ಸಾವಿನ ದವಡೆಯಿಂದ ಪಾರಾದವರಿಗೆ ಬೀಳ್ಕೊಡುಗೆ

ಮಂಗಳೂರು, ಮೇ 25: ಶನಿವಾರ ಮುಂಜಾನೆ ಬಜ್ಪೆಯಲ್ಲಿ ಸಂಭವಿಸಿದ ಭೀಕರ ವಿಮಾನ ದುರಂತದಲ್ಲಿ ಪವಾಡ ಸದೃಶ ರೀತಿಯಲ್ಲಿ ಬದುಕುಳಿದು ಇದೀಗ ನಾಲ್ಕು ದಿನಗಳ ಚಿಕಿತ್ಸೆಯ ನಂತರ ನಗರದ ಎಸ್ಸಿಎಸ್ ಆಸ್ಪತ್ರೆ ಯಿಂದ ತೆರಳುತ್ತಿರುವ ಸಂದರ್ಭದಲ್ಲಿ ಮೂವರಿಗೆ ಆಸ್ಪತ್ರೆಯ ವೈದ್ಯರು ಹಾಗೂ ಸಿಬ್ಬಂದಿಗಳು ಸ್ಥಳೀಯ ಗಣ್ಯರೊಂದಿಗೆ ಹೂಮಾಲೆ ಹಾಕಿ ಬೀಳ್ಕೊಡುಗೆ ಸಮಾರಂಭ ನಡೆಸಿದರು.

ಉರಿಯುತ್ತಿದ್ದ ವಿಮಾನದಿಂದ ಅಪಾಯ ಲೆಕ್ಕಿಸದೆ 50 ಅಡಿ ಆಳದ ಕಂದಕಕ್ಕೆ ಜಿಗಿದ ಪರಿಣಾಮವಾಗಿ ಕೈ, ಕಾಲು, ತಲೆ, ಹಣೆಗೆ ಗಾಯಗೊಂಡ ಕಾಸರಗೋಡಿನ ಕೃಷ್ಣ ಈಗ ಚೇತರಿಸಿ ಕೊಂಡು ಆಸ್ಪತ್ರೆಯಿಂದ ಮನೆಗೆ ಹೊರಟಿ ದ್ದಾರೆ. ಅವರ ಜೊತೆಗೆ ಪತ್ನಿ ಬಿಂದು, ಮಗಳು ಕೀರ್ತಿ ಕೃಪಾ ಕೂಡ ಇದ್ದರು.

ಈ ಸಂದರ್ಭದಲ್ಲಿ ಮಾತನಾಡಿದ ಕೃಷ್ಣ ‘ದೇವರು ದೊಡ್ಡವರು. ಆ ಸಂದರ್ಭ ನೆನಪಿಸಿಕೊಂಡಾಗ ಭಯವಾಗುತ್ತದೆ. ವಿಮಾನ ಸರಿಯಾಗಿಯೇ ನಿಲ್ದಾಣದಲ್ಲಿ ಇಳಿದಿದೆ. ಬೆಲ್ಟ್ ಕಟ್ಟಿಕೊಳ್ಳಲು ನಮಗೆ ಸೂಚನೆ ನೀಡಲಾಗಿತ್ತು. ಕೆಲವು ಸೆಕುಂಡಿ ನಲ್ಲಿ ಒಂದು ರೀತಿಯ ಕಂಪನ ಉಂಟಾ ಯಿತು. ಆ ನಂತರ ದೃಶ್ಯ ಭೀಕರವಾ ಗಿತ್ತು. ಸುತ್ತಲೂ ದಟ್ಟ ಹೊಗೆ ಎರಡು ಕಡೆ ಬೆಂಕಿ ನಡುವೆ ಒಂದು ಬಿರುಕು ಕಾಣಿಸಿಕೊಂಡಾಗ ಸೀಟು ಬೆಲ್ಟ್ ಬಿಚ್ಚಿ ಜೀಗಿದೆ. ಜೀವ ಉಳಿಯಿತು. ಆಸ್ಪತ್ರೆ ಯಲ್ಲಿ ಒಳ್ಳೆಯ ರೀತಿಯ ಆರೈಕೆ ಮಾಡಿ ದ್ದಾರೆ. ಅವರೆಲ್ಲರಿಗೂ ನನ್ನ ಕೃತಜ್ಞತೆಗಳು ಎಂದು ಭಾವುಕರಾಗಿ ನುಡಿದರು.

ತಣ್ಣೀರುಬಾವಿಯ ಪ್ರದೀಪ್ ತನ್ನ ಅಣ್ಣ ಚಂದ್ರಕಾಂತನ ಮದುವೆಗಾಗಿ ದುಬೈನಿಂದ ಬಂದವರು ವಿಮಾನ ಅಪಘಾತದಲ್ಲಿ ಕೈ, ಮುಖದ ಭಾಗಕ್ಕಾದ ಗಾಯದಿಂದ ಚೇತರಿ ಸಿಕೊಂಡಿದ್ದಾರೆ. ಇಂದು (ಮದುಮಗ) ಅಣ್ಣ ಬಂದು ತಮ್ಮನನ್ನು ಕರೆದುಕೊಂಡು ಹೋದರು.

ಇದೀಗ ಪ್ರದೀಪ್ ಅಣ್ಣನ ಮದುವೆಯ ಸಿದ್ಧತೆಯಲ್ಲಿದ್ದಾರೆ. ಆಸ್ಪತ್ರೆ ಯಿಂದ ಬಿಡುಗಡೆಗೊಂಡ ಪ್ರದೀಪ್ ‘ದೇವರ ದಯೆ, ತಂದೆ ತಾಯಿಯ ಆಶೀರ್ವಾದದಿಂದ ಬದುಕುಳಿದೆ. ಆ ಸನ್ನಿವೇ ಶದಲ್ಲಿ ನಾನು ಉಳಿಯುತ್ತೇನೆ ಎಂಬ ನಂಬಿಕೆ ನನಗಿರಲಿಲ್ಲ. ಇಲ್ಲಿ ನನ್ನನ್ನು ಚೆನ್ನಾಗಿ ನೋಡಿ ಕೊಂಡರು ಎಂದು ಅನಿಸಿಕೆ ವ್ಯಕ್ತಪಡಿಸಿದರು.

ಮಾಯನ್ ಕುಟ್ಟಿ ದುಬೈಯಲ್ಲಿ ಶಿಪ್ಪಿಂಗ್ ಕಂಪೆನಿಯಲ್ಲಿ ಕೆಲಸ ನಿರ್ವ ಹಿಸಿ ಇತ್ತೀಚೆಗಷ್ಟೇ ಉದ್ಯೋಗ ಬದಲಾ ಯಿಸಿದ್ದರು. ಬದುಕುಳಿದ ಬಗ್ಗೆ ದೇವರಿಗೆ ಕೃತಜ್ಞತೆ ಸಲ್ಲಿಸಿದರು. ತಮಗೆ ಸಹಾಯ ಮಾಡಿದ ಊರಿನ ಜನರಿಗೆ, ಆಸ್ಪತ್ರೆಯ ವೈದ್ಯರಿಗೆ ಕೃತಜ್ಞತೆ ಸಲ್ಲಿಸಿದರು. ಪತ್ನಿ ಬೀಫಾತುಮ್ಮ ಜೊತೆ ಮಾಯನ್ ಕುಟ್ಟಿ ಇಂದು ಸಂತಸದಿಂದ ಎಲ್ಲರಿಗೂ ಕೃತಜ್ಞತೆ ಸಲ್ಲಿಸಿ ಮನೆಗೆ ತೆರಳಿದರು.ಈ ಸಂದರ್ಭದಲ್ಲಿ ಎಸ್ಸಿಎಸ್ ಆಸ್ಪತ್ರೆಯ ಆಡಳಿತ ನಿರ್ದೇಶಕ ಡಾ. ಜೀವರಾಜ್ ಸೊರಕೆ, ಮಾಜಿ ಸಂಸದ ವಿನಯ ಕುಮಾರ್ ಸೊರಕೆ, ಮೇಯರ್ ರಜನಿ ದುಗ್ಗಣ್ಣ, ಶಾಸಕ ಯೋಗೀಶ್ ಭಟ್ ಸಾವಿನ ದವಡೆಯಿಂದ ಪಾರಾಗಿ ಬಂದವ ರಿಗೆ ಹೂ ಮಾಲೆ ಹಾಕಿ ಬೀಳ್ಕೊಟ್ಟರು. ರಮಾ ಸೊರಕೆ ವಂದಿಸಿದರು. ಯು.ಕೆ ಖಾಲಿದ್ ಕಾರ್ಯಕ್ರಮ ನಿರೂಪಿಸಿದರು. ಅಪಘಾತದಲ್ಲಿ ಮಡಿದವರಿಗೆ ವೌನ ಪ್ರಾರ್ಥನೆಯ ಮೂಲಕ ಸಂತಾಪ ಸೂಚಿಸಲಾಯಿತು.