ರಾಥೋಡ್: ಜೈಲು ಕಂಬಿ ಎಣಿಸಿದ ಹರ್ಯಾಣದ ಮೂರನೆ ಡಿಜಿಪಿ!

ಚಂಡೀಗಢ,ಮೇ 26: ಹದಿಹರೆಯದ ಬಾಲಕಿ ರುಚಿಕಾ ಗಿರ್ಹೋತ್ರಾ ಮೇಲೆ ಅತ್ಯಾಚಾರವೆಸಗಿದ ಆರೋಪದಲ್ಲಿ 18 ತಿಂಗಳುಗಳ ಜೈಲು ಶಿಕ್ಷೆಗೆ ಗುರಿಯಾದ ಹರ್ಯಾಣದ ಮಾಜಿ ಪೊಲೀಸ್ ಮಹಾ ನಿರ್ದೇಶಕ ಎಸ್.ಪಿ. ಎಸ್. ರಾಥೋಡ್, ಕಾನೂನು ಭಂಜ ರಾದುದಕ್ಕಾಗಿ ಜೈಲು ಸೇರಿದ ಆ ರಾಜ್ಯದ ಮೂರನೆ ಉನ್ನತ ಪೊಲೀಸ್ ಅಧಿಕಾರಿಯಾಗಿದ್ದಾರೆ.

ಉದಯೋನ್ಮುಖ ಟೆನ್ನಿಸ್ ಆಟಗಾರ್ತಿ ಯಾಗಿದ್ದ ರುಚಿಕಾ ಗಿರ್ಹೋತ್ರಾಳ ಮೇಲೆ ರಾಥೋಡ್ 1990ರ ಆಗಸ್ಟ್ನಲ್ಲಿ ಅತ್ಯಾ ಚಾರವೆಸಗಿದ್ದ. ಘಟನೆ ನಡೆದ ಮೂರು ವರ್ಷಗಳ ಬಳಿಕ ರುಚಿಕಾ ಆತ್ಮಹತ್ಯೆ ಮಾಡಿಕೊಂಡಿದ್ದಳು.

ಆದರೆ ಜೈಲು ಕಂಬಿ ಎಣಿಸಿದ ಹರ್ಯಾ ಣದ ಪೊಲೀಸ್ ಅಧಿಕಾರಿಗಳಲ್ಲಿ ರಾಥೋಡ್ ಮೊದಲಿಗರೇನಲ್ಲ. ನವೆಂ ಬರ್ 1, 1966ರಲ್ಲಿ ಹರ್ಯಾಣ ರಚನೆ ಯಾದ ಬಳಿಕ ಆ ರಾಜ್ಯದಲ್ಲಿ ಸೇವೆ ಸಲ್ಲಿಸಿದ 26 ಪೊಲೀಸ್ ಮಹಾನಿರ್ದೇಶಕರ ಪೈಕಿ ಮೂವರು ಜೈಲು ವಾಸ ಅನುಭವಿಸಿದ್ದಾರೆ.

ಹರ್ಯಾಣದ ಮಾಜಿ ಡಿಜಿಪಿ ಲಚ್ ಮನ್ ದಾಸ್ ಸೆರೆಮನೆ ವಾಸ ಅನುಭವಿಸಿದ ಮೊದಲ ಪೊಲೀಸ್ ಅಧಿಕಾರಿಯಾಗಿದ್ದಾರೆ. 1994-95ರ ಅವಧಿಯಲ್ಲಿ ಡಿಜಿಪಿಯಾಗಿದ್ದ ದಾಸ್, ನಿವೃತ್ತಿಯಾದ ಬಳಿಕ ಅವರ ವಿರುದ್ಧ 1994ರಲ್ಲಿ ಗ್ಯಾಂಗ್ಸ್ಟರ್ ಜತೀಂದರ್ ಪೆಹಾಲ್ನನ್ನು ನಕಲಿ ಎನ್ಕೌಂಟರ್ ನಡೆಸಿ ಹತ್ಯೆಗೈದ ಸಂಚಿನಲ್ಲಿ ಶಾಮೀಲಾದ ಆರೋಪ ದಲ್ಲಿ ಬಂಧಿಸಲಾಗಿತ್ತು.

ಪೆಹಾಲ್ನ ತಾಯಿ ಇಶ್ವತಿ ದೇವಿ ಹೈಕೋರ್ಟ್ಗೆ ಮೊರೆ ಹೋಗಿ, ತನ್ನ ಪುತ್ರನು ಪೊಲೀಸ್ ಕಸ್ಟಡಿಯಲ್ಲಿದ್ದಾಗಲೇ ಆತನನ್ನು ನಕಲಿ ಎನ್ಕೌಂಟರ್ ನಡೆಸಿ ಕೊಲೆ ಮಾಡ ಲಾಗಿದೆಯೆಂದು ಆಪಾದಿಸಿದ್ದರು. ದಾಸ್ ತನ್ನ ಸೇವಾವಧಿಯಲ್ಲಿ 1970ರಲ್ಲಿ ರಾಷ್ಟ್ರಪತಿಯ ಶೌರ್ಯ ಪದಕವನ್ನೂ ಆನಂತರ ತನ್ನ ವಿಶಿಷ್ಟ ಸೇವೆಗಾಗಿ ರಾಷ್ಟ್ರಪತಿಯ ಪೊಲೀಸ್ ಪದಕವನ್ನು ಗಳಿಸಿದ್ದರು.

ಅವರ ವಿರುದ್ಧ ಹೂಡಲಾಗಿರುವ ಮೊಕದ್ದಮೆಗಳು ವಿವಿಧ ನ್ಯಾಯಾಲಯಗಳಲ್ಲಿ ವಿಚಾರಣೆ ಯಲ್ಲಿವೆ. ಜಾಮೀನು ಬಿಡುಗಡೆ ಪಡೆದಿರುವ ದಾಸ್ ಹರ್ಯಾಣದ ಪಂಚ್ಕುಲಾದಲ್ನ್ ಪುತ್ರ ನೊಂದಿಗೆ ಪೆಟ್ರೋಲ್ ಪಂಪ್ ನಡೆಸು ತ್ತಿದ್ದಾರೆ.

ದಾಸ್ರ ಉತ್ತರಾಧಿಕಾರಿ, ಮೇ 1995 ರಿಂದ ನವೆಂಬರ್ 1995ರ ಮಧ್ಯೆ ಹರ್ಯಾ ಣದ ಡಿಜಿಪಿಯಾಗಿದ್ದ ರಮೇಶ್ ಸೆಹಗಲ್ 1996ರಲ್ಲಿ ಕೈದಿಯೊಬ್ಬನ ಪರೋಲ್ ಅವಧಿಯನ್ನು ವಿಸ್ತರಿಸಲು ಗುರ್ಗಾಂವ್ ಉದ್ಯಮಿಯೊಬ್ಬರಿಂದ ತನ್ನ ನಿವಾಸದಲ್ಲಿ ಲಂಚ ಸ್ವೀಕರಿಸುತ್ತಿದ್ದಾಗ ಸಿಕ್ಕಿಬಿದ್ದಿದ್ದರು.

ಆ ಬಳಿಕ ಅವರನ್ನು ಅಮಾನತಿನಲ್ಲಿರಿಸಲಾಗಿತ್ತು. ಡಿಸೆಂಬರ್ 2000ನೆ ಇಸವಿಯಲ್ಲಿ ನಿವೃತ್ತರಾದ ಸೆಹಗಲ್ ಒಂದು ವರ್ಷದ ಬಳಿಕ ನಿಧನರಾದರು. ಕೆಲವು ಸಹ ದ್ಯೋಗಿಗಳು ಅಸೂಯೆಯಿಂದ ತನ್ನನ್ನು ಭ್ರಷ್ಟಾಚಾರದ ಪ್ರಕರಣದಲ್ಲಿ ಸಿಕ್ಕಿ ಬೀಳಿಸಿದ್ದಾರೆಂದು ಅವರು ಆಪಾದಿಸಿದ್ದರು.

ಕುತೂಹಲಕರವೆಂದರೆ, ಸೆಹಗಲ್ರನ್ನು ರೆಡ್ಹ್ಯಾಂಡಾಗಿ ಹಿಡಿಯಲು ಹಿರಿಯ ಪೊಲೀಸ್ ಹಾಗೂ ಐಎಎಸ್ ಅಧಿಕಾರಿಗಳು ಖುದ್ದಾಗಿ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.