ಅಮ್ಲ, ಕಾಲಿಸ್ ಭರ್ಜರಿ ಬ್ಯಾಟಿಂಗ್ ವಿಂಡೀಸ್ ವಿರುದ್ಧ ಹರಿಣಗಳಿಗೆ ಜಯ

ನಾರ್ತ್‌ಸೌಂಡ್, ಮೇ 25: ಇಲ್ಲಿ ನಡೆದ ಎರಡನೆ ಏಕದಿನ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ತಂಡ ವೆಸ್ಟ್ ಇಂಡೀಸ್‌ನ್ನು 17 ರನ್‌ಗಳಿಂದ ಸದೆ ಬಡಿದಿದೆ.ಟಾಸ್ ಗೆದ್ದ ದಕ್ಷಿಣ ಆಫ್ರಿಕಾ ವೆಸ್ಟ್‌ಇಂಡೀಸ್‌ಗೆ ಗೆಲ್ಲಲು 301 ರನ್‌ಗಳ ಸವಾಲು ನೀಡಿತ್ತು. ಆದರೆ ವೆಸ್ಟ್ ಇಂಡೀಸ್ 48.1 ಓವರ್‌ಗಳಲ್ಲಿ ಎಲ್ಲ ವಿಕೆಟ್‌ಗಳನ್ನು ಕಳೆದುಕೊಂಡು 283 ರನ್ ಮಾಡಿ ಸೋಲೊಪ್ಪಿಕೊಂಡಿತು.

ವೆಸ್ಟ್ ಇಂಡೀಸ್ ಪರ ಡ್ವೇಯ್ನ್ ಬ್ರಾವೊ 74, ಡ್ಯಾರನ್ ಸಮ್ಮಿ 58, ಡಿ.ಎಂ. ರಿಚರ್ಡ್ಸ್ 51, ಕ್ರಿಸ್ ಗೇಲ್ 26, ಕೈರನ್ ಪೊಲಾರ್ಡ್ 29, ಶರವಣ್ 6, ದಿಯೋನಾರಾಯಣ 7 ರನ್ ಮಾಡಿದರೂ ಗೆಲುವಿನ ಗುರಿ ತಲುಪಲಾಗಲಿಲ್ಲ.
ದಕ್ಷಿಣ ಆಫ್ರಿಕಾದ ಮೋರ್ನೆ ಮಾರ್ಕೆಲ್ 58ಕ್ಕೆ 3 ವಿಕೆಟ್ ಪಡೆದು ವೆಸ್ಟ್‌ಇಂಡೀಸ್‌ನ ರನ್ ವೇಗಕ್ಕೆ ಕಡಿವಾಣ ಹಾಕಿದರು.
ಇದಕ್ಕೆ ಮೊದಲು ದಕ್ಷಿಣ ಆಫ್ರಿಕಾ ಹಾಶಿಮ್ ಅಮ್ಲ (92), ಜಾಕಸ್ ಕಾಲಿಸ್ (85), ಅಬ್ರಹಾಮ್ ಡಿ. ವಿಲಿಯರ್ಸ್‌ (41), ಗ್ರೇಮ್ ಸ್ಮಿತ್ (37), ಮಿಲ್ಲರ್( 26) ಇವರ ನೆರವಿನಲ್ಲಿ ನಿಗದಿತ 50 ಓವರ್‌ನಲ್ಲಿ 5 ವಿಕೆಟ್ ನಷ್ಟಕ್ಕೆ 300 ರನ್ ಸಂಪಾದಿಸಿತ್ತು.

ವೆಸ್ಟ್‌ಇಂಡೀಸ್ ಪರ ಜೇರೊಮ್ ಟಯ್ಲರ್ 50ಕ್ಕೆ 2, ಪೊಲಾರ್ಡ್39ಕ್ಕೆ 2 ವಿಕೆಟ್ ಪಡೆದರು.ದಕ್ಷಿಣ ಆಫ್ರಿಕಾದ ಹಾಶಿಮ್ ಅಮ್ಲ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದರು.