ರನ್‌ವೇಗೆ ಪರ್ಯಾಯ ಪ್ರದೇಶದ ಸಲಹೆಯನ್ನು ನಿರ್ಲಕ್ಷಿಸಲಾಗಿತ್ತು

‘ಪ್ರಸ್ತುತ ರನ್‌ವೇಯ ಉತ್ತರ ದಿಕ್ಕಿನ ಸಮಾನಾಂತರದಲ್ಲಿ ರನ್‌ವೇ ರಚಿಸಲು ಪರ್ಯಾಯ ಪ್ರದೇಶವಿತ್ತು. ಅಲ್ಲಿ ಈ ನೂತನ ರನ್‌ವೇ ನಿರ್ಮಿಸಿದ್ದರೆ, ಅಲ್ಲಿ ಸಾಕಷ್ಟು ಉದ್ದ ಹಾಗೂ ಅಗಲವಾದ ರನ್‌ವೇ ರಚಿಸಬಹುದಾಗಿತ್ತು. ಆದರೆ ಈ ಸಲಹೆಯನ್ನು ಯಾವತ್ತೂ ಪರಿಗಣಿಸಲೇ ಇಲ್ಲ. ಅಲ್ಲಿ ಪ್ರಭಾವಿ ಜನರ ಭೂಮಿ ಇದ್ದುದರಿಂದ ಆ ರೀತಿ ಮಾಡಲಾಗಿಲ್ಲ’

ಮಂಗಳೂರು ವಿಮಾನ ನಿಲ್ದಾಣದ ನೂತನ ರನ್‌ವೇಯ
ದಕ್ಷತೆಯ ಕುರಿತು ಈ ಹಿಂದೆಯೇ ಕೆಲವು ಸಾಮಾಜಿಕ
ಸಂಘಟನೆಯ ನಾಯಕರು ಶಂಕೆ ವ್ಯಕ್ತಪಡಿಸಿದ್ದರು

ಹೊಸದಿಲ್ಲಿ, ಮೇ 25: ಭೀಕರ ದುರಂತಕ್ಕೆ ಕಾರಣವಾದ ಮಂಗಳೂರು ವಿಮಾನ ನಿಲ್ದಾಣದ ರನ್‌ವೇಯನ್ನು ಬೇರೊಂದು ಪರ್ಯಾಯ ಸ್ಥಳದಲ್ಲಿ ನಿರ್ಮಿಸಲು ಸಲಹೆ ನೀಡಲಾಗಿತ್ತು. ಪ್ರಸ್ತುತ ರನ್‌ವೇ ನಿರ್ಮಾಣಕ್ಕೆ ವಿರೋಧವೂ ವ್ಯಕ್ತವಾಗಿತ್ತು. ಆದರೆ ಈ ಸಲಹೆ, ವಿರೋಧವನ್ನು ಲೆಕ್ಕಿಸದೆಯೇ, ರನ್‌ವೇಯನ್ನು ನಿರ್ಮಿಸಲಾಗಿರುವುದು ಇದೀಗ ದುರಂತಕ್ಕೆ ಕಾರಣವಾಗಿದೆ ಎಂಬ ಮಾತುಗಳೂ ಕೇಳಿ ಬಂದಿವೆ.

ಮಂಗಳೂರು ವಿಮಾನ ನಿಲ್ದಾಣದ ಟೇಬಲ್ ಟಾಪ್ ರನ್‌ವೇಯ ಉದ್ದ 8,300 ಅಡಿಯಷ್ಟಿದೆ. ರನ್‌ವೇಯ ಕೊನೆ ಮತ್ತು ಅದರಾಚೆಗಿನ ಕಣಿವೆಯ ನಡುವೆ ಸಾಕಷ್ಟು ಖಾಲಿ ಜಾಗ ಇಲ್ಲದಿರುವುದು ಪೈಲಟ್‌ಗಳಿಗೆ ಇಲ್ಲಿ ತಮ್ಮ ತಪ್ಪಿನ ಅರಿವು ಆಗದಿರುವ ಸಾಧ್ಯತೆಗಳಿರುತ್ತದೆ.ಈ ಹಿನ್ನೆಲೆಯಲ್ಲಿ ಮೊನ್ನೆ ನಡೆದ ದುರಂತಕ್ಕೆ ಕಾರಣವಾಗಿರಬಹುದು ಎಂದು ಅಂದಾಜಿಸಲಾಗಿದೆ.

ಪ್ರಸ್ತುತ ರನ್‌ವೇಯ ಉತ್ತರ ದಿಕ್ಕಿನ ಸಮಾ ನಾಂತರದಲ್ಲಿ ರನ್‌ವೇ ರಚಿಸಲು ಪರ್ಯಾಯ ಪ್ರದೇಶವಿತ್ತು. ಅಲ್ಲಿ ಈ ನೂತನ ರನ್‌ವೇ ನಿರ್ಮಿಸಿದ್ದರೆ, ಅಲ್ಲಿ ಸಾಕಷ್ಟು ಉದ್ದ ಹಾಗೂ ಅಗಲವಾದ ರನ್‌ವೇ ರಚಿಸಬಹುದಾಗಿತ್ತು. ಆದರೆ ಈ ಸಲಹೆಯನ್ನು ಯಾವತ್ತೂ ಪರಿಗಣಿಸಲೇ ಇಲ್ಲ. ಅಲ್ಲಿ ಪ್ರಭಾವಿ ಜನರ ಭೂಮಿ ಇದ್ದುದರಿಂದ ಆ ರೀತಿ ಮಾಡಲಾಗಿಲ್ಲ ಎಂದು ಪರಿಸರ ಸಂರಕ್ಷಣಾ ಕಾರ್ಯಕರ್ತ ಲಿಯೋ ಸಲ್ದಾನ ಹೇಳುತ್ತಾರೆ.

‘‘ದಲಿತರಿಂದ ವಶಪಡಿಸಿಕೊಳ್ಳಲಾದ ಭೂಮಿ ಯಲ್ಲಿ ಪ್ರಸ್ತುತ ರನ್‌ವೇ ನಿರ್ಮಿಸಲಾಗಿದೆ. ಅಲ್ಲಿಂದ ಸುಮಾರು 200ರಿಂದ 250 ದಲಿತ ಕುಟುಂಬ ಗಳನ್ನು ತೆರವುಗೊಳಿಸಲಾಗಿದೆ. ತುಳಿತಕ್ಕೊಳಗಾದ ವರನ್ನು ಸ್ಥಳಾಂತರಿಸುವುದು ತುಂಬಾ ಸುಲಭ ಎಂಬಂತಾಗಿದೆ’’ ಎಂದು ಸಲ್ದಾನ ತಿಳಿಸಿದ್ದಾರೆ.

ಈ ಬಗ್ಗೆ ಕರ್ನಾಟಕ ಹೈಕೋರ್ಟ್‌ನಲ್ಲಿ 1996 ಮತ್ತು 2002ರಲ್ಲಿ ಎರಡು ಸಾರ್ವಜನಿಕ ಹಿತಾಸಕ್ತಿ ದಾವೆಯನ್ನು ಸಲ್ದಾನ ಮತ್ತು ಕೃಷಿಕ ಆರ್ತುರ್ ಪಿರೇರಾ ಮತ್ತು ಸ್ಥಳೀಯ ಚರ್ಚ್ ಒಂದರ ನಾಯಕರು ಸಲ್ಲಿಸಿದ್ದಾರೆ. ಈ ಕುರಿತು ನಾಗರಿಕ ವಿಮಾನ ಯಾನ ಅಧಿಕಾರಿಗಳು ಮತ್ತು ರಾಜಕೀಯ ನಾಯಕರಿಗೂ ಹಲವಾರು ಮನವಿ ಸಲ್ಲಿಸಲಾಗಿದೆ ಎಂದು ಅವರು ಹೇಳುತ್ತಾರೆ.

ರನ್‌ವೇಗೆ ಪರ್ಯಾಯ ಭೂಮಿಯನ್ನು ಪರಿಗಣಿಸುವಂತೆ ತಾನು ಸಂಸದರಾದ ಆಸ್ಕರ್ ಫೆರ್ನಾಂಡಿಸ್ ಮತ್ತು ಎಂ. ವೀರಪ್ಪ ಮೊಯ್ಲಿಯವರನ್ನು ಭೇಟಿಯಾಗಿ ಆಗ್ರಹಿಸಿದ್ದೆ ಎಂದು ಪಿರೇರಾ ಹೇಳುತ್ತಾರೆ.
‘‘ಇದನ್ನು ಉನ್ನತ ಮೂಲಗಳಿಗೆ ತಿಳಿಸುತ್ತೇವೆ ಎಂದು ಅವರು ನನಗೆ ಭರವಸೆ ನೀಡಿದ್ದರು. ಆದರೆ ವಿಮಾನ ನಿಲ್ದಾಣದ ಜನರು ತಮ್ಮ ಯೋಜನೆಯನ್ನು ಮುಂದುವರಿಸಿದ್ದರು’’ ಎಂದು ಪಿರೇರಾ ತಿಳಿಸುತ್ತಾರೆ.

‘‘ಯಾರನ್ನು ದೂರಿದರೂ ಕಷ್ಟ, ನಾವು ನಮ್ಮ ರಾಜಕಾರಣಿಗಳ (ಶಾಸಕರು) ಬಾಗಿಲು ಬಡಿದಿದ್ದೇವೆ. ನಾವು ನ್ಯಾಯಾಲಯದ ಮೆಟ್ಟಿಲೇರಿ ದ್ದೇವೆ, ನಾವು ಸಂಸದರನ್ನೂ ಬೇಟಿಯಾಗಿದ್ದೇವೆ. ಯಾರೊಬ್ಬರೂ ನಮ್ಮ ಮಾತುಗಳನ್ನು ಕೇಳಲಿಲ್ಲ. ನಾವು ನೋಡಿಕೊಳ್ಳುತ್ತೇವೆ ಎಂದು ಕೆಲವರು ಭರವಸೆ ನೀಡಿದ್ದರು, ಆದರೆ ಏನೂ ನಡೆದಿಲ್ಲ’’ ಎಂದು ಅವರು ಆರೋಪಿಸುತ್ತಾರೆ.
ಸ್ಥಳಾಂತರಗೊಂಡ ದಲಿತ ಕುಟುಂಬಗಳಿಗೆ ಸೂಕ್ತ ಪುನರ್ವಸತಿ ಕಲ್ಪಿಸುವ ಕುರಿತು 2004-05ರಲ್ಲಿ ಬೇಡಿಕೆಗೆ ಆಗ್ರಹಿಸಿದ್ದಾಗ, ಪರ್ಯಾಯ ರನ್‌ವೇಯ ಬಗ್ಗೆ ಗಮನ ಸೆಳೆದಿದ್ದೆವು ಎಂದು ಸಲ್ದಾನ ಹೇಳುತ್ತಾರೆ.

‘‘ನ್ಯಾಯಾಲಯದ ಪ್ರಕರಣಗಳಿಗೆ ನಾವು ರೂ. 2.5 ಲಕ್ಷ ವ್ಯಯಿಸಿದ್ದೇವೆ. ಇದನ್ನು ನಿರ್ವಹಿಸಲು ನಮ್ಮಲ್ಲಿ ಕೆಲವರು ವೈಯಕ್ತಿಕ ಸಾಲವನ್ನು ತೆಗೆದಿದ್ದಾರೆ. ಇದಕ್ಕೆ ತುಂಬಾ ಖರ್ಚಾಗಿದೆ’’ ಎಂದು ಪಿರೇರಾ ಹೇಳುತ್ತಾರೆ.

ರನ್‌ವೇಯನ್ನು 2006ರಲ್ಲಿ ಪರಿಶೀಲನೆ ನಡೆಸಲಾಗಿತ್ತು. 1980ರಲ್ಲಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಬೇಡಿಕೆ ಕೇಳಿ ಬಂದಿತ್ತು. ಮಂಗಳೂರು ಮತ್ತು ಗಲ್ಫ್ ರಾಷ್ಟ್ರಗಳ ನಡುವಿನ ವಿಮಾನ ಸಾರಿಗೆಯ ಬೇಡಿಕೆ ಅಧಿಕಗೊಳ್ಳುತ್ತಿರು ವುದು ಇದಕ್ಕೆ ಕಾರಣವಾಗಿತ್ತು.

ಸಣ್ಣ ವಿಮಾನಗಳಿಗೆ ಮಾತ್ರ ಸೂಕ್ತವಿದ್ದ ಹಳೆಯ ರನ್‌ವೇಗೆ ಬದಲಾಗಿ ನೂತನ ರನ್‌ವೇ ನಿರ್ಮಿಸುವ ಪ್ರಸ್ತಾಪ ಕೇಳಿ ಬಂದಿತ್ತು. ಈ ಪ್ರಸ್ತಾಪವನ್ನು ಸ್ಥಳೀಯ ಸಮುದಾಯಗಳು ವಿರೋಧಿಸಿದ್ದವು. ಈ ಬಗ್ಗೆ ವಿಮಾನ ನಿಲ್ದಾಣ ವಿಸ್ತರಣ ವಿರೋಧಿ ಸಮಿತಿಯನ್ನು ನಿರ್ಮಿಸಲಾ ಗಿತ್ತು. ಮಳವೂರಿನ ಕೃಷಿಕ ಪಿರೇರಾ, ಈ ಸಮಿತಿಯ ವಕ್ತಾರರಾಗಿದ್ದಾರೆ.

ಪ್ರಸ್ತುತ ರನ್‌ವೇ ಸ್ಥಳವು ಅಂತಾರಾಷ್ಟ್ರೀಯ ನಾಗರಿಕ ವಿಮಾನಯಾನ ಸಂಸ್ಥೆಗಳ ವಿಶೇಷತೆ ಯನ್ನು ಪೂರೈಸುವುದಿಲ್ಲ ಎಂದು ಸಮಿತಿಯು ಸಲ್ಲಿಸಿರುವ ಸಾರ್ವಜನಿಕ ಹಿತಾಸಕ್ತಿ ದಾವೆಯಲ್ಲಿ ತಿಳಿಸಲಾಗಿತ್ತು.

ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಸ್ಥಾನಮಾನಕ್ಕನುಗುಣವಾಗಿ ನೂತನ ರನ್‌ವೇ ಕನಿಷ್ಠ 300 ಮೀಟರ್ ಅಗಲವಿರಬೇಕಾಗಿತ್ತು. ಆದರೆ ವಶಪಡಿಸಿಕೊಳ್ಳಲಾಗಿರುವ ಭೂಮಿಯಲ್ಲಿ 200 ಮೀಟರ್ ಅಗಲದ ರನ್‌ವೇ ರಚಿಸಲು ಮಾತ್ರ ಸಾಧ್ಯವಿದೆ ಎಂಬುದನ್ನು ಸಮಿತಿಯು ಗಮನಿಸಿ ತಿಳಿಸಿತ್ತು.

ಈ ಬಗ್ಗೆ ಪ್ರತಿಕ್ರಿಯಿಸಲು ತಮ್ಮಲ್ಲಿ ಸೂಕ್ತ ದಾಖಲೆಗಳು ಪ್ರಸ್ತುತ ಲಭ್ಯವಿಲ್ಲ. ಮಂಗಳೂರು ವಿಮಾನ ನಿಲ್ದಾಣವು ನಾಗರಿಕ ವಿಮಾನಯಾನದ ಡೈರೆಕ್ಟೊರೇಟ್ ಜನರಲ್‌ರಿಂದ ಅನುಮತಿ ಪಡೆದಿದೆ ಎಂದು ಭಾರತೀಯ ವಿಮಾನ ನಿಲ್ದಾಣ ಪ್ರಾಧಿಕಾರದ ಹಿರಿಯ ಅಧಿಕಾರಿ ಡಿ.ಸಿ. ಮೆಹ್ತಾ ಹೇಳಿದ್ದಾರೆ. ಈ ಎಲ್ಲ ವಿಷಯಗಳು ಒಪ್ಪುವಂತ ವುಗಳಾಗಿದ್ದರೆ, ಡಿಜಿಸಿಎಯು ಇದಕ್ಕೆ ಅನುಮತಿ ಯನ್ನು ಹೇಗೆ ನೀಡಿತು ಎಂದು ಅವರು ಪ್ರಶ್ನಿಸಿದ್ದಾರೆ.