ನಾವು, ನಮ್ಮನ್ನು ಗುರುತಿಸಿ’ ಎಂದು ಸತೀಶ್ ದೇವಾಡಿಗ ಹೇಳಿದ್ದು ಖೇದಕರ ಎಂದು ಅವರು ನುಡಿದರು. ಪತ್ರಿಕಾಗೋಷ್ಠಿಯಲ್ಲಿ ಕೆ.ಎಚ್.ಶರೀಫ್ ಮತ್ತು ನೌಶಾದ್ ಉಪಸ್ಥಿತರಿದ್ದರು.

ಟಯ್ಲರ್, ಇರ್ವಿನ್ ಆಟ: ಭಾರತದ ‘ಹಸುಳೆ’ಗಳಿಗೆ ಸೋಲು

2010-05-29T13:29:00.000+05:30

*ಭಾರತ ತಂಡಕ್ಕೆ 6 ವಿಕೆಟ್‌ಗಳ ಸೋಲು *ರೋಹಿತ್ ಶತಕ ವ್ಯರ್ಥ *ಸೊರಗಿದ ಬೌಲಿಂಗ್ ಪಡೆ

ಬುಲಾವಯೊ, ಮೇ 28: ಹಿರಿಯರಿಗೆ ವಿಶ್ರಾಂತಿ ನೀಡಿ, ಗೆದ್ದು ಬರುವ ಹುಮ್ಮಸ್ಸಿನಿಂದ ಜಿಂಬಾಬ್ವೆ ತ್ರಿಕೋನ ಸರಣಿಗೆ ತೆರಳಿದ್ದ ಭಾರತದ ಹಸುಳೆಗಳ ತಂಡ ಮೊದಲ ಹೆಜ್ಜೆಯಲ್ಲಿಯೆ ಜಿಂಬಾಬ್ವೆಯಲ್ಲಿ ಎಡವಿದೆ.ರೋಹಿತ್ ಶರ್ಮಾ ಶತಕದ ನೆರವಿನಿಂದ ಭಾರತ ಸಮಾಧಾನಕರ ರನ್ ಕೂಡಿ ಹಾಕಿದ್ದರೂ, ಬೌಲಿಂಗ್ ಪಡೆ ಸೊರಗಿದ ಹಿನ್ನೆಲೆಯಲ್ಲಿ ಇಲ್ಲಿ ಇಂದು ನಡೆದ ತ್ರಿಕೋನ ಸರಣಿಯ ಏಕದಿನ ಪಂದ್ಯದಲ್ಲಿ ಭಾರತ ತಂಡವನ್ನು ಜಿಂಬಾಬ್ವೆ 6ವಿಕೆಟ್‌ಗಳಿಂದ ಸೋಲಿಸಿದೆ. ಇದರೊಂದಿಗೆ ಸರಣಿಯಲ್ಲಿ ಮೊದಲ ಗೆಲುವಿನೊಂದಿಗೆ ಜಿಂಬಾಬ್ವೆ ಶುಭಾರಂಭ ಮಾಡಿದೆ.

ಗೆದ್ದವರ ಹಿಂದೆ... ವಿಜಯದ ರನ್ ಬಾರಿಸಿ ಜಿಂಬಾಬ್ವೆಯ ದಾಂಡಿಗ ಕ್ರೆಗ್ ಇರ್ವಿನ್ ಪೆವಿಲಿಯನ್‌ಗೆ ದಾವಿಸುತ್ತಿರುವಾಗ ಅವರೊಂದಿಗೆ ಹೆಜ್ಜೆಯಿರಿಸುತ್ತಿರುವ ಮೊದಲ ಸೋಲಿನ ಆಘಾತ ಅನುಭವಿಸಿದ ಭಾರತ ತಂಡದ ನಾಯಕ ಸುರೇಶ್ ರೈನಾ.

ಭಾರತ ಗೆಲ್ಲಲು ವಿಧಿಸಿದ 286 ರನ್‌ಗಳ ಸವಾಲನ್ನು ಬೆನ್ನಟ್ಟಿದ ಜಿಂಬಾಬ್ವೆ ಬ್ರೆಂಡನ್ ಟಯ್ಲರ್ ಹಾಗೂ ಕ್ರೇಗ್ ಇರ್ವಿನ್ ನೆರವಿನಿಂದ 48.2 ಓವರ್‌ಗಳಲ್ಲಿ 289 ರನ್ ಬಾರಿಸಿ ಸುಲಭ ಜಯ ಸಾಧಿಸಿದೆ. ಸುರೇಶ ರೈನಾ ನಾಯಕತ್ವದ ಯುವ ಆಟಗಾರರನ್ನೊಳಗೊಂಡ ಭಾರತ ತಂಡ ಮೊದಲ ಸೋಲು ಅನುಭವಿಸಿತು.

ಕ್ರೆಗ್ ಇರ್ವಿನ್ (ಅಜೇಯ 67) ಸೇರಿದಂತೆ ಜಿಂಬಾಬ್ವೆ ತಂಡದ ಎಲ್ಲ ಆಟಗಾರರು ಉತ್ತಮ ಕೊಡುಗೆ ನೀಡಿದ ಪರಿಣಾಮವಾಗಿ ತಂಡಕ್ಕೆ ಅರ್ಹ ಜಯ ದೊರೆತಿದೆ. ಬ್ರೆಂಡನ್ ಟಯ್ಲರ್ 81(103 ಎಸೆತ, 4 ಬೌಂಡರಿ, 2 ಸಿಕ್ಸರ್) ರನ್ ಮಾಡಿ ಜಿಂಬಾಬ್ವೆಯ ಗೆಲುವಿನ ಹಾದಿಯನ್ನು ಸುಗಮಗೊಳಿಸಿದರು. ಅದರಲ್ಲೂ ಇರ್ವಿನ್ ಮತ್ತು ನಾಯಕ ಎಲ್ಟನ್ ಚಿಗುಂಬುರ (ಅಜೇಯ 24) ಐದನೆ ವಿಕೆಟ್‌ಗೆ 58 ರನ್ ಮಾಡಿ ಪಂದ್ಯವನ್ನು ಜಿಂಬಾಬ್ವೆಯ ಕಡೆಗೆ ತಿರುಗಿಸಿದರು ಎಂದು ಹೇಳಬಹುದು.

ಭಾರತ ವಿಧಿಸಿದ ಸವಾಲಿಗೆ ಉತ್ತರವಾಗಿ ಬ್ಯಾಟ್ ಮಾಡಿದ ಜಿಂಬಾಬ್ವೆ ಮೊದಲ ವಿಕೆಟ್‌ಗೆ 88 ರನ್ ಮಾಡಿತ್ತು. ಇನಿಂಗ್ಸ್ ಆರಂಭಿಸಿದ ಹ್ಯಾಮಿಲ್ಟನ್ ಮಸ್‌ಕಝ ಮತ್ತು ಬ್ರೆಂಡನ್ ಟಯ್ಲರ್ ತಂಡಕ್ಕೆ ಉತ್ತಮ ಅಡಿಪಾಯ ಹಾಕಿಕೊಟ್ಟರು.ಮೊದಲ ಬಾರಿಗೆ ಏಕದಿನ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಪಾದಾರ್ಪಣೆ ಮಾಡಿದ ಭಾರತದ ಬೌಲರ್ ಗಳಾದ ವಿನಯ ಕುಮಾರ್, ಅಶೋಕ್ ದಿಂಡಾ, ಉಮೇಶ್ ಯಾದವ್ ಇವರೆಲ್ಲರೂ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸುವಲ್ಲಿ ವಿಫಲರಾದರು.

ಭಾರತದ ಬೌಲಿಂಗ್ ಪಡೆಯ ಬಲ ಕುಂದಿರುವುದನ್ನು ಚೆನ್ನಾಗಿ ಅರಿತುಕೊಂಡ ಜಿಂಬಾಬ್ವೆ ದಾಂಡಿಗರು ತಮ್ಮ ನೈಜ ಆಟವನ್ನು ಪ್ರದರ್ಶಿಸಿ ಗಮನ ಸೆಳೆದರು. ಟಯ್ಲರ್ ಮತ್ತು ಮಸ್‌ಕಝ ಭಾರತ ತಂಡದ ದಾಳಿಯನ್ನು ಸಮರ್ಥವಾಗಿ ಎದುರಿ ಸಿದರು. ಸ್ಫೋಟಕ ಬ್ಯಾಟಿಂಗ್ ಮೂಲಕ ವೇಗವಾಗಿ ತಂಡದ ಖಾತೆಗೆ ರನ್ ಜಮೆ ಮಾಡಿದರು.

ಟಯ್ಲರ್ ಮತ್ತು ಮಸ್‌ಕಝ 12.5 ಓವರ್‌ಗಳಲ್ಲಿ 88 ರನ್ ಮಾಡಿ 100 ರನ್‌ಗಳನ್ನು ಪೂರೈಸುವತ್ತ ಗಮನ ಹರಿಸಿದ್ದಾಗ, ಮಸ್‌ಕಝ(46)ರನ್ನು ಅಮಿತ್ ಮಿಶ್ರಾ ತಮ್ಮ ಓವರ್‌ನ ಕೊನೆಯ ಎಸೆತದಲ್ಲಿ ಬೌಲ್ಡ್ ಮಾಡುವ ಮೂಲಕ ಪೆವಿಲಿಯನ್‌ಗೆ ಅಟ್ಟುವಲ್ಲಿ ಯಶಸ್ವಿಯಾದರು. ಅನಂತರ ಇನ್ನೊಂದು ವಿಕೆಟ್ ಕಿತ್ತುಕೊಳ್ಳಲು ಭಾರತದ ಬೌಲರ್‌ಗಳು 16 ಓವರ್‌ಗಳನ್ನು ಎಸೆಯಬೇಕಾಯಿತು. ಗ್ರೇಗ್ ಲ್ಯಾಂಬ್ (27)ರನ್ನು ಜಡೇಜಾ 29.3ನೆ ಓವರ್‌ನಲ್ಲಿ ಪೆವಿಲಿಯನ್‌ಗೆ ಅಟ್ಟುವಲ್ಲಿ ಯಶಸ್ವಿಯಾದರು. ಆಗ ತಂಡದ ಮೊತ್ತ 151 ಆಗಿತ್ತು.

ಟಯ್ಲರ್ ಶತಕದ ಕಡೆಗೆ ನೋಡುತ್ತಿದ್ದರು. ಆದರೆ ವಿನಯ ಕುಮಾರ್ ಅದಕ್ಕೆ ಅವಕಾಶ ನೀಡಲಿಲ್ಲ 35ನೆ ಓವರ್‌ನ ಅವರ ಪ್ರಥಮ ಎಸೆತವನ್ನು ಟಯ್ಲರ್ ದೊಡ್ಡ ಹೊಡೆತಕ್ಕೆ ಯತ್ನಿಸಿದರು. ಆದರೆ ಚೆಂಡು ನೆರವಾಗಿ ಉಮೇಶ್ ಯಾದವ್ ಕೈಗೆ ಸೇರುವುದರೊಂದಿಗೆ ಟಯ್ಲರ್ ಔಟಾದರು. ಅವರ ಶತಕದ ಕನಸು ಭಗ್ನಗೊಂಡಿತು. ಟಯ್ಲರ್‌ಗೆ ಉತ್ತಮ ಬೆಂಬಲ ನೀಡುತ್ತಿದ್ದ ಚಾರ್ಲ್ಸ್ ಕೊವೆಂಟ್ರಿ 25 ಎಸೆತಗಳಲ್ಲಿ 3 ಸಿಕ್ಸರ್ ಇರುವ 32 ರನ್‌ಗಳನ್ನು ಚಚ್ಚಿದರು. ಇವರನ್ನು 43ನೆ ಓವರ್‌ನಲ್ಲಿ ವಿನಯ ಕುಮಾರ್ ಪೆವಿಲಿಯನ್‌ಗೆ ಅಟ್ಟುವುದರೊಂದಿಗೆ ಇಂದಿನ ಆಟದಲ್ಲಿ ಇನ್ನೊಂದು ವಿಕೆಟ್‌ನ್ನು ತಮ್ಮ ಖಾತೆಗೆ ಜಮೆ ಮಾಡಿದರು.

ಇರ್ವಿನ್ ಮತ್ತು ನಾಯಕ ಚಿಗುಂಬುರ ಜವಾಬ್ದಾರಿಯನ್ನು ಅರಿತು ಆಡಿ ತಂಡವನ್ನು ಗೆಲುವಿನ ಕಡೆಗೆ ಕೊಂಡೊಯ್ದರು. ಭಾರತದ ಪರ ಆರ್ ವಿನಯ ಕುಮಾರ್ 51ಕ್ಕೆ 2, ಅಮಿತ್ ಮಿಶ್ರಾ 47ಕ್ಕೆ 1ಹಾಗೂ ರವೀಂದ್ರ ಜಡೇಜಾ 51ಕ್ಕೆ 1 ವಿಕೆಟ್ ಪಡೆದರು. ಯೂಸುಫ್ ಪಠಾಣ್, ಅಶೋಕ್ ದಿಂಡಾ, ಉಮೇಶ್ ಯಾದವ್, ರೋಹಿತ್ ಶರ್ಮಾ ಇವರಿಗೆ ವಿಕೆಟ್ ದಕ್ಕಲಿಲ್ಲ.

ಇದಕ್ಕೆ ಮೊದಲು ಟಾಸ್ ಗೆದ್ದ ಭಾರತ ತಂಡದ ನಾಯಕ ಸುರೇಶ್ ರೈನಾ ಬ್ಯಾಟಿಂಗ್ ಆಯ್ದುಕೊಂಡಿದ್ದರು. ಆರಂಭಿಕ ಬ್ಯಾಟ್ಸ್‌ಮನ್ ಗಳಾದ ಮುರಳಿ ವಿಜಯ್ (11) ಮತ್ತು ದಿನೇಶ್ ಕಾರ್ತಿಕ್ (22) ಪ್ರಥಮ ವಿಕೆಟ್‌ಗೆ 56 ರನ್‌ಗಳನ್ನು ಸೇರಿಸಿದ್ದರು. ಮುರಳಿ ವಿಜಯ್ ಔಟಾಗುತ್ತಿದ್ದಂತೆ ಕ್ರಿಸ್‌ಗೆ ಬಂದ ಉಪನಾಯಕ ವಿರಾಟ್ ಕೊಹ್ಲಿ ಶೂನ್ಯಕ್ಕೆ ಔಟಾದರು. ಕೊಹ್ಲಿಯನ್ನು ಹೊರತುಪಡಿಸಿ ದರೆ ಬ್ಯಾಟ್ ಮಾಡಿದ ಭಾರತದ ಇತರ ದಾಂಡಿಗರು ತಂಡಕ್ಕೆ ಎರಡಂಕೆಯ ಕೊಡುಗೆ ನೀಡಿದ್ದರು.

ರೋಹಿತ್ ಶರ್ಮಾ ಆಕರ್ಷಕ ಆಟವಾಡಿ 119 ಎಸೆತಗಳನ್ನು ಎದುರಿಸಿ 6 ಬೌಂಡರಿ ಮತ್ತು 4 ಸಿಕ್ಸರ್ ಇರುವ 114 ರನ್ ಮಾಡಿ ಔಟಾದರು. ಶರ್ಮಾ ಮತ್ತು ರವಿಂದ್ರ ಜಡೇಜಾ 5ನೆ ವಿಕೆಟ್‌ಗೆ 130 ರನ್‌ಗಳ ಕೊಡುಗೆ ನೀಡಿದರು. ಭಾರತದ ಪ್ರಥಮ ವಿಕೆಟ್ ಉರುಳುತ್ತದಂತೆ ಬ್ಯಾಟಿಂಗ್ ಶಕ್ತಿ ಕುಸಿಯಿತು. ಆದರೆ ನಾಯಕ ಸುರೇಶ ರೈನಾ(37)ರು ರೋಹಿತ್ ಶರ್ಮಾಗೆ ಸಾಥ್ ನೀಡಿ 67 ರನ್‌ಗಳನ್ನು ತಂಡದ ಖಾತೆಗೆ ಜಮೆ ಮಾಡಿದರು.

ಅಂತಿಮವಾಗಿ ರವೀಂದ್ರ ಜಡೇಜಾ (ಅಜೇಯ 61) ಮತ್ತು ಯೂಸುಫ್ ಪಠಾಣ್ (ಅಜೇಯ 11) ನೆರವಿಂದ ಭಾರತ ತಂಡ ನಿಗದಿತ 50 ಓವರ್‌ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 285 ರನ್ ಸಂಪಾದಿಸಿತು. ಜಿಂಬಾಬ್ವೆ ಪರ ಕ್ರಿಸ್ ಎಂಪೊಪು 63ಕ್ಕೆ 2 ಮತ್ತು ಪ್ರಾಸ್ಟರ್ ಉತ್ಸೇಯ 46ಕ್ಕೆ 1 ವಿಕೆಟ್ ಹಂಚಿಕೊಂಡರು. ಜಿಂಬಾಬ್ವೆಯ ಬ್ರೆಂಡನ್ ಟಯ್ಲರ್ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.

ಅನನುಭವಿ ಬೌಲಿಂಗ್ ಪಡೆ ಹಿನ್ನಡೆಗೆ ಕಾರಣ: ರೈನಾ
ಭಾರತ ತಂಡದ ನಾಯಕತ್ವ ಪಡೆದ ಚೊಚ್ಚಲ ಪಂದ್ಯದಲ್ಲೇ ಜಿಂಬಾಬ್ವೆ ವಿರುದ್ಧ ಎದುರಾದ ಸೋಲಿಗೆ ಪ್ರತಿಕ್ರಿಯೆ ನೀಡಿರುವ ಸುರೇಶ್ ರೈನಾ, ಅನನುಭವಿ ಬೌಲಿಂಗ್ ಪಡೆ ಹಿನ್ನಡೆಗೆ ಕಾರಣವಾಯಿತು ಎಂದು ಹೇಳಿದರು.

ದುರದೃಷ್ಟವಶಾತ್ ಈ ಪಂದ್ಯದಲ್ಲಿ ನಾವು ಚೆನ್ನಾಗಿ ದಾಳಿ ಮಾಡಲಿಲ್ಲ. ಕೆಲವು ಬೌಲರುಗಳಿಗಂತೂ ಇದು ಪದರ್ಪಣಾ ಪಂದ್ಯ. ಇಲ್ಲಿ ಮಾಡಿದ ತಪ್ಪನ್ನು ಅರಿತು ಮುಂದಿನ ಪಂದ್ಯಗಳಲ್ಲಿ ಚೆನ್ನಾಗಿ ಆಡುವ ವಿಶ್ವಾಸವಿದೆ ಎಂದು ಜಿಂಬ್ವಾಬೆ ವಿರುದ್ಧ ಎದುರಾದ ಆರು ವಿಕೆಟುಗಳ ಸೋಲಿನ ನಂತರ ರೈನಾ ಪ್ರತಿಕ್ರಿಯಿಸಿದರು.

ಭಾರತದ ಮೂವರು ವೇಗಿಗಳಾದ ಕರ್ನಾಟಕದ ವಿನಯ್ ಕುಮಾರ್, ಅಶೋಕ್ ದಿಂಡಾ ಮತ್ತು ಉಮೇಶ್ ಯಾದವ್‌ಗಿದು ಚೊಚ್ಚಲ ಅಂತಾರಾಷ್ಟ್ರೀಯ ಪಂದ್ಯವಾಗಿತ್ತು. ಆದರೆ ಪರಿಣಾಮಕಾರಿ ಪ್ರದರ್ಶನ ನೀಡುವಲ್ಲಿ ಈ ಮೂವರು ವಿಫಲರಾಗಿದ್ದರು.

ಆರಂಭದ ಆರು ಓವರ್ ನಾವು ಚೆನ್ನಾಗಿ ಎಸೆಯಲಿಲ್ಲ. ಆದರೆ ಸ್ಪಿನ್ನರುಗಳು ಉತ್ತಮ ದಾಳಿ ಸಂಘಟಿದರು. ಕೊನೆಗೆ ಬ್ಯಾಟಿಂಗ್ ಪವರ್-ಪ್ಲೇ ಬಾಕಿ ಉಳಿದಿದ್ದರಿಂದ ಎದುರಾಳಿಗಳು ಅದನ್ನು ಉಪಯೋಗಿಸಿಕೊಂಡರು ಎಂದವರು ವಿವರಿಸಿದರು.

ಬೌಲಿಂಗ್ ಹಾಗೂ ಫೀಲ್ಡಿಂಗ್ ವಿಭಾಗದಲ್ಲಿ ಇನ್ನಷ್ಟು ಕಠಿಣ ಪ್ರಯತ್ನ ಮುಂದುವರಿಯಬೇಕಾಗಿದೆ ಎಂದು ರೈನಾ ಸೇರಿಸಿದರು.

ಶ್ರೀಶಾಂತ್ ಕೋಪ ಬಿಟ್ಟರೆ ಸೈ:ಅಝರುದ್ದೀನ್
ಕೊಚ್ಚಿ, ಮೇ 28: ಉತ್ತಮ ಬೌಲರ್ ಆಗಿರುವ ಎಸ್.ಶ್ರೀಶಾಂತ್ ತನ್ನ ಮುಗೋಪಿ ವರ್ತನೆಯಿಂದ ಅಪಖ್ಯಾತಿಗೊ ಳಗಾಗುತ್ತಿದ್ದಾರೆ ಎಂದು ಭಾರತದ ಮಾಜಿ ನಾಯಕ ಮುಹಮ್ಮದ್ ಅಝರುದ್ದೀನ್ ಹೇಳಿದ್ದಾರೆ.

ಇವರು ಉತ್ತಮ ದಾಳಿ ನಡೆಸುತ್ತಾರೆ. ಆದರೆ ನನ್ನ ಪ್ರಕಾರ, ಇವರ ಕೋಪದ ಸ್ವಭಾವದಿಂದ ತನ್ನ ಆಟಕ್ಕೆ ಕಳಂಕ ತರುತ್ತಿದ್ದಾರೆ ಎನಿಸುತ್ತದೆ. ಇವರು ತನ್ನ ಫಿಟ್‌ನೆಸ್ ಬಗ್ಗೆ ಸ್ವಭಾವದಲ್ಲಿ ಬದಲಾವಣೆ ತರಬೇಕಾಗಿದೆ. ನನಗೆ ಇವರು ದುರ್ವರ್ತನೆಯಿಂದ ಪ್ರತಿಭೆಯನ್ನು ನಷ್ಟಗೊಳಿಸುವುದು ಸರಿಯಲ್ಲ ಎಂದು ಅಝರುದ್ದೀನ್ ಸಲಹೆ ನೀಡಿದ್ದಾರೆ.

ಲಂಡನ್‌ನ ಲ್ಯಾಂಬೆತ್ ನಗರಕ್ಕೆ ಕನ್ನಡಿಗ ಮೇಯರ್

2010-05-29T13:28:00.000+05:30

ಲಂಡನ್, ಮೇ 28: ಅನಿವಾಸಿ ಭಾರತೀಯ ವೈದ್ಯರಾಗಿರುವ ಕರ್ನಾಟಕ ಮೂಲದ ಡಾ. ನೀರಜ್ ಪಾಟೀಲ್ ಬ್ರಿಟನ್‌ನ ಲ್ಯಾಂಬೆತ್ ನಗರಕ್ಕೆ ಮೇಯರ್ ಆಗಿ ಆಯ್ಕೆಯಾಗಿದ್ದಾರೆ. ಪ್ರಸಕ್ತ ಇಲ್ಲಿನ ಸೈಂಟ್ ಥಾಮಸ್ ಆಸ್ಪತ್ರೆಯ ಗವರ್ನರ್ ಆಗಿರುವ ನೀರಜ್, ‘ಎ ಆ್ಯಂಡ್ ಇ’ ನ ಸಮಾಲೋಚಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.

ಕರ್ನಾಟಕದ ಗುಲ್ಬರ್ಗ ಜಿಲ್ಲೆಯ ಕಮಲಾಪುರದಲ್ಲಿ ಹುಟ್ಟಿ ಬೆಳೆದಿದ್ದ ನೀರಜ್ ಪಾಟೀಲ್, 1992ರಲ್ಲಿ ಗುಲ್ಬರ್ಗದ ಎಚ್.ಎಂ.ಆರ್. ವೈದ್ಯಕೀಯ ಮಹಾ ವಿದ್ಯಾಲಯದಲ್ಲಿ ಎಂ.ಬಿ.ಬಿ.ಎಸ್. ಪೂರ್ಣಗೊಳಿಸಿದ್ದರು. ಬಳಿಕ ಉಸ್ಮಾನಿಯ ವಿಶ್ವವಿದ್ಯಾನಿಲಯದಲ್ಲಿ ಸೇವೆ ಸಲ್ಲಿಸಿದ್ದ ಅವರು ಉನ್ನತ ವಿದ್ಯಾಭ್ಯಾಸಕ್ಕಾಗಿ ಲಂಡನ್‌ಗೆ ತೆರಳಿದ್ದರು.

ಇಂಗ್ಲೆಂಡ್‌ನಲ್ಲಿ 14 ವರ್ಷಗಳ ಕಾಲ ವಾಸ್ತವ್ಯ ಹೂಡಿರುವ ನೀರಜ್, ವಿಶ್ವದ ಮಾನ್ಯತೆ ಪಡೆದ ಇನ್ನೋರ್ವ ಭಾರತೀಯ ನಾಗಿದ್ದಾರೆ.ನೀರಜ್ ಕೌನ್ಸಿಲರ್ ಹಾಗೂ ಮೇಯರ್ ಆಗಿ ಆಯ್ಕೆಯಾಗಿದ್ದಾರೆ. ನೀರಜ್ ಪಾಟೀಲ್‌ರಿಗೆ ‘ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ’ ಹಾಗೂ ‘ಆರ್ಯಭಟ’ ಪುರಸ್ಕಾರಗಳನ್ನು ನೀಡಿ ಗೌರವಿಸಲಾಗಿದೆ. ನೀರಜ್ ಪಾಟೀಲ್ ಕರ್ನಾಟಕದಲ್ಲಿ ರಾಜಕೀಯವಾಗಿ ಸಕ್ರಿಯವಾಗಿರುವ ಕುಟುಂಬಕ್ಕೆ ಸೇರಿದವರಾಗಿದ್ದಾರೆ.

‘ಬಜ್ಪೆ ವಿಮಾನ ನಿಲ್ದಾಣ ಅಸುರಕ್ಷಿತವಲ್ಲ’: ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಪ್ರಪ್ರಥಮವಾಗಿ ವಿಮಾನ ಇಳಿಸಿದ ಪೈಲಟ್ ಪ್ರಭಾಕರ ಹೆಗ್ಡೆ

2010-05-29T13:21:00.000+05:30

ಹೊಸದಿಲ್ಲಿ,ಮೇ 28: ವಾಯುಪಡೆಯಲ್ಲಿ ವಿಂಗ್ ಕಮಾಂಡರ್ ಆಗಿದ್ದ ಓಂತಿಬೆಟ್ಟು ಪ್ರಭಾಕರ ಹೆಗ್ಡೆ, ಮಂಗಳೂರಿನ ಬಜ್ಪೆ ವಿಮಾನನಿಲ್ದಾಣದಲ್ಲಿ 59 ವರ್ಷಗಳ ಹಿಂದೆ ಪ್ರಪ್ರಥಮ ಬಾರಿಗೆ ವಿಮಾನವನ್ನು ಭೂಸ್ಪರ್ಶ ಮಾಡಿದಾಗ ಇಡೀ ಕರ್ನಾಟಕ ಕರಾವಳಿಯ ಜನತೆ ಸಂಭ್ರಮಿಸಿತ್ತು. ಆಗಿನ ಪ್ರಧಾನಿ ಜವಾಹರ ಲಾಲ್ ನೆಹರೂ ಆ ವಿಮಾನದ ಪ್ರಯಾಣಿಕರಾಗಿದ್ದರು.

ಬಜ್ಪೆ ವಿಮಾನನಿಲ್ದಾಣವು ಕ್ಲಿಷ್ಟಕರವಾದುದಾದರೂ, ಖಂಡಿತವಾಗಿಯೂ ಅಸುರಕ್ಷಿತವಲ್ಲವೆಂದು ಪ್ರಭಾಕರ ಹೆಗ್ಡೆ ಹೇಳುತ್ತಾರೆ.1951ರ ಡಿಸೆಂಬರ್ 25ರಂದು ವಿಮಾನವನ್ನು ಪ್ರಪ್ರಥಮ ಬಾರಿಗೆ ಬಜ್ಪೆ ವಿಮಾನನಿಲ್ದಾಣದಲ್ಲಿ ಭೂಸ್ಪರ್ಶ ಮಾಡಿದ ದಿನವು ತನ್ನ ಪಾಲಿಗೆ ಅವಿಸ್ಮರಣೀಯವಾದುದು ಎಂದು ಪ್ರಭಾಕರ ಹೆಗ್ಡೆ ಹೇಳುತ್ತಾರೆ.

‘ಏರ್‌ಇಂಡಿಯಾ ದುರಂತಕ್ಕೆ ಪೈಲಟ್‌ನ ತಪ್ಪು ನಿರ್ಧಾರ ಕಾರಣವಾಗಿರಬಹುದು’
ಕಳೆದ ಶನಿವಾರ ಬಜ್ಪೆ ವಿಮಾನನಿಲ್ದಾಣದಲ್ಲಿ ಸಂಭವಿಸಿದ ಏರ್‌ಇಂಡಿಯಾ ಎಕ್ಸ್‌ಪ್ರೆಸ್ ದುರಂತಕ್ಕೆ ವಿಮಾನವು ಭೂಸ್ಪರ್ಶ ಮಾಡಿದ ಸಂದರ್ಭದಲ್ಲಿ ಪೈಲಟ್ ಕೈಗೊಂಡ ತಪ್ಪು ತೀರ್ಮಾನವು ಕಾರಣವಾಗಿರಬಹುದು ಅಥವಾ ಕ್ಯಾಪ್ಟನ್ ತನ್ನ ಸಹಪೈಲಟ್‌ಗೆ ವಿಮಾನವನ್ನು ಇಳಿಸಲು ಅವಕಾಶ ನೀಡಿರುವ ಸಾಧ್ಯತೆಯೂ ಇದೆಯೆಂದು ಪ್ರಭಾಕರ ಹೆಗ್ಡೆ ಅಭಿಪ್ರಾಯ ವ್ಯಕ್ತಪಡಿಸುತ್ತಾರೆ.

ಆದರೆ ಪೈಲಟ್ ತನ್ನ ತಪ್ಪನ್ನು ಸರಿಪಡಿಸುವ ಮುನ್ನ ವಿಮಾನವು ಅವಘಡಕ್ಕೀಡಾಗಿರಬಹುದು. ಆದರೆ ಈಗ ಬ್ಲಾಕ್ ಬಾಕ್ಸ್ ದೊರೆತಿರುವುದರಿಂದ ದುರಂತದ ಕಾರಣದ ಬಗ್ಗೆ ಹೆಚ್ಚಿನ ಮಾಹಿತಿ ಲಭಿಸಬಹುದೆಂಬ ಅನಿಸಿಕೆಯನ್ನು ಅವರು ವ್ಯಕ್ತಪಡಿಸುತ್ತಾರೆ.
ವಾಯುಸೇನೆಯ ನಿವೃತ್ತ ವಿಂಗ್‌ಕಮಾಂಡರ್ ಆಗಿರುವ ಪ್ರಭಾಕರ್ ಹೆಗ್ಡೆಗೆ ಈಗ 84 ವರ್ಷ. ಮಂಗಳೂರು ವಿಮಾನನಿಲ್ದಾಣಕ್ಕೆ ಪ್ರಪ್ರಥಮ ಹಾರಾಟ ನಡೆಸಿದ ಡಿಸಿ-3 ಡಕೋಟಾ ವಿಮಾನದಲ್ಲಿ ನೆಹರೂರನ್ನು ಪ್ರಭಾಕರ ಹೆಗ್ಡೆ ಕರೆತಂದಾಗ ಅವರು ವಾಯುಪಡೆಯ ಫ್ಲೈಟ್ ಲೆಫ್ಟಿನೆಂಟ್ ಆಗಿದ್ದರು. ಆಗ ಬಜ್ಪೆ ವಿಮಾನನಿಲ್ದಾಣ ವನ್ನು ಏರೋಡ್ರೋಮ್ ಎಂದು ಕರೆಯಲಾಗುತ್ತಿತ್ತು.

ಮೂಲತಃ ದಕ್ಷಿಣ ಕನ್ನಡಿಗರಾದ ಪ್ರಭಾಕರ ಹೆಗ್ಡೆ ಪ್ರಸ್ತುತ ಬೆಂಗಳೂರಿನಲ್ಲಿ ವಾಸಿಸುತ್ತಿದ್ದಾರೆ. ಈಗಲೂ ಆ ದಿನಗಳು ಚೆನ್ನಾಗಿ ನೆನಪಿವೆ. ‘‘ ನಾನು ಮೊತ್ತ ಮೊದಲ ಸಲ ಬಜ್ಪೆ ವಿಮಾನನಿಲ್ದಾಣದಲ್ಲಿ ಭೂಸ್ಪರ್ಶ ಮಾಡಿದಾಗ, ಆಲ್ಲಿ ರನ್ ವೇ ನಿರ್ಮಿಸಲು, ಬೆಟ್ಟವನ್ನು ಅಗೆಯುವ ಹಾಗೂ ಸಮತಟ್ಟು ಮಾಡುವ ಕೆಲಸ ನಡೆಯುತ್ತಿತ್ತು. ಆದರೆ ವಿಮಾನವು ಡಿಸಿ-3 ಸಣ್ಣಗಾತ್ರದ್ದಾಗಿ ದ್ದರಿಂದ, ನಾನು ಅದನ್ನು ಸುಲಭವಾಗಿ ಇಳಿಸಿದ್ದೆ ಎಂದು ಪ್ರಭಾಕರ ಹೆಗ್ಡೆ ಹೇಳು ತ್ತಾರೆ.

ವಿಮಾನವು ಭೂಸ್ಪರ್ಶ ಮಾಡಿದ ಬಳಿಕ ನೆಹರೂ ಹಸ್ತ ಲಾಘವ ಮಾಡಿ, ನಮ್ಮನ್ನು ಅಭಿನಂದಿಸಿದರೆಂದು ಅವರು ನೆನಪಿಸಿಕೊಳ್ಳುತ್ತಾರೆ.ಲೋಕಸಭಾಚುನಾವಣೆಯ ಪ್ರಚಾರಕ್ಕೆಂದು ನೆಹರೂ ಮಂಗಳೂರಿಗೆ ಭೇಟಿ ನೀಡಿದ್ದರು. ಭೂಸ್ಪರ್ಶದ ವೇಳೆ ನೆರವಾಗುವಂತಹ ಯಾವುದೇ ಉಪಕರಣ ಆ ಕಾಲದಲ್ಲಿ ಇರಲಿಲ್ಲ.
ವಿಂಗ್‌ಕಮಾಂಡರ್ ಪ್ರಭಾಕರ ಹೆಗ್ಡೆ ವಾಯುಸೇನೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದ ಸಂದರ್ಭ ತೆಗೆಯಲಾದ ಭಾವಚಿತ್ರವಿದು.

ಬಜ್ಪೆ ವಿಮಾನನಿಲ್ದಾಣದ ಟೇಬಲ್‌ಟಾಪ್ (ಮೂರು ಕಡೆ ಕಂದಕಗಳಿಂದ ಆವೃತ) ರನ್‌ವೇಯಲ್ಲಿ ಇಳಿಯಲು ನನಗೆ ಕಷ್ಟವೇನೂ ಆಗಲಿಲ್ಲ. ಏಕೆಂದರೆ ಇಂತಹ ರನ್‌ವೇ ಹೊಂದಿರುವ ಕಾಶ್ಮೀರದಲ್ಲೂ ವಿಮಾನವನ್ನು ಹಾರಾಟ ಮಾಡಿದ ಅನುಭವ ತನಗಿದೆಯೆಂದು ಪ್ರಭಾಕರ ಹೆಗ್ಡೆ ಹೇಳುತ್ತಾರೆ.

ಬಜ್ಪೆ ವಿಮಾನನಿಲ್ದಾಣವು ಅಪಾಯಕಾರಿ ಅಥವಾ ಆಯೋಗ್ಯ ವಿಮಾನನಿಲ್ದಾಣವೆಂಬ ವಾದದಲ್ಲಿ ಯಾವುದೇ ಹುರುಳಿಲ್ಲ. ಈ ವಿಮಾನನಿಲ್ದಾಣವು ಕಳೆದ ಆರು ದಶಕಗಳಿಂದ ಯಾವುದೇ ಅವಘಡವಿಲ್ಲದೆ ಕಾರ್ಯನಿರ್ವಹಿಸಿದೆ. ಹಾಗಾಗಿ ಏಕಾಏಕಿಯಾಗಿ ಈ ವಿಮಾನನಿಲ್ದಾಣವು ಅಪಾಯಕಾರಿ ಯೆನಿಸಲು ಸಾಧ್ಯವಿಲ್ಲವೆಂದು ಅವರು ಅಭಿಪ್ರಾಯಿಸುತ್ತಾರೆ. 24 ವರ್ಷಗಳ ಕಾಲ ಭಾರತೀಯ ವಾಯುಪಡೆಯಲ್ಲಿ ಸೇವೆ ಸಲ್ಲಿಸಿರುವ ವಿಂಗ್‌ಕಮಾಂಡರ್ ಹೆಗ್ಡೆ 1968ರಲ್ಲಿ ನಿವೃತ್ತಿ ಹೊಂದಿದರು. 1947ರ ಭಾರತ-ಪಾಕ್ ಸಮರದಲ್ಲಿ ಸ್ಕ್ವಾಡ್ರನ್ ಲೀಡರ್ ಆಗಿದ್ದ ಪ್ರಭಾಕರ ಹೆಗ್ಡೆಯವರಿಗೆ ವೀರಚಕ್ರ ಪ್ರಶಸ್ತಿ ದೊರೆತಿದೆ.

ನಕ್ಸಲರ ರಕ್ತದಾಹ ಬಲಿ ಸಂಖ್ಯೆ 98; ಕಾರಣ ಅಸ್ಪಷ್ಟ

2010-05-29T13:17:00.000+05:30

ಶುಕ್ರವಾರ 98 ಮಂದಿಯನ್ನು ಬಲಿತೆಗೆದುಕೊಂಡು ಇನ್ನೂರೈವತ್ತರಷ್ಟು ಮಂದಿ ಮುಗ್ಧ ಜನರನ್ನು ಗಾಯಾಳುಗಳನ್ನಾಗಿ ಮಾಡಿದ ನಕ್ಸಲರ ದುಷ್ಕೃತ್ಯಕ್ಕೆ ಜ್ಞಾನೇಶ್ವರಿ ಎಕ್ಸ್‌ಪ್ರೆಸ್ ರೈಲು ನಿಜಕ್ಕೂ ಸಿಲುಕಿದ್ದು ಹೇಗೆ, ಅಲ್ಲಿ ಏನಾಗಿತ್ತು ಎಂಬ ಅಂಶವಂತೂ ಇನ್ನೂ ಸ್ಪಷ್ಟವಾಗಿಲ್ಲ. ಇದಕ್ಕೆ ಬಾಂಬ್ ಸ್ಫೋಟ ಕಾರಣವೇ, ಹಳಿಯನ್ನು ಸ್ಫೋಟಿಸಿದ್ದೇ ಅಥವಾ ಬೇರಾವುದೇ ಕಾರಣವಿದೆಯೇ ಎಂಬುದಿನ್ನೂ ನಿಖರವಾಗಿಲ್ಲ.

ಇದು ವಿಧ್ವಂಸಕ ಕೃತ್ಯ ಎಂಬುದರಲ್ಲಿ ಎರಡು ಮಾತಿಲ್ಲ. ಆದರೆ, ಆದರೆ ಹಳಿ ತಪ್ಪುವಂತೆ ಮಾಡುವಲ್ಲಿ ಯಾವುದಾದರೂ ಸ್ಫೋಟಕಗಳನ್ನು ಬಳಸಲಾಗಿತ್ತೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.

ಈ ಮಧ್ಯೆ, ಘಟನೆಯಲ್ಲಿ ರೈಲಿನ ಅವಶೇಷಗಳೆಡೆಯಿಂದ ಹೊರಗೆಳೆಯಲಾದ ಮೃತದೇಹಗಳ ಸಂಖ್ಯೆ ಶನಿವಾರ ಬೆಳಿಗ್ಗೆ 98ಕ್ಕೇರಿದೆ.

ಒಟ್ಟಾರೆ ನಡೆದಿದ್ದೇನೆಂದರೆ, ಹೌರಾದಿಂದ ಮುಂಬಯಿಗೆ ರೈಲು ಹೊರಟದ್ದು ಗುರುವಾರ ರಾತ್ರಿ 10.30ಕ್ಕೆ. ಮಧ್ಯರಾತ್ರಿ 1.30ರ ಸುಮಾರಿಗೆ ಅದು ಸರಿಧಾ ಎಂಬಲ್ಲಿ ಹಳಿ ತಪ್ಪಿತು. ಕೆಲವು ಬೋಗಿಗಳು ಸಮೀಪದ ಹಳಿಗೆ ಬಿದ್ದವು. ಅದೇ ಸಮಯದಲ್ಲಿ ಎದುರಿನಿಂದ ಪಕ್ಕದ ಹಳಿಯಲ್ಲಿ ಬರುತ್ತಿದ್ದ ಗೂಡ್ಸ್ ರೈಲು, ಈ ಮಗುಚಿಬಿದ್ದ ಬೋಗಿಗಳಿಗೆ ಡಿಕ್ಕಿ ಹೊಡೆಯಿತು. ಕೋಚ್‌ಗಳೆಲ್ಲಾ ಚೆಲ್ಲಾಪಿಲ್ಲಿಯಾಗಿ ಒಡೆದು ಹೋದಾಗ, ಪ್ರಯಾಣಿಕರು ಅದರೆಡೆ ಸಿಲುಕಿಬಿದ್ದರು.

ರೈಲು ಹಳಿ ತಪ್ಪಲು ಬಾಂಬ್ ಸ್ಫೋಟವೇ ಕಾರಣ ಎಂದು ರೈಲ್ವೇ ಸಚಿವೆ ಮಮತಾ ಬ್ಯಾನರ್ಜಿ ಹೇಳುತ್ತಲೇ ಬಂದಿದ್ದರು. ಇದೇ ರೀತಿಯ ವರದಿಯನ್ನು ಸುರಕ್ಷತಾ ನಿರೀಕ್ಷಕರು ಕೂಡ ನೀಡಿದ್ದಾರೆ. ಹಳಿಯಲ್ಲಿ ಜಿಲೆಟಿನ್ ಕಡ್ಡಿಗಳು ಮತ್ತು ಟಿಎನ್‌ಟಿ ಸ್ಫೋಟಕಗಳು ಪತ್ತೆಯಾಗಿದ್ದವು ಎನ್ನುತ್ತಾರೆ ನೈಋತ್ಯ ರೈಲ್ವೇ ಅಧಿಕಾರಿಗಳು.

ಆದರೆ ರೈಲ್ವೇ ಮಂಡಳಿಯ ಟ್ರಾಫಿಕ್ ವಿಭಾಗದ ಸಿಬ್ಬಂದಿ ವಿವೇಕ್ ಸಹಾಯ್ ಹೇಳುವಂತೆ, ರೈಲಿನ ಚಾಲಕನಿಗೆ ದೊಡ್ಡ ಸದ್ದು ಕೇಳಿಸಿತಂತೆ. ಹಳಿಯಲ್ಲಿ ಏನಾದರೂ ಇರಿಸಲಾಗಿತ್ತೇ, ಅಥವಾ ಕೀಲು ತಪ್ಪಿಸಲಾಗಿತ್ತೇ ಎಂಬುದರ ಕುರಿತು ತನಿಖೆ ನಡೆಯುತ್ತಿದೆಯಂತೆ.

ಗೃಹ ಸಚಿವ ಚಿದಂಬರಂ ಹೇಳುವಂತೆ, ಇದು ವಿಧ್ವಂಸಕ ಸಂಚು ಆಗಿದ್ದು, ಹಳಿಯ ಒಂದು ಭಾಗವನ್ನು ತೆಗೆಯಲಾಗಿತ್ತು. ಆದರೂ ಸ್ಫೋಟಕ ಬಳಸಲಾಗಿದೆಯೇ ಎಂಬುದು ಸ್ಪಷ್ಟವಾಗಿಲ್ಲವಂತೆ.

ಪಶ್ಚಿಮ ಬಂಗಾಳ ಪೊಲೀಸ್ ಅಧಿಕಾರಿಗಳ ಪ್ರಕಾರ, ರೈಲು ಹಳಿಯಲ್ಲಿ ಜೋಡಣಾ ಸಾಧನವಾಗಿರುವ ಫಿಶ್ ಪ್ಲೇಟ್‌ಗಳನ್ನು ಕೀಳಲಾಗಿದೆ ಮತ್ತು ಪಾಂಡ್ರಲ್ ಕ್ಲಿಪ್‌ಗಳೂ (ಹಳಿಯನ್ನು ಕಾಂಕ್ರೀಟ್ ಸ್ಲಾಬ್‌ಗಳಿಗೆ ಬಂಧಿಸುವ ಕ್ಲಿಪ್) ನಾಪತ್ತೆಯಾಗಿವೆ. ಹಳಿ ತಪ್ಪಲು ಇದೇ ಕಾರಣವಂತೆ.

ಈಗಾಗಲೇ ಈ ಕೃತ್ಯ ಎಸಗಿದ್ದು ತಾವು ಎಂದು ಪಿಸಿಪಿಎ (ಪೀಪಲ್ಸ್ ಕಮಿಟಿ ಅಗೇನ್‌ಸ್ಟ್ ಪೊಲೀಸ್ ಅಟ್ರಾಸಿಟೀಸ್) ಎಂಬ ಮಾವೋವಾದಿ ಸಂಘಟನೆ ಹೇಳಿಕೊಂಡಿದೆಯಾದರೂ, ಹೇಗೆ ಎಂಬುದನ್ನು ಪತ್ತೆ ಹಚ್ಚುವಲ್ಲಿ ಅಧಿಕಾರಿಗಳು ವಿಫಲರಾಗಿದ್ದಾರೆ. ತನಿಖೆ ನಡೆಯುತ್ತಿದೆ.

ಅಹ್ಮದೀಯರಿಗೆ ಅಶುಭ ಶುಕ್ರವಾರ

2010-05-29T13:12:00.000+05:30

ಮಸೀದಿಗಳ ಮೇಲೆ ತಾಲಿಬಾನ್ ದಾಳಿ: 70 ಸಾವು
ಈ ಎರಡೂ ಮಸೀದಿಗಳಲ್ಲಿ ಶುಕ್ರವಾರದ ಸಾಂಪ್ರದಾಯಿಕ ಪ್ರಾರ್ಥನೆಗೆ ಅಹ್ಮದೀಯ ಪಂಥದ ಮುಸ್ಲಿಂ ಅನುಯಾಯಿಗಳು ಕಿಕ್ಕಿರಿದು ಸೇರಿದ್ದರು. ಸ್ಥಳೀಯ ಕಾಲಮಾನ ಮಧ್ಯಾಹ್ನ 1.45ರ ವೇಳೆಗೆ ಎರಡು ತಂಡಗಳಲ್ಲಿ ಉಗ್ರರು ಮಸೀದಿಗಳ ಬಳಿ ಬಂದರು.

ಪಾಕಿಸ್ತಾನದ ಲಾಹೋರ್‌ನಲ್ಲಿ ಮಸೀದಿ ಮೇಲೆ ಉಗ್ರರು ದಾಳಿ ನಡೆಸಿದ ವೇಳೆ ಗಾಯಗೊಂಡ ವ್ಯಕ್ತಿಯನ್ನು ಸಾರ್ವಜನಿಕರು ಆಸ್ಪತ್ರೆಗೆ ಕರೆದುಕೊಂಡು ಹೋದರು.

ಲಾಹೋರ್ (ಪಿಟಿಐ): ಅಲ್ಪಸಂಖ್ಯಾತ ಅಹ್ಮದೀಯ ಮುಸ್ಲಿಂರಿಗೆ ಸೇರಿದ ಇಲ್ಲಿನ ಎರಡು ಮಸೀದಿಗಳ ಮೇಲೆ ಶುಕ್ರವಾರ ತಾಲಿಬಾನ್ ಉಗ್ರರು ಮನಸೋಇಚ್ಛೆ ನಡೆಸಿದ ದಾಳಿಗೆ ಕನಿಷ್ಠ 70 ಜನ ಬಲಿಯಾಗಿದ್ದಾರೆ.

ಇದೇ ವೇಳೆ ಉಗ್ರರು ಮಸೀದಿಗಳನ್ನು ಸಂಪೂರ್ಣವಾಗಿ ತಮ್ಮ ವಶಕ್ಕೆ ತೆಗೆದುಕೊಂಡಿದ್ದು ಒಳಗೆ ಪ್ರಾರ್ಥನೆ ಸಲ್ಲಿಸುತ್ತಿದ್ದ ಮಹಿಳೆಯರೂ ಸೇರಿದಂತೆ ಸುಮಾರು 1,500 ಜನರನ್ನು ಒತ್ತೆಯಾಳುಗಳನ್ನಾಗಿ ಇರಿಸಿಕೊಂಡಿದ್ದಾರೆ. ಇವರನ್ನೆಲ್ಲಾ ಮಸೀದಿಯೊಳಗಿನ ಕೋಣೆಯಲ್ಲಿ ಕೂಡಿ ಹಾಕಿ ಬೀಗ ಹಾಕಲಾಗಿದೆ ಎಂದು ಪೊಲೀಸರು ಮತ್ತು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.

ಘಟನೆಗೆ ಪಂಜಾಬ್ ಮೂಲದ ತೆಹ್ರಿಕ್ ಎ ತಾಲಿಬಾನ್ ಹೊಣೆ ಹೊತ್ತುಕೊಂಡಿದೆ ಎಂದು ಜಿಯೊ ನ್ಯೂಸ್ ಟಿ.ವಿ.ಚಾನೆಲ್ ವರದಿ ಮಾಡಿದೆ. ಪೊಲೀಸರ ಹೇಳಿಕೆ ಪ್ರಕಾರ ಘಟನೆಯಲ್ಲಿ ಒಬ್ಬ ಉಗ್ರ ಮೃತಪಟ್ಟಿದ್ದು ಮತ್ತಿಬ್ಬರನ್ನು ಸೆರೆಹಿಡಿಯಲಾಗಿದೆ. ಇವರಲ್ಲಿ ಒಬ್ಬ ತನ್ನ ಸೊಂಟಕ್ಕೆ ಕಟ್ಟಿಕೊಂಡಿದ್ದ ಆತ್ಮಹತ್ಯಾ ಬಾಂಬ್ ಅನ್ನು ಕೂಡಲೇ ನಿಷ್ಕ್ರಿಯಗೊಳಿಸಲಾಯಿತು ಎಂದು ಪಂಜಾಬ್‌ನ ಇನ್ಸ್‌ಪೆಕ್ಟರ್ ಜನರಲ್ ತಾರಿಖ್ ಸಲೀಮ್ ದೊಗಾರ್ ತಿಳಿಸಿದ್ದಾರೆ.

ಸ್ಥಳೀಯ ಮೆಯೊ ಆಸ್ಪತ್ರೆಯ ಮುಖ್ಯಸ್ಥ ಸಜ್ಜದ್ ಭುಟ್ಟಾ ಅವರ ಅನುಸಾರ ಸತ್ತವರ ಸಂಖ್ಯೆ ಇನ್ನೂ ಹೆಚ್ಚಿದೆ. ಇವರಲ್ಲಿ ಪಾಕ್ ಸೇನಾಪಡೆಯ ಒಬ್ಬ ನಿವೃತ್ತ ಲೆಫ್ಟಿನೆಂಟ್ ಜನರಲ್ ಹಾಗೂ ಲಾಹೋರ್ ಮೂಲದ ಟಿ.ವಿ.ಚಾನೆಲ್‌ನ ಒಬ್ಬ ಪತ್ರಕರ್ತ ಹಾಗೂ ಹಲವು ಪೊಲೀಸರೂ ಸೇರಿದ್ದಾರೆ. ದಾಳಿಗೆ ಒಳಗಾಗಿರುವ ಒಂದು ಮಸೀದಿಯು ಇಕ್ಕಟ್ಟಾದ ಗಡಿ ಶಾಹು ಪ್ರದೇಶದಲ್ಲಿದ್ದು ಇಲ್ಲಿ 40ಕ್ಕೂ ಹೆಚ್ಚು ಜನರು ಹಾಗೂ ಇಲ್ಲಿಂದ ಮೈಲು ದೂರದಲ್ಲಿನ ವಿಶಾಲವಾದ ಮಾದರಿ ಬಡಾವಣೆ ಮಾಡೆಲ್ ಟೌನ್‌ನಲ್ಲಿನ ಮತ್ತೊಂದು ಮಸೀದಿಯಲ್ಲಿ 20ಕ್ಕೂ ಹೆಚ್ಚು ಜನರು ಮೃತಪಟ್ಟಿದ್ದಾರೆ. ಗಾಯಾಳುಗಳ ಸಂಖ್ಯೆ 80ಕ್ಕೂ ಹೆಚ್ಚಿದೆ. ನಾಗರಿಕರು ರಕ್ತದಾನ ಮಾಡಬೇಕು ಎಂದು ಆಸ್ಪತ್ರೆಗಳು ಅಧಿಕಾರಿಗಳು ಒಂದೇ ಸಮನೆ ಮನವಿ ಮಾಡುತ್ತಿರುವುದು ಪರಿಸ್ಥಿತಿಯ ಗಂಭೀರತೆಗೆ ಹಿಡಿದ ಕನ್ನಡಿಯಾಗಿದೆ.

ಈ ಎರಡೂ ಮಸೀದಿಗಳಲ್ಲಿ ಶುಕ್ರವಾರದ ಸಾಂಪ್ರದಾಯಿಕ ಪ್ರಾರ್ಥನೆಗೆ ಅಹ್ಮದೀಯ ಪಂಥದ ಮುಸ್ಲಿಂ ಅನುಯಾಯಿಗಳು ಕಿಕ್ಕಿರಿದು ಸೇರಿದ್ದರು. ಸ್ಥಳೀಯ ಕಾಲಮಾನ ಮಧ್ಯಾಹ್ನ 1.45ರ ವೇಳೆಗೆ ಎರಡು ತಂಡಗಳಲ್ಲಿ ಉಗ್ರರು ಮಸೀದಿಗಳ ಬಳಿ ಬಂದರು. ತಲಾ ಎಂಟರಿಂದ ಹತ್ತು ಜನರಿದ್ದ ಈ ಉಗ್ರರ ತಂಡಗಳು ಸ್ವಯಂ ಚಾಲಿತ ಶಸ್ತ್ರಾಸ್ತ್ರಗಳೊಂದಿಗೆ ಮಸೀದಿಗಳ ಒಳ ನುಗ್ಗಿ ಯದ್ವಾತದ್ವಾ ಗುಂಡು ಹಾಗೂ ಗ್ರೆನೇಡ್‌ಗಳ ದಾಳಿ ನಡೆಸಿತು ಎಂದು ಪ್ರತ್ಯಕ್ಷ ದರ್ಶಿಗಳು ತಿಳಿಸಿದ್ದಾರೆ.

‘ಇವರಲ್ಲಿ ಮೂವರು ಉಗ್ರರು ಆತ್ಮಹತ್ಯಾ ಬಾಂಬ್‌ಗಳನ್ನು ಕಟ್ಟಿಕೊಂಡು ಗಡಿ ಶಾಹು ಪ್ರದೇಶದ ಮಸೀದಿಯಲ್ಲಿ ಮೊದಲಿಗೆ ತಮ್ಮನ್ನು ತಾವೇ ಸ್ಫೋಟಿಸಿಕೊಂಡರು. ಇವರ ಬೆನ್ನ ಹಿಂದೆಯೇ ಮಸೀದಿಯ ಒಳ ನುಗ್ಗಿದ ಇತರೆ ಉಗ್ರರು ಕಿವಿಗಡಚಿಕ್ಕುವಂತೆ ಗ್ರೆನೇಡ್ ಹಾಗೂ ಗುಂಡಿನ ದಾಳಿ ಆರಂಭಿಸಿದರು’ ಎಂದು ಅವರು ವಿವರಿಸಿದ್ದಾರೆ.

ಭದ್ರತಾ ಪಡೆ ವಶಕ್ಕೆ: ಘಟನೆ ಸಂಭವಿಸುತ್ತಿದ್ದಂತೆಯೇ ಸ್ಥಳಕ್ಕೆ ಅರೆಸೇನಾ ಪಡೆ ಮತ್ತು ಪೊಲೀಸರು ಧಾವಿಸಿ ಇಡೀ ಪ್ರದೇಶವನ್ನು ತಮ್ಮವಶಕ್ಕೆ ತೆಗೆದುಕೊಂಡರು. ಮಸೀದಿಗಳ ಸುತ್ತಮುತ್ತಲಿನ ಮನೆಗಳು ಮತ್ತು ಕಟ್ಟಡಗಳ ಛಾವಣಿ ಮೇಲೆ ಇವರೆಲ್ಲಾ ಸನ್ನದ್ಧ ಸ್ಥಿತಿಯಲ್ಲಿ ನಿಂತರು.

ಗಡಿ ಶಾಹು ಪ್ರದೇಶದಲ್ಲಿನ ಭದ್ರತಾ ಪಡೆಯ ಕಾರ್ಯಾಚರಣೆ ಮಧ್ಯಾಹ್ನ 4 ಗಂಟೆ ವೇಳೆಗೆ ಮುಕ್ತಾಯವಾಯಿತು. ಅಂತೆಯೇ ಮಾಡೆಲ್ ಟೌನ್ ಪ್ರದೇಶದಲ್ಲಿ ಕೆಲ ಗಂಟೆಗಳಲ್ಲಿ ಪರಿಸ್ಥಿತಿ ನಿಯಂತ್ರಣಕ್ಕೆ ಬಂದಿತು ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.

ಮಸೀದಿಗಳ ಒಳಗಿರುವ ತಮ್ಮವರ ಸ್ಥಿತಿಯನ್ನು ಅರಿಯಲು ಅವರ ಬಂಧು ಬಳಗ ಅಪಾರ ಸಂಖ್ಯೆಯಲ್ಲಿ ಘಟನಾ ಸ್ಥಳದಲ್ಲಿ ಜಮಾಯಿಸಿದ್ದರು. ಮಾಹಿತಿಗಾಗಿ ಆತಂಕದಿಂದ ಕಾಯುತ್ತಿದ್ದರು. ಗಾಯಗೊಂಡ ಬಹುತೇಕರನ್ನು ಸಮೀಪದ ಜಿನ್ನಾ ಆಸ್ಪತ್ರೆ ಮತ್ತು ಸೇವಾ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಪಾಕಿಸ್ತಾನದ ಸಾಂಸ್ಕೃತಿಕ ರಾಜಧಾನಿಯಾದ ಲಾಹೋರ್ ಪಂಜಾಬ್ ಪ್ರಾಂತ್ಯದ ರಾಜಧಾನಿಯೂ ಹೌದು. ಇದು ಸುಮಾರು 80 ಲಕ್ಷ ಜನಸಂಖ್ಯೆ ಹೊಂದಿದ ಮಹಾನಗರವಾಗಿದ್ದು ಈಗ ನಗರದಾದ್ಯಂತ ಭಾರಿ ಕಟ್ಟೆಚ್ಚರ ವಹಿಸಲಾಗಿದೆ. ಮಸೀದಿಗಳಿಗೆ ಸೇರುವ ಎಲ್ಲ ಸಂಪರ್ಕ ರಸ್ತೆಗಳನ್ನೂ ಬಂದ್ ಮಾಡಲಾಗಿದೆ.

ಮಾಡೆಲ್ ಟೌನ್‌ನಲ್ಲಿ ವಾಸವಿರುವ ಅಹ್ಮದೀಯ ಮುಸ್ಲಿಂ ಅನುಯಾಯಿಗಳ ಮೇಲೆ ಉಗ್ರರು ದಾಳಿ ನಡೆಸಬಹುದೆಂಬ ಭೀತಿ ಈಗ್ಗೆ ಒಂದು ವರ್ಷದ ಹಿಂದೆಯೇ ಇತ್ತು. ಈ ಬಗ್ಗೆ ಸರ್ಕಾರವನ್ನು ಎಚ್ಚರಿಸಿ ಇವರ ಭದ್ರತೆಯನ್ನು ಇನ್ನಷ್ಟು ಹೆಚ್ಚಿಸುವಂತೆಯೂ ಕೋರಲಾಗಿತ್ತು ಎಂಬ ಅಂಶವನ್ನು ಪಾಕಿಸ್ತಾನದ ಮಾನವ ಹಕ್ಕುಗಳ ಆಯೋಗದ ಅಧ್ಯಕ್ಷೆ ಅಸ್ಮಾ ಜಹಾಂಗೀರ್ ಇದೇ ಸಂದರ್ಭದಲ್ಲಿ ನೆನಪಿಸಿದ್ದಾರೆ.

ದ.ಕ. ಜಿಲ್ಲೆ: ಅವ್ಯವಸ್ಥೆಯೊಂದಿಗೆ ಶಾಲೆ ಪುನಾರಂಭ!

2010-05-29T13:09:00.000+05:30

ಜನಗಣತಿಯಲ್ಲಿ ಮಗ್ನರಾದ ಶಿಕ್ಷಕರ ಗೈರು
ಸಕಾಲಕ್ಕೆ ಪೂರೈಕೆಯಾಗದ ಪಠ್ಯ ಪುಸ್ತಕಗಳು
9.82 ಲಕ್ಷ ಪಠ್ಯಪುಸ್ತಕಗಳ ಬೇಡಿಕೆ
ದೊರೆತಿದ್ದು 8.14 ಲಕ್ಷ ಮಾತ್ರ

2010-11 ಸಾಲಿನಲ್ಲಿ ದ.ಕ. ಜಿಲ್ಲೆಯ ಸರಕಾರಿ ಶಾಲೆಗಳ 1ರಿಂದ 10ನೆ ತರಗತಿ ವರೆಗಿನ ವಿದ್ಯಾರ್ಥಿಗಳಿಗೆ ವಿತರಿಸಲು ಶಿಕ್ಷಣ ಇಲಾಖೆಯ ಉಪನಿರ್ದೇಶಕರ ಕಚೇರಿಯು 9,82,022 ಪಠ್ಯಪುಸ್ತಕಗಳ ಬೇಡಿಕೆ ಪಟ್ಟಿ ಸಲ್ಲಿಸಿತ್ತು. ಆದರೆ 8,13,966 ಪಠ್ಯ ಪುಸ್ತಕಗಳನ್ನು ಮಾತ್ರ ಸರಕಾರ ಸಕಾಲಕ್ಕೆ ಪೂರೈಸಿದ್ದು, 1,66,056 ಬಾಕಿ ಇದೆ ಎಂದು ಡಿಡಿಪಿಐ ಚಾಮೇಗೌಡ ತಿಳಿಸಿದ್ದಾರೆ.
ಅನುದಾನಿತ ಮತ್ತು ಅನುದಾನ ರಹಿತ ಶಾಲೆಗಳಿಗೆ ಪುಸ್ತಕ ಮಾರಾಟ ಮಾಡುವ ಜವಾಬ್ದಾರಿ ಕೂಡ ಸಾರ್ವಜನಿಕ ಶಿಕ್ಷಣ ಇಲಾಖೆಯದ್ದಾಗಿದೆ. ಈ ಶಾಲೆಗಳ 1ರಿಂದ 8ನೆ ತರಗತಿಯವರೆಗಿನ ಮಕ್ಕಳಿಗೆ ಉಚಿತ ಪಠ್ಯಪುಸ್ತಕ ವಿತರಣೆ ಮಾಡಲಾಗುತ್ತದೆ. ಪ್ರಸಕ್ತ ವರ್ಷ ಈ ಶಾಲೆಗಳು ಒಟ್ಟು 5,22,272 ಪಠ್ಯ ಪುಸ್ತಕಗಳ ಬೇಡಿಕೆ ಸಲ್ಲಿಸಿದ್ದರೂ 2,80,591 ಪಠ್ಯಪುಸ್ತಕಗಳು ಮಾತ್ರ ಪೂರೈಕೆಯಾಗಿವೆ ಎಂದು ಅವರು ತಿಳಿಸಿದರು.

ಮಂಗಳೂರು, ಮೇ 28: ರಾಜ್ಯಾದ್ಯಂತ 2010-11ನೆ ಸಾಲಿನ ಶೈಕ್ಷಣಿಕ ವರ್ಷ ಇಂದಿನಿಂದ ಆರಂಭವಾಗಿದ್ದು, ದಕ್ಷಿಣ ಕನ್ನಡ ಜಿಲ್ಲೆಯಲ್ಲೂ ಶಾಲೆಗಳ ಬಾಗಿಲು ತೆರೆಯಲ್ಪಟ್ಟಿದೆ. ನಿನ್ನೆಯವರೆಗೆ ಅಜ್ಜ- ಅಜ್ಜಿಯ ಮಡಿಲಲ್ಲಿ ಆಟವಾಡುತ್ತಿದ್ದ, ಅಮ್ಮನ ಅಕ್ಕರೆ, ಅಪ್ಪನ ಗದರಿಕೆ, ಸುಡು ಬಿಸಿಲನ್ನೂ ಲೆಕ್ಕಿಸದೆ ಆಟದ ಮೈದಾನ ದಲ್ಲಿ ಕಾಲ ಕಳೆಯುತ್ತಿದ್ದ ಬಹುತೇಕ ಮಕ್ಕಳು ಇಂದು ಹೊಸ ಹುರುಪಿನಿಂದ ಶಾಲೆಯ ಮೆಟ್ಟಲೇರಿದ್ದಾರೆ.
ಮೇ 29, 31, ಜೂನ್ 1... ಹೀಗೆ ಒಂದೊಂದು ದಿನಾಂಕಗಳನ್ನು ತಿಳಿಸಿ ‘ಅಂದು ಶಾಲೆ ಪುನಾರಂಭಗೊಳ್ಳಲಿದೆ’ ಎಂದು ಬೇಸಿಗೆ ರಜೆ ನೀಡುವ ಸಂದರ್ಭ ವಿದ್ಯಾರ್ಥಿಗಳಿಗೆ ಶಾಲೆಯಲ್ಲಿ ಹೇಳಲಾಗಿತ್ತು. ಆದರೆ, ರಾಜ್ಯ ಸರಕಾರವು ಶಿಕ್ಷಣ ಇಲಾಖೆಗಳ ಮುಖಾಂತರ ದಿಢೀರ್ ಆಗಿ ಮೇ 28ರಿಂದಲೇ ಶಾಲೆ ಆರಂಭಿಸುವಂತೆ ಸುತ್ತೋಲೆ ಹೊರ ಡಿಸಿತ್ತು. ಇನ್ನೂ 3 ದಿನಗಳ ರಜೆಯಿದೆ ಎಂದು ಭಾವಿಸಿ ಪ್ರವಾಸದಲ್ಲಿದ್ದ, ಅಜ್ಜಿಯ ಮನೆಗೆ ತೆರಳಿದ ಮಕ್ಕಳಿನ್ನೂ ಮನೆ ತಲುಪಿರಲಿಲ್ಲ. ಹಾಗಾಗಿಯೇ ಇಂದು ಶಾಲೆಗಳಲ್ಲಿ ವಿದ್ಯಾರ್ಥಿಗಳ ಹಾಜರಾತಿ ತೀರಾ ಕಡಿಮೆಯಿತ್ತು.

ಜನಗಣತಿಯ ತರಾತುರಿ; ಶಿಕ್ಷಕರ ಗೈರು: ಹೊಸ ಹುಮ್ಮಸ್ಸು, ನಗುಮುಖದಿಂದ ಶಾಲೆಯ ಮೆಟ್ಟಿಲೇರಿದ ಮಕ್ಕಳನ್ನು ಸ್ವಾಗತಿಸಲು ಶಿಕ್ಷಕ-ಶಿಕ್ಷಕಿಯರೇ ಇರ ಲಿಲ್ಲ. ಹೆಚ್ಚಿನ ಶಾಲೆಗಳಲ್ಲಿ ಒಂದಿಬ್ಬರು ಶಿಕ್ಷಕರನ್ನು ಬಿಟ್ಟರೆ ಉಳಿದವರು ಗೈರು ಹಾಜರಾಗಿದ್ದರು. ಇದಕ್ಕೆ ಕಾರಣ ಇನ್ನೂ ಮುಗಿಯದ ಜನಗಣತಿ. ಜಿಲ್ಲೆಯ ಶೇ.75ರಷ್ಟು ಶಿಕ್ಷಕರು ಎಪ್ರಿಲ್ 15ರಿಂದ ಮೇ 31ರ ವರೆಗೆ ನಡೆಯಲಿರವ ಜನಗಣತಿಯಲ್ಲಿ ತಲ್ಲೀನರಾಗಿದ್ದಾರೆ. ಅಲ್ಲಿವರೆಗೆ ಶಾಲಾ ತರಗತಿ ಗಳಲ್ಲಿ ಪಠ್ಯ ಚಟುವಟಿಕೆಗಳು ಆರಂಭಗೊಳ್ಳುವುದಿಲ್ಲ.

ಪಠ್ಯಪುಸ್ತಕಗಳ ಸಮಸ್ಯೆ: 1ರಿಂದ 10ನೆ ತರಗತಿ ವರೆಗೆ ಸರಕಾರವೇ ಪಠ್ಯ ಪುಸ್ತಕ ಹಾಗೂ ಸಮವಸ ವಿತರಿಸುವ ಮಹತ್ವದ ಯೋಜನೆಯನ್ನು ಕೆಲವು ವರ್ಷಗಳ ಹಿಂದೆ ಪ್ರಾರಂಭಿಸಿದೆ. ಇದೊಂದು ಉತ್ತಮ ಯೋಜನೆ ಯಾಗಿದ್ದರೂ ಬೇಡಿಕೆಯಷ್ಟು ಪಠ್ಯ ಸಾಮಗ್ರಿಗಳ ಪೊರೈಕೆಯಾಗುತ್ತಿಲ್ಲ ಎಂಬ ಆರೋಪ ಎಲ್ಲೆಡೆಯಿಂದ ಕೇಳಿ ಬರುತ್ತಿದೆ.

ಕಳೆದ ವರ್ಷ ಖಾಸಗಿ ಅಂಗಡಿಗಳಿಂದ ಪುಸ್ತಕ ಖರೀದಿಸಬಹುದಾಗಿತ್ತು. ಆದರೆ, ಈ ವರ್ಷ ಸರಕಾರ ಹೊಸ ಕಾನೂನು ಜಾರಿಗೊಳಿಸಿದ್ದು ಖಾಸಗಿ ಅಂಗಡಿಯವರು ಪಠ್ಯ ಪುಸ್ತಕಗಳನ್ನು ಮಾರಾಟ ಮಾಡುವಂತಿಲ್ಲ. ಎಲ್ಲರೂ ಸರಕಾರಿ ಮಳಿಗೆಯಿಂದಲೆ ಪುಸ್ತಕ ಪಡೆಯಬೇಕು ಎಂದು ಆದೇಶಿಸಿದೆ. ಆದರೆ, ಸಕಾಲದಲ್ಲಿ ಪುಸ್ತಕ ಸರಬರಾಜು ಮಾಡದಿದ್ದರೆ ಇಂತಹ ನಿಯಮಾವಳಿ ರೂಪಿಸಿ ಏನು ಪ್ರಯೋಜನ? ಎಂದು ಉಳ್ಳಾಲ ಕೋಟೆಪುರ ಶಾಲೆಯ ಮುಖ್ಯ ಶಿಕ್ಷಕ ಕೆ.ಎಂ.ಕೆ. ಮಂಜನಾಡಿ ಆಕ್ರೋಶ ವ್ಯಕ್ತಪಡಿಸುತ್ತಾರೆ.

ಪಠ್ಯಪುಸ್ತಕ ಎಲ್ಲಾ ವಿದ್ಯಾರ್ಥಿಗಳ ಕೈ ಸೇರುವಷ್ಟರಲ್ಲಿ 15 ದಿನ ಕಳೆದಿರುತ್ತದೆ. ಕೆಲವು ಶಾಲೆಗಳಲ್ಲಿನ ಕೊಠಡಿ, ಪೀಠೋಪಕರಣಗಳ ಸಮಸ್ಯೆ ಕೂಡಾ ಸದ್ಯ ಬಗೆಹರಿಯುವ ಲಕ್ಷಣ ಕಾಣುತ್ತಿಲ್ಲ. ಉಚಿತ ಸೈಕಲ್ ವಿತರಣೆ ಕಾರ್ಯ ಮುಗಿಯುವಷ್ಟರಲ್ಲಿ ಅರ್ಧ ಶೈಕ್ಷಣಿಕ ವರ್ಷವೇ ಮುಗಿದರೂ ಅಚ್ಚರಿ ಇಲ್ಲ. ಒಟ್ಟಿನಲ್ಲಿ ಹೊಸ ಶೈಕ್ಷಣಿಕ ವರ್ಷ ಹಲವು ಸಮಸ್ಯೆಗಳೊಂದಿಗೆ ಆರಂಭಗೊಂಡಿವೆ.

ಜಾತಿ ಮತ್ತು ಆದಾಯ ದೃಢೀಕರಣ ಪತ್ರಕ್ಕಾಗಿ ಅಲೆದಾಟ
ಚಿಕ್ಕಮಗಳೂರು, ಮೇ 28: ಇಂದು ಶಾಲೆಗಳು ಪುನಾರಂಭಗೊಂಡಿದ್ದು, ಜಿಲ್ಲಾದ್ಯಂತ ಶಾಲೆಗಳಲ್ಲಿ, ವಿದ್ಯಾರ್ಥಿ ನಿಲಯಗಳಲ್ಲಿ ಮಕ್ಕಳ ದಾಖಲಾತಿಗಾಗಿ ಪೋಷಕರು ಪರದಾಡುತ್ತಿದ್ದ ದೃಶ್ಯ ಎಲ್ಲೆಡೆ ಸಾಮಾನ್ಯವಾಗಿತ್ತು.
ಪ್ರತಿ ವರ್ಷದಂತೆ ಪ್ರಸಕ್ತ ಶೈಕ್ಷಣಿಕ ವರ್ಷಾರಂಭದಲ್ಲಿಯೂ ವಿದ್ಯಾರ್ಥಿಗಳು ದಾಖಲಾತಿಗಳಿಗಾಗಿ ಜಾತಿ ಮತ್ತು ಆದಾಯ ದೃಢೀಕರಣ ಪತ್ರ ಪಡೆಯು ವುದಕ್ಕಾಗಿ ಸರಕಾರಿ ಕಚೇರಿಗಳತ್ತ ಅಲೆದಾಡುವುದು ತಪ್ಪಲಿಲ್ಲ. ಖಾಸಗಿ ಶಾಲೆಗಳು ಕಳೆದೊಂದು ತಿಂಗಳಿಂದ ದಾಖಲಾತಿ ಪ್ರಕ್ರಿಯೆ ಪ್ರಾರಂಭಿಸಿದ್ದರೂ ಸರಕಾರಿ ಶಾಲೆಗಳಲ್ಲಿ, ವಿದ್ಯಾರ್ಥಿ ನಿಲಯಗಳಲ್ಲಿ ಮಾತ್ರ ಶಾಲಾರಂಭದ ಬಳಿಕವಷ್ಟೇ ದಾಖಲಾತಿ ಆರಂಭಿಸಲಾಗುತ್ತದೆ.
ಇರಿಂದಾಗಿ ದೃಢೀಕರಣ ಪತ್ರಗಳಿಗಾಗಿ ನೆಮ್ಮದಿ ಕೇಂದ್ರಗಳ ಮುಂದೆ ವಿದ್ಯಾರ್ಥಿಗಳು ಮತ್ತು ಪೋಷಕರು ಸಾಲುಗಟ್ಟಿ ಕಾಯುತ್ತಿದ್ದರು. ಆದರೆ ನೆಮ್ಮದಿ ಕೇಂದ್ರಗಳ ಸಿಬ್ಬಂದಿಗಳು ಮಾತ್ರ ‘15 ದಿನ ಬಿಟ್ಟು ಬನ್ನಿ’ ಎಂಬ ಮಾಮೂಲಿ ಹೇಳಿಕೆಯೊಂದಿಗೆ ಹಿಂದೆ ಕಳುಹಿಸುತ್ತಿದ್ದುದು ಸಾಮಾನ್ಯವಾಗಿತ್ತು. ಆದ್ದರಿಂದ ಈ ಬಗ್ಗೆ ಜಿಲ್ಲಾಧಿಕಾರಿ ಮಧ್ಯೆ ಪ್ರವೇಶಿಸಿ ವಿದ್ಯಾರ್ಥಿಗಳ ಶೀಘ್ರ ದಾಖಲಾತಿಗೆ ಅನುಕೂಲವಾಗುವಂತೆ ಕ್ರಮ ಕೈಗೊಳ್ಳಬೇಕು ಎಂಬುದು ಸಾರ್ವಜನಿಕರು ಆಗ್ರಹಿಸುತ್ತಿದ್ದಾರೆ.

ರಾಜ್ಯದಲ್ಲಿ 104 ಸುಸಜ್ಜಿತ ಮೊಬೈಲ್ ಸೇವಾ ಆಸ್ಪತ್ರೆ: ಶ್ರೀರಾಮುಲು

2010-05-29T13:07:00.001+05:30

ಬೆಂಗಳೂರು, ಮೇ 28: ಎಲ್ಲ ರೀತಿಯ ಆರೋಗ್ಯ ಸೇವೆ ಕಲ್ಪಿಸುವ ಸರ್ವಾಂಗೀಣ ವ್ಯವಸ್ಥೆ ಹೊಂದಿರುವ 104 ಮೊಬೈಲ್ ಆಸ್ಪತ್ರೆಗಳನ್ನು ಆರಂಭಿ ಸಲು ನಿರ್ಧರಿಸಿದ್ದು, ಇದರ ಸೇವೆ ಅಕ್ಟೋಬರ್ 2ರಿಂದ ಆರಂಭಿಸಲು ತೀರ್ಮಾನಿಸಲಾಗಿದೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಶ್ರೀರಾಮುಲು ಹೇಳಿದ್ದಾರೆ.

ವಿಧಾನಸೌಧದಲ್ಲಿರುವ ತನ್ನ ಕಚೇರಿಯಲ್ಲಿ ಶುಕ್ರವಾರ ಏರ್ಪಡಿಸಿದ್ದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಸುಸಜ್ಜಿತ ಮೊಬೈಲ್ ಆಸ್ಪತ್ರೆ ಸೇವೆಯು 108 ಆರೋಗ್ಯ ಸೇವೆ ಮಾದರಿಯಲ್ಲೆ ಎಲ್ಲ ರೀತಿಯ ವ್ಯವಸ್ಥೆ ಹೊಂದಿರುತ್ತದೆ ಎಂದು ತಿಳಿಸಿದರು.

ರಾಜ್ಯದಲ್ಲಿ ಮೊಬೈಲ್ ಆಸ್ಪತ್ರೆ ಸೇವಾ ವ್ಯವಸ್ಥೆ ಕಲ್ಪಿಸುವ ಅನಿವಾರ್ಯತೆ ಹಿಂದೆಂದಿಗಿಂತಲೂ ಇಂದು ಅಗತ್ಯ ವಾಗಿದೆ. ಈ ಆಸ್ಪತೆಯಲ್ಲಿ ಪರೀಕ್ಷಾ ಘಟಕ ಸೇರಿದಂತೆ ತುರ್ತು ಆರೋಗ್ಯ ಸೇವೆಗೆ ಅವಶ್ಯಕತೆ ಇರುವ ಎಲ್ಲ ವ್ಯವಸ್ಥೆಗಳನ್ನು ಹೊಂದಿರುತ್ತದೆ ಎಂದು ಅವರು ವಿವರಿಸಿದರು.

ಗುಜರಾತ್ ರಾಜ್ಯದಲ್ಲಿ ಮೊಬೈಲ್ ಆಸ್ಪತ್ರೆ ಸೇವೆ ಈಗಾಗಲೇ ಜಾರಿ ಯಲ್ಲಿದೆ. ರಾಜ್ಯದಲ್ಲೂ ಈ ವ್ಯವಸ್ಥೆ ಕಲ್ಪಿಸುವ ನಿಟ್ಟಿನಲ್ಲಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರೊಂದಿಗೆ ಈಗಾಗಲೆ ಚರ್ಚೆ ನಡೆಸಲಾಗಿದೆ. ಅಕ್ಟೋಬರ್ ತಿಂಗಳಲ್ಲಿ ಮೊಬೈಲ್ ಆಸ್ಪತ್ರೆ ವ್ಯವಸ್ಥೆಯನ್ನು ಜಾರಿಗೊಳಿಸಲು ನಿರ್ಧರಿಸಲಾಗಿದೆ ಎಂದು ಅವರು ಹೇಳಿದರು.

ಸಾಂಕ್ರಾಮಿಕ ರೋಗ ತಡೆಗಟ್ಟಲು ಕ್ರಮ: ರಾಜ್ಯಾದ್ಯಂತ ಒಟ್ಟು 6700 ಮಲೇರಿಯಾ, 83 ಡೆಂಗ್ಯೂ, 1017 ಚಿಕೂನ್ ಗುನ್ಯಾ, 3880 ಕರಳು ಬೇನೆ ಪ್ರಕರಣಗಳು ವರದಿಯಾಗಿವೆ. ಆದರೆ ಯಾವುದೆ ವ್ಯಕ್ತಿ ಸಾವಿಗೀಡಾಗಿಲ್ಲ ಎಂದು ಅವರು ತಿಳಿಸಿದರು. ಸಾಂಕ್ರಾಮಿಕ ರೋಗಗಳನ್ನು ತಡೆಗಟ್ಟುವ ಸಲುವಾಗಿ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳಲು ಪ್ರತಿ ಜಿಲ್ಲೆಗೆ ತಲಾ 50 ಸಾವಿರ ರೂ. ಬಿಡುಗಡೆ ಮಾಡಲಾಗಿದೆ. ಹ್ಯಾಲೋಜಿನ್ ಮಾತ್ರೆಗಳನ್ನು ಪೂರೈಕೆ ಮಾಡಲಾಗಿದೆ ಎಂದು ಅವರು ಹೇಳಿದರು.

ಖಾಲಿ ಇರುವ ಹುದ್ದೆಗಳ ಭರ್ತಿಗೆ ಕ್ರಮ: ಇಲಾಖೆಯಲ್ಲಿ ಒಟ್ಟು 18000 ಹುದ್ದೆಗಳು ಖಾಲಿ ಇವೆ. ಇದರಲ್ಲಿ ವೈದ್ಯರ ಹುದ್ದೆಗಳನ್ನು ಭರ್ತಿ ಮಾಡಲು ಕ್ರಮ ಕೈಗೊಳ್ಳಲಾಗಿದೆ. ಇನ್ನೊಂದು ತಿಂಗಳಲ್ಲಿ 500ಕ್ಕೂ ಅಧಿಕ ವೈದ್ಯರ ನೇಮಕಾತಿ ಆದೇಶ ಪ್ರಕಟಿಸ ಲಾಗುವುದು ಎಂದು ಶ್ರೀರಾಮುಲು ತಿಳಿಸಿದರು.

ಭ್ರೂಣ ಹತ್ಯೆ ತಡೆ, ಭಾಗ್ಯಲಕ್ಷ್ಮಿ ಯೋಜನೆ, ಉಚಿತ ಆರೋಗ್ಯ ತಪಾಸಣೆ ಸೇರಿದಂತೆ ಹಲವಾರು ಕಾರ್ಯಕ್ರಮಗಳು ಯಶಸ್ವಿಯಾಗಿ ಮುನ್ನಡೆಯುತ್ತಿವೆ. ರಾಷ್ಟ್ರೀಯ ಆರೋಗ್ಯ ಮಿಷನ್‌ನಿಂದ ಪ್ರಸಕ್ತ ಸಾಲಿಗೆ 887 ಕೋಟಿ ರೂ. ಬಿಡುಗಡೆಯಾಗಿದೆ ಎಂದು ಅವರು ಇದೆ ಸಂದರ್ಭದಲ್ಲಿ ವಿವರಿಸಿದರು.

ಜೆಡಿಎಸ್ ಬಿಡಲ್ಲ; ಬಿಜೆಪಿ ಸೇರಲ್ಲ: ಅಝೀಮ್ ಸ್ಪಷ್ಟನೆ

2010-05-29T13:07:00.000+05:30

ಬೆಂಗಳೂರು, ಮೇ 28: ವಿಧಾನ ಪರಿಷತ್ ಚುನಾವಣೆ ಹಿನ್ನಲೆಯಲ್ಲಿ ನನ್ನನ್ನು ಬಿಜೆಪಿಗೆ ಕರೆ ತರಲು ವೇದಿಕೆ ಸಿದ್ದಗೊಂಡಿದೆ ಎಂಬ ವರದಿಯನ್ನು ತಳ್ಳಿ ಹಾಕಿರುವ ಜೆಡಿಎಸ್‌ನ ಹಾಲಿ ವಿಧಾನ ಪರಿಷತ್ ಸದಸ್ಯ ಅಬ್ದುಲ್ ಅಝೀಮ್ ನಾನು ‘ಜೆಡಿಎಸ್ ಬಿಡಲ್ಲ; ಬಿಜೆಪಿ ಸೇರಲ್ಲ’ ಎಂದು ಸ್ಪಷ್ಟಪಡಿಸಿದ್ದಾರೆ.

ಈ ಬಗ್ಗೆ ‘ವಾರ್ತಾ-ಭಾರತಿ’ಯೊಂದಿಗೆ ಮಾತನಾಡಿದ ಅವರು, ಮಾಧ್ಯಮಗಳಲ್ಲಿ ಪ್ರಕಟಗೊಂಡಿರುವ ವರದಿ ಬಗ್ಗೆ ಆಶ್ಚರ್ಯ ವ್ಯಕ್ತಪಡಿಸುತ್ತ, ಇದು ಸತ್ಯಕ್ಕೆ ದೂರವಾದ ಸುಳ್ಳಿನಿಂದ ಕೂಡಿದ ವರದಿ. ಸದ್ಯ ನಾನು ಜೆಡಿಎಸ್‌ನಲ್ಲಿ ಇದ್ದೇನೆ ಮತ್ತು ಮುಂದೆ ಸಹ ಇರುತ್ತೇನೆ. ಈ ಬಗ್ಗೆ ಯಾವುದೇ ಅನುಮಾನ ಬೇಡ ಎಂದು ಪುನರುಚ್ಛರಿಸಿದರು.

ಮಾಧ್ಯಮಗಳಲ್ಲಿ ವರದಿಯಾಗಿರುವಂತೆ ಅಂತಹ ಯಾವುದೇ ಬೆಳವಣಿಗೆಗಳು ನಡೆದಿಲ್ಲ. ಇದು ನನ್ನ ವೈಯುಕ್ತಿಕ ಮತ್ತು ರಾಜಕೀಯ ಜೀವನಕ್ಕೆ ಧಕ್ಕೆ ತರುವಂಥ ಪ್ರಯತ್ನಗಳು.

ಪಕ್ಷದ ವರಿಷ್ಠ ದೇವೇಗೌಡರಿಗೆ ನಾನು ಆಪ್ತನಾಗಿದ್ದೇನೆ ಇದನ್ನು ಸಹಿಸದ ಪಕ್ಷದ ಒಳಗಿನ ಮತ್ತು ಹೊರಗಿನ ಕೆಲವರು ಈ ರೀತಿಯ ವದಂತಿಗಳನ್ನು ಸಷ್ಟಿಸಿ ನನ್ನನು ದೇವೇಗೌಡರಿಂದ ದೂರ ಮಾಡಲು ಪ್ರಯತ್ನ ಮಾಡುತ್ತಿದ್ದಾರೆ. ಆದರೆ, ಅದು ಸಾಧ್ಯವಿಲ್ಲ.

ನನ್ನ ಬಗ್ಗೆ ಪಕ್ಷ ಮತ್ತು ಸಮಾಜದಲ್ಲಿ ಅಪನಂಬಿಕೆ ಹುಟ್ಟು ಹಾಕುವ ಇಂತಹ ಪ್ರಯತ್ನಗಳಿಗೆ ನಾನು ಬೆಲೆ ಕೊಡುವುದಿಲ್ಲ ಎಂದು ಅವರು ಸ್ಪಷ್ಟವಾಗಿ ನುಡಿದರು.

ಮಾಧ್ಯಮಗಳು ಸಮಾಜ ಮುಖಿಯಾಗಿರಲಿ: ಮುಮ್ತಾಝ್ ಅಲಿಖಾನ್

2010-05-29T13:06:00.000+05:30

ಬೆಂಗಳೂರು, ಮೇ 28: ಪತ್ರಿಕೆಗಳು ಮತ್ತು ಮಾಧ್ಯಮಗಳು ಸಮಾಜ ಮುಖಿಯಾಗಿರಬೇಕು ಎಂದು ಸಚಿವ ಮುಮ್ತಾಝ್ ಅಲಿಖಾನ್ ಸಲಹೆ ಮಾಡಿದ್ದಾರೆ.

ಗುರುವಾರ ನಗರದ ಕ್ವೀನ್ಸ್‌ರಸ್ತೆಯಲ್ಲಿನ ವಿಜಯವಾಹಿನಿ ಪತ್ರಿಕೆ ಕಚೇರಿ ಉದ್ಘಾಟಿಸಿ ಮಾತನಾಡಿದ ಅವರು, ಉತ್ತಮ ಗುಣಮಟ್ಟದ ಪತ್ರಿಕೆಗಳಿಗೆ ಈಗಲೂ ಅಪಾರ ಓದುಗರು ಸಿಗುತ್ತಾರೆ.

ರಾಜಕೀಯ ಮತ್ತು ಸಿನಿಮಾಗಳ ವೈಭವೀಕರಣ ಬಿಟ್ಟು ಶಿಕ್ಷಣ ಮತ್ತು ಬಡತನ ನಿರ್ಮೂಲನೆ ಕುರಿತು ಹೆಚ್ಚು ಬರೆಯುವ ಹವ್ಯಾಸ ರೂಢಿಸಿಕೊಳ್ಳಬೇಕು ಎಂದು ಹೇಳಿದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಪತ್ರಿಕೆಯ ಪ್ರಧಾನ ಸಂಪಾದಕ ಶರಿಯಾರ್ ಖಾನ್ ವಹಿಸಿದ್ದರು. ವೇದಿಕೆಯಲ್ಲಿ ಟಿಪ್ಪು ಸುಲ್ತಾನ್ ಸಂಯುಕ್ತರಂಗದ ಅಧ್ಯಕ್ಷ ಸರ್ದಾರ್ ಅಹ್ಮದ್ ಖುರೇಶಿ, ಬೊಮ್ಮನಹಳ್ಳಿಬಾಬು, ವೌಲಾನಾ ಖದೀರ್ ಅಹ್ಮದ್ ಆಮ್ರ, ರಘುನಾಥ ಗುರೂಜಿ, ಪರಮಶಿವಯ್ಯ, ಖಾಸಿಮ್ ಸಾಬ್ ಉಪಸ್ಥಿತರಿದ್ದರು.

‘ಎಚ್.ಎಂ.ರೇವಣ್ಣ ಬಿಜೆಪಿ ಸೇರ್ಪಡೆ ಸತ್ಯಕ್ಕೆ ದೂರ’

2010-05-29T13:05:00.000+05:30

ಬೆಂಗಳೂರು, ಮೇ 28: ಮಾಜಿ ಸಚಿವ ಎಚ್.ಎಂ.ರೇವಣ್ಣರನ್ನು ವಿಧಾನ ಪರಿಷತ್‌ಗೆ ನೇಮಕ ಮಾಡಲು ಭಾರತೀಯ ಜನತಾ ಪಕ್ಷ ತನ್ನಡೆಗೆ ಸೆಳೆಯುತ್ತಿದೆ ಎಂದು ಮಾಧ್ಯಮಗಳಲ್ಲಿ ಪ್ರಕಟವಾಗಿರುವುದು ಸತ್ಯಕ್ಕೆ ದೂರವಾದ ವಿಷಯ ಎಂದು ಬೆಂಗಳೂರು ನಗರ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಟಿ.ಸುರೇಶ್ ಕುಮಾರ್ ಸ್ಪಷ್ಟೀಕರಣ ನೀಡಿದ್ದಾರೆ.

ಈ ಬಗ್ಗೆ ಪತ್ರಿಕಾ ಹೇಳಿಕೆ ನೀಡಿರುವ ಅವರು, ಕಾಂಗ್ರೆಸ್ ಪಕ್ಷ ಮತ್ತು ಕಾರ್ಯಕರ್ತರನ್ನು ಗೊಂದಲಕ್ಕೆ ಸಿಲುಕಿಸುವುದು ಬಿಜೆಪಿಯ ಕುತಂತ್ರ ರಾಜಕಾರಣವಾಗಿದೆ. ಇದನ್ನು ನಗರ ಕಾಂಗ್ರೆಸ್ ಖಂಡಿಸುತ್ತದೆ. ಅಲ್ಲದೇ ಇದಕ್ಕೆ ಮಹತ್ವ ನೀಡದಂತೆ ಅವರು ಕಾರ್ಯಕರ್ತರಲ್ಲಿ ಮನವಿ ಮಾಡಿದ್ದಾರೆ.

ಗೊಂದಲ ನಿವಾರಣೆಗೆ ಮನವಿ: ಈ ಮಧ್ಯೆ ಹೆಬ್ಬಾಳ ವಿಧಾನ ಸಭೆ ಕ್ಷೇತ್ರದ ಮುಖಂಡ ಕೆಪಿಸಿಸಿ ಸದಸ್ಯ ಚಾಂದ್ ಪಾಷಾ ಮತ್ತಿತರರು ಪತ್ರಿಕಾಗೋಷ್ಠಿ ನಡೆಸಿ, ರೇವಣ್ಣ ರನ್ನು ಬಿಜೆಪಿಯತ್ತ ಸೆಳೆಯಲಾಗುತ್ತಿದೆ ಎಂಬ ಮಾಧ್ಯಮಗಳ ಸುದ್ದಿಯಿಂದ ಕಾರ್ಯಕರ್ತರಲ್ಲಿ ಗೊಂದಲ ಮೂಡಿದೆ. ಇದು ಈ ಭಾಗದಲ್ಲಿ ಪಕ್ಷ ಸಂಘಟನೆಗೆ ತೊಡಕು ಉಂಟಾಗುತ್ತಿದೆ.

ಒಂದು ವೇಳೆ ರೇವಣ್ಣ ಬಿಜೆಪಿ ಸೇರಲು ಬಯಸಿದ್ದಲ್ಲಿ ಅದಕ್ಕೆ ತಮ್ಮದೇನು ಅಭ್ಯಂತರ ಇಲ್ಲ. ಆದರೆ, ಈ ಬಗ್ಗೆ ಅವರು ತಮ್ಮ ನಿಲುವು ಸ್ಪಷ್ಟಪಡಿಸಬೇಕು. ರೇವಣ್ಣ ಅವರ ಸೇರ್ಪಡೆ ವದಂತಿ ನಿಜವಾಗಿದ್ದಲ್ಲಿ ಪಕ್ಷದ ಹೈಕಮಾಂಡ್ ಅವರ ವಿರುದ್ಧ ಕಠಿಣ ಕ್ರಮಕ್ಕೆ ಮುಂದಾಗುವ ಮೂಲಕ ಕಾರ್ಯಕರ್ತರಲ್ಲಿನ ಗೊಂದಲವನ್ನು ನಿವಾರಿಸಬೇಕು ಎಂದು ಮನವಿ ಮಾಡಿದ್ದಾರೆ.

ವಿಧಾನಪರಿಷತ್‌ಗೆ ತಿಪ್ಪಣ್ಣ, ಲೆಹರ್‌ಸಿಂಗ್ ನಾಮ ನಿರ್ದೇಶನ ಶಿಫಾರಸಿಗೆ ಅಂಕಿತ

2010-05-29T13:04:00.000+05:30

ಬೆಂಗಳೂರು, ಮೇ 28: ವಿಧಾನ ಪರಿಷತ್ ನಾಮನಿರ್ದೇಶನಕ್ಕೆ ಬಿಜೆಪಿ ಶಿಫಾರಸು ಮಾಡಿದ್ದ ತಿಪ್ಪಣ್ಣ ಹಾಗೂ ಲೆಹರ್‌ಸಿಂಗ್ ಹೆಸರಿಗೆ ರಾಜ್ಯಪಾಲ ಎಚ್.ಆರ್.ಭಾರದ್ವಾಜ್ ಅಂಕಿತ ಹಾಕಿದ್ದಾರೆ.

ರಾಜ್ಯಸಭೆ, ವಿಧಾನಸಭೆ ಚುನಾವಣೆಗೆ ಅಭ್ಯರ್ಥಿಗಳ ಆಯ್ಕೆ ಬಗ್ಗೆ ಅಂತಿಮ ತೀರ್ಮಾಣ ಕೈಗೊಳ್ಳುವ ಸಲುವಾಗಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯುರಪ್ಪ ಅಧ್ಯಕ್ಷತೆಯಲ್ಲಿ ಶುಕ್ರವಾರ ಚುನಾವಣಾ ಸಮನ್ವಯ ಸಮಿತಿ ಸಭೆ ನಡೆಯಿತು.

ಸಭೆಯಲ್ಲಿ ಅಭ್ಯರ್ಥಿಗಳ ಆಯ್ಕೆ ಸಂಬಂಧ ಸುಮಾರು 2ಗಂಟೆ ಕಾಲ ಸುದೀರ್ಘ ಚರ್ಚೆ ನಡೆಸಿದ ನಂತರ ವಿಧಾನಪರಿಷತ್‌ಗೆ ಇತ್ತೀಚೆಗೆ ಜೆಡಿಎಸ್‌ನಿಂದ ಬಿಜೆಪಿಗೆ ಸೇರ್ಪಡೆ ಗೊಂಡಿದ್ದ ತಿಪ್ಪಣ್ಣರನ್ನು ಹಾಗೂ ರಾಜ್ಯ ಬಿಜೆಪಿ ಖಜಾಂಚಿ ಲೆಹರ್‌ಸಿಂಗ್‌ರನ್ನು ವಿಧಾನಪರಿಷತ್‌ಗೆ ನಾಮ ನಿರ್ದೇಶನ ಮಾಡಲು ರಾಜ್ಯಪಾಲರಿಗೆ ಶಿಫಾರಸು ಮಾಡುವ ನಿರ್ಧಾರ ಕೈಗೊಳ್ಳಲಾಯಿತು. ಈ ಶಿಫಾರಸಿಗೆ ರಾಜ್ಯಪಾಲರು ಅಂಕಿತ ಹಾಕಿದ್ದಾರೆ.

ವಿಧಾನಪರಿಷತ್‌ನ 4 ಸ್ಥಾನಗಳಿಗೆ 36 ಹೆಸರುಗಳು ಹಾಗೂ ರಾಜ್ಯಸಭೆಯ ಎರಡು ಸ್ಥಾನಗಳಿಗೆ 12 ಹೆಸರುಗಳನ್ನು ಪಕ್ಷದ ಹೈಕಮಾಂಡ್‌ಗೆ ಶಿಫಾರಸ್ಸು ಮಾಡಿ, ಅದನ್ನು ಕೇಂದ್ರ ಚುನಾವಣಾ ಸಮಿತಿಗೆ ಕಳುಹಿಸಲಾಗಿದೆ.

ಈ ಸಂಭವನೀಯ ಅಭ್ಯರ್ಥಿಗಳ ಪಟ್ಟಿಯನ್ನು ಪಕ್ಷದ ರಾಷ್ಟ್ರೀಯ ಮುಖಂಡ ಅನಂತಕುಮಾರ್ ಸಭೆಯ ಬಳಿಕ ದಿಲ್ಲಿಗೆ ಕೊಂಡೊಯ್ದಿದ್ದಾರೆ ಎಂದು ಮೂಲಗಳು ಹೇಳಿವೆ.

ಸಂಭವನೀಯ ಅಭ್ಯರ್ಥಿಗಳ ಪಟ್ಟಿಯಲ್ಲಿ ವಿಧಾನಪರಿಷತ್‌ಗೆ ಈಗಾಗಲೇ ರಾಜ್ಯಪಾಲರಿಗೆ ಶಿಫಾರಸು ಮಾಡಿರುವ ತಿಪ್ಪಣ್ಣ ಹಾಗೂ ಲೆಹರ್ ಸಿಂಗ್‌ರ ಹೆಸರುಗಳನ್ನು ಹೊರತುಪಡಿಸಿ, ವಿ.ಸೋಮಣ್ಣ, ನಾರಾಯಣ ಸಾ.ಬಾಂಡಗೆ, ವಿಜಯ ಶಂಕರ್, ಅಶ್ವತ್ಥನಾರಾಯಣ ಅವರ ಹೆಸರು, ರಾಜ್ಯಸಭೆಗೆ ವೆಂಕಯ್ಯ ನಾಯ್ಡು, ಆಯನೂರು ಮಂಜುನಾಥ್ ಹೆಸರುಗಳನ್ನು ಸೇರಿಸಲಾಗಿದೆ ಎಂದು ತಿಳಿದುಬಂದಿದೆ.

ಸಭೆಯಲ್ಲಿ ಆರೆಸ್ಸೆಸ್ ಮುಖಂಡ ಸಂತೋಷ್, ಪಕ್ಷದ ರಾಜ್ಯಾಧ್ಯಕ್ಷ ಕೆ.ಎಸ್.ಈಶ್ವರಪ್ಪ, ಸಂಸದ ಅನಂತಕುಮಾರ್, ಡಿ.ವಿ.ಸದಾನಂದ ಗೌಡ, ಸಚಿವ ವಿ.ಎಸ್.ಆಚಾರ್ಯ, ಜಗದೀಶ್ ಶೆಟ್ಟರ್, ಯೋಜನಾ ಮಂಡಳಿ ಉಪಾಧ್ಯಕ್ಷ ಜಗದೀಶ್ ಶೆಟ್ಟರ್ ಮುಂತಾದವರು ಪಾಲ್ಗೊಂಡಿದ್ದರು.

ಚುನಾವಣಾ ಆಯೋಗಗಳಿಗೆ ಹೆಚ್ಚಿನ ಅಧಿಕಾರ: ಭಾರದ್ವಾಜ್ ಸಲಹೆ

2010-05-29T13:02:00.000+05:30

ಬೆಂಗಳೂರು, ಮೇ 28: ಪ್ರಜಾಪ್ರಭುತ್ವ ವ್ಯವಸ್ಥೆಯನ್ನು ಮತ್ತಷ್ಟು ಸದಢಗೊಳಿಸಲು ರಾಜ್ಯ ಚುನಾವಣಾ ಆಯೋಗಗಳಿಗೆ ಹೆಚ್ಚಿನ ಸ್ವಾತಂತ್ರ ನೀಡುವ ಅಗತ್ಯವಿದೆ ಎಂದು ರಾಜ್ಯಪಾಲ ಎಚ್.ಆರ್.ಭಾರದ್ವಾಜ್ ಅಭಿಪ್ರಾಯಪಟ್ಟಿದ್ದಾರೆ.

ಶುಕ್ರವಾರ ಬೆಂಗಳೂರಿನ ಖಾಸಗಿ ಹೊಟೇಲ್‌ನಲ್ಲಿ ಏರ್ಪಡಿಸಲಾಗಿದ್ದ ರಾಜ್ಯ ಚುನಾವಣಾ ಆಯುಕ್ತರ ಸಮ್ಮೇಳನದಲ್ಲಿ ದೀಪ ಬೆಳಗಿಸಿ ಉದ್ಘಾಟಿಸುತ್ತಿರುವ ರಾಜ್ಯಪಾಲ ಎಚ್.ಆರ್.ಭಾರದ್ವಾಜ್.

ಶುಕ್ರವಾರ ನಗರದ ಖಾಸಗಿ ಹೊಟೇಲ್‌ನಲ್ಲಿ ಏರ್ಪಡಿಸಲಾಗಿದ್ದ ರಾಜ್ಯ ಚುನಾವಣಾ ಆಯುಕ್ತರ ಸಮ್ಮೇಳನಕ್ಕೆ ದೀಪ ಬೆಳಗಿಸಿ ಚಾಲನೆ ನೀಡಿ ಮಾತನಾಡಿದ ಅವರು, ಸಂವಿಧಾನಿಕ ಆಶಯದಂತೆ ಕೇಂದ್ರ ಚುನಾವಣಾ ಆಯೋಗದ ಮಾದರಿಯಲ್ಲೆ ರಾಜ್ಯ ಚುನಾವಣಾ ಆಯೋಗಗಳಿಗೆ ಸ್ವಾಯತ್ತತೆ ನೀಡಬೇಕಾಗಿದೆ ಎಂದು ಸಲಹೆ ಮಾಡಿದರು.

ಎಲ್ಲ ಚುನಾವಣಾ ಆಯೋಗಗಳು ಹಣಕಾಸು ನೆರವು ಸೇರಿದಂತೆ ಮತ್ತಿತರ ಸೌಲಭ್ಯಗಳಿಗೆ ರಾಜ್ಯ ಸರಕಾರಗಳನ್ನು ಅವಲಂಬಿಸಿವೆ. ಇದು ಸರಿಯಾದ ಕ್ರಮವಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದ ರಾಜ್ಯಪಾಲರು, ಚುನಾವಣಾ ಆಯೋಗಗಳಿಗೆ ಆರ್ಥಿಕ ಸ್ವಾಯತ್ತತೆ ಕಲ್ಪಿಸಬೇಕಾಗಿದೆ.

ಚುನಾವಣಾ ಆಯೋಗಗಳ ಮನವಿಗೆ ಮುನ್ನವೇ ಅಗತ್ಯ ಸಿಬ್ಬಂದಿ ಮತ್ತು ಮೂಲಭೂತ ಸೌಕರ್ಯಗಳನ್ನು ಸರಕಾರಗಳು ಒದಗಿಸಬೇಕು. ಆ ಮೂಲಕ ಸುಗಮವಾಗಿ ಕಾರ್ಯ ನಿರ್ವಹಿಸಲು ಅನುವು ಮಾಡಿಕೊಡಬೇಕು ಎಂದು ಹೇಳಿದರು.

ರಾಜ್ಯ ಚುನಾವಣಾ ಆಯೋಗಗಳಿಗೆ ಹೆಚ್ಚಿನ ಅಧಿಕಾರ ನೀಡುವ ಕುರಿತಂತೆ ಸಂವಿಧಾನಕ್ಕೆ ತಿದ್ಧುಪಡಿ ಅಗತ್ಯ ಎಂದು ಪ್ರತಿಪಾದಿಸಿದ ಭಾರದ್ವಾಜ್, ಹಣ ಮತ್ತು ತೊಳ್ಬಲದಿಂದ ಕೆಲವರು ಪ್ರಜಾಪ್ರಭುತ್ವವನ್ನು ದುರ್ಬಲಗೊಳಿಸಲು ಹುನ್ನಾರ ನಡೆಸಿದ್ದಾರೆ.

ಇದನ್ನು ತಡೆಯುವ ಕೆಲಸವನ್ನು ಚುನಾವಣಾ ಆಯೋಗಗಳು ಮಾಡಬೇಕು. ಪ್ರಜಾತಂತ್ರ ವ್ಯವಸ್ಥೆಯನ್ನು ಕಾಪಾಡುವ ಹಿನ್ನೆಲೆಯಲ್ಲಿ ಜನ ಪ್ರತಿನಿಧಿಗಳು ಪಕ್ಷಾಂತರ ಅಥವಾ ಲಾಭದಾಯಕ ಹುದ್ಧೆ ಹೊಂದಿದ್ದರೆ ಅವರನ್ನು ಅನರ್ಹಗೊಳಿಸಲು ಆಯೋಗಗಳಿಗೆ ಅಧಿಕಾರ ನೀಡಿರುವುದು ಸ್ವಾಗತಾರ್ಹ ಎಂದರು.

ಸ್ಥಳೀಯ ಸಂಸ್ಥೆಗಳ ಚುನಾವಣೆಗಳನ್ನು ನಿಗದಿತ ಅವಧಿಯಲ್ಲೆ ನಡೆಸಲು ರಾಜ್ಯ ಚುನಾವಣಾ ಆಯೋಗಗಳಿಗೆ ಹೆಚ್ಚಿನ ಅಧಿಕಾರ ನೀಡಬೇಕು ಎಂದು ಹೇಳಿದ ರಾಜ್ಯಪಾಲರು, ವಿಧಾನಸಭೆ ಚುನಾವಣೆಗೂ ಮೂರು ತಿಂಗಳ ಮುನ್ನ ರಾಜ್ಯಗಳಲ್ಲಿ ರಾಷ್ಟ್ರಪತಿ ಅಳ್ವಿಕೆ ಜಾರಿ ಉತ್ತಮವಾದ ಕ್ರಮ.

ಅಕ್ರಮಗಳನ್ನು ತಡೆಗಟ್ಟಿ ಮುಕ್ತ ಹಾಗೂ ನ್ಯಾಯ ಸಮ್ಮತ ಚುನಾವಣೆ ನಡೆಸಲು ಅನುಕೂಲವಾಗುತ್ತದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು. ಪ್ರಜಾತಂತ್ರ ಬಲಪಡಿಸಲು ನ್ಯಾಯಾಂಗ ವ್ಯವಸ್ಥೆಯ ಮಾದರಿ ಯಲ್ಲೆ ಚುನಾವಣಾ ಆಯೋಗಗಳಿಗೆ ಅಧಿಕಾರ ನೀಡಬೇಕು ಎಂದು ಹೇಳಿದರು.

ಕಾರ್ಯಕ್ರಮದಲ್ಲಿ ರಾಜ್ಯ ಚುನಾವಣಾ ಆಯುಕ್ತ ಸಿ.ಆರ್.ಚಿಕ್ಕಮಠ್, ಪಂಜಾಬ್ ರಾಜ್ಯದ ಚುನಾವಣಾ ಆಯುಕ್ತ ಎ.ಕೆ.ದುಬೈ, ಹೊಸದಿಲ್ಲಿ ಚುನಾವಣಾ ಆಯುಕ್ತ ಓ.ಪಿ.ಕೇಳ್ಕರ್ ಮೊದಲಾದವರು ಉಪಸ್ಥಿತರಿದ್ದರು.

ಯುವಕನ ಮೇಲೆ ಪೊಲೀಸ್ ದೌರ್ಜನ್ಯ

2010-05-29T12:58:00.002+05:30

ಕಾಸರಗೋಡು, ಮೇ 28: ರಸ್ತೆ ಬದಿಯಲ್ಲಿ ಬೈಕ್ ನಿಲ್ಲಿಸಿ ಮೊಬೈಲ್ ಫೋನಿನಲ್ಲಿ ಮಾತನಾಡುತ್ತಿದ್ದ ಅಮಾ ಯಕ ಬೈಕ್ ಸವಾರನಿಗೆ ಪೊಲೀಸರು ದೌರ್ಜನ್ಯವೆಸಗಿದ ಘಟನೆ ನಗರದಲ್ಲಿ ನಡೆದಿದೆ.ತಳಂಗರೆಯ ಹಮೀದ್‌ರ ಪುತ್ರ ಶಮೀರ್ (29) ಎಂಬವರು ಪೊಲೀಸ ರಿಂದ ಮಾರಣಾಂತಿಕ ಹಲ್ಲೆಗೊಳಗಾದ ವರು. ನಗರದಲ್ಲಿ ಹಿಂಸಾಚಾರದ ಸಂದರ್ಭದಲ್ಲಿ ಹಳೆ ಬಸ್ಸು ನಿಲ್ದಾಣದ ಅಂಚೆ ಕಚೇರಿ ಬಳಿ ಈ ಘಟನೆ ನಡೆ ದಿದೆ ಎನ್ನಲಾಗಿದೆ. ತಾಯಲಂಗಾಡಿ ಕಡೆಗೆ ತೆರಳುತ್ತಿದ್ದ ಶಮೀರ್ ಬೈಕ್‌ನ್ನು ರಸ್ತೆ ಬದಿ ನಿಲ್ಲಿಸಿ ಮಾತನಾಡುತ್ತಿದ್ದಾಗ ಪ್ಲೆಯಿಂಗ್ ದಳ ಜೀಪಿನಲ್ಲಿ ಬಂದಿಳಿದು ಪೊಲೀಸರು ಲಾಠಿಯಿಂದ ದೌರ್ಜನ್ಯವೆಸ ಗಿದ್ದು, ಈ ಬಗ್ಗೆ ಪ್ರಶ್ನಿಸಿದಾಗ ಮತ್ತೆ ಮತ್ತೆ ಥಳಿಸಲಾಯಿತೆನ್ನಲಾಗಿದೆ.

ಅಮಾಯಕನ ಮೇಲಿನ ದೌರ್ಜ್ಯ ನ್ಯವು ಪ್ರತ್ಯಕ್ಷದರ್ಶಿಗಳನ್ನು ನಿಬ್ಬೆರಗಾಗು ವಂತೆ ಮಾಡಿದೆ. ಕೆಲ ತಿಂಗಳ ಹಿಂದೆ ಪತ್ರಕರ್ತರ ರಹಿಮಾನ್ ತಾಯಲಂಗಾ ಡಿಯವರ ಮೇಲೆ ಪೊಲೀಸರು ದೌರ್ಜನ್ಯ ನಡೆಸಿದ್ದರು. ನಗರದಲ್ಲಿ ಹಿಂಸಾಚಾರಕ್ಕೆ ಕಾರಣರಾದವರತ್ತ ಗಮನ ಹರಿಸದ ಪೊಲೀಸರು ಅಮಾಯಕರ ಮೇಲೆ ದೌರ್ಜನ್ಯ ನಡೆಸುತ್ತಿರುವ ಪ್ರಕರಣಗಳು ಹೆಚ್ಚುತ್ತಿವೆ ಎಂಬ ಮಾತುಗಳು ಸಾರ್ವ ಜನಿಕ ವಲಯಗಳಲ್ಲಿ ಕೇಳಿ ಬರುತ್ತಿವೆ.

ಬಸ್‌ಗೆ ಕಲ್ಲು ತೂರಾಟ:ಮೂವರಿಗೆ ಗಾಯ
ಕಾಸರಗೋಡು, ಮೇ 28: ಕಾಞಂಗಾಡ್‌ನಿಂದ ಕಾಸರಗೋಡಿಗೆ ಬರುತ್ತಿದ್ದ ಕೆಎಸ್ಸಾರ್ಟಿಸಿ ಬಸ್ಸಿಗೆ ಮೇಲ್ಪರಂಬ ಬಳಿ ಕಿಡಿಗೇಡಿಗಳು ಕಲ್ಲು ತೂರಾಟ ನಡೆಸಿದ್ದು, ಚಾಲಕ ಸೇರಿದಂತೆ ಮೂವರು ಗಾಯಗೊಂಡ ಘಟನೆ ನಿನ್ನೆ ರಾತ್ರಿ ನಡೆದಿದೆ. ಗಾಯಗೊಂಡವರನ್ನು ಬಸ್ ಚಾಲಕ ಕೋನಕ್ಕಾಡ್ ಕಂಬಾಳಪಳ್ಳಿಯ ಎಂ.ವಿ.ಸಣ್ಣಿ(40), ನಿರ್ವಾಹಕ ನೀಲೇಶ್ವರದ ಪಿ.ಸಜಿತ್ (25), ಪ್ರಯಾಣಿಕ ಸುಧಾಕರ (35) ಎಂದು ಗುರುತಿಸಲಾಗಿದೆ.

ಸಣ್ಣಿಯವರ ತಲೆಗೆ ಗಂಭೀರ ಗಾಯವಾಗಿದ್ದು, ಇವರು ಪ್ರಜ್ಞೆ ತಪ್ಪಿ ಬಸ್ಸಿನೊಳಗೆ ಬಿದ್ದಿದ್ದರು. ಬಸ್ಸು ರಸ್ತೆ ಬದಿ ನಿಂತಿದ್ದರಿಂದ ಬಹುದೊಡ್ಡ ದುರಂತ ತಪ್ಪಿದೆ ಎನ್ನಲಾಗಿದೆ. ಸಣ್ಣಿಯವರನ್ನು ಜನರಲ್ ಹಾಗೂ ಉಳಿದವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಕಾಸರಗೋಡು ಹಿಂಸಾಚಾರ: 23 ಮಂದಿಯ ಬಂಧನ
ಕಾಸರಗೋಡು, ಮೇ 28: ನಗರದಲ್ಲಿ ಸಂಭವಿಸಿದ ಹಿಂಸಾಚಾರಕ್ಕೆ ಸಂಬಂಧಿಸಿದಂತೆ ನಗರ ಠಾಣಾ ಪೊಲೀಸರು 23 ಮಂದಿಯನ್ನು ಬಂಧಿಸಿದ್ದಾರೆ.ಇವರಲ್ಲಿ 20 ಮಂದಿಯನ್ನು ಮುಂಜಾಗ್ರತಾ ಕ್ರಮ ವಾಗಿ ಬಂಧಿಸಲಾಗಿದೆ. ನಗರಸಭಾ ಸದಸ್ಯ ಜಗದೀಶ್‌ರ ನಾಯಕ್ಸ್ ರಸ್ತೆಯಲ್ಲಿರುವ ಅಂಗಡಿಗೆ ಹಾನಿಗೈದ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಚೌಕಿ ಪೆರಿಯಾಟಡ್ಕದ ಪಿ.ಪಿ.ಉನೈಸ್(19) ಹಾಗೂ ಇಬ್ಬರು ಬಾಲಕರನ್ನು ಬಂಧಿಸಲಾಗಿದೆ.

ನಗರದ ಇತರೆಡೆಗಳಲ್ಲಿ ನಡೆದ ಹಿಂಸಾಚಾರಕ್ಕೆ ಕಾರಣರಾದ 20 ಮಂದಿಯನ್ನು ಮುಂಜಾಗ್ರತಾ ಕ್ರಮವಾಗಿ ಪೊಲೀಸರು ಬಂಧಿಸಿ ದ್ದಾರೆ. ವಿದ್ಯಾನಗರದ ಚಾಲ ಹೌಸ್‌ನ ಪಿ.ಎಂ. ಮಿಸಾಹಬ್ (19), ಬಂಗ್ರ ಮಂಜೇಶ್ವರ ಶಾಂತಿನಗರದ ಅಂಗಡಿಪದವಿನ ಸಂತು (24), ಮುನ್ನೂರುಪ್ಪಾಡಿ ಹೌಸ್‌ನ ಸಿ.ಕಾರ್ತಿ (19), ಅಣಂಗೂರಿನ ಎನ್.ಮುರಳೀಧರನ್ (30), ಚೆಂಗಳದ ಅಬ್ದುಲ್ ಲತೀಫ್ (29), ಚೆಚ್ಚಂಗುಯಿ ಇಝಾಕ್ ನಗರದ ಅಬ್ದುಲ್ ಹಮೀದ್ (29), ಪೇರಾಲ್ ಕಣ್ಣೂರಿನ ಕೆ.ಉದಯ ಯಾನೆ ಕುಟ್ಟನ್ (19), ಕೆ.ಪ್ರಮೋದ್ (18), ಎಂ.ಸುರೇಶ್ (20) ಮೊದಲಾದವರನ್ನು ವಿದ್ಯಾನಗರದಿಂದ ಬಂಧಿಸ ಲಾಗಿದೆ ಎಂದು ಹೇಳಲಾಗಿದೆ.

ಅಡ್ಕತ್ತಬೈಲ್ ಕೋಟವಳಪ್ಪ್ ಬಿ.ಕೆ.ಹೌಸ್‌ನ ಸಿ.ಎಂ. ಅಹ್ಮದ್ (37). ಅಡ್ಕತ್ತಬೈಲ್‌ನ ಮುಹಮ್ಮದ್ ಶಂನಾಡ್ (20), ಪಾಣಲಂ ಕುಂಞಕಾನದ ಅಹ್ಮದ್ ರಶೀದ್ (18), ಚೇರೂರು ತುರ್ತಿಯ ಬಾಲಕನೊಬ್ಬನನ್ನು ಕರಂದಕ್ಕಾಡ್ ಜಂಕ್ಷನ್‌ನಿಂದ, ಕರಂದಕ್ಕಾಡ್ ಶ್ರೀಕೃಷ್ಣ ಹೊಟೇಲ್ ಬಳಿಯ ಪ್ರಶಾಂತ್ (20) ಹಾಗೂ ಸಂದೀಪ್ (23), ಬಟ್ಟಂಪಾರೆಯ ಕೆ. ಮಹೇಶ್ (18), ಅಡ್ಕತ್ತಬೈಲ್‌ನ ಕೆ.ನಿಶಿತ್ (18), ಅಡ್ಕತ್ತ ಬೈಲ್‌ನ ಸುಬ್ರಹ್ಮಣ್ಯ ಕ್ಷೇತ್ರ ಬಳಿಯ ಸಂದೀಪ್ (18), ಕೇಳುಗುಡ್ಡೆಯ ಸಿ.ಯತೀಶ್ (18), ಬಟ್ಟಂಪಾರೆಯ ಕೆ. ಅನಾಸ್ (18)ರನ್ನು ಮೀಪುಗುರಿಯಿಂದ ಬಂಧಿಸ ಲಾಗಿದೆ ಎಂದು ತಿಳಿದು ಬಂದಿದೆ. ಹಿಂಸಾಚಾರಕ್ಕೆ ಕಾರಣರಾ ದವರ ಪತ್ತೆಗಾಗಿ ಪೊಲೀಸರು ಶೋಧ ನಡೆಸುತ್ತಿದ್ದಾರೆ.

ವಿಮಾನ ದುರಂತ: ಮಡಿದವರ ಮನೆಗೆ ಮಂಗಳೂರು ಖಾಝಿ ಭೇಟಿ

2010-05-29T12:51:00.004+05:30

ಮಂಗಳೂರು, ಮೇ 28: ಬಜ್ಪೆ ವಿಮಾನ ದುರಂತದಲ್ಲಿ ಮಡಿದವರ ಪೈಕಿ ಕೆಲವು ಮಂದಿಯ ಮನೆಗೆ ಮಂಗಳೂರು ಖಾಝಿ ತ್ವಾಕ ಅಹ್ಮದ್ ಮುಸ್ಲಿಯಾರ್ ಗುರುವಾರ ಭೇಟಿ ನೀಡಿ ವಿಶೇಷ ದುವಾ ಮಾಡಿದರು.

ನಗರದ ಜಪ್ಪು, ಮಂಗಳಾದೇವಿ, ಉಳ್ಳಾಲ ಕೋಟೆಪುರ, ಕಣ್ಣೂರು, ಕಂಡತ್‌ಪಳ್ಳಿ ಹೀಗೆ ದುರಂತದಲ್ಲಿ ಮಡಿದ ಹಿಂದೂ ಮತ್ತು ಮುಸ್ಲಿಮರ ಮನೆಗಳಿಗೆ ಭೇಟಿ ನೀಡಿದರು.
ಈ ವೇಳೆ ಮುಸ್ಲಿಂ ಸೆಂಟ್ರಲ್ ಕಮಿಟಿಯ ಪ್ರಧಾನ ಕಾರ್ಯದರ್ಶಿ ಹನೀಫ್ ಹಾಜಿ, ಮಾಜಿ ಮೇಯರ್ ಕೆ. ಅಶ್ರಫ್, ಸಮದ್, ರಿಯಾಝ್, ಬಾಷಾ ತಂಳ್ ಹಾಜರಿದ್ದರು.

ಮೃತರ ಮನೆಗಳಿಗೆ ಜನಾರ್ದನ ಪೂಜಾರಿ, ಖುಸ್ರೋ ಖುರೇಶಿ ಭೇಟಿ ಮಾನವೀಯತೆ ಮುಖ್ಯ: ಖುಸ್ರೋ

ಮಂಗಳೂರಿನಲ್ಲಿ ಹಲವು ಬಾರಿ ಕೋಮುಗಲಭೆ ನಡೆದರೂ ಕೂಡ ಮೊನ್ನೆಯ ದುರ್ಘಟನೆಯ ಸಂದರ್ಭದಲ್ಲಿ ಎಲ್ಲರೂ ಜಾತಿಧರ್ಮವನ್ನು ಮರೆತು ಮಾನವೀಯತೆಯ ನೆಲೆಯಲ್ಲಿ ಕಾರ್ಯನಿರ್ವಹಿಸಿದ್ದಾರೆ. ಇಲ್ಲಿ ಎಲ್ಲ ಧರ್ಮ ಜಾತಿಗಳಿಗಿಂತ ಮಾನವೀಯತೆ ಕೆಲಸ ಮಾಡಿದೆ ಎಂದು ರಾಜ್ಯ ಅಲ್ಪಸಂಖ್ಯಾತ ಆಯೋಗದ ಅಧ್ಯಕ್ಷ ಖುಸ್ರೋ ಖುರೇಶಿ ಅಭಿಪ್ರಾಯಪಟ್ಟಿದ್ದಾರೆ.ಉಡುಪಿಯಲ್ಲಿಂದು ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಇದಕ್ಕಾಗಿ ಮಂಗಳೂರು ಜನತೆಗೆ ಕೃತಜ್ಞತೆ ಸಲ್ಲಿಸುತ್ತೇನೆ. ನಾವೆಲ್ಲ ಭಾರತೀಯ ಮಕ್ಕಳು ಎಂಬುದನ್ನು ಮೊದಲು ಅರಿತುಕೊಳ್ಳಬೇಕು. ತಾನು ಕೇವಲ ಅಲ್ಪಸಂಖ್ಯಾತರ ಮನೆಗಳಿಗೆ ಮಾತ್ರವಲ್ಲ ಎಲ್ಲಾ ಧರ್ಮದವರ ಮನೆಗಳಿಗೆ ಭೇಟಿ ನೀಡಿ ಸಾಂತ್ವನ ಹೇಳುತ್ತೇನೆ ಎಂದು ತಿಳಿಸಿದರು.
--------------------------------------------------------------------------------
ಉಡುಪಿ, ಮೇ 28: ಬಜ್ಪೆ ವಿಮಾನ ದುರಂತದಲ್ಲಿ ಮೃತಪಟ್ಟ ಉಡುಪಿ ಜಿಲ್ಲೆಯವರ ಮನೆಗಳಿಗೆ ಕರ್ನಾಟಕ ರಾಜ್ಯ ಅಲ್ಪಸಂಖ್ಯಾತರ ಆಯೋಗದ ಅಧ್ಯಕ್ಷ ಖುಸ್ರೋ ಖುರೇಶಿ ಹಾಗೂ ಕಾಂಗ್ರೆಸ್ ಮುಖಂಡ ಜನಾರ್ದನ ಪೂಜಾರಿ ಶುಕ್ರವಾರ ಭೇಟಿ ನೀಡಿ, ಮೃತರ ಕುಟುಂಬಗಳಿಗೆ ಸಾಂತ್ವನ ಹೇಳಿದರು.

ಉಚ್ಚಿಲದ ಸಫ್ದರ್ ಅಲಿ, ಪಾಂಗಾಳ ಮಟ್ಟುವಿನ ನವೀನ್ ಕುಮಾರ್, ಶಂಕರಪುರದ ಫ್ಲೇವಿಯಾ ಲೋಬೊ, ಮಲ್ಲಾರಿನ ಝುಲೇಕಾ, ಉಡುಪಿ ವಳಕಾಡಿನ ಮುಹಮ್ಮದ್ ಝಿಯಾದ್, ಕೆಮ್ತೂರಿನ ಜಯಪ್ರಕಾಶ್ ದೇವಾಡಿಗ, ಕೊರಂಗ್ರಪಾಡಿಯ ಕಿಶೋರ್ ಕುಮಾರ್, ಕಿರಿಮಂಜೇಶ್ವರದ ಇಬ್ರಾಹೀಂ, ಗಂಗೊಳ್ಳಿಯ ಅಲ್ತಾಫ್‌ಅಹ್ಮದ್, ಶಾಂತಿ ಒಲಿವೇರಾ, ನೇಹಾರ ಮನೆಗಳಿಗೆ ತೆರಳಿದ ಜನಾರ್ದನ ಪೂಜಾರಿ, ಮೃತರ ಕುಟುಂಬಗಳಿಗೆ ಸಾಂತ್ವನ ಹೇಳಿದರು.
ಈ ಸಂದರ್ಭದಲ್ಲಿ ಮಾಜಿ ಸಚಿವ ವಂಸತ ವಿ.ಸಾಲ್ಯಾನ್, ಮಾಜಿ ಶಾಸಕ ಗೋಪಾಲ ಪೂಜಾರಿ, ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ಎಂ.ಎ.ಗಫೂರ್, ಮುಖಂಡ ರಾದ ಮೊಯ್ದಿನ್ ಬಾವಾ, ಅರುಣ್ ಕುವೆಲ್ಲೊ ಮತ್ತಿತರರು ಉಪಸ್ಥಿತರಿದ್ದರು.

ಅದೇ ರೀತಿ ಖುಸ್ರೋ ಖುರೇಶಿ, ಕೆಮ್ತೂರಿನ ಜಯಪ್ರಕಾಶ್ ದೇವಾಡಿಗ, ಕೊರಂಗ್ರಪಾಡಿಯ ಕಿಶೋರ್, ಮರ್ಣೆಯ ಕೆವಿನ್, ವಳಕಾಡಿನ ಮುಹಮ್ಮದ್ ಝಿಯಾದ್, ಮಲ್ಪೆಯ ನವೀದ್‌ರ ಮನೆಗಳಿಗೆ ಭೇಟಿ ನೀಡಿ ಸಾಂತ್ವನ ಹೇಳಿದರು. ಈ ಸಂದರ್ಭದಲ್ಲಿ ಉಡುಪಿ ಅಲ್ಪಸಂಖ್ಯಾತರ ವೇದಿಕೆಯ ಅಧ್ಯಕ್ಷ ಖತೀಬ್ ರಶೀದ್, ವಕ್ಫ್ ಬೋರ್ಡ್‌ನ ಉಡುಪಿ ಜಿಲ್ಲಾ ಸಲಹಾ ಮಂಡಳಿಯ ಅಧ್ಯಕ್ಷ ಬುಡಾನ್ ಬಾಷಾ, ಖರಮತ್ ಅಲಿ, ಮುಹಮ್ಮದ್ ವೌಲ, ಇಲಾಖೆಯ ಅಧಿಕಾರಿ ಗಿರೀಶ್ ಉಪಸ್ಥಿತರಿದ್ದರು.

ಎಷ್ಟು ಗಳಿಸಿದ್ರಿ ಅಂತ ಘೋಷಿಸಿ: ರಾಜಕಾರಣಿಗಳಿಗೆ ಸವಾಲ್!

2010-05-29T12:48:00.000+05:30

ತಮ್ಮ ಸಂಪತ್ತಿನ ಕುರಿತು ಪ್ರಶ್ನೆ ಎತ್ತುತ್ತಿರುವ ರಾಜಕೀಯ ಮುಖಂಡರ ವಿರುದ್ಧ ತಿರುಗಿ ಬಿದ್ದಿರುವ ಉತ್ತರ ಪ್ರದೇಶ ಮುಖ್ಯಮಂತ್ರಿ ಮಾಯಾವತಿ, ಎಲ್ಲಾ ರಾಜಕೀಯ ಪಕ್ಷಗಳ ಮುಖಂಡರು ತಾವು ರಾಜಕೀಯ ಸೇರುವ ಮೊದಲು ಮತ್ತು ನಂತರ ಎಷ್ಟು ಆಸ್ತಿ ಹೊಂದಿದ್ದಾರೆಂಬುದನ್ನು ಸಾರ್ವಜನಿಕವಾಗಿ ಬಹಿರಂಗಪಡಿಸಬೇಕು ಎಂದು ಸವಾಲು ಹಾಕಿದ್ದಾರೆ.

ಮಾಯಾವತಿಯವರು 88ಕೋಟಿ ರೂಪಾಯಿ ಸಂಪತ್ತು ಹೊಂದಿದ್ದಾರೆಂಬ ಬಗ್ಗೆ ವಿವಿಧ ರಾಜಕೀಯ ಪಕ್ಷಗಳ ಮುಖಂಡರು, ಮಾಯಾ ಅವರ ಆಸ್ತಿಯ ಕುರಿತು ತನಿಖೆ ನಡೆಸುವಂತೆ ಒತ್ತಾಯಿಸಿರುವ ಬಗ್ಗೆ ಈ ರೀತಿಯಾಗಿ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ. ಮಾಯಾವತಿ ಅವರು ತಮ್ಮ ನಾಮಪತ್ರದಲ್ಲಿ ಆದಾಯದ ವಿವರವನ್ನು ಘೋಷಿಸಿದ್ದರು. ಅದಕ್ಕೆ ಕೆಲವು ರಾಜಕೀಯ ಪಕ್ಷಗಳ ಮುಖಂಡರು ಮಾಯಾ ಆಸ್ತಿಯ ಬಗ್ಗೆ ಕೂಲಂಕಷ ತನಿಖೆ ನಡೆಸಬೇಕೆಂದು ಒತ್ತಾಯಿಸಿ,ಪಟ್ಟು ಹಿಡಿದಿದ್ದವು.

ಈ ಕುರಿತು ಬಹುಜನ ಸಮಾಜ ಪಕ್ಷ (ಬಿಎಸ್‌ಪಿ)ದ ಪ್ರಧಾನ ಕಾರ್ಯದರ್ಶಿ ಸತೀಶ್ ಚಂದ್ರಾ ಮಿಶ್ರಾ ಪತ್ರಿಕಾಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡುತ್ತ, ದೇಶದ ರಾಜಕಾರಣಿಗಳಲ್ಲಿ ಮಾಯಾವತಿಯೊಬ್ಬರೇ ತಮ್ಮ ಚಿರ ಮತ್ತು ಚರಾಸ್ತಿಯ ಸೇರಿದಂತೆ ಆದಾಯದ ಬಗ್ಗೆ ಪಾರದರ್ಶಕವಾಗಿ ವಿವರ ನೀಡಿದ ವ್ಯಕ್ತಿಯಾಗಿದ್ದಾರೆಂದು ಹೇಳಿದರು.

ಹಾಗಾಗಿ ಇತರ ರಾಜಕೀಯ ಪಕ್ಷಗಳ ಮುಖಂಡರಿಗೆ ಮಾಯಾವತಿ ಆದಾಯದ ಬಗ್ಗೆ ಟೀಕಿಸುವ ನೈತಿಕತೆ ಇಲ್ಲ, ಯಾಕೆಂದರೆ ಅವರು ರಾಜಕೀಯಕ್ಕೆ ಬರುವ ಮುನ್ನ ಮತ್ತು ನಂತರದ ಆದಾಯದ ವಿವರವನ್ನು ಸಂಪೂರ್ಣವಾಗಿ ಘೋಷಿಸಿದ್ದಾರೆ. ಹಾಗೆಯೇ ಎಲ್ಲಾ ರಾಜಕೀಯ ಪಕ್ಷಗಳ ಮುಖಂಡರು ರಾಜಕೀಯಕ್ಕೆ ಬರುವ ಮುನ್ನ ಮತ್ತು ನಂತರ ತಾವು ಗಳಿಸಿರುವ ಆದಾಯವನ್ನು ಘೋಷಿಸಲಿ ಎಂದು ಹೇಳಿದರು.

ಎಲ್ಲರೂ ಗಾಜಿನ ಮನೆಯಲ್ಲಿ ಕುಳಿತು ಬದುಕುತ್ತಿದ್ದಾರೆ. ಆದರೆ ಅದರ ಮೇಲೆ ಕಲ್ಲೆಸುವ ಕೆಲಸ ಮಾಡಬಾರದು ಎಂದು ತಿರುಗೇಟು ನೀಡಿದ ಮಿಶ್ರಾ, ಎಲ್ಲಾ ರಾಜಕೀಯ ಪಕ್ಷಗಳ ಮುಖಂಡರಿಗೆ ತಮ್ಮ ಆದಾಯದ ನಿಜಾಂಶವನ್ನು ಮುಚ್ಚಿಟ್ಟು ಇನ್ನೊಬ್ಬರ ಬಗ್ಗೆ ಆರೋಪ ಹಾಕಲು ಮಾತ್ರ ಬರುತ್ತದೆ. ಅವರು ತಾವು ಗಳಿಸಿರುವ ನಿಜ ಆದಾಯ ಎಷ್ಟೆಂಬುದನ್ನು ಘೋಷಿಸುವುದೇ ಇಲ್ಲ ಎಂದು ಆರೋಪಿಸಿದರು.

ಮುಲಾಯಂ ಸಿಂಗ್ ಸೈಕಲ್ ಹೊಡೆಯುತ್ತಿದ್ದರು ಈಗ ಅವರ ಆಸ್ತಿ ಎಷ್ಟು ಗೊತ್ತಾ?: :ಮಾಯಾವತಿ ಆದಾಯದ ಬಗ್ಗೆ ಆರೋಪ ಮಾಡುತ್ತಿರುವ ಸಮಾಜವಾದಿ ಪಕ್ಷದ ವರಿಷ್ಠ ಮುಲಾಯಂ ಸಿಂಗ್ ಯಾದವ್ ರಾಜಕೀಯಕ್ಕೆ ಕಾಲಿಟ್ಟಾಗ ಕೇವಲ ಸೈಕಲ್‌ವೊಂದನ್ನು ಹೊಂದಿದ್ದರು ಮತ್ತು ಕೆಲವು ಎಕರೆ ಜಮೀನು ಹೊಂದಿದ್ದರು. ಆದರೆ ಈಗ ಮುಲಾಯಂ ಸಿಂಗ್ ಬಿಲಿಯನ್‌ಗಟ್ಟಲೇ ಆಸ್ತಿ ಹೊಂದಿದ್ದಾರೆ. ಅದು ಅವರ ಮತ್ತು ಅವರ ಕುಟುಂಬದವರ ಹೆಸರಿನಲ್ಲಿಯೇ ಇದೆ ಎಂದು ಗಂಭೀರವಾಗಿ ಆರೋಪಿಸಿದರು.

ಕಪ್ಪು ಹಣದ ಮಾಹಿತಿಯೂ ಹೊರಬರಲಿ: ಅಕ್ರಮ ಸಂಪತ್ತು, ಆದಾಯದ ಕುರಿತು ಕಿಡಿಕಾರಿದ ಮಿಶ್ರಾ, ವಿದೇಶ ಬ್ಯಾಂಕ್‌ನಲ್ಲಿರುವ ಕಪ್ಪು ಹಣದ ಬಗ್ಗೆಯೂ ನ್ಯಾಷನಲ್ ಡೆಮೋಕ್ರಟಿಕ್ ಅಲೆಯನ್ಸ್ ಮತ್ತು ಆಡಳಿತಾರೂಢ ಯುಪಿಎ ಸರ್ಕಾರ ಯಾಕೆ ಮೌನವಹಿಸಿದೆ ಎಂದು ಮಾಯಾವತಿ ಪ್ರಶ್ನಿಸಿದ್ದಾರೆ ಎಂದರು. ಅಲ್ಲದೇ ಸ್ವಿಸ್ ಬ್ಯಾಂಕ್‌ನಲ್ಲಿ ಖಾತೆ ಹೊಂದಿರುವ 50 ಮಂದಿ ಭಾರತೀಯರ ಹೆಸರನ್ನೂ ಯುಪಿಎ ಬಹಿರಂಗಪಡಿಸಲಿ ಎಂದು ಮಾಯಾವತಿ ಆಗ್ರಪಡಿಸಿದ್ದಾರೆಂದು ತಿಳಿಸಿದ ಮಿಶ್ರಾ, ಸ್ವಿಸ್ ಬ್ಯಾಂಕ್‌ನಲ್ಲಿ ಕಪ್ಪು ಹಣ ಇಟ್ಟವರ ಬಗ್ಗೆ ಜರ್ಮನ್ ಸರ್ಕಾರ ಕೆಲವು ಭಾರತೀಯರ ಹೆಸರನ್ನು ಭಾರತಕ್ಕೆ ನೀಡಿದೆ ಎಂದು ಹೇಳಿದರು.

ಬಜಪೆ ವಿಮಾನ ನಿಲ್ದಾಣದ ರನ್‌ವೇ ವಿಸ್ತರಣೆಗೆ ಪೂಜಾರಿ ಒತ್ತಾಯ

2010-05-29T12:47:00.000+05:30

ಹಿಂಸೆಯಲ್ಲಿ ತೊಡಗಿರುವ ಮಾವೊವಾದಿಗಳ ವಿರುದ್ಧ ನಿರ್ದಾಕ್ಷಿಣ್ಯ ಕ್ರಮ ತೆಗೆದುಕೊಳ್ಳಬೇಕೆಂದು ಮಾಜಿ ಕೇಂದ್ರ ಸಚಿವ ಜನಾರ್ದನ ಪೂಜಾರಿ ಕೇಂದ್ರ ಸರಕಾರ ವನ್ನು ಆಗ್ರಹಿಸಿದ್ದಾರೆ.

ನಿರಪರಾಗಳನ್ನು ಕೊಲ್ಲುವುದನ್ನು ಬೆಂಬಲಿ ಸಲು ಸಾಧ್ಯವಿಲ್ಲ. ಮಾವೊವಾದಿಗಳು ಬಡವರ ಪರ ಕೆಲಸ ಮಾಡುವವರಾಗಿದ್ದರೆ ಸತ್ಯಾಗ್ರಹ ನಡೆಸಲಿ. ಅದನ್ನು ಬಿಟ್ಟು ಅಮಾಯಕರನ್ನು
ಕೊಲ್ಲುವುದು ಖಂಡನೀಯ. ಈ ವಿಚಾರದಲ್ಲಿ ಕೇಂದ್ರ ಗೃಹ ಸಚಿವರಿಗೆ ಸಂಪೂರ್ಣ ಅಕಾರ ನೀಡಬೇಕು ಎಂದು ಪೂಜಾರಿ ಆಗ್ರಹಿಸಿದರು.

ಉಡುಪಿ, ಮೇ 28: ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಈಗಿರುವ 8,000 ಅಡಿ ಉದ್ದದ ರನ್‌ವೇಯನ್ನು ಮತ್ತೆ 1,000 ಅಡಿಯಷ್ಟು ವಿಸ್ತರಿಸಬೇಕೆಂದು ಮಾಜಿ ಕೇಂದ್ರ ಸಚಿವ ಜನಾರ್ದನ ಪೂಜಾರಿ ಒತ್ತಾಯಿಸಿದ್ದಾರೆ.
ಉಡುಪಿ ಕಾಂಗ್ರೆಸ್ ಭವನದಲ್ಲಿ ಕರೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಈ ವಿಮಾನ ನಿಲ್ದಾಣದಲ್ಲಿ ಅಪಘಾತ ತಡೆಯುವ ಸಾಮರ್ಥ್ಯವಿರುವ ಎರೆಸ್ಟರ್ ಸಿಸ್ಟಮ್‌ನ್ನು ಅಗತ್ಯವಾಗಿ ನಿರ್ಮಿಸಬೇಕು ಎಂದರು.

ಮಂಗಳೂರು ವಿಮಾನ ನಿಲ್ದಾಣಕ್ಕೆ ಸಿಗಲಿರುವ ಅಂತಾರಾಷ್ಟ್ರೀಯ ಮಾನ್ಯತೆ ರದ್ದುಗೊಳಿಸಬೇಕೆಂಬ ಒತ್ತಾಯ ಸರಿಯಲ್ಲ. ಇದು ಮಂಗಳೂರಿನ ಅಭಿವೃದ್ಧಿಗೆ ಹಿನ್ನಡೆಯಾ ಗಿ ಪರಿಣಮಿಸಬಹುದು ಎಂದು ಪೂಜಾರಿ ಅಭಿಪ್ರಾಯಪಟ್ಟರು.

ಮೃತರ ಕುಟುಂಬಗಳಿಗೆ ಹೆಚ್ಚಿನ ಪರಿಹಾರ ಧನ ದೊರಕಿಸಿ ಕೊಡುವ ಪ್ರಯತ್ನ ನಡೆಯುತ್ತಿದೆ. ಅಂತಾರಾಷ್ಟ್ರೀಯ ಒಪ್ಪಂದದ ಪ್ರಕಾರ ಮೃತರ ಕುಟುಂಬಕ್ಕೆ 1.65ಲಕ್ಷ ಡಾಲರ್(75-76 ಲಕ್ಷ ರೂ.) ಪರಿಹಾರ ನೀಡಬೇಕು. ಅದರ ಒಂದು ಭಾಗವಾಗಿ ಮಧ್ಯಂತರ ಪರಿಹಾರವಾಗಿ ವಿಮಾನಯಾನ ಇಲಾಖೆಯು 10ಲಕ್ಷ ರೂ. ಘೋಷಣೆ ಮಾಡಿದೆ. ಮುಂದೆ ಮೃತರ ಆದಾಯ, ಸಂಬಳ, ಕುಟುಂಬದ ಹಿನ್ನೆಲೆಯನ್ನು ಪರಿಗಣಿಸಿ ಪರಿಹಾರ ನೀಡಲಾಗುತ್ತದೆ. ಹಾಗೆ ಕೇಂದ್ರ ಸರಕಾರ ಹಾಗೂ ರಾಜ್ಯ ಸರಕಾರಗಳೂ ತಲಾ 2 ಲಕ್ಷ ರೂ. ಪರಿಹಾರ ಧನವನ್ನು ಘೋಷಿಸಿವೆ ಎಂದು ಅವರು ತಿಳಿಸಿದರು.

ವಿಮಾನ ಅಪಘಾತಕ್ಕೆ ನಾಗಾರ್ಜುನ ಸ್ಥಾವರ ಕಾರಣ ಎಂಬುದು ಸುಳ್ಳು. ಹಾಗೆ ಆರೋಪಿಸುವವರು ಮುಂಬೈ ವಿಮಾನ ನಿಲ್ದಾಣವನ್ನೊಮ್ಮೆ ಹೋಗಿ ನೋಡಲಿ. ಅಲ್ಲಿ ವಿಮಾನ ನಿಲ್ದಾಣದ ಸುತ್ತಮುತ್ತ ಹಲವು ಕೈಗಾರಿಕೆಗಳಿವೆ ಎಂದವರು ತಿಳಿಸಿದರು.
ಸುದ್ದಿಗೋಷ್ಠಿಯಲ್ಲಿ ಮಾಜಿ ಸಚಿವ ವಸಂತ ವಿ.ಸಾಲ್ಯಾನ್, ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ಎಂ.ಎ.ಗೂರ್, ದ.ಕ.ಜಿಲ್ಲಾ ಅಲ್ಪಸಂಖ್ಯಾತ ಘಟಕದ ಅಧ್ಯಕ್ಷ ಮೊಯ್ದಿನ್ ಬಾವಾ, ಮಂಜುನಾಥ ಉದ್ಯಾವರ, ದಿವಾಕರ ಕುಂದರ್, ಅರುಣ್ ಕುವೆಲ್ಲ್ಲೊ, ಹರೀಶ್ ಕಿಣಿ ಉಪಸ್ಥಿತರಿದ್ದರು.

ರಾಜ್ಯಸಭೆಗೆ ಆಚಾರ್ಯ?

2010-05-29T12:45:00.001+05:30

ಮೈಸೂರು, ಮೇ 28: ರಾಜ್ಯ ವಿಧಾನಸಭೆ ಯಿಂದ ರಾಜ್ಯಸಭೆಯ ನಾಲ್ಕು ಸ್ಥಾನಗಳಿಗೆ ನಡೆಯಲಿರುವ ಚುನಾವಣೆಗೆ ಸಂಭವನೀಯ ಬಿಜೆಪಿ ಅಭ್ಯರ್ಥಿಗಳ ಪಟ್ಟಿಯಲ್ಲಿ ತಮ್ಮ ಹೆಸರು ಇರುವುದಾಗಿ ಗೃಹ ಸಚಿವ ಡಾ.ವಿ.ಎಸ್. ಆಚಾರ್ಯ ತಿಳಿಸಿದ್ದಾರೆ.

ಖಾಸಗಿ ಕಾರ್ಯಕ್ರಮವೊಂದರಲ್ಲಿ ಪಾಲ್ಗೊಳ್ಳಲು ಗುರುವಾರ ನಗರಕ್ಕೆ ಆಗಮಿಸಿದ್ದ ಅವರು ಈ ಸಂದರ್ಭದಲ್ಲಿ ತಮ್ಮನ್ನು ಭೇಟಿ ಯಾದ ಸುದ್ದಿಗಾರರೊಂದಿಗೆ ಮಾತನಾಡಿದರು.

ವಿಧಾನಸಭೆಯಲ್ಲಿ ಪ್ರಸ್ತುತ ಪಕ್ಷಗಳು ಹೊಂದಿರುವ ಬಲಾಬಲದಂತೆ ಬಿಜೆಪಿ ಎರಡು ಸ್ಥಾನಗಳನ್ನು ಸುಲಭವಾಗಿ ಗೆಲ್ಲಬಹುದಾಗಿದ್ದು, ಪಕ್ಷದ ಸಂಭವನೀಯ ಅಭ್ಯರ್ಥಿಗಳ ಪಟ್ಟಿಯಲ್ಲಿ ತನ್ನ ಹೆಸರು ಕೂಡ ಇದೆ. ಆದರೆ ಈ ವಿಷಯದಲ್ಲಿ ವರಿಷ್ಠರು ಅಂತಿಮ ತೀರ್ಮಾನ ತೆಗೆದು ಕೊಳ್ಳಲಿದ್ದು, ಅದರಂತೆ ನಡೆದುಕೊಳ್ಳುವುದಾಗಿ ಅವರು ಹೇಳಿದರು.

ವಿಧಾನಮಂಡಲದ ಅಧಿವೇಶನ ಜೂ.28ರಿಂದ ಆರಂಭವಾಗಲಿದ್ದು, ಕೆಲವು ಮಸೂದೆಗಳು ಈ ಅಧಿವೇಶನದಲ್ಲಿ ಮಂಡನೆಯಾಗಲಿವೆ ಎಂದು ಅವರು ತಿಳಿಸಿದರು.

ಉಗ್ರರ ಜತೆಗಿನ ನಂಟಿನ ಶಂಕೆಯಿಂದ ಮುಂಬೈ ಭಯೋತ್ಪಾದನಾ ನಿಗ್ರಹ ಪಡೆಯಿಂದ ಬಂಧಿತನಾಗಿರುವ ಭಟ್ಕಳ ಮೂಲದ ಅಬ್ದುಲ್ ಸಮದ್ ಬೆಂಗಳೂರು ಸ್ಫೋಟ ಪ್ರಕರಣದಲ್ಲಿ ಭಾಗಿಯಾಗಿರುವ ಸಾಧ್ಯತೆಯಿರುವುದರಿಂದ ವಿಚಾರಣೆಗಾಗಿ ಆತನನ್ನು ರಾಜ್ಯದ ಪೊಲೀಸರ ವಶಕ್ಕೆ ಹಸ್ತಾಂತರಿಸುವಂತೆ ಕೋರಲಾಗಿದೆ ಎಂದು ಸಚಿವರು ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು.

ಯುಕೆಜಿಗೇ ಇಷ್ಟು ವೆಚ್ಚವಾದರೆ...ಎಸೆಸೆಲ್ಸಿಗೆಷ್ಟು?

2010-05-29T12:44:00.001+05:30

ಚಿಂತಾಮಣಿ, ಮೇ 28: ಯುಕೆಜಿಗೆ ಡೊನೇಷನ್, ಸಮವಸ್ತ್ರ ಮತ್ತು ಲೇಖನ ಸಾಮಗ್ರಿಗಳಿಗಾಗಿ 3400 ರೂ. ಅಲ್ಲದೆ ಪ್ರತಿ ತಿಂಗಳು 250 ರೂ. ಫೀಸು.ಯುಕೆಜಿಗೆ ಇಷ್ಟು ಖರ್ಚಾದರೆ ಎಸೆಸೆಲ್ಸಿಗೆ ಖರ್ಚೆಷ್ಟು ಎಂದು ಪೋಷಕರು ಈಗ ಲೆಕ್ಕ ಹಾಕಬೇಕಾಗಿದೆ.ಇದು ಲೆಕ್ಕವಲ್ಲ ತಾಲೂಕಿನ ಖಾಸಗಿ ಶಾಲಾ ಕಾಲೇಜುಗಳ ವ್ಯಾಸಂಗ ದಂಧೆ ಎಂದು, ಹೆಸರು ಹೇಳಲು ಇಚ್ಚಿಸದ ಕೆಲ ಪೋಷಕರು ತಮ್ಮ ಅಳಲನ್ನು ತೋಡಿಕೊಳ್ಳುತ್ತಿರುವ ಪರಿ.

ಚಿತ್ರದಲ್ಲಿ ಗಮನಿಸಿ, ಅಷ್ಟೊಂದು ಪುಸ್ತಕಗಳನ್ನು ಪೋಷಕರು ಶಾಲೆಯಲ್ಲಿ ದುಡ್ಡು ತೆತ್ತು ತೆಗೆದುಕೊಂಡು ಹೋಗುತ್ತಿರುವುದು 5ನೆ ತರಗತಿಗೊ, 10ನೆ ತರಗತಿಯ ವಿದ್ಯಾರ್ಥಿಗೋ ಅಲ್ಲ. ಯುಕೆಜಿಯ ವಿದ್ಯಾರ್ಥಿಗೆ ಎಂದರೆ ದಂಗಾಗುತ್ತೀರಿ.
ಸರಿಯಾಗಿ ನಡೆದಾಡಲೂ ಬಾರದ ಮುಗ್ಧ ಕಂದಮ್ಮಗಳಿಗೆ ಇಷ್ಟೊಂದು ಪುಸ್ತಕಗಳನ್ನು ಕೊಟ್ಟು, ಪಾಲಕರಿಂದ ಸಾವಿರಾರು ರೂ. ಕಿತ್ತು, ಟೈ-ಬೆಲ್ಟು, ಯೂನಿಫಾರಂ ಹಾಕಿಸಿ, ಪೋಷಕರಿಗೆ ಹೊರೆ ಮಾಡುವ ಖಾಸಗಿ ಶಾಲೆಗಳು ಇಂದು ನಾಯಿ ಕೊಡೆಗಳಂತೆ ಎಲ್ಲೆಂದರಲ್ಲಿ ತೆರೆದಿವೆ.

ಶಿಕ್ಷಣ ಎನ್ನುವುದು ಪ್ರತಿಯೊಬ್ಬ ನಾಗರಿಕನ ಮೂಲಭೂತ ಹಕ್ಕುಗಳಲ್ಲೊಂದು, ಇಂತಹ ಶಿಕ್ಷಣ ಇಂದು ವ್ಯಾಪಾರೀಕರಣವಾಗಿ ಹೋಗಿದೆ. ಲಕ್ಷಾಂತರ ರೂ.ಗಳನ್ನು ತೆತ್ತು ಹಗಲಿರುಳು ಶ್ರಮಿಸಿ ವ್ಯಾಸಂಗ ಮಾಡಿ, ಡಿಗ್ರಿಗಳನ್ನು ಪಡೆಯುವ ಯುವ ಸಮೂಹವಿಂದು ನಿರುದ್ಯೋಗವೆಂಬ ಪೆಡಂಭೂತಕ್ಕೆ ಸಿಕ್ಕಿ ನಲುಗಿ ಹೋಗಿದೆ. ಶಿಕ್ಷಣ ತಜ್ಞರು, ಸರಕಾರಿ ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳು ಇತ್ತ ಗಮನಹರಿಸಿ ಕಷ್ಟಪಟ್ಟು ಪದವಿ ಪಡೆದ ಪ್ರತಿಯೊಬ್ಬರಿಗೂ ಸೂಕ್ತ ಉದ್ಯೋಗಾವಕಾಶವನ್ನು ಕಲ್ಪಿಸುವ ಜವಾಬ್ದಾರಿ ಯನ್ನು ಹೊತ್ತರೆ ಮಾತ್ರ ಇಂದಿನ ಯುವಜನತೆ ನಿಶ್ಚಿಂತೆಯಿಂದ ಜೀವಿಸಬಹುದು. ಇಲ್ಲದಿದ್ದರೆ ಹೆಚ್ಚು ಶುಲ್ಕ ತೆತ್ತು ವ್ಯಾಸಂಗ ಮಾಡಿ ಪಡೆದ ಡಿಗ್ರಿ ಸರ್ಟಿಪಿಕೇಟ್‌ಗಳಿಗೆ ಫ್ರೇಂ ಹಾಕಿ ಗೋಡೆಗಳಿಗೆ ತೂಗಿ ಹಾಕುವಂತಾಗುತ್ತದೆ ಎನ್ನುವುದು ಕೆಲವರ ಮಾತು.

ರೈತರು-ಕಾರ್ಮಿಕರು ಒಂದಾದರೆ ದೇಶದ ಬದಲಾವಣೆ ಸಾಧ್ಯ

2010-05-29T12:37:00.003+05:30

ಕಾರ್ಮಿಕ ಸಮಾವೇಶದಲ್ಲಿ ಪುಟ್ಟಣ್ಣಯ್ಯ ಪ್ರತಿಪಾದನೆ

ಮಂಡ್ಯ, ಮೇ 28: ರೈತರು ಮತ್ತು ಕಾರ್ಮಿಕರು ಒಂದಾದರೆ ಇಡಿ ದೇಶವನ್ನೇ ನಡುಗಿಸಬಹುದು ಎಂದು ರೈತ ಸಂಘದ ರಾಜ್ಯಾಧ್ಯಕ್ಷ ಕೆ. ಎಸ್.ಪುಟ್ಟಣ್ಣಯ್ಯ ಪ್ರತಿಪಾದಿಸಿದ್ದಾರೆ.

ಕರ್ನಾಟಕ ಜನಪರ ವೇದಿಕೆ ಸಂಯೋಜಿತ ಜಿಲ್ಲಾ ಕಾರ್ಮಿಕ ಜಂಟಿ ಕ್ರಿಯಾ ಸಮಿತಿ ಶುಕ್ರವಾರ ನಗರದಲ್ಲಿ ಏರ್ಪಡಿಸಿದ್ದ ಕಾರ್ಮಿಕರ ಬ್ರಹತ್ ಸಮಾ ವೇಶದಲ್ಲಿ ಅವರು ಮಾತನಾಡಿದರು.

ದುಡಿಯುವ ವರ್ಗದ ಶಕ್ತಿಗಿಂತ ಬೇರೊಂದು ದೊಡ್ಡ ಶಕ್ತಿ ದೇಶದಲ್ಲಿ ಇಲ್ಲ. ಹಸಿರು (ರೈತರು) ಹಾಗೂ ಕೆಂಪು (ಕಾರ್ಮಿಕರು) ಒಂದಾಗಬೇಕು ಎಂದು ಅವರು ಕರೆ ನೀಡಿದರು.

ಪ್ರತಿಯೊ0ದು ಉತ್ಪಾದನೆಯಲ್ಲಿ ಶೇ. 80ರಷ್ಟು ಕಾರ್ಮಿಕರದೇ ಪಾಲು. ಕಾರ್ಮಿಕರು ದುಡಿಮೆ ನಿಲ್ಲಿಸಿದರೆ ದೇಶವೇ ಹಾಳಾಗಿ ಹೋಗುತ್ತದೆ ಎಂದು ಅವರು ಅಭಿಪ್ರಾಯಪಟ್ಟರು.

ಆಳುವ ವರ್ಗ ದುಡಿಯುವ ವರ್ಗವನ್ನು ಕಡೆಗಣಿಸುತ್ತಲೇ ಬಂದಿದೆ. ದುಡಿಯುವ ಜನರು ಸಂಘ ಟಿತರಾಗದೇ ಇರುವುದು ಇದಕ್ಕೆ ಕಾರಣ ಎಂದು ಅವರು ವಿಶ್ಲೇಷಿಸಿದರು.

30 ಕೋಟಿ ಉದ್ಯೋಗ ಸಷ್ಟಿಗೆ ಕಾರಣರಾಗಿರುವ ಸಹಸ್ರಾರು ಕಾರ್ಮಿಕರ ಬಾಳಿಗೆ ಈ ದೇಶದಲ್ಲಿ ಬೆಳಕೇ ಇಲ್ಲದಿರುವುದು ಈ ದೇಶದ ದೊಡ್ಡ ದುರಂತ ಎಂದು ಅವರು ವಿಷಾದಿಸಿದರು.

ಶೇ.60 ಶ್ರಮಿಕ ಮಹಿಳೆಯರು ಗರ್ಭಕೋಶದ ಕಾಯಿಲೆಯಿಂದ ನರಳುತ್ತಿದ್ದಾರೆ. ಈ ಮಹಿಳೆಯರಿಗೆ ಆರೋಗ್ಯ ರಕ್ಷಣೆ ಕಾರ್ಡ್ ಇಲ್ಲ ಎಂದು ಪುಟ್ಟಣ್ಣಯ್ಯ ಸರಕಾರದ ವಿರುದ್ಧ ಕಿಡಿಕಾರಿದರು.

ವಿಮಾನ ಅಪಘಾತದಲ್ಲಿ ಸತ್ತವರಿಗೆ 10 ಲಕ್ಷ ರೂ. ಪರಿಹಾರವಿದೆ. ಆದರೆ, ಹಾವು ಕಡಿದು ಸತ್ತ ಕೃಷಿಕರಿಗೆ 500 ರೂ. ಪರಿಹಾರವಿಲ್ಲ ಎಂದು ಅವರು ಆಕ್ರೋಶ ವ್ಯಕ್ತಪಡಿಸಿದರು.

ಬೆವರು ಮತ್ತು ರಕ್ತ ಸುರಿಸುವವರಿಗೆ ನ್ಯಾಯಬೇಕು. ಅಲ್ಲಿವರೆಗೂ ಹೋರಾಟ ಮುಂದುವರಿಯಲಿದೆ ಎಂದು ಅವರು ಗೊಷಿಸಿದರು.

ಸಮಾವೇಶ ಉದ್ಘಾಟಿಸಿ ಮಾತನಾಡಿದ ಖ್ಯಾತ ನ್ಯಾಯವಾದಿ ಮತ್ತು ಕಾರ್ಮಿಕ ಮುಖಂಡ ಎಸ್. ಬಾಲನ್ ಅವರು, ತಮ್ಮ ಬೇಡಿಕೆ ಈಡೇರಿಕೆಗೆ ಅಸಂಗಟಿತ ಕಾರ್ಮಿಕರ ಒಗ್ಗಟ್ಟಿನ ಹೋರಾಟ ಅನಿವಾರ್ಯವೆಂದರು.

ದೇಶದ 40.33 ಕೋಟಿ ಅಂಸಗಟಿತ ಕಾರ್ಮಿಕರು ಜೀವನ ಭದ್ರತೆಯಿಂದ ವಂಚಿತರಾಗಿದ್ದಾರೆ. ಕಾನೂನುಗಳಿದ್ದರೂ ಪ್ರಯೊಜನವಾಗಿಲ್ಲ ಎಂದು ಅವರು ವಿವರಿಸಿದರು.

ಜಾತಿ, ಧರ್ಮ ಮರೆತು ಅಸಂಗಟಿತ ಕಾರ್ಮಿಕರು ಒಗ್ಗಟ್ಟಿನಿಂದ ಹೋರಾಟ ಮಾಡಿದರೆ ಸಮಸ್ಯೆಯಿಂದ ಮುಕ್ತಿ ಪಡೆಯಬಹುದೆಂದು ಪಿಎಫ್ಐ ರಾಜ್ಯಾಧ್ಯಕ್ಷ ಇಲ್ಯಾಸ್ ತುಂಬೆ ಕಿವಿಮಾತು ಹೇಳಿದರು.

ಕರ್ನಾಟಕ ಜನಪರ ವೇದಿಕೆ ಪ್ರಧಾನ ಕಾರ್ಯದರ್ಶಿ ಡಾ. ವಾಸು, ಕಾರ್ಯದರ್ಶಿ ಕುಮಾರ್ ಸಮತಳ, ಮಂಡ್ಯ ಜಿಲ್ಲಾ ಕಾರ್ಮಿಕ ಜಂಟಿ ಕ್ರಿಯಾ ಸಮಿತಿ ಸಂಚಾಲಕ ಎಂ. ಬಿ. ಕುವಾರ್ ಮಾತನಾಡಿದರು. ಕರ್ನಾಟಕ ಜನಪರ ವೇದಿಕೆ ಜಿಲ್ಲಾಧ್ಯಕ್ಷ ಕಷ್ಣಪ್ರಕಾಶ್ ಇತರರು ವೇದಿಕೆಯಲ್ಲಿದ್ದರು. ವಕೀಲ ಎಂ. ಮಹೇಶ್ ನಿರ್ಣಯ ಮಂಡಿಸಿದರು.

ಮೆರವಣಿಗೆ: ಸಮಾವೇಶಕ್ಕೂ ಮುನ್ನ ಕಾಳಿಕಾಂಬ ದೇವಸ್ಥಾನದ ಆವರಣದಿಂದ ಸಿಲ್ವರ್ ಜ್ಯೂಬಿಲಿ ಪಾರ್ಕ್‌ವರೆಗೆ ನಡೆದ ಪ್ರತಿಭಟನಾ ಮೆರವಣಿಗೆಯಲ್ಲಿ ನೂರಾರು ಕಾರ್ಮಿಕರು ಪಾಲ್ಗೊಂಡಿದ್ದರು.

ಮಂಡ್ಯದ ಕಾರ್ಮಿಕ ಸಮಾವೇಶದಲ್ಲಿ ಕೈಗೊಂಡ ನಿರ್ಣಯಗಳು

ಅಸಂಘಟಿತ ಕಾರ್ಮಿಕರಿಗೆ ಇರುವ ಕಾನೂನುಗಳು ಜಾರಿಯಾಗಲು ಸರಕಾರ ಮತ್ತು ಕಾರ್ಮಿಕ ಇಲಾಖೆಗಳು ಕ್ರಮ ಕೈಗೊಳ್ಳಬೇಕು, ಎಲ್ಲ ಅಸಂಘಟಿತ ಕಾರ್ಮಿಕರಿಗೂ ಅನ್ವಯವಾಗುವಂತೆ ಕಾನೂನುಗಳನ್ನು ಕಾರ್ಮಿಕರ ಪರವಾಗಿ ಜಾರಿಗೆ ತರಬೇಕು.

ಗುತ್ತಿಗೆ ಪದ್ಧತಿ, ದಿನಗೂಲಿ ಪದ್ಧತಿಗಳು ರದ್ದಾಗಬೇಕು, ಖಾಯಂ ಸ್ವರೂಪದ ಎಲ್ಲಾ ಕೆಲಸಗಳಿಗೂ ಕೂಡಲೇ ಹಾಲಿ ಗುತ್ತಿಗೆ/ದಿನಗೂಲಿ/ಲೋಡ್ ಆಧಾರದ ಮೇಲೆ ಕೆಲಸ ಮಾಡುತ್ತಿರುವವರನ್ನು ಖಾಯಂ ಮಾಡಿಕೊಳ್ಳಬೇಕು.

ಮಂಡ್ಯ ಜಿಲ್ಲಾಸ್ಪತ್ರೆಯಲ್ಲಿ ನಾನ್‌ಕ್ಲಿನಿಕಲ್ ನೌಕರರಿಗೆ ಕೆಲಸದ ಸ್ಥಳದಲ್ಲಿ ಕಿರುಕುಳ ನೀಡುತ್ತಿರುವ ಗುತ್ತಿಗೆದಾರ, ಜಿಲ್ಲಾ ಶಸ್ತ್ರಚಿಕಿತ್ಸಕ ಮತ್ತು ಇತರರ ಮೇಲೆ ಕ್ರಮ ಕೈಗೊಳ್ಳಬೇಕು, ಅವರುಗಳಿಗೆ ನೆಮ್ಮದಿಯಿಂದ ಕೆಲಸ ಮಾಡುವ ಅವಕಾಶ ಮಾಡಿಕೊಡಬೇಕು.

ಎಲ್ಲಾ ಅಸಂಘಟಿತ ಕಾರ್ಮಿಕರಿಗೂ ಸದ್ಯಕ್ಕೆ 8 ಗಂಟೆಗಳ ಕೆಲಸಕ್ಕೆ ಕನಿಷ್ಠ ಕೂಲಿ 300 ರೂ. ನಿಗದಿ ಮಾಡಬೇಕು. ಸಮಾನ ಕೆಲಸಕ್ಕೆ ಸಮಾನ ವೇತನ ನಿಗದಿಯಾಗಬೇಕು.

ಈಗಿರುವ ಇಎಸ್‌ಐ ಮತ್ತು ಪಿಎಫ್ ಕಾನೂನಿನಡಿ ಯಾರಿಗೆಲ್ಲಾ ಅನ್ವಯವಾಗುತ್ತದೋ, ಅವರೆಲ್ಲರಿಗೂ ಇಎಸ್‌ಐ, ಪಿಎಫ್ ಮತ್ತು ಇತರ ಸೌಲಭ್ಯಗಳು ದೊರಕಬೇಕು.

ಗುತ್ತಿಗೆ ಪೌರಕಾರ್ಮಿಕರನ್ನು ಆದ್ಯತೆಯ ಮೇರೆಗೆ ಖಾಯಂಗೊಳಿಸಬೇಕು, ಗುತ್ತಿಗೆ ಪೌರಕಾರ್ಮಿಕರು ಮ್ಯಾನ್‌ಹೋಲ್‌ಗೆ ಇಳಿಯದಂತಿರಲು ಅವಶ್ಯವಿರಲು ಕ್ರಮಗಳನ್ನು ಕೈಗೊಳ್ಳಬೇಕು.

ಕೆಲಸದ ಸ್ಥಳದಲ್ಲಿ ಮಹಿಳಾ ಕಾರ್ಮಿಕರ ಮೇಲಿನ ಲೈಂಗಿಕ ಮತ್ತು ಇತರ ದೌರ್ಜನ್ಯಗಳು ನಿಲ್ಲಲು ಕಠಿಣವಾದ ಕ್ರಮಗಳನ್ನು ಕೈಗೊಳ್ಳಬೇಕು.

ಗುಲ್ಬರ್ಗದಲ್ಲಿ ಉಪವಾಸ ನಿರತ ಪೌರಕಾರ್ಮಿಕ ಮಹಿಳೆಯ ಸಾವಿನ ಹೊಣೆಯನ್ನು ಸರಕಾರವೇ ಹೊರಬೇಕು. ಈ ಕೂಡಲೇ ಗುಲ್ಬರ್ಗಾ ಪೌರಕಾರ್ಮಿಕರ ಎಲ್ಲಾ ಬೇಡಿಕೆಗಳನ್ನು ಈಡೇರಿಸಬೇಕು.

ಕೆಲಸದ ಸ್ಥಳದಲ್ಲಿ ಉತ್ತಮ ವಾತಾವರಣ, ಸೌಲಭ್ಯಗಳು ದೊರಕಬೇಕು, 8 ಗಂಟೆ ಕೆಲಸದ ಅವಧಿಯನ್ನು ಕಟ್ಟುನಿಟ್ಟಾಗಿ ಜಾರಿಗೊಳಿಸಬೇಕು.