ವಿಮಾನ ಅಪಘಾತ ದುರಂತ ಪೀಡಿತರ ಮನೆಗೆ ಜಮಾತೆ ಇಸ್ಲಾಮಿ ರಾಜ್ಯಾಧ್ಯಕ್ಷ ಹಾಗೂ ಮುಖಂಡರ ಭೇಟಿ

ಮಂಗಳೂರು: ಜಮಾತೆ ಇ. ಇಸ್ಲಾಮಿ ಹಿಂದ್‌ ಸಂಘಟನೆಯ ಕರ್ನಾಟಕ ಮತ್ತು ಗೋವಾ ಪ್ರದೇಶ ಅಧ್ಯಕ್ಷ ಅಬ್ದುಲ್‌ ಜಾವೇದ್‌ ನಿನ್ನೆ ಮಂಗಳೂರಿನಲ್ಲಿ ವಿಮಾನ ದುರಂತದಲ್ಲಿ ಮಡಿದವರ ಮನೆಗಳಿಗೆ ಭೇಟಿ ನೀಡಿದರು.
ಜೆಪ್ಪು, ಮಂಗಳಾದೇವಿ, ಕೋಟೆಪುರ, ಉಳ್ಳಾಲ, ಪಡೀಲ್‌, ಕಣ್ಣೂರು ಮತ್ತು ಕಂಡತ್ತಪಳ್ಳಿಗಳಲ್ಲಿ ವಿಮಾನ ದುರಂತದಲ್ಲಿ ಮಡಿದವರ ಕುಟುಂಬ ಬಂಧುಗಳನ್ನು ಭೇಟಿಯಾಗಿ ಸಾಂತ್ವನ ತುಂಬಿದರು. ನಂತರ ಅವರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಗಾಯಾಳುಗಳನ್ನು ಭೇಟಿ ಮಾಡಿ ದರು.
ಅಧ್ಯಕ್ಷರು ಕಾಪು, ಉಡುಪಿ ಮತ್ತು ಭಟ್ಕಳದಲ್ಲಿ ವಿಮಾನ ದುರಂತದಲ್ಲಿ ಮಡಿದವರ ಕುಟುಂಬ ಸದಸ್ಯರನ್ನು ಭೇಟಿ ಮಾಡಿದರು.
ಸಂಘಟನೆಯ ಯುವಕರು ವಿಮಾನ ದುರಂತದಲ್ಲಿ ಮಡಿದವರ ಹೆಣ ಎತ್ತಲು ಮತ್ತು ಸಂಬಂಧಿತರ ಮನೆಗೆ ಸಾಗಿಸಲು ನೀಡಿದ ನೆರವನ್ನು ಜಾವೇದ್‌ ಪ್ರಶಂಸಿಸಿದರು.
ಸಂಘಟನೆ ಕರಾವಳಿ ವಿಭಾಗದ ಸಂಘಟಕ ಅಬ್ದುಸ್ಸಲಾಂ ಯು, ಮಂಗಳೂರು ವಿಭಾಗ ಅಧ್ಯಕ್ಷ ಕೆ.ಎಂ. ಅಶ್ರಫ್‌ ಅಬ್ದುಲ್‌ ಜಾವೇದ್‌ರೊಂದಿಗೆ ಇದ್ದರು.