ವಿಮಾನ ದುರಂತಕ್ಕೆ ಒಂದೇ ಕುಟುಂಬದ ಐವರು ಬಲಿ....ಮದುವೆ ಸಂಭ್ರಮದಲ್ಲಿದ್ದ ಮನೆಯಲ್ಲೀಗ ವೌನ ರೋದನ

ಮಂಗಳೂರು, ಮೇ 25: ಜೂನ್ 13ರಂದು ನಡೆಯಲಿದ್ದ ಮದುವೆ ಸಂಭ್ರಮಕ್ಕಾಗಿ ಸಿದ್ಧತೆಯಲ್ಲಿದ್ದ ಉಳ್ಳಾಲ ಕೋಟೆಪುರದ ಟಿಪ್ಪುಸುಲ್ತಾನ್ ಹೈಸ್ಕೂಲ್ ಸಮೀಪದ ಡೌನ್‌ರೋಡ್‌ನ ನ್ಯೂ ಹೌಸ್‌ನ ನಿವಾಸಿಗಳ ದುಃಖದ ಕಟ್ಟೆಯೊಡೆದು ಅತ್ತೂ ಅತ್ತೂ ಕಣ್ಣೀರು ಬತ್ತಿಹೋಗಿ ಇದೀಗ ಕೇವಲ ವೌನ ರೋದನವೊಂದನ್ನು ಮಾತ್ರ ಕಾಣುವಂತಾಗಿದೆ. ಬಜ್ಪೆ ಕೆಂಜಾರಿನಲ್ಲಿ ಶನಿವಾರ ನಡೆದ ವಿಮಾನ ದುರಂತದಲ್ಲಿ ಮದುಮಗ ನೌಶಾದ್ ಅಬು (28), ಮುಹಮ್ಮದ್ ಅಶ್ರಫ್ (37), ಅವರ ಪತ್ನಿ ಮೈಮುನಾ (32), ಮಕ್ಕಳಾದ ಅಸಾದ್ ಅಬ್ದುಲ್ಲಾ (ಐದೂವರೆ ವರ್ಷ), ಆಯಿಶಾ ಅಫ್ಸೀನಾ (2) ಒಂದೇ ಕುಟುಂಬದ ಈ ಐದು ಮಂದಿ ಮತಪಟ್ಟಿದ್ದರು.

ಈ ಮನೆಯ ದಿವಂಗತ ಎಂ.ಬಿ. ಅಬ್ಬು ಮತ್ತು ಐಸಮ್ಮ ಯು.ಎನ್. ದಂಪತಿಯ ಪುತ್ರರಾದ ಮುಹಮ್ಮದ್ ಅಶ್ರಫ್ ದುಬೈನಲ್ಲಿ ಕಳೆದ ಸುಮಾರು ಐದು ವರ್ಷಗಳಿಂದ ಸಾಫ್ಟ್‌ವೇರ್ ಕಂಪೆನಿಯೊಂದರಲ್ಲಿ ಉದ್ಯೋಗದಲ್ಲಿದ್ದರೆ, ನೌಶಾದ್ ಅಬು ಕಳೆದ ಮೂರು ವರ್ಷಗಳಿಂದ ಡಿಸ್ಟ್ರಿಬ್ಯೂಶನ್ ವೇರ್‌ಹೌಸ್‌ನ ಇನ್‌ಚಾರ್ಜ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದರು. ಕೋಟೆಕಾರ್‌ನಲ್ಲಿರುವ ನೌಶಾದ್‌ನ ತಾಯಿ, ಇತರ ಅಣ್ಣಂದಿರು, ಅಕ್ಕ ತಂಗಿಯರು ಅವರ ಪತಿ, ಪತ್ನಿಯರೆಲ್ಲಾ ಸೇರಿ ನೌಶಾದ್‌ಗೆ ಹೆಣ್ಣೊಂದನ್ನು ಗೊತ್ತು ಮಾಡಿ ಮದುವೆಗೆ ನಿಶ್ಚಯ ಮಾಡಿದ್ದರು. ಹಾಗಾಗಿ ಕಳೆದ ಶನಿವಾರ ನೌಶಾದ್ ತನ್ನ ಅಣ್ಣ, ಅತ್ತಿಗೆ ಹಾಗೂ ಅವರ ಮಕ್ಕಳೊಂದಿಗೆ ಈ ನತದಷ್ಟ ವಿಮಾನವೇರಿ, ಐದು ಮಂದಿಯೂ ಬಾಳಿನ ದುರಂತ ಅಂತ್ಯವನ್ನು ಕಂಡಿದ್ದರು.

‘‘ನೌಶಾದ್ ಮತ್ತು ಮುಹಮ್ಮದ್ ಅಶ್ರಫ್ ಸೇರಿ ಅವರು ಎಂಟು ಮಂದಿ ಮಕ್ಕಳು. (ಇವರಲ್ಲಿ ಓರ್ವ ಗಂಡು ಮಗ ಕೆಲ ಸಮಯದ ಹಿಂದೆಯೇ ತೀರಿ ಹೋಗಿದ್ದಾರೆ). ನಾವೆಲ್ಲಾ ಒಟ್ಟು ಸೇರಿ ನೌಶಾದ್‌ಗೆ ಹೆಣ್ಣು ಹುಡುಕಿ ಮದುವೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದೆವು. ನೌಶಾದ್ ಕೂಡಾ ಒಪ್ಪಿಗೆ ಸೂಚಿಸಿ, ಮದುವೆಗೆ ಅವನ ಅಣ್ಣನ ಹಾಗೂ ಅವರ ಕುಟುಂಬದ ಜೊತೆ ದುಬೈನಿಂದ ಹೊರಟಿದ್ದ. ಆದರೆ, ಅವರೆಲ್ಲಾ ಮನೆಗೆ ಬರಲೇ ಇಲ್ಲ’’ ಎನ್ನುತ್ತಾ ನೌಶಾದ್‌ರ ಭಾವ (ಅಕ್ಕನ ಗಂಡ) ಯು.ಎಂ. ಮುಹಮ್ಮದ್ ಕಣ್ಣಂಚಿನಲ್ಲಿ ಜಿನುಗುವ ಕಣ್ಣೀರನ್ನು ಒರೆಸಿಕೊಳ್ಳುತ್ತಾರೆ.

‘‘ನೌಶಾದ್‌ನ ಮದುವೆಗಾಗಿ ನಾವು ಆಮಂತ್ರಣ ಪತ್ರ ಎಲ್ಲಾ ಪ್ರಿಂಟ್ ಮಾಡಿಸಿ ಆಗಿದೆ. ಅದನ್ನು ಹಂಚಲು ಅವನು ಹಾಗೂ ಅವನ ಅಣ್ಣನಿಗಾಗಿ ಕಾಯುತ್ತಿದ್ದೆವು’’ ಎಂದು ಉಕ್ಕಿ ಬರುವ ದುಃಖವನ್ನು ತಡೆದುಕೊಳ್ಳುತ್ತಾ ಗದ್ಗದಿತರಾಗಿ ನುಡಿಯುತ್ತಾರೆ ಮುಹಮ್ಮದ್. ಮತರ ಕುಟುಂಬಸ್ಥರ ಮನವಿತಮ್ಮ ಕುಟುಂಬದ ಮತರ ಸ್ಮರಣಾರ್ಥ ಅವರ ಹೆಸರಿನಲ್ಲಿ ಶುಕ್ರವಾರ ಎಲ್ಲ ಮಸೀದಿಗಳಲ್ಲಿ ದುವಾ ನೆರವೇರಿಸ ಬೇಕೆಂಬುದು ಮತರ ಕುಟುಂಬಸ್ಥರ ಕೋರಿಕೆಯಾಗಿದೆ.