VISHWA KANNADIGA NEWS - ವಿಶ್ವ ಕನ್ನಡಿಗ ನ್ಯೂಸ್

ವಿಶ್ವ ಕನ್ನಡಿಗ ನ್ಯೂಸ್ ಈಗ ಹೊಸ ತಾಣದಲ್ಲಿ

ಆತ್ಮೀಯ ಓದುಗರೇ ವಿಶ್ವ ಕನ್ನಡಿಗ ನ್ಯೂಸ್ ಓದಲು ಈ ಕೆಳಕಂಡ ಲಿಂಕ್ ಅನ್ನು ಕ್ಲಿಕ್ ಮಾಡಿರಿ...





http://www.vknewz.com

May 26, 2010

ರಾಜಕೀಯ ವೈಷಮ್ಯ: ಬೀದಿಯಲ್ಲಿ ಉಳಿದ ಬಸವ ಮೂರ್ತಿ!


ಪಾಂಡವಪುರ, ಮೇ 25 : ರಾಜಕೀಯ ವೈಷಮ್ಯದಿಂದ ಪ್ರತಿಷ್ಠಾಪನೆಗಾಗಿ ತಂದಿದ್ದ ಬಸವೇಶ್ವರಮೂರ್ತಿ ಯೊಂದು ಬೀದಿಯಲ್ಲೇ ಉಳಿಯಬೇಕಾದ ವಿಲಕ್ಷಣ ಘಟನೆ ತಾಲೂಕಿನ ಕಾಳೇನಹಳ್ಳಿ ಗ್ರಾಮದಲ್ಲಿ ನಡೆದಿದೆ.

ಮೇ 24ರಂದು ಗ್ರಾಮದಲ್ಲಿ ಶ್ರೀ ಬಸವೇಶ್ವರಮೂರ್ತಿ ವಿಗ್ರಹ ಪ್ರತಿಷ್ಠಾಪನೆ ನೆರವೇರಬೇಕಾಗಿತ್ತು. ಈ ಹಿನ್ನೆಲೆ ಯಲ್ಲಿ ಗ್ರಾಮಸ್ಥರು ಮೇಲುಕೋಟೆ ವಿಧಾನಸಭಾ ಕ್ಷೇತ್ರದ ಶಾಸಕ ಸಿ.ಎಸ್.ಪುಟ್ಟರಾಜು ಅವರನ್ನು ಭೇಟಿಯಾಗಿ, ಪೂಜಾನುಷ್ಠಾನ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವಂತೆ ಆಹ್ವಾನ ನೀಡಿದ್ದರು.

ಆದರೆ, ಆಹ್ವಾನ ಪತ್ರಿಕೆಯಲ್ಲಿ ಬೇಬಿ ಮಠದ ತ್ರಿನೇತ್ರ ಮಹಂತ ಶಿವಯೋಗಿ ಸ್ವಾಮೀಜಿ ಇರುವುದನ್ನು ಕಂಡ ಶಾಸಕರು, ಶ್ರೀಗಳು ಬರುವುದಾದರೆ ನಾನು ಕಾರ್ಯಕ್ರಮಕ್ಕೆ ಬರುವುದಿಲ್ಲ. ಈಗ ಉದ್ಘಾಟನೆಯನ್ನು ನೆರವೇರಿಸಿ, ಮತ್ತೊಮ್ಮೆ ಕಾರ್ಯಕ್ರಮ ನಡೆಸೋಣ ಎಂದರು ಎನ್ನಲಾಗಿದೆ.

ಇಲ್ಲಿಂದಲೇ ಪ್ರಾರಂಭವಾತು ಗ್ರಾಮದಲ್ಲಿ ಎರಡು ಗುಂಪುಗಳು. ಮೇ 23ರಂದು ಲೋಕಪಾವನಿ ನದಿಯಿಂದ ಕಳಸ ಪೂಜೆ ಮಾಡಿ ಗ್ರಾಮಕ್ಕೆ ದೇವರನ್ನು ತಂದು ಎತ್ತಿನ ಗಾಡಿಯಲ್ಲಿ ಬಸವಮೂರ್ತಿಯ ಮೆರವಣಿಗೆ ನಡೆಸಿ ಇನ್ನೇನು ದೇವಾಲಯದ ಸಮೀಪ ಮೂರ್ತಿ ಪ್ರವೇಶ ಬಂದಾಗ ಗ್ರಾಮದ 80 ಕುಟುಂಬಗಳು ಮೂರ್ತಿಯನ್ನು ಹೊತ್ತುತಂದ ಗಾಡಿಯನ್ನು ನಿಲ್ಲಿಸಿ, ಹೊಸ ಮೂರ್ತಿ ಯನ್ನು ಪ್ರತಿಷ್ಠಾಪನೆ ಮಾಡಲು ನಾವು ಬಿಡುವುದಿಲ್ಲ, ಗ್ರಾಮದಲ್ಲೇ ಇರುವ ಹಳೆಯದಾದ ಮೂರ್ತಿಯನ್ನು ಪ್ರತಿಷ್ಠಾಪಿಸಿ ಎಂದು ಪಟ್ಟು ಹಿಡಿದರು.

ಇದನ್ನು ಅರಿತ ಗ್ರಾಮಸ್ಥರು ಗ್ರಾಮದಲ್ಲಿ ಗಲಭೆಗೆ ಕಾರಣರಾಗುವುದು ಬೇಡ ಎಂದು ಭಿನ್ನುವಾದ ಹಳೆಯ ಬಸವೇಶ್ವರ ಮೂರ್ತಿ ಯನ್ನೇ ಪ್ರತಿಷ್ಠಾಪಿಸಿದರು. ಹೊಸದಾಗಿ ನಿರ್ಮಾಣವಾಗಿದ್ದ ಬಸವ ಮೂರ್ತಿ ರಸ್ತೆಯಲ್ಲಿಯೇ ಉಳಿಯಿತು.
ಇದರಿಂದಾಗಿ ಸ್ವಾಮಿಗಳು ಹಾಗೂ ಸ್ಥಳೀಯ ಶಾಸಕ ಪುಟ್ಟರಾಜು ನಡುವಿನ ಭಿನ್ನಾಭಿಪ್ರಾಯವು ಬೀದಿಗೆ ಬಂದಂತಾಗಿದೆ.

No comments: