ಹುರಿಯತ್ ಕಾನ್ಫರೆನ್ಸ್ನ ನಯೀಮ್ ಬಿಡುಗಡೆ

ಶ್ರೀನಗರ, ಮೇ 26: ನಾಲ್ಕು ತಿಂಗಳಿ ನಿಂದ ಬಂಧನದಲ್ಲಿದ್ದ ಜಮ್ಮುಕಾಶ್ಮೀರದ ಹುರಿಯತ್ ಕಾನ್ಫೆರನ್ಸ್ನ ಹಿರಿಯ ನಾಯಕ ನಯೀಮ್ ಅಹ್ಮದ್ ಖಾನ್ ರನ್ನು ಜಮ್ಮುಕಾಶ್ಮೀರದ ಹೈಕೋರ್ಟ್ನ ಆದೇಶದಂತೆ ಬಿಡುಗಡೆ ಮಾಡಲಾಗಿದೆ ಎಂದು ಮೂಲಗಳು ತಿಳಿಸಿವೆ.

ಮೀರ್ವಾಯಿಝ್ ಉಮರ್ ಫಾರೂಕ್ ನೇತೃತ್ವದ ಹುರಿಯತ್ ಕಾನ್ಫೆರನ್ಸ್ನ ನಾಷನಲ್ ಫ್ರಂಟ್ನ ಅಧ್ಯಕ್ಷ ಖಾನ್ರನ್ನು ನಿನ್ನೆ ಬಿಡುಗಡೆ ಗೊಳಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.
ಖಾನ್ರ ಬಂಧನವನ್ನು ಕಾನೂನು ಬಾಹಿರ ಎಂದು ಹೇಳಿರುವ ಜಮ್ಮು ಕಾಶ್ಮೀರದ ಹೈಕೋರ್ಟ್, ಕೂಡಲೇ ಅವರನ್ನು ಬಿಡುಗಡೆ ಮಾಡುವಂತೆ ಆದೇಶಿಸಿದೆ.

ಹಿಂಸೆಗೆ ಪ್ರಚೋದನೆ ನೀಡಿದ್ದಾರೆಂಬ ಆರೋಪದ ಮೇಲೆ ಅವರನ್ನು ಫೆಬ್ರವರಿ 3ರಂದು ಬಂಧಿಸಿ ಸಾರ್ವಜನಿಕ ಸುರಕ್ಷತಾ ಕಾಯ್ದೆಯನ್ವಯ ಪ್ರಕರಣ ದಾಖಲಿಸಲಾಗಿತ್ತು. ಜಮ್ಮುಕಾಶ್ಮೀರದ ಜನತೆಯ ಇಚ್ಛೆಯಂತೆ ಕಾಶ್ಮೀರ ಸಮಸ್ಯೆ ನಿವಾರಣೆ ಯಾಗುವವರೆಗೂ ತನ್ನ ಪಕ್ಷ ಹೋರಾಟ ಮುಂದುವರಿಸಲಿದೆ ಎಂದು ಅವರು ಹೇಳಿದರು.

‘ಹಲವು ಸಮಯಗಳಿಂದ ಪರಿಹಾ ವಾಗದೆ ಉಳಿದಿರುವ ಸಮಸ್ಯೆಗಳಿಗೆ ಮಾತುಕತೆಯೊಂದೇ ಮಾರ್ಗ ಎಂದು ನಾವು ನಂಬಿದ್ದೇವೆ. ಆದರೆ, ಮಾತುಕತೆ ಕಾಶ್ಮೀರ ಕೇಂದ್ರೀತವಾಗಿರಬೇಕು’ ಎಂದು ಅವರು ಹೇಳಿದರು.