ಎಸ್ಪಿಯಿಂದ ರಾಜ್ಯಸಭೆಗೆ ಜಯಾಬಚ್ಚನ್ ಪುನರಾಯ್ಕೆ

ಲಕ್ನೋ,ಮೇ 26: ಖ್ಯಾತ ನಟಿ ಹಾಗೂ ರಾಜಕಾರಣಿ ಜಯಾಬಚ್ಚನ್ರನ್ನು ರಾಜ್ಯಸಭಾ ಸದಸ್ಯೆಯಾಗಿ ಇನ್ನೊಂದು ಅವಧಿಗೆ ಮುಲಾಯಂ ಸಿಂಗ್ ಪಕ್ಷದ ವತಿಯಿಂದ ಆಯ್ಕೆ ಮಾಡಿದ್ದಾರೆ.
ಜಯಾಬಚ್ಚನ್ರನ್ನು ರಾಜ್ಯಸಭಾ ಸದಸ್ಯೆಯನ್ನಾಗಿ ನಾಮಕರಣಗೊಳಿಸಲಾಗಿದೆಯೆಂದು ಮುಲಾಯಂ ಸಿಂಗ್ ಹಾಗೂ ಅವರ ಪುತ್ರ ಅಖಿಲೇಶ್ ಯಾದವ್ ಬುಧವಾರ ಪ್ರಕಟಿಸಿದ್ದಾರೆ. ಜೊತೆಗೆ ರಶೀದ್ ಮಸೂದ್ರನ್ನು ಕೂಡಾ ಪಕ್ಷವು ರಾಜ್ಯಸಭೆಗೆ ಆಯ್ಕೆ ಮಾಡಿದೆ.

ಬಾಲಿವುಡ್ನ ಹಿರಿಯ ನಟ ಅಮಿತಾಭ್ ಬಚ್ಚನ್ರ ಪತ್ನಿಯಾದ ಜಯಾಬಚ್ಚನ್ ಈಗ ಸಮಾಜವಾದಿ ಪಕ್ಷದಿಂದ ಹೊರಬಿದ್ದಿರುವ ಅಮರ್ಸಿಂಗ್ ಪಾಳಯದಲ್ಲಿ ಗುರುತಿಸಿಕೊಂಡಿದ್ದರು.
ಮುಲಾಯಂ ಜೊತೆ ಭಿನ್ನಾಭಿಪ್ರಾಯದ ಹಿನ್ನೆಲೆಯಲ್ಲಿ ಸಮಾಜವಾದಿ ಪಕ್ಷದಿಂದ ಅಮರ್ಸಿಂಗ್ ನಿರ್ಗಮಿಸುವುದಕ್ಕೆ ಕೆಲವು ದಿನಗಳ ಮುನ್ನವೇ ಜಯಾಬಚ್ಚನ್ ಅಮರ್ಸಿಂಗ್ರನ್ನು ಬೆಂಬಲಿಸಿದ್ದರು.