ವಿವಾದದ ಸುಳಿಯಲ್ಲಿ ಪುಣೆ ಸ್ಫೋಟ ‘ಆರೋಪಿ’ಯ ಬಂಧನ

ಕಳೆದ ಸೋಮವಾರ ಮಂಗಳೂರಿನಲ್ಲಿ ಮಹಾರಾಷ್ಟ್ರ ಎಟಿಎಸ್ನಿಂದ ಬಂಧಿತನಾದ ಅಬ್ದುಲ್ ಸಮದ್ ಸಿದ್ದಿ ಬಾವಾ ಕಳೆದ ಫೆಬ್ರವರಿಯಲ್ಲಿ ನಡೆದ ಪುಣೆಯ ಜರ್ಮನ್ ಬೇಕರಿ ಬಾಂಬ್ ಸ್ಫೋಟ ಪ್ರಕರಣದಲ್ಲಿ ಪುಣೆ ಸ್ಫೋಟ ಪ್ರಕರಣದಲ್ಲಿ ಶಾಮೀಲಾಗಿದ್ದಾನೆಯೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.

ಬಂಧಿತ ಸಮದ್ನನ್ನು ಫೆಬ್ರವರಿ 13ರಂದು ನಡೆದ ಪುಣೆಯ ಜರ್ಮನ್ ಬೇಕರಿ ಸ್ಫೋಟ ಪ್ರಕರಣಕ್ಕೆ ಸ್ವಲ್ಪವೂ ಸಂಬಂಧವಿರದ ಆರೋಪಗಳ ಹಿನ್ನೆಲೆಯಲ್ಲಿ ಮುಂಬೈ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯದಲ್ಲಿ ಹಾಜರುಪಡಿಸಲಾಯಿತು. ಮುಂಬೈಯ ಬೈಕುಲಾದಲ್ಲಿ ಕಳೆದ ವರ್ಷಕೆಲವು ಲಘು ಶಸ್ತ್ರಾಸ್ತ್ರಗಳು ಪತ್ತೆಯಾದ ಪ್ರಕರಣಕ್ಕೆ ಸಂಬಂಧಿಸಿ ಸಮದ್ನನ್ನು ವಶಕ್ಕೆ ತೆಗೆದುಕೊಂಡಿರುವುದಾಗಿ ಎಟಿಎಸ್ ನ್ಯಾಯಾಲಯದಲ್ಲಿ ತಿಳಿಸಿದೆ.

ಹೊಸದಿಲ್ಲಿ,ಮೇ 26: ಕಳೆದ ಫೆಬ್ರವರಿಯಲ್ಲಿ ನಡೆದ ಪುಣೆಯ ಜರ್ಮನ್ ಬೇಕರಿ ಬಾಂಬ್ ಸ್ಫೋಟ ಪ್ರಕರಣದ ‘ಪ್ರಮುಖ ಶಂಕಿತ ಆರೋಪಿ’ಯನ್ನು ಬಂಧಿಸಿದ ಗುಪ್ತಚರ ಇಲಾಖೆಗಳಿಗೆ ಮತ್ತು ಪೊಲೀಸ್ ಸಿಬ್ಬಂದಿಗಳಿಗೆ ಕೇಂದ್ರ ಗೃಹ ಸಚಿವ ಪಿ.ಚಿದಂಬರಂ ಅಭಿನಂದನೆಗಳನ್ನು ಸಲ್ಲಿಸಿದ್ದುದು ದೇಶಾದ್ಯಂತ ಪತ್ರಿಕೆಗಳಲ್ಲಿ, ಟಿವಿ ವಾಹಿನಿಗಳಲ್ಲಿ ಸುದ್ದಿಯಾಗಿ ಪ್ರಕಟವಾಗಿತ್ತು. ಆದರೆ ಬಂಧಿತ

ಆರೋಪಿ ಮಂಗಳೂರು ಮೂಲದ ಅಬ್ದುಲ್ ಸಮದ್ ಸಿದ್ದಿ ಬಾವಾ ಪುಣೆ ಸ್ಫೋಟ ಪ್ರಕರಣದಲ್ಲಿ ಶಾಮೀಲಾಗಿದ್ದಾನೆಯೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲವೆಂದು ತನಿಖಾಧಿಕಾರಿಗಳು ತಿಳಿಸಿದ್ದಾರೆ.
ದುಬೈಯಿಂದ ಸೋಮವಾರ ಏರ್ಇಂಡಿಯಾ ಎಕ್ಸ್ಪ್ರೆಸ್ ವಿಮಾನದಲ್ಲಿ ಬಜ್ಪೆ ವಿಮಾನನಿಲ್ದಾಣ ದಲ್ಲಿ ಬಂದಿಳಿದ 22 ವರ್ಷ ವಯಸ್ಸಿನ ಅಬ್ದುಲ್ ಸಮದ್ ಬಾವಾನನ್ನು ಮಹಾರಾಷ್ಟ್ರದ ಭಯೋ ತ್ಪಾದನಾ ನಿಗ್ರಹ ದಳದ ಪೊಲೀಸರು ಬಂಧಿಸಿದ್ದರು.

‘‘ಪುಣೆ ಸ್ಫೋಟ ನಡೆದ ಕೇವಲ 100 ದಿನಗಳೊಳಗೆ ಪ್ರಮುಖ ಶಂಕಿತ ಆರೋಪಿಯನ್ನು ಬಂಧಿಸಿದ್ದಕ್ಕಾಗಿ ಪುಣೆಯ ಪೊಲೀಸರನ್ನು ಮತ್ತು ಕೇಂದ್ರೀಯ ತನಿಖಾ ಸಂಸ್ಥೆಗಳನ್ನು ಅಭಿನಂದಿಸು ವುದಾಗಿ ಚಿದಂಬರಂ ಮಂಗಳವಾರ ಹೇಳಿಕೆ ನೀಡಿ ದ್ದರು.

ಆದರೆ ಸಮದ್ನನ್ನು ಫೆಬ್ರವರಿ 13ರಂದು ನಡೆದ ಪುಣೆಯ ಜರ್ಮನ್ ಬೇಕರಿ ಸ್ಫೋಟ ಪ್ರಕ ರಣಕ್ಕೆ ಸ್ವಲ್ಪವೂ ಸಂಬಂಧವಿಲ್ಲದ ಆರೋಪಗಳಿಗೆ ಸಂಬಂಧಿಸಿ ಮಂಗಳವಾರ ಮುಂಬೈ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯದಲ್ಲಿ ಹಾಜರುಪಡಿಸಲಾಯಿತು.

ಮುಂಬೈಯ ಬೈಕುಲಾದಲ್ಲಿ ಕಳೆದ ವರ್ಷಕೆಲವು ಲಘು ಶಸ್ತ್ರಾಸ್ತ್ರಗಳು ಪತ್ತೆಯಾದ ಪ್ರಕರಣಕ್ಕೆ ಸಂಬಂಧಿಸಿ ಸಮದ್ನನ್ನು ವಶಕ್ಕೆ ತೆಗೆದುಕೊಂಡಿರುವುದಾಗಿ ಎಟಿಎಸ್ ನ್ಯಾಯಾಲಯದಲ್ಲಿ ತಿಳಿಸಿದೆ.

ಏತನ್ಮಧ್ಯೆ ಪುಣೆಯ ಜರ್ಮನ್ ಬೇಕರಿ ಸ್ಫೋಟ ಪ್ರಕರಣದಲ್ಲಿ ಸಮದ್ ಸಂಬಂಧ ಹೊಂದಿರಬಹುದಾದ ಸಾಧ್ಯತೆಯ ಬಗ್ಗೆ ಮುಂಬೈ ಪೊಲೀಸರು ಸದ್ಯ ಯಾವುದೇ ಪ್ರತಿ ಕ್ರಿಯೆ ನೀಡುತ್ತಿಲ್ಲ. ಸಮದ್ನನ್ನು ಹಲವಾರು ತಾಸು ಗಳ ಕಾಲ ಪ್ರಶ್ನಿಸಿದರೂ, ತಾನು ಪುಣೆ ಸ್ಫೋಟ ಪ್ರಕ ರಣದಲ್ಲಿ ಯಾವುದೇ ಪಾತ್ರ ವಹಿಸಿಲ್ಲವೆಂದು ಆತ ಸ್ಪಷ್ಟ ವಾಗಿ ಹೇಳುತ್ತಿದ್ದಾನೆಂದು ಎಟಿಎಸ್ ಮೂಲಗಳು ತಿಳಿಸಿವೆ.


ಪುಣೆಯ ಜರ್ಮನ್ ಬೇಕರಿಯ ಗಲ್ಲಾಪೆಟ್ಟಿಗೆಯ ಮೇಲಿರಿಸಲಾಗಿದ್ದ ಕ್ಯಾಮೆರಾವು ದಾಖಲಿಸಿದ್ದ ಸಿಸಿ ಟಿವಿ ಚಿತ್ರಗಳನ್ನು ಆಧರಿಸಿ, ತನಿಖಾಧಿಕಾರಿಗಳು ಸ್ಫೋಟದ ಓರ್ವ ಆರೋಪಿಯನ್ನು ಸಮದ್ನ ಕಿರಿಯ ಸೋದರ, ಯಾಸೀನ್ ಭಟ್ಕಳ್ ಯಾನೆ ಮುಹಮ್ಮದ್ ಝರಾರ್ ಸಿದ್ದಿಕಿಯೆಂದು ಗುರುತಿಸಿದ್ದರು.

2008ರಿಂದ ತಲೆಮರೆಸಿಕೊಂಡಿರುವ ಯಾಸೀನ್, ಇಂಡಿಯನ್ ಮುಜಾಹಿದೀನ್ ಎಂಬ ತೀವ್ರವಾದಿ ಗುಂಪಿಗೆ ಸ್ಫೋಟಕ ವಸ್ತುಗಳನ್ನು ಮತ್ತು ಬಾಂಬ್ಗಳನ್ನು ಪೂರೈಕೆ ಮಾಡಿದ ಆರೋಪಕ್ಕೆ ಸಂಬಂಧಿಸಿ ಪೊಲೀಸರಿಗೆ ಬೇಕಾಗಿದ್ದಾನೆ.

2008ರಲ್ಲಿ ಇಂಡಿಯನ್ ಮುಜಾಹಿದೀನ್ ಸಂಘಟನೆ ನಡೆಸುತ್ತಿತ್ತೆನ್ನಲಾದ ಬಾಂಬ್ ತಯಾರಿಕೆಯ ಎರಡು ಅಡ್ಡೆಗಳು ಪತ್ತೆಯಾದ ಬಳಿಕ ಕರ್ನಾಟಕ ಪೊಲೀಸರು ಸಮದ್ನನ್ನು ಪ್ರಶ್ನಿಸಿದ್ದರು. ಸೋದರ ಯಾಸೀನ್ ಹಾಗೂ ಇಂಡಿ ಯನ್ ಮುಜಾಹಿದ್ದೀನ್ನ ಕಾರ್ಯಚಟುವಟಿಕೆಗಳ ಬಗ್ಗೆ ಆತನನ್ನು ಅವರು ವಿಚಾರಿಸಿದ್ದರು.

ವಿಚಾರಣೆಯ ಬಳಿಕ ಆತನನ್ನು ಸಂದೇಹಮುಕ್ತಗೊಳಿಸಿ ದ್ದರು. ಹಲವು ರಾಜ್ಯಗಳಲ್ಲಿ ಸರಕಾರಿ ಅಭಿಯೋಜಕರು ನ್ಯಾಯಾ ಲಯಗಳಿಗೆ ಸಲ್ಲಿಸಿರುವ ಶಂಕಿತ ಇಂಡಿಯನ್ ಮುಜಾಹಿದ್ದೀನ್ ಕಾರ್ಯ ಕರ್ತರ ವಿರುದ್ಧದ ಆರೋಪಪಟ್ಟಿಯಲ್ಲಿ ಸಮದ್ನ ಹೆಸರು ಇರಲಿಲ್ಲ. ಮಾತ್ರವಲ್ಲದೆ ಆತ ಇತರ ಯಾವುದೇ ರೀತಿಯ ಅಪರಾಧ ದಲ್ಲಿ ಪಾಲ್ಗೊಂಡಿರುವ ಆರೋಪ ಕೂಡಾ ಕೇಳಿಬಂದಿರಲಿಲ್ಲ.

ಆದರೆ ಮಾರ್ಚ್ 19ರಂದು ಪುಣೆ ಪೊಲೀಸರು ಹೇಳಿಕೆಯೊಂದನ್ನು ನೀಡಿ, ಜರ್ಮನ್ ಬೇಕರಿಯ ಸಿಸಿಟಿವಿಯಲ್ಲಿ ದಾಖಲಾದ ಛಾಯಾಚಿತ್ರಗಳು ಸಮದ್ನದೇ ಹೊರತು ಆತನ ಕಿರಿಯ ಸಹೋದರ ಯಾಸೀನ್ ಭಟ್ಕಳ್ನದ್ದಲ್ಲವೆಂದು ಮಾಹಿತಿ ದಾರನೊಬ್ಬ ತಮಗೆ ತಿಳಿಸಿರುವುದಾಗಿ ಹೇಳಿದ್ದರು.

ಈ ಮಾಹಿತಿದಾರನ ಮಾತನ್ನು ಆಧರಿಸಿ ಪುಣೆ ತನಿಖಾಧಿಕಾರಿಗಳು ಸಮದ್ನನ್ನು ಪ್ರಶ್ನಿಸಲು ಅವಕಾಶ ನೀಡಬೇಕೆಂದು ಕೋರಿದ್ದರು. ಆದರೆ ಸಮದ್ ಅದಕ್ಕೂ ಮುನ್ನವೇ ದುಬೈಗೆ ನಿರ್ಗಮಿಸಿದ್ದರು. ಮಾರ್ಚ್ 25ರಂದು ಪೊಲೀಸರು ದೇಶದ ಎಲ್ಲ ವಿಮಾನ ನಿಲ್ದಾಣಗಳಿಗೆ ‘ಸಮದ್ನ ಪತ್ತೆಗಾಗಿ ನೋಟಿಸ್ ನೀಡಿದ್ದರು.

ಆ ನಂತರ ಭಾರತದ ಬೇಹುಗಾರಿಕಾ ಸಂಸ್ಥೆ ‘ರಾ’ ದುಬೈ ಆಡಳಿತದ ಸಹಕಾರದೊಂದಿಗೆ ಸಮದ್ನ ಪತ್ತೆಗೆ ಪ್ರಯತ್ನಿಸು ತ್ತಲೇ ಇತ್ತು. ಮಾಧ್ಯಮವೊಂದಕ್ಕೆ ಸಮದ್ನ ಕುಟುಂಬದ ಭಾವಚಿತ್ರ ಲಭ್ಯವಾಗಿದ್ದು, ಅದರಲ್ಲಿ ಅಣ್ಣತಮ್ಮಂದಿರಿಬ್ಬರೂ ಬಹಳಷ್ಟು ಮಟ್ಟಿಗೆ ಒಬ್ಬೊರನ್ನೊಬ್ಬರು ಹೋಲುತ್ತಿದ್ದರು.

ಆದರೆ ಸಮದ್ನ ವರ್ತನೆ ಶಂಕಾಸ್ಪದವೆಂದು ದೃಢಪಡಿಸುವ ಯಾವುದೇ ಮಾಹಿತಿಯು ತನಿಖಾಧಿಕಾರಿಗಳಿಗೆ ದೊರೆತಿಲ್ಲ.

ಸುಶಿಕ್ಷಿತನಾದ ಸಮದ್ ತನ್ನ ಸೋದರನಂತೆ ಭಟ್ಕಳದ ಶಾಲೆಗಳಲ್ಲಿ ಕಲಿತಿದ್ದ. 2008-09ರಲ್ಲಿ ಆತ ಬೆಂಗಳೂರಿನ ಕಾಲೇಜೊಂದರಲ್ಲಿ ವಿದ್ಯಾರ್ಥಿಯಾಗಿದ್ದ. ಕಳೆದ ಬೇಸಿಗೆಯಲ್ಲಷ್ಟೇ ಆತ ತನ್ನ ಊರಾದ ಭಟ್ಕಳಕ್ಕೆ ಬಂದಿದ್ದ.

ತನಗೆ ಉದ್ಯೋಗ ದೊರೆಯಲು ತನ್ನ ತಂದೆ ಮುಹಮ್ಮದ್ ಝರಾರ್ ಸಿದ್ದಿ ಬಾಪಾ ಸಹಾಯ ಮಾಡ ಬಹುದೆಂಬ ಆಶಾವಾದದೊಂದಿಗೆ ಆತ ದುಬೈಗೆ ತೆರಳಿದ್ದ. ಇಲ್ಲಿ ಗಮ ನಾರ್ಹವೆಂದರೆ ಆತ ಏರ್ಇಂಡಿಯಾ ವಿಮಾನದ ನಿರ್ಗಮನ ಟಿಕೆಟ್ ಕೂಡಾ ಪಡೆದಿದ್ದ ಹಾಗೂ ಆತ ಕಾನೂನುಬದ್ಧ ದಾಖಲೆಗಳನ್ನು ಬಳಸಿಯೇ ಪ್ರಯಾಣ ಮಾಡಿದ್ದ.

ಇವೆಲ್ಲವೂ ಆತ ದೇಶದಿಂದ ಪರಾರಿ ಯಾಗುವ ಉದ್ದೇಶ ಹೊಂದಿರಲ್ಲವೆಂಬುದಕ್ಕೆ ಬಲವಾದ ಸಾಕ್ಷಿಗಳಾಗಿವೆ.
ಜರ್ಮನ್ ಬೇಕರಿಯಲ್ಲಿ ಸ್ಫೋಟ ನಡೆದ ದಿನದಂದು ಸಮದ್ ಮದುವೆ ಸಮಾರಂಭವೊಂದರಲ್ಲಿ ಪಾಲ್ಗೊಳ್ಳುವ ಸಲುವಾಗಿ ಆತ ಮನೆಯಲ್ಲಿದ್ದನೆಂದು ಸಿದ್ದಿಬಾಪಾರ ಕುಟುಂಬವು ಹೇಳಿದೆ. ಆದರೆ ಅದನ್ನು ಅಲ್ಲಗಳೆಯುವ ಪೊಲೀಸರು, ಮದುವೆಯು ಪುಣೆ ಸ್ಫೋಟಕ್ಕೆ ಎರಡು ದಿನಗಳ ನಂತರ, ಫೆ.15ರಂದು ನಡೆದಿತ್ತೆಂದು ಹೇಳುತ್ತಾರೆ.

ಮುಂದಿನ ಎರಡು ದಿನಗಳವರೆಗೂ ಸಮದ್ನನ್ನು ಪೊಲೀಸರು ಪ್ರಶ್ನಿಸುವ ಸಾಧ್ಯತೆಯಿದೆ. ಸೋದರನ ಜೊತೆಗೆ ಸಮದ್ಗಿರುವ ಸಂಪರ್ಕವನ್ನು ಅರಿಯಲು ಅಸಕ್ತರಾಗಿದ್ದೇವೆ ಎಂದು ತನಿಖಾಧಿಕಾರಿಗಳು ತಿಳಿಸಿದ್ದಾರೆ. ( ಆಧಾರ: ದಿ ಹಿಂದೂ).