VISHWA KANNADIGA NEWS - ವಿಶ್ವ ಕನ್ನಡಿಗ ನ್ಯೂಸ್

ವಿಶ್ವ ಕನ್ನಡಿಗ ನ್ಯೂಸ್ ಈಗ ಹೊಸ ತಾಣದಲ್ಲಿ

ಆತ್ಮೀಯ ಓದುಗರೇ ವಿಶ್ವ ಕನ್ನಡಿಗ ನ್ಯೂಸ್ ಓದಲು ಈ ಕೆಳಕಂಡ ಲಿಂಕ್ ಅನ್ನು ಕ್ಲಿಕ್ ಮಾಡಿರಿ...





http://www.vknewz.com

May 26, 2010

ರಾಹುಲ್ ಗಾಂಧಿ ನೀಡಿದ ಪಿಸ್ತೂಲು ಶೂಟರ್ ಸೀಮಾ ಗೆಲುವಿಗೆ ಸ್ಫೂರ್ತಿ


ಲಕ್ನೋ, ಮೇ 25: ಡಾರ್ಸೆಟ್‌ನಲ್ಲಿ ನಡೆದ ವಿಶ್ವಕಪ್ ಶೂಟಿಂಗ್ ಚಾಂಪಿಯನ್‌ಷಿಪ್‌ನಲ್ಲಿ ಬೆಳ್ಳಿ ಪದಕ ಗೆದ್ದ ಸೀಮಾ ತೋಮರ್ ತಮ್ಮ ಯಶಸ್ವಿಗೆ ಯುವ ಸಂಸದ ರಾಹುಲ್ ಗಾಂಧಿ ಕೊಡುಗೆಯಾಗಿ ನೀಡಿದ್ದ ಪಿಸ್ತೂಲ್‌ನಲ್ಲಿ ಅಭ್ಯಾಸ ಮಾಡಿದ್ದೇ ಕಾರಣ ಎನ್ನುವುದನ್ನು ಇದೀಗ ಬಹಿರಂಗಪಡಿಸಿದ್ದಾರೆ.ರಾಹುಲ್ ಗಾಂಧಿ ರಾಜಕೀಯಕ್ಕೆ ಬರುವ ಮೊದಲು ಉತ್ತರ ಪ್ರದೇಶದ ಸಣ್ಣ ಹಳ್ಳಿಯೊಂದರಲ್ಲಿರುವ ಡಾ. ರಾಜ್‌ಪಾಲ್ ಬಳಿ ಶೂಟಿಂಗ್ ತರಬೇತಿ ಪಡೆದಿದ್ದರು.

ತರಬೇತಿ ಮುಗಿಸಿದ ಬಳಿಕ, ತಮ್ಮ ಗುರುವಿಗೆ ಗುರು ದಕ್ಷಿಣೆಯಾಗಿ ಎರಡು ಏರ್ ಪಿಸ್ತೂಲ್‌ಗಳನ್ನು ಅರ್ಪಿಸಿದ್ದರು.ಡಾ. ರಾಜ್‌ಪಾಲ್‌ರು ಉತ್ತರ ಪ್ರದೇಶದಲ್ಲಿರುವ ಸಣ್ಣ ಹಳ್ಳಿಯೊಂದರಲ್ಲಿ ಶೂಟರ್‌ಗಳಿಗೆ ತರಬೇತಿ ನೀಡುತ್ತಿದ್ದಾರೆ. ಅವರ ಕೈಕೆಳಗೆ ಅಭ್ಯಾಸ ಮಾಡಿದ ಆನೇಕ ಶೂಟರ್‌ಗಳು ಅತ್ಯುತ್ತಮ ಶೂಟರ್‌ಗಳಾಗಿ ಮೂಡಿ ಬಂದಿದ್ದಾರೆ.

ದಿಲ್ಲಿಯ ಆಸ್ಪತ್ರೆಯೊಂದರಲ್ಲಿ ಅಧೀಕ್ಷಕರಾಗಿ ಸೇವೆ ಸಲ್ಲಿಸುತ್ತಿರುವ ಡಾ. ರಾಜ್‌ಪಾಲ್ ಹಲವರಿಗೆ ಶೂಟಿಂಗ್ ತರಬೇತಿ ನೀಡಿದ್ದಾರೆ. ಹೀಗೆ ತರಬೇತಿ ಪಡೆದವರಲ್ಲಿ ರಾಹುಲ್ ಗಾಂಧಿ ಎರಡು ಪಿಸ್ತೂಲ್‌ಗಳನ್ನು, ಆರ್‌ಎಲ್‌ಡಿ ಸಂಸದ ಮಹೋತ್ರಾ ಮತ್ತು ಐಪಿಎಸ್ ಅಧಿಕಾರಿ ಸುನೀತ ಸಿಂಗ್ ತಲಾ ಒಂದು ಪಿಸ್ತೂಲ್‌ನ್ನು ಕೊಡುಗೆಯಾಗಿ ನೀಡಿದ್ದರು.ರಾಜ್‌ಪಾಲ್ ಬಳಿ ಇರುವ ನಾಲ್ಕು ಪಿಸ್ತೂಲ್‌ಗಳ ಪೈಕಿ ಯುವ ಸಂಸದ ರಾಹುಲ್ ಗಾಂಧಿ ನೀಡಿದ್ದ ಪಿಸ್ತೂಲ್‌ನಲ್ಲಿ ಅಭ್ಯಾಸ ಮಾಡಿದ್ದ ಸೀಮಾ ಇದೀಗ ವಿಶ್ವಕಪ್ ಶೂಟಿಂಗ್ ಚಾಂಪಿಯನ್‌ಷಿಪ್‌ನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದಾರೆ.

ತಮ್ಮ ಯಶಸ್ವಿಗೆ ರಾಹುಲ್ ಗಾಂಧಿ ನೀಡಿದ್ದ ಪಿಸ್ತೂಲ್‌ನಲ್ಲಿ ತರಬೇತಿ ಪಡೆದದ್ದೇ ಕಾರಣ ಎಂದು ಹೇಳುವ ಸೀಮಾ ತಾನು ಅವರನ್ನು ಈ ವರಗೆ ಭೇಟಿಯಾಗಿಲ್ಲ. ಮುಂದೆ ಅವರನ್ನು ಭೇಟಿಯಾಗಿ ಕೃತಜ್ಞತೆ ಸಲ್ಲಿಸಿ, ಅವರಲ್ಲಿ ಕ್ರೀಡಾಪಟುಗಳಿಗೆ ಅಭ್ಯಾಸಕ್ಕಾಗಿ ಹೆಚ್ಚಿನ ಅನುಕೂಲತೆಗಳನ್ನು ಒದಗಿಸಲು ವಿನಂತಿಸುವೆನು ಎಂದು ತಿಳಿಸಿದ್ಧಾರೆ.

No comments: